橫水渡小廚

营业中

休息中

這天難得到大澳走走，意外地頂著太陽，在無遮掩的街道上來回文物酒店了一回．熱力下體力消耗更快，加上回到大街時已差不多一時，所以當滿頭大汗的我們看見橫水渡小廚的廣告，簡單有如久旱遇甘露，二話不說就去坐下來涼冷氣．被安排到二樓安坐，這裡冷氣很好很強大，正合我們意．年輕的侍應迎來招呼，更向我們推薦他們的數款招牌菜：炭燒燒鵝，鱸魚兩食，荷葉籠仔飯，山水豆腐，等．已熱得頭昏腦脹的我們也不多想，就跟著推薦菜式來點．先來是熱辣辣的炭燒燒鵝，我們要了下莊($106)．鵝皮燒至香脆，上面閃爍著的是鵝汁和鵝油的混合醬汁，在炭焦上更添鮮味．鵝肉肉味濃郁，鬆化無比，雖然皮下脂肪的確不薄，但若趁熱吃亦不會覺膩，反而為鵝肉增添了軟滑口感和香氣，反而更加美味．以一百多的價錢能吃到中環名店的出品水平，確是出色！燒鵝先聲奪人，而接著來的也很不錯。山水豆腐釀鯪魚以豉油皇清蒸，吃的是豆腐的嫩滑。而它也達到了此目的，雖然豆味相對有點弱，但豉油皇的確醇香，櫬托起來亦覺清啖而美味．魚湯浸雜菜是點不了魚又想嘗鮮的好選擇，看魚湯那奶白食就知道來大澳吃這樣準沒錯．魚湯雖不算很濃但卻很鮮味，浸著的各種菜蔬亦鮮甜爽口，完全沒有老殘敗柳的苦澀

終於找到橫水渡小廚！！有飯開！！當然叫佢地出名啲嘢食。兩個人叫咗蝦醬篜豬頸肉，大澳咸鮮籠仔荷葉飯，墨魚餅和菜。旁邊啲人成程睇住我哋，唔通叫得太多？！？但係我吔又食囇，哈哈！蝦醬篜豬頸肉好香，豬肉肥瘦剛剛好。但咸咗少少，要用來餸飯食。大澳咸鮮籠仔荷葉飯裏面有豬頸肉，馬友，白飯魚乾，魚，和糯米飯。又係咸咗少少。無什麼特別。墨魚餅同我自己做的一樣。。。

大澳一日遊之日，看了旅遊書的介紹來到了這間小廚，由於還沒到午飯高峰期所以不用等位，坐了露天位置邊看著漁鄉風景，邊吃著漁香飯菜，別有一番風味。先來一個咕嚕蝦球，味道酸甜適中，蝦球也不欺場件件有料，不過個人覺得始終沒有豬肉做「咕嚕」來得惹味。來到大澳當然不少得蝦醬啦，來個蝦醬蒸豬頸肉，豬肉偏瘦正合我口味，但蝦醬太重手太咸，雖說「餸飯」一流，但吃完要狂喝水。來個招牌菜籠仔荷葉飯，水鄉風味很濃，飯蒸得夠乾身、豬頸肉、馬友和蔥花香味混合得當，充份溢入飯中，而且糯米也軟硬適中(因為我吃太硬的飯會胃痛)，值得一個讚字。最後來個大合照，很滿足的一餐，不過待應服務就有麻麻，再order汽水時等極冇人、叫了人又再等，最後要自己去雪櫃取……

因為想係大澳食埋晚餐, 所以我地未夠6點就食飯, 原本想去一間叫連香既食店點知佢話已經full左真係好勁, 最後我地行前少少就來此店食試下....原本想試下佢地既荷葉蒸飯, 但2個人都唔係好想食飯, 最後都係叫小菜食就算...叫左個大澳蒸四寶(即係蝦干,魷魚干, 白飯魚干同咸蛋放係茄子上面蒸)其實這一菜樣樣都咸咸地用來配飯一流, 不過最特別係個咸蛋黃一d都唔咸,其實同雞蛋黃無咩分別.另外老闆介紹墨魚餅同魚湯浸菜芯, 原本對個墨魚餅都無咩期望點知試左就知道點解老闆會介紹, 因為佢真係用上墨魚切碎加上少少薄粉煎香, 絕對唔係出面食果d少少墨魚加多多粉去整, 這一個真係每一啖都有墨魚味道, 最令我地喜歡就係個魚湯菜個湯真係好鮮甜, 基本上我地成碗d湯都飲晒.整體我都好喜歡這一餐, 加上大澳人既不拘小節同熱情, 有機會我都會再來幫襯.

此餐廳早前睇雜誌介紹炭烤燒鵝，趁入去楊侯廟還神時乘機試試。果然不錯，真有一陣淡淡的炭烤味，又新鮮熱辣海味籠仔飯都唔錯，幾野味，又有荷葉香。伙計介紹的鱸魚兩食，又幾有驚嘉喎，我地要左其中一款是芒果汁鱸魚，睇佢個樣普普通通，但個汁幾好味喎~~~總括而言唔錯。值得再去。

因為某大外國旅遊網站介紹，先留意到橫水渡小廚。佢地的大澳咸鮮籠仔荷葉飯極為好食。因為飯粒帶著荷葉的青香，而且盡吸白飯魚，蝦干，吊筒，鹹魚，蝦醬及豬頸肉的精華，而且味道並沒有一面倒偏向其中一樣材料，香味及鮮味的平衡做得好好。大部份都是大澳的特產，盡顯大澳的風味。

剛剛答了一位食家的留言,講出自己.對做食評的期望.我希望.做到700多篇後.多一些編輯推介.希望自己進步..表面的我好似無鬥志.撫心自問..我不會輸.能否後來居上.我抱平常心...言歸正傳,繼續我的大澳食評.上文提到在大澳遇到的店主服務一般.今次我從步入食店的開始講.門牌是新整,但入內環境相當破舊.首先要經一條窄樓梯.到了閣樓似一些已有歷史的家居.圖中的二葉風扇.很難開的......至於服務.入門時.有位老太叫我們上樓上..最後一位..關唔到傘.老太都主動出手..而男店員.雖則無笑容.也努力介紹餸菜.只是不懂表達.但語氣方面.也令人感壓力的..蝦乾荷葉籠仔飯.是店主推介.材料.主要是魚仔,豬頸肉.用蝦醬調味而成.的確香口..飯粒乾身..上枱只是短時間已被掃清..琵琶豆腐:豆腐滑而且豆味香濃,相當不俗.而調味的汁..只是很稀薄.不會搶走味道.好正....豆腐易爛.若果不是易爛.要買回家中...哈蝦醬通菜,香口.末吃已聞到香味.是事實...不過我覺得太濃味,和偏鹹.時代已轉變.將來還有幾多人識欣賞?仲有1個湯...埋單331元.....如果吃魚一種菜也200多元..和海鮮一定要自己買.到店

I looked up the openrice that many people would visit this restaurant and try the rice with Dried Pawns and Lotus Leaves on Bamboo Steamer if they come visiting Tai O. As a result, I gave it a try… but personally I would say, indeed it’s just okay, not that splendid as people said… I am a strong taste lover, this dish is too tasteless for me… also, no sauce at all, which is very dry! I can’t say it’s very attractive to me… Contrastively, the clams in soyer sauce tasted really strong (or I should

我們係等雞蛋仔的時候, 諗住係蓮香酒家食海鮮晚餐, 但是一去到, 想book6:30時, 那位阿姐說已經無位了.......唯有去橫水渡試下啦~6:30去到, 那位阿哥幫我們搵了個閣樓的位, 但睇埋餐牌時, 結果等了十多分鐘才有人幫我們寫單.......仲要係我要落返樓下要求他們幫我落單.....心諗得咁少人做野就唔好叫我們坐樓上啦......等了一陣, 終於都有得食啦~墨魚餅: 一碟有八件, 食落口好彈牙, 真係好想食完一碟再點多一碟!!!(85分)白灼東風螺(自來): 因為係等"食送"來的期間, 我們忽然諗起可以買自來海鮮入來比他們整喎, 因為已經6點幾7點了, 所以檔口已經收工了....唯有幫襯路口走鬼檔啦~我們揀了東風螺, 阿姐叫我們白灼比較好味, 所以就揀了白灼~這裡的老細教我們整d肉出來, 他說用竹籤整d肉出來都有d技巧, 因為這些螺跟普通的螺不同, 真係巧功夫(75分)上湯浸雜菜: 湯底好鮮甜, 一,可以飲埋d湯~雜菜有生菜, 西蘭花等(75分)蝦乾荷葉籠仔蒸飯: 有好多乾魚仔鋪係面, 然後係蝦乾, 再加上豬頸肉, 送飯一流!(75分)好彩這裡的老闆都好好人, 我們唔識挑

看了openrice特登入大澳食招牌菜：墨魚餅+銀魚籠仔蒸飯。星期四，中午時段，人流很少，因此可以坐看海位置，一覽漁村景色，讚。可惜，服務不周，等了十五十鐘沒人招呼，自行取碗筷+菜單。終於有人招呼，叫了香片，茶位$4，香片淡而無味。他為人不老實，只遞上晚市餐牌。後來我們發現他遞給別人的餐牌包含午市菜單。餐牌也不老實，有些印有加二服務費，有些是加三服務費。小結：環境清淨但不衛生，有烏鷹，沒有服務可言。墨魚餅($68/8粒)：細細粒，暖身。都算有水感，墨魚餅中有墨魚粒，配上酸甜醬，但味道也只是一般。完全不值一試，相反長chou的甘永泰墨魚圓更好味，份量一樣，熱哄哄又脆身彈牙，價錢更平宜。銀魚籠仔蒸飯($65)：都好足料：有白飯魚仔、salt魚、豬頸肉、墨魚仔。飯身蒸得乾而有荷葉味，豬頸肉切成條狀也算爽口，白飯魚味道普通、salt魚粒狀不太salt。但只是一些小乾貨配料，$65一個蒸飯不抵食，它感覺只值$50而己。(p.s要快點食，因為成日有烏鷹哄d荷葉飯)總結，結賬大約$160，招牌菜更不值一試。

大澳水鄉小食攤檔種類凡多，時有新口味，每次經過總吃得肚飽，正餐可以免除。對上一次惠顧大澳食肆距今起碼6-7年，而總體食肆則無太大變化，蓮香算係大澳中較深印象既一家食肆。世事往往令人有著驚喜，從山上行山徑進入大澳水鄉必會經過吉慶前街，亦係蓮香既所在地。但今趟竟發現有新食肆出現，而且係無諗過以燒鵝為主打既食肆，大澳同海鮮有著微妙關係，燒鵝似乎大纜都扯唔上，不過有綽頭有賣點，攪攪新意思，自有食客欣賞，大家高興，何樂而不為。餐牌除小量大澳特式菜外，其他均是坊間慣常小菜，選擇唔算太多。 炭燒燒鵝：見到門口海報果幅油潤既燒鵝照，再加上炭燒燒鵝四隻字，馬上列為必試項目。即叫即燒既燒鵝需至少45分鐘前預定，所以我地未到下畫5點就訂好，以便6點前可順利進餐。因為一行只有兩人，只能選擇燒鵝上裝，與鄰座燒鵝全體既壯觀賣相雖然相差甚遠，但仍油潤不減。入口皮脆兼香溢，再咬皮下脂肪即時潵出，一陣油香令本身已非常入味及柔軟既鵝肉再增添潤澤。本人最愛嚐骨頭，尤其燒鵝，因為骨與肉之間往往係醃料既精髓所在。一試不能自拔，濃濃既花椒、八角及鹹香已令我無法不續條骨去品嚐一番。此時此刻就我個人口味而言，鵝骨比淨鵝肉更應是天上美

個日突然同朋友想去大澳走一走~下畫去到行左陣接近6點半時入呢間食~因為睇食評都唔錯坐低之後諗住大食一餐見到餐牌已經唔算多野，都算啦~又唔係咩大酒店諗好左幾樣野想叫~佢都話冇，再諗，都冇~個一刻真係好想問佢~到底你有d咩?之後食魚肚羹，味道唔錯，但叫佢拿胡椒粉拿左成個鐘都冇...問佢個陣就移開話題叫我地叫其他野食~但我真係想講~你地乜都冇播~佢仲話「你地假日黎就乜都有，好多野食~」咁平日就冇嫁喇?唔係個個都假日放到假嫁?而且假日咁多人都坐得舒服d都難，爭繃鼻啦!但係佢個籠仔飯又真係好有風味好特別!呢個值得一讚!最後都係因為乜都冇既原故~我地決定番屋企附近再食過

香港食海鮮地方離不開西貢、布袋澳、鯉魚門,離島等食海鮮熱點,走入大澳一日遊,也要從openrice and YouTube影片看過就已經很想試,一班朋友訂了枱,先往渡假屋休息一會,再去到橫水渡食lunch.露天棚屋海景枱,一邊欣賞着新基大橋的景色一邊享受美食good feel,燒鵝售罄,最受歡迎的菜式籠仔荷葉飯,墨魚餅,炒花甲,豉油王煎蝦鑊氣十足,everything, is so good ,i like it.

約了兩位好友去大澳玩到達後，先往碼頭吹吹風然後去橫水渡小廚醫肚，gogogo！人不多，只點兩個來吃分別是香煎墨魚餅和籠仔荷葉飯墨魚餅相當有咬口，每一口都是墨魚肉不像普通貨色由麵粉堆砌出來的配泰式辣醬來吃更美味至於籠仔荷葉飯有豬頸肉,鹹魚粒,魷魚,蝦乾和銀魚仔充滿荷葉香，飯也有油香和蝦醬味，非常讚！！

與山頂的海豚合照後，紛紛舉步到橫水渡開飯~~雖然訂了枱亦時間尚早六時多，實在假期不宜慢慢來。伙計安排於正舖斜對面的舖後位置，風味一流隔著兩張枱就是海，唯免下雨頂上亦鋪了布，大家打趣說笑"最緊要保住個頂" & "海角三號枱"訂菜已是指定動作，燒鵝是其一，墨魚餅及焗魚腸不用訂又已售罄，因此不要咁魯定啦~~魚湯蘿蔔崩沙牛腩：沒點海鮮湯，點了伙計推介的魚湯，崩沙牛腩的確有咬口無渣，蘿白吸收魚湯味亦很不錯，湯料加上中芹帶出另一種香味蝦醬炒椰菜：有鍋氣，椰菜爽脆咸香椒鹽鮮魷：外脆薄身，吃下沒有多餘的油，香口乾身魚蓉蓀釀豆腐：煎炸食物居多，點了此餸仍合不同需要，豆腐尚滑，加上魚蓉就要趁食熱梅菜菜心：這個帶點漁村風味，但效果一般，一起吃沒有特別鹹鮮蝦乾荷葉籠仔飯：蝦乾、豬頸肉、蝦醬混合夠惹味，沒月強烈的荷香，但豬頸肉的豬油沾上飯同吃，豐潤不過燒鵝：一看鵝色很靚仔，個皮好脆鴨油香，脂肪少，肉不鞋口，推介~~海鮮芝士焗日本南瓜：壓逐最後出場，等得最耐的一味，芝味濃而不漏， 配以鮮魷、蝦、魚柳、洋葱、紅椒、磨菇、主角南瓜好好味伙計風趣幽默，坐海角位如此價錢餸菜，到大澳要一試~~