檀島咖啡餅店 (軒尼詩道)

营业中

休息中

某日早上逛書展，之前就先到附近的檀島吃早餐。檀島的蛋撻是有點名氣，但茶餐廳的食品就沒多少人討論，一場來到就試一下吧。點的餐有火腿通、餐包、炒蛋，都是最基本最安全的東西了。這通粉算是正正常常，湯有少少味，但火腿？嘩我還以為店方用上金華火腿咁把炮，又黑又乾，難道煮完之後經過風乾？餐包不熱是預計之內，味道亦正常。但炒蛋？這是檀島流炒蛋？一看賣相就知不合格了﹗根本是發完蛋再用來煎而不是炒蛋。炒蛋炒到乾一乾毫無蛋汁，質素九流，隨便入一間茶餐廳都可能比這裡的出色。一隻炒蛋冇蛋汁同做人無夢想有甚麼分別﹗蛋的份量多而實，吃起來完全不滑﹗食煎蛋飲蛋黃冇咁嬲﹗沒有試這裡另一出名的咖啡，但就算咖啡再好也不可能起死回生，這種質素實在差得太過份﹗

去ite前好肚餓,於是"求其"搵間茶餐廳醫肚.最後我選擇了檀島.當時已經過了十一點,所以不可以叫早餐.有一張餐牌寫著"下午茶",但供應間是由十一點開始,所以便叫了一個"下午茶" A餐包括:餐包,煎蛋,湯粉及飲品.老實說,食物係好味,但無特別之處.任何一間茶餐廳也能有這樣的質素.而且,$36的價錢釨像不太抵食.所以一次就夠了.

就冲着《月满轩尼诗》的场景，找到了这家电影中出现了很多次的檀岛，满怀着期待，奶茶、蛋挞.....。结果店里的服务生实在让人恼怒，说话粗鲁，态度蛮横，一副爱吃不吃的样子，老实说，根本已经没心情品奶茶了。场景1、客人：肠仔煎蛋换炒蛋 服务生：一个蛋没有炒的，只有煎的，两个蛋才炒 晕——还有这样的场景二：客人：冻奶茶走冰 服务生：冻奶茶没有走冰的 真不知道是檀岛不能走冰，还是客户要求过分

過開海去金鐘整野, 整完都重係好早.所以同女朋友特登去灣仔食檀島.我叫左早餐: 沙爹牛通呢度d沙爹牛真係好正.牛肉滑,林. 沙爹牛入味又唔會好多汁成碗都係晒沙爹.奶茶係一絕!抄蛋極滑!!

晚上九點多,餐後叫一杯奶茶, 就算快関鋪, 也不能隨便沖一杯不合格的奶茶, 很難喝, $15 一杯, 怎向食客交待? 而且, 食品無什選擇, 食店和伙計無心待客, 不會再光顧! 就算日間食品水準可以, 但食店待客之道不能接受‧浪得虛名!

納悶既早上，原先只想買個麵包做早餐，見時間還早，亦好耐無飲過呢到既咖啡，坐底食個早餐先返工也好。檀島除左咖啡，其實d雞批、甜餐包、曲奇也不錯，今日坐底就要個沙牛麵。沙嗲牛唔係梳打牛，不過d醬冇咩沙嗲味，麵煮得剛好，唔太腍，飽肚的沙嗲牛麵。咖啡水準依舊，有咖啡味唔苦，醒神咖啡。沙嗲牛麵餐跟個腸蛋，配凍咖啡，埋單廿六蚊。

去完wedding expo..誤打誤撞，發現檀島咖啡餅店...好開心..因為聽左佢個大名好耐，但係又冇特登搵..今日見到張學友張poster...一望就見到檀島....於是就即刻入去試下....入到去冇人理..因為實在太多人喇..........之後有個人問我地幾多位..就叫我地坐左張大圓枱我地叫左咖啡奶茶菠蘿油同蛋撻.....蛋撻真係好好好好好好食...因為剛剛出爐...皮脆內軟....又有蛋味菠蘿油就麻麻地...佢唔熱..個菠蘿皮又冧..咖啡奶茶都幾好...因為我地覺我比平時香...但係你叫我品味....我地又真係唔係專家..唔識

同同事去完Exhibition所以黎左食.一入門口人多到爆...3點半woo...同事係咁叫要食沙蓉,我就一心要食蛋撻.叫左個茶餐+蛋撻.可惜牛油皮賣晒,得返酥皮蛋撻.比係一般餅鋪我一定唔食酥皮蛋撻.不過呢度d酥皮蛋撻都好正.最最最主要係d蛋好滑,又唔過甜.點解我麻麻地酥皮因為係太難做得好,不過呢度幾好.難處:1.油太多會成左一pat野咁.2.油太少又會好粉.3.層數又影響口感.所以酥皮蛋撻真係好難整得好,加上又唔等得.到係牛油皮易做野.奶茶呢度都叫中上.不過同事話咖啡麻麻woo

早幾日去同母親去左灣仔睇首影, 佢話未試過檀島, 咁就同佢去試過下午茶, 佢個下午茶價錢比一般茶餐廳貴一點...約30元一份..我就叫左一份豬扖烏東配熱檸茶, 佢就叫左份西多配熱咖啡, 唔知係咪好耐無食過西多士, 總覺得佢好甜囉, 不過份西多整得幾好, 以前試過係一些茶餐廳食過一些未"熟"晒的西多士..實在吹脹...而我份烏東味道就一般, 佢送到嚟時再俾一隻碟等我自己將烏東夾上來不用浸在湯內, 唯一美中不足係我地無叫到佢招牌菜蛋撻呀最後希望佢地改善係..可能佢地日日都咁多人, 我地坐低左一陣個伙記已經走埋嚟幾次問我地落得order 未囉...

又話老字號又乜又物,以為靠得住,去吃個早餐,點知就出事!!!上星期同朋友去果度,各自叫一個早餐吃, 落order 時 d 伙記態度已經好差, 算! 我本人容忍度都好高,一般呢d都無乜所謂, 跟住我叫左個 肉丁公仔麵同熱奶茶, d野到左後, 試下杯熱奶茶凍既!,算!! 我唔係太計較無理到佢, 跟住食個公仔麵, 一開始都唔覺有乜唔妥,食到一半見到底有d野漂出來,黑色有一毫子咁大, 開頭以為係咪d 燶左既野諗住撩走就算, 但係睇真d 哇!!!甲甴來架!!!!即刻叫個伙計過來反映件事, 點知叫極d人都無反應, 仲黑口黑面離遠大聲答我"等陣啦!!" 哇真係見識過呢d叫做老字號喎!! 好! 我唯有大大聲聲答返佢 "碗麵有甲甴喎~~"跟住全店d人都望住佢, 佢先至肯過行過來睇, 以下全文照錄:店員行過來望兩望惡聲惡氣講: 呢d無辦法架啦!!最多咪換個被你!!! 一句sorry都無, 全程由落單到知道有問題d員工都係黑口黑面仲要唔係一個係咁,服務態度差都算,仲有要有甲甴!!完全不知所謂!!!嘈都費事同佢嘈,以後都唔會再去!加已報食環署跟進!!!!再通知全人類~最後送上用我部電話影既果隻小強既寫真!

做 facial 前又在灣仔吃早餐。記憶中好像沒有來檀島吃過, 話哂都是老店, 好歹也試一下囉。店門口的牌匾上書「檀香未及咖啡香, 島國今成蛋撻國」, 兩樣「名物」明顯不過。入內坐下即叫了蛋撻 ($6) 一個, 但是日不想喝咖啡, 改喝奶茶 ($15)。不出兩分鐘已有得吃。蛋撻微暖, 撻皮是酥皮, 個人不算特別喜愛, 但總算色水均勻, 鬆化有致, 墊底紙剩油也不算很多。蛋漿表面平滑, 已是合格以上的水準, 起碼起附近金鳳蛋撻不熱的時候好。奶茶交帶了要少奶, 果然做足; 沒下糖, 茶味濃香, 沒有太多的酸味, 還可以。店內地方算是寬敞的, 可是四周充滿油膩的感覺, 加上價錢偏貴, 當是試過便算。

My name is Credit Card. I lodged a complaint against Honolulu Coffee Shop (檀島咖啡餅店) at G/F – M/F Hennessy Road, Wan Chai. My two friends and I patronized this restaurant on 7th January 2010 at about 4:15 PM. It was about 90 percent full on that day. We ordered three tea sets including drinks at HK$32- each. My two friends ordered hot milk tea, the order was take by a waiter of about 45-year-old, also he brought the tea to us, and my friends started to sip it at once. Both of them pulled poke

伙記態度好差, 肚餓叫個奶油多先, 然後再睇下食乜, 叫佢先落單, 個伙記已不耐煩大聲話每人最低消費$30. 然後眼眼望望. 好唔想行多次.套餐選擇不多, 對呢個老字號好失望.

As an egg tart lover, I wouldn't mind tucking in tonnes of egg tarts just to satisfy my hunger pangs. As I'd written in my earlier review about Tai Cheong Bakery which I visited in the morning, I continued with my food hunt all the way from Central to Wanchai. Boarded a tram to reach Honolulu Coffee Shop but alighted at the wrong spot. I was miles away from Honolulu. Thought of giving up but the craving was far too strong and that motivated me to drag my exhausted feet to look for my ultimate de

買過外賣好多次, 都係食蛋韃仔... 今次終於有機會食堂食喇坐低叫左杯奶茶同個鮮油餐包... 佢話冇晒餐包... 咁就叫蛋韃... 蛋韃ok... 唔係好熱, 可能天氣凍掛望落個餐牌唔知叫乜好, 就叫碟乾炒牛河啦伙計態度好差... 好似唔當我係人咁... 唉... 同自己講我係黎食飯ge, 所以冇出聲碟乾炒牛河到... 係飛到... 啪一聲出現係張臺度... 無奈咁望下個伙計, 佢淨係識得同另一個傾計... 望落去, 好多油; 食落去, 入面凍凍地...想叫佢換碟, 有覺得唔知佢會唔會加料....冇食晒就埋單走人我真係冇氣同佢地嘈, 行動最實際... 以後都唔會黎, 亦會同朋友分享件事...原本有影到杯茶同個蛋韃, 但係delete 左...