橫水渡小廚

营业中

休息中

今日同屋企人一家大細去咗大澳一日遊，黎到第一時間就去咗呢間橫水渡小廚食嘢。坐低睇一睇餐牌，見到招牌頁面第一頁就係咕嚕肉同埋煎墨魚餅，所以就決定叫咗呢2味小菜食了。等左大約10分鐘左右，咕嚕肉同埋煎墨魚餅都到了，我哋立即叫碗白飯送小菜黎食。咕嚕肉：咕嚕肉外皮非常脆口，酸甜味道剛剛好，肉質鮮嫩，配飯一流。煎墨魚餅：煎墨魚餅外皮都係脆脆的，入邊墨魚非常爽口，熱辣辣，非常好味。總結，呢度雖然環境比較簡陋，但呢到可以望住過海食嘢，加上小菜味道一流，值得再回頭再食。

Went to Tai O on a Sunday with my family. Heard that this restaurant is delicious, so we made reservation in advance.Arrived at the restaurant about 14:00, they have two restaurants and one across from the other one.BBQ goose: extremely delicious, nice pepper seasoning and with a crisp of goose skin. Big Shrimps with Cheese Udon: served with a pan and a lot of cheese and shrimps Steamed Sticky Rice: served with mixed dried scallops, little white fish, and famous Tai O shrimp paste. The rice co

大澳小小一個漁村，沿路美食多不勝數，落船後就有名物滷水大墨魚，烤魷魚，過埋最多人影相既大澳橋，又有其他燒烤小食，由糖水小店行過吉慶街，右手面係極度解渴既其記鮮檸茶，再行前幾步就到橫水渡小廚，門口擺放一些燒臘，未行入店舖已經有員工安排坐到斜對面一間舖位。沿路食物引誘太多，但坐近河邊既一張大枱，吹著秋風，望著窗外怡人既風景，當然要點同大澳特產相關既菜式，連識食既雀仔都飛嚟搵食蝦乾籠仔蒸飯 - 除咗蝦乾，仲有魚乾，蝦醬豬肉絲及馬介休，飯夠乾身，吸收咗蝦醬豬肉既油香，飯同餸既比例係2比1，口感十足！椒鹽豆腐 - 太太既選擇，表面炸得夠乾身，內裡夠晒嫩滑，絕對有水準！

其實是好早前光顧過，一直都忘記寫食評，直至剛搵大澳食咩好時，看到這店又再勾起我不愉快嘅回憶。😖當時一家大細，共11人去晚飯，當時大約19:30，下層沒有位置，便被安排到上一層座，上一層只有我哋一枱，冇其他客人。我哋坐了大約15分鐘，已經決定好叫咩餸菜，但一直都冇伙記上來問我地要叫嘢食未，咁我哋就自己落一層諗住落單，但個伙記話會轉頭上嚟，但等咗大約10分鐘都冇人上嚟落單，咁我哋又再落去，個伙記話唔記得咗，之後上嚟落完單，但等咗成20分鐘一樣餸都冇嚟過，咁又要落一層問，點知另一伙記同我哋講冇落過單，又再問我要叫咩食，之後又再等咗15分鐘（😡其實成家人都好唔開心喇！ 但已經成20:00幾，係大澳都唔知可以轉去邊到食，仲要有老人家，所以唯有再問再等，最後比咗一盆籠仔荷葉飯我哋食住先（餸菜都未食就要食飯先），個籠仔飯幾特別，味道都好香口。........😫😫但嚟完個籠仔飯就冇再嚟其他餸喇！ 實在太過份😵大家食完個飯話都可以頂一頂到肚餓嘅，所以決定離開嘅時候，伙記話「吓！ 餸仲未嚟咩？唔好走住，而家即到」......之後好快就到齊所有餸（香煎墨魚餅、燒鵝、焗南瓜、雜菜煲、避風塘茄子.......等

This homely restaurant is a hidden gem in Tai O. Their signature dish is 'Long Chai', baked rice with dry seafood and dried shrimp. It smelled fishy in a good way, and was akin to those found in fishing villages across South East Asia. We also had some fried tofu and fried pork. The fried pork was fairly crispy and seasoned well. The portions are huge, designed to be shared. One thing that unfortunately ran out was roast duck. They cut it into small pieces and separated the skin and the meat. Th

姨姨早年移民法國，小時候會過去她那邊放任整個暑假，吃的喝的玩的活動安排得密密麻麻，總是讓人樂而忘返。現在姨姨偶爾回港，有時間都盡量會和她四處走走，那天談起原來她從來未去過有東方威尼斯美譽的大澳，頗為驚訝，趁著勞動節假期便帶著她和父母到那邊玩一天。 公眾假期去旅遊景點多人得嚇人，離遠見到那無盡的人龍已令人卻步，不過也無損我們的好心情。排了個多小時上車加上車程，抵大澳已過午飯時間，饑腸轆轆的四人第一件事便是直奔酒樓醫醫肚。 大澳來過很多遍，每次吃小食都吃到飽，今次正正經經坐下來吃飯，店家左右兩邊都有舖位，我們坐近露台，望出去近看是棚屋小河，遠看是壯麗山景，未食已覺賞心悅目。香煎墨魚餅$128墨魚餅煎得香脆，打得爽滑彈牙，真材實料，讓人一口一口吃過不停。 白灼蝦 $250爸說一場來到要吃些海鮮才像話，點了我最喜歡又基本的白灼蝦，例牌份量足夠四人分享，雙親一望便說它不是真正的海蝦，可幸肉質結實，味道鮮甜，吃得滿足。 魚湯蝦乾雜菜煲 $108天氣太熱想吃點菜濕濕嘴巴，奶白色的魚湯香濃，沒絲毫半點腥味，雜菜吸盡湯底的精華，還有些粉絲和蝦乾作佐料，簡單健康。 咸鮮蝦乾荷葉籠仔飯 $168見每檯都點

上網睇話唔錯，所以一試，點知非常後悔.入到去不停sale 沙白，問其他海鮮就話冇，竟然連蝦都話冇，真好野.燒鵝又肥又冇肉. 其他菜普通.好啦，最後叫左沙白，食落好明顯唔新鮮，仲有少少臭，最後6個人，3個瀉……冇下次

這餐廳食物質素尚可。當天試了籠仔飯，豆腐。廚師是可以，但被樓面白鴿眼阿大叔做衰晒餐廳招牌。多次去大澳，原以為當地民風樸素，原來仍有白鴿眼、狗眼看人低的老闆。當天在對面正店，詢問阿姐有沒有抄粉面飯。阿姐語氣好好。叫我去對面分鋪什麼都有。有人帶進分舖，一坐下就有勁hard sell,又話籠仔點出名，又燒鵝幾出名。開了茶，詢問有沒有粉面。他一口回答沒有。(星期六日不做)說道他們不是茶餐廳，只買高檔野，如果想食第二D野，請過主吧，去對面茶餐廳。由於開了茶，只好坐下。最後點了三款菜，呢位阿叔成日講D冷笑話，但字字有骨，言談都是想攞采，成日想笑你窮。可能看我穿得差吧。但去得大澳唔通著老西?另一枱都不見得招呼得好。鬼佬都想叫fried rice, 點知佢話冇。成日hard sell 聾仔。最後鬼佬都只係點左2碟送。佢就大大聲話only two。(手指重要做埋手勢)鬼佬去廁所，佢即刻問，do you want to order more things.問左2~3次。呢D餐廳，點會再幫襯，只有老闆才可以咁白鴿眼。你可以選擇態度差，我可以選擇不幫襯。香港人或本地人建議不要再幫襯，唔係變老襯!

三月初天氣溫和乾燥，友好四人結伴遠遊大澳，拍攝水鄉靚景，吃吃風味地道特色菜。從東涌乘大嶼山11號巴士，車程個多小時，去到已近中午，立即找吃醫肚。記得兩三年前在橫水渡小廚吃籠仔飯，不錯，決定重訪舊地。去到發覺舊店仍在，但不設堂食，新店在對面，極寬敞，還可坐近河邊。坐下立即點菜，四大招牌菜我們要了三款：炭燒燒鵝例牌、咸鮮蝦乾籠仔荷葉飯、大澳山水豆腐，另加一碟薑汁芥蘭。燒鵝真的美味非常，皮脆肉嫩汁多，帶微微木香味，差不多每檯必食，幸好我們到得早，我們吃完飯離開時現貨已全部售罄。籠仔飯保持水準，份量足，飯粒粒咸香彈牙，大澳蝦醬真是名不虛傳，混合魚、蝦乾及肉片，令味道更多層次。薑汁芥蘭大大碟。碧綠爽口，炸豆腐也不錯，不油膩⋯⋯埋單每人百多元已感極滿足，要不是車程稍遠 ，真想日日來食。

臨時約了朋友東涌行入大澳～幸好天氣唔太熱，只用了3個半小時就到達水鄉～飢腸轆轆，想要坐下休息午餐，但又不可以太飽，於是經過這家店時被它的燒鵝吸引了！不吃對不起自己！

非常不值，份量很少，價錢與出品不相配，108 元加10% 的什菜煲只有5件生菜.....有點兒過份吧！味道只是還可！服務員説他們的出品是5星級酒店的味道，有點兒可笑！

沒有重點內容，只是覺個籠仔飯是一流！食過幾次都可以維持水準。材料總是豐富，但基於材料的問題，油多是必然了。老一輩小食為妙。但是真是值得推薦！其他的都是一般的貨色，燒鵝都點柴火品！跟市區的都有點分別！但鵝本身的不是上乘，油脂總是多個肉，已經是叫了下庄了，但是都是一樣，所以不太覺得滿意。去到那麼遠，這間算是不錯！它有二間店其中一間近河，可以看看河上風光，都是不錯的選擇！ 叫咗四樣嘢埋單六百幾價錢見人見志。

慕名而來，充滿期望。６點去到，即係有位。幾分鐘後，見有個阿姑好勞氣，話訂左枱，居然無枱比佢；２０分鐘後，點左既連隻燒鵝都未出現，又聽到厨房傳來擾攘聲，心感不妙；過５分鐘後，催個幫我落單既伙計，佢話＂落左單嘞＂，然後走開左；又過１０分鐘，隔離圍遲我５分鐘來既２個人已經食完鬆人；我頭殼頂開始冒出輕煙；又過５分鐘，催另一個阿姐，個阿姐掂行掂過；再過５分鐘，走去入單果度，見有個阿哥入緊單，催佢，阿哥話等一等；再過２分鐘，最初同我落單個阿哥話＂唔好意思，無晒鵝，不如食雞＂，我頭殼頂輕煙變成了濃煙；再過５分鐘，個頭殼頂個濃煙已經變左黑煙，仲露出火光。再去入單果度，捉住個阿哥，問１０分鐘內有無野到。阿哥搞左輪話＂你張一號枱…一號枱未落單＂一陣解脫既感覺，最後過左附近間福滿林。咁其實係咪叫幫趁過呢？

香港人在香港旅行都要做功 課， 好似我今次咁：諗住去到大澳食乜食物， 結果因為太遲去到搞到好多嘢無食到帶住遺憾回家。話說這天是星期五，一家人同朋友想去大澳走一轉 食茶果， 途中無啦啦加插咗一項遊大佛嘅活動，最後差不多五點幾先到。 去到才知道原來平日的大澳大部分嘅舖頭5點鐘已經閉門，基本上無嘢睇無嘢買只剩黃昏的風景可以繼續睇。 行咗一陣就入咗橫水渡小廚食晚餐， 好彩還有這一間我原本想食嘅舖頭開門做生意， 7個人叫咗5樣餸， 有3樣是招牌菜， 原本想叫燒鵝但要預訂才有得食， 所以無得食。 招牌菜有：山水滑豆腐----外脆內嫰，滑嘟嘟😍😍😍 ； 煎墨魚餅--- 大大嚿，好彈牙；鹹鮮蝦乾籠仔蒸飯---最能體會大澳特色的菜式，裏面有蝦乾、 魚乾、 蝦醬、 豬肉， 好多料， 鹹鹹香香😍😍😍,不過好貴.  其餘菜式： 生炒骨及焗黃花魚子蛋。 焗黃花魚子蛋（希望無記錯個餸名）都算特別， 平時街外少有的菜式， 焗過的魚子又香又好食。 呢間鋪D餸都唔平， 好多都差不多成佰銀一 碟， 不過山長水遠入到嚟都唔會介意。 衛生就麻麻地， 有D蚊仔飛飛吓， 又有D小小強 走來走去。 

今日老公公司攪活動去大澳～有得食又有得玩👯👯行程就唔係依度講勒，黎過大澳咁多次，其實加埋唔知有冇十次，都唔知原來依楝建築物係食肆😝一黎已經見到隻雞用保鮮紙包住，其實我唔知依隻係米黃油雞，但我食左咁多年飯，記憶話我知佢一定冇雪藏味！我一啖咬落去，有雞雞味，而且係肥雞雞！你會見到一層黃油係皮同肉之間，係亞婆屋企成日食個隻！之後上枱既係一個韮菜羹，勁濃韮菜味，但我個人唔鍾食韮菜😓之後上枱既係炸魚塊，熱辣辣，外脆內滑！再黎蝦碌，外面個汁好好味，但d蝦就睇你好唔好彩，因為我同老公夾個2隻蝦d肉 「梅」，但同枱有人夾到爽肉的😐跟住係墨魚餅，食到粒粒彈牙墨魚，如果墨魚味濃d會更好味。再黎梅菜菜心，菜心幾靚，同梅菜配搭都係第一次食😆佢個重點 - 蒸魚乾飯，除左有魚乾，仲有蝦乾、咸魚,好香呀😍😍如果加埋鼓油會仲好食😋最後上個菇菇蒸豆腐，好滑好香呀，好似豆腐花咁滑咁林👍🏻👍🏻