永合隆飯店

营业中

休息中

整完頭順便過黎斬料,其實都想買馳名燒肉,只不過買到返屋企,味道都會打折扣,算吧啦。雖然有條小人龍,經過三位師傅快手處理,好快就到我:師傅唔該要一斤叉燒、1/4 隻鴨要上庄。叉燒: 師傅幫我揀左半肥瘦叉燒,超靚仔!!食落的確有d炭燒味,好特別。肉質幾淋唔un,而且加上甜甜蜜汁更加惹味,今晚專食燶邊叉燒,正。以前堂食叉燒飯時得d黑黑豉油,反而外賣有d蜜汁,呢樣而家至知道=p燒鴨:試左一小件鴨胸,幾厚肉但都夠味,皮仍然脆脆地;大人評語為:同龍門一樣好食,而且呢度包酸梅醬更好味,貴得有道理。好懷念細個時係呢度食過既燒腸,而家已經見唔到,的確遺憾!!

本人食左呢間永合隆20幾年,有一個小結論,就係落雨天,潮濕天,總之係濕度高既日子,D燒肉梗係冇咁脆,所以如果想穩陣D,就搵D冇落雨既日子

去永合隆梗係食燒腩啦, 其他燒味類過隔離廣東燒味, 嘩, 諗起一陣落去食碗燒腩飯先, 正!!

16/7(日) 3pm一個納悶的星期天下午,因晚上於旺角有飯局,不能遠離市區抖抖氣,唯有相約男友近近地食個下午茶.沒甚胃口,本想到男友極力推介的粉麵店"德記",誰不知吃了閉門羹,退而求次到了同街的"永合隆".知道此燒味店的燒肉出名,點了碟燒肉半肥瘦叉燒飯$30.$30於此區來說不是便宜,即管試試其味道才下定論!碟頭不算大,飯粒口感一般,燒肉皮確實香脆,肉質卻偏乾身;至於叉燒則欠缺蜜糖焦香,肉質屬軟腍;食味真的十分平實!環境方面沒甚花巧裝潢,服務方面阿姐有點囂張,實在要不得.$30,吃了個沒回頭的午餐!

今次同朋友睇完跌打去試, 買左一條骨, 同埋一碟金錢雞飯。燒腩我講得太多, 都唔好再講。不過感覺好似外賣份量多過堂食。金錢雞做得十分差! 雞肝不香, 冰肉不見了, 只見一蕭叉燒同疑似豬肉物體! 始終食此物都係要去得龍.... 講起都想食得龍d金錢雞添!

落雨濕濕，見很久也沒有來這裏食過，就再來試試。我們叫了一碗燒肉切雞飯和一碟乳豬叉燒飯。燒肉切雞飯- 燒肉幾入味，但就比較凍；切雞有點點雞味，肉質都算幾好。乳豬叉燒飯- 乳豬外皮幾脆，但就過，肉質就比較一般；叉燒幾入味，但就唔夠肥，肉質比較韌，飯過多水，令部份飯腍在一起，口感麻麻。一早已聽說，這裏的燒臘比以前變差了，不能保持當年的水準，實在太過可惜了。環境都算幾差，地下又滑，外賣會比較好點。

之後再買過2次, 一次拎到入上水, 所以淋左我唔怪佢。第2次即買即食, d皮太鹹, 同埋冇乜幾舊有皮!但整體而言, 肉尚算多汁。仍是好吃的。誠徵外賣唔淋之法。

佢d 燒肉真係好鬼好食. 我屋企附近, 成日食, 都係咁正肉甜皮脆, 有炭燒味, 有口感又唔"un"燒肉, 係食呢間. $80斤, 物有所值.

本來今日plan左食2間餐廳, 都不約而同地去唔到, 谷鬼氣! 再上貴網搵靈感啦, 發覺o係我舖頭附近仲有呢檔燒肉好喎! 同男朋友2個人好趕咁o係7點9買左一條骨, 原本想買走食, 後尾諗諗下都係入返去堂坐住食, 有位先生好好地奉上筷子醬碟同熱茶, 好親切。燒腩見佢斬開時都脆卜卜咁聲, 煞是吸引。一食落口, 燒肉還熱的! 五花腩肉肥瘦相間, 喜歡瘦肉的可能會嫌肥, 對於嗜肥的本人而言, 叫剛好。亦多得d肥肉, 令燒肉汁多肉嫰, 皮又脆, 肉都唔過咸, 食完唔駛飲水都唔口乾, 50蚊燒肉唔駛5分鐘就得返棚骨。走果時八點正, 仲見到一大隻2大邊燒豬o係門口燒好吊緊"瓊"油, 乜真係咁夜都仲有? 我平時o係舖頭走果時(9點幾)就雞都唔多件, 真係咁好賣?

落旺角探朋友的班，原本兩個人想去飲咖啡，行過這裡見有燒豬剛燒起，幾靚，就買兩條骨送啤酒。兩個人就在店內即吃，燒肉還是微暖的。這裡的豬肉潔白，是新鮮豬肉，皮是芝麻皮，卜卜脆，聽聞還是用炭燒遂隻燒，在香港而言都算難得，難怪這麼多人排隊買。燒肉80蚊一斤，燒腩就90蚊，幾貴，不過佢好食，都要番咁上下價錢。題外話：見下面的食評，說燒肉內找到不潔的東西，看樣子是那些搭來的頭頭尾尾，多數不會潔淨到那裡，所以買燒肉，我多不要那些東西，寧願吃少一點。

今年年廿九食團年飯, 姨姨話lee 到d 燒肉好食, 就三人行由尖沙咀買完雞, 再搭地鐵到太子行過來, 來到已有一條長龍排緊, 期間條長龍一度無郁過, 結果等左大約9個字, 差不多到我們時條長龍又停左, 原來係無o西燒肉, 要等另一隻新既豬, 又等多十幾分鐘, 終於出來喇!!我地買左兩斤燒腩骨, 合共好似係$180, 因燒腩骨係比燒肉貴, 我們上的士即刻開盒, 每人都拿來食, 真係好香炭燒燒肉味, 熱辣辣, 脆卜卜, 雖然肥, 但好好味。連我個揀飲擇食的小弟弟都話好味道!!回到家, 皮已不再脆卜卜了, 亦看到骨多過肉, 計埋我地三人在的士上偷食的, 燒肉量真的不多, 還被爸爸話唔抵呢! 噢!但這次的燒肉(在的士上偷食的那兩三件)是我食過最好味的燒肉啊!!雖然冷了既燒肉不再皮脆, d肉亦實左, 但都很有味, 都不太差呀!!

好耐無食過, 男友決定斬料做餸 . 買左1條骨燒肉+ 1/2 斤X 燒. 嘩! 非常失望, 而且無下次. (男友仲要等15 mins 等剛燒好的豬同埋間到肋骨的部份)一打開, 聞到一陣"押" 味. 我即刻聞下係燒肉or X 燒, 發覺係燒肉. 心裡有點懷疑, 以前都唔係咁. d 燒肉好乾, 無豬肉味, 極之難食, 簡直差差差阿跟住夾左其中一舊, 見到有d 綠色的漬係底, 即刻聞下, 超"押" , 再聞其他, 無咁大味. 好恐怖呀, 都唔知d 綠色係咪... yuk .d x 燒(任佢地斬) , 好乾, 好似食緊d 煲完湯的瘦肉, 而且最唔明d x 燒斬到好似金沙骨咁-- 成吋厚. 有相為證.仲要比左$85 , 食d 咁難食既野.

today i went there with me family but like all stuff are bad taste,,,the roast geese is cold and hard,,,the service is really bad,,,i have to ask them 3 times before they do something,,,,i won't go to this rest. again,,,i knw that they ws good before but after their boss died everything turned bad,,,umm,,,

小弟今年40有兩，但都從來冇食過咁好味的乳豬。比起酒樓的乳豬, 好未十倍。一層脆口的乳豬皮+ 一層薄薄的肥膏, 最下面還有一層燒到好似叉燒的甜肉,非常美味可口。比起燒肉更好吃。這裡的侍應全是上年紀的阿伯, 做開街坊生意, 最搞笑的係, 由我坐底、落單、上菜、到埋單都冇出過一句聲, 難道在冇聲抗議~?

依間野真係家傳戶曉到係人都識. 新年排晒長龍都仲要睇彩數劈唔劈中d腩肉俾你. 唔識人唔係熟客唔好彩就中好多骨頭野.慘依間野太出名既關係,我依兩年食左4次,但只有一次係好鬼餓先覺得佢d燒肉正少少少少. 其實我依4次既experience係認為佢名過其實. 佢d quality係撞手神或睇你好唔好彩中到好野.咁就死得人啦.qc次次唔同!我試過反而o係好彩同京華酒樓食都正佢十倍.依間野d價錢算貴同好囂架啦.依家我唔係玩老街坊feel都唔入去食.情願食格離廣東燒味茶餐廳既乳豬四寶飯(依間野都好騎呢.旺角、尖咀兩間同依道d味可以好唔同.燒味jar wor唔係集團式整好分派咩?!係得太子依間ok)不過, 佢格局真係簡約得黎好正宗燒臘鋪.入定客人9成9係男人果下有形.冇規定係男人先食得架wor.反而坐親都係男客. 例湯係正宗懷舊例湯. 大排檔都冇架啦. 要舊式燒味鋪先有. 不妨同阿爸去懷舊一番.