橋底辣蟹

营业中

休息中

今日同呀妹去咗幫襯橋底辣蟹，搬咗舖之後都未食過…OpenRice入google嘅位置標錯咁搞到都搵左陣因為得兩個人嘅關係，我哋只叫咗兩款小菜同白飯。避風塘炒蟹就一定係必點嘅，叫咗細soze。然後因為我鍾意食辣野，所以再嗌咗個麻辣手撕雞。講吓佢嘅招牌菜避風塘炒蟹先。雖然係細size，但係已經分量十足，蟹鉗大大隻啖啖肉，抵食！至於麻辣手撕雞軒汁比較多，但味道都係唔錯嘅，其實偏酸辣多。兩個餸都好送飯，結果成碗飯清晒

近排經常相約朋友到銅鑼灣百貨公司血拼，當然要搵下附近有咩好嘢食啦。朋友就介紹呢間老字號食海鮮，要留意佢地搬左地址唔好摸門釘🤣我哋懶得揀，點左個二人餐招牌炒辣蟹招牌菜就一定要食既，辣蟹都好大隻，炒得好乾身超惹味😍肉質鮮嫩，又夠入味，好正！另外餐廳提供晒手套，濕紙巾等，唔會食得好狼狽👍🏻豉椒炒蜆唔會得殻🤣蜆肉大粒又冇沙，送飯一流金湯佛跳牆一人一盅外形好可愛，熱辣辣裡面超足料，冬天飲啱晒，養顏得黎又滋補🥰清炒時蔬菜都好新鮮，炒得好惹唔味🤣又係送飯之選

今晚在灣仔吃飯，順便吃個晚飯才回家。這家老字號出名吃避風塘辣蟹，不過由於今天人沒有到齊，就不吃海鮮了。餐牌上的選擇很多，有很多中式小炒，也有很多海鮮菜式，也有套餐。橋底辣蟹除了吃蟹，意想不到是小菜很便宜。⭐️蟹肉湯伊麵$88一大盤份量非常多，適合五至六人分享，伊麵泡久了也不會糊，配搭蟹肉湯，暖笠笠。⭐️欖菜乾扁四季豆$65入口非常惹味，乾扁四季豆炒得很香，口感又脆又嫩又滋味。⭐️菠蘿咕嚕肉$58甜甜酸酸的菠蘿咕嚕肉無得輸，又甜又多汁的菠蘿搭配外脆內嫩的咕嚕肉，最重要價錢很便宜。

橋底辣蟹喺香港屹立30幾年，但我竟然一次都未幫襯過，今日同朋友傾開偈講開避風塘炒蟹，佢話如果未食過就枉為香港人，既然佢咁講得，我就當然要去試番次啦。 呢度有好多套餐可以選擇，我哋最後揀咗個孖寶C，招牌炒辣蟹+欖角骨。 招牌炒辣蟹🦀可以選擇辣度🌶，有大、中、小辣、微辣或者唔辣都得，雖然我唔係好食得辣，不過食得辣蟹點都要少少辣嘅，所以我哋叫咗個微辣，不過呢個微辣都比我想像中辣，不過係好惹味嘅，大量嘅炸蒜非常香口，啲蟹殼都預先敲碎咗，方便進食，蟹鉗嘅肉相當豐厚。 欖角骨：之前都未試過呢個菜式，表面嘅蜜糖將肉汁鎖住，肉質鬆化，送飯一流。 另外叫多個招牌橋底炒飯：呢個炒飯有鹹蛋黃、蝦仁、魚、蛋絲、椰菜、葱，個飯炒得好香，特別加咗鹹蛋黃，提升成個炒飯嘅色、香、味。 飯後仲有糖水（紅豆沙）送添，個紅豆沙好香果皮味。

同朋友在皇室堡戲院睇完戲又係醫肚嘅時候，即時網上搜尋附近有啲咩好食，發現以前食開的橋底辣蟹又搬咗新舖，新址也是在堅拿道天橋一帶，一於上去食吓小菜啤啤佢避風塘鱔球炒得夠晒鑊氣，金黃色的蒜粒炸得卜卜脆，辣辣地好滋味，鱔球外層好香脆，鱔魚鮮味又彈牙潮式煎蠔餅蠔仔粒粒飽滿多汁，厚度適中，配上新鮮蔥粒和魚露帶出了蛋香豆豉鯪魚油麥菜脆嫰爽口，咸香惹味油泡田雞食材新鮮，田雞火喉把握到位配上韮王及草菰味道很不錯最後送上紅豆沙，陳皮同豆沙比例剛好，甜度適中

嗰晚喺銅鑼灣行街經過, 見到橋底辣蟹已經搬到新地址, 其他店舖暫時休業, 朋友話反正要食晚飯, 不如入去試吓啦👌聽聞呢度最出名就係避風塘炒蟹, 但係朋友生蛇啱啱好返, 所以唔夠膽亂食, 所以我哋就叫幾個小菜。白灼海中蝦 真係新鮮 肉質好彈牙👍避風塘鱔球炸粉唔厚, 鱔球爽口好惹味😋當紅炸子雞半隻, 肉質嫩滑, 都唔錯👍海鮮豆腐煲 夠晒熱加分☝🏼橋底辣蟹喺香港已經有20多年歷史, 除左馳名避風塘炒蟹, 原來小炒都做得幾好, 份量都好足, 價錢都唔貴, 值得再來。

朋友之前去過銅鑼灣金禧大廈吃橋底辣蟹，感覺味道不錯👍今次專程邀請我一齊去試試，食店是富傳統設計特色的酒家，地方尚算整潔，枱與枱之間也有距離，坐得舒服。招牌橋底辣蟹🦀果然不錯👍這隻蟹啖啖肉，蟹肉經過油炸後，蟹肉又滑又香，加上以炸蒜🧄鋪滿在整隻蟹上，其香味😋難以形容。蒜蓉粉絲蒸海中蝦🦐除了有美味的蒜蓉蝦之外，配角中的粉絲吸收了蝦和蒜蓉的香味和鮮味，餸飯極好，美味無窮。脆皮炸乳鴿皇廚師把乳鴿皮炸得十分脆，咬一口感到外皮脆，調味剛好，肉質不乾，還有肉汁流出😋沙律明蝦球🦐蝦爽彈牙味鮮，加上沙律醬，非常惹味，很想吃多幾條。酥炸生蠔🦪未曾吃過那麼大隻的炸生蠔，起初還以為是漿粉包圍，咬落才知道真的是原隻大大粒生𧐢，有口感又有鮮𧐢味，值得一試😋

這家老字號十分出名，今晚和家人一起吃中菜。餐廳裝潢簡樸，沒有多餘的裝飾。設有卡位和圓檯。餐牌上選擇應有盡有，除了蟹，還有菜、湯羹和大閘蟹套餐等選擇。茶介$10/位 ，小食$8/碟。小食是一碟鹹香花生。⭐️避風塘鱔球$138避風塘口味真的無人能敵，炸蒜十分香，鱔球經過油炸後入口香脆，外脆內嫩，配上炸蒜十分香口。⭐️椒鹽九肚魚$88九肚魚也很出色，炸得乾淨沒有多餘油脂，入口酥脆不覺油膩，吃多了也沒有負擔。⭐️椒鹽骨$58椒鹽骨的份量不少，入口椒鹽味不會太搶，⭐️豉汁炒蜆$88炒蜆很入味，味道調得不錯，份量也不少，不過可能現在不是吃蜆的季節，過一陣吃會更鮮美。最後還有腐竹糖水，甜味剛好，入口清甜。

蟹季又到了！作為蟹控的我已經期待咗好耐！門口見到餐牌有不少套餐都好抵食，今次試左孖寶二人餐，有辣蟹和蒸元貝。招牌炒辣蟹果然係招牌菜！避風塘式的煮法，炸蒜甘口焦香，脆而不煳，蒜蓉香味滲透全隻蟹，非常惹味！而經油炸蟹肉依然保持鮮嫩，鎖住鮮甜肉汁。加上微微嘅香辣，好食到停唔到手。蒜蓉粉絲蒸元貝元貝有珍寶size，厚身到要橫切一半，肉質好鮮甜，嫩滑而帶爽彈嘅口感，質量比其他餐廳更勝一籌！元貝上還鋪滿粉絲、金菇、蒜頭、香蔥、辣椒仔，口感豐富，更添滋味。金銀蒜蓉蒸勝瓜食咗咁多海鮮，當然要叫返個瓜菜平衡下。勝瓜略帶爽口，而且吸收晒啲汁嘅精華。配料嘅金銀蒜分別係炸蒜同新鮮蒜頭，簡單嘅材料，就已經帶出到勝瓜嘅鮮甜。橋底辣蟹已搬到這個地址, 其他分舖已暫時休業‼️

今次同外藉友人飯聚😎😎捨棄食西式日式！揀咗去食粵式料理！喺香港梗係食小炒最地道啦🔥嚟到呢間裝潢都幾有古典氣息嘅餐館食晚飯！！(其他分店暫時休業, 要去就去cwb呢度哦😉). ✨原條烤魚 $138鬼死咁餓唔知點乜好😂點咗原條烤魚上爐先！邊食邊叫其他餸！湯底紅噹噹好惹味！Be點小辣就夠喉喇🤤🤤將整條魚炸得香脆但魚肉依然保持嫩滑！而且配料好豐富！對得住呢個價位！.✨ 當紅炸子雞(半隻) $110雞肉醃得好入味又滑身😛而且外皮卜卜脆！加上灑喺面頭嘅海量炸蒜！食到我哋Lam lam脷！. ✨ 蒜蓉炒菜心 $58炒菜最緊要夠鑊氣！唔會過哂火位保持翠綠好緊要！爆起蒜蓉炒時令蔬菜真係簡單得嚟又好味！.✨ 豉汁炒蜆 $88豆豉蒜粒一齊炒！香味爆棚🌟而且蜆肉大粒兼冇沙！配埋惹味醬汁一齊食簡直啜埋手指！！.✨ 蛋白菜粒炒飯 $68叫多個澱粉質至夠飽啦😌簡簡單單嘅炒飯先係最考功夫！呢度啲飯炒到粒粒分明！香口又好味！！.茶位晚市每位$10, 小食 $8😉整體嚟講都算性價比高！小炒有鑊氣！有冷氣又坐得舒服！係一個唔錯嘅晚飯選擇👍👍

好耐冇黎灣仔鵝頸橋食避風塘炒蟹，以前食開呢間橋底辣蟹，今晚試試佢水準是否依舊。.叫左一個海鮮雙拼，有一隻招牌炒辣蟹 同埋 蒜蓉粉絲蒸蟶子皇 2隻 $438.招牌炒辣蟹大大隻肉蟹斬成件先泡油鎖住肉汁，然後用大量炸蒜、辣椒及慈爆炒，令每蟹件都充滿避風塘風味。因為唔係膏蟹，所以冇橙黃色既膏，但勝在肉多啖啖鮮甜蟹肉！.蒜蓉粉絲蒸蟶子皇 真係成隻碟咁大隻蟶子！蟶子表面既蒜蓉好香，豉油應該製過好鮮味又唔會過咸，我將全部配料撈埋同蟶子一齊食，蟶子肉蒸得剛好，肉厚而鮮甜。.韮菜花炒鴨舌 $85韮菜花幾嫩，鴨舌比較瘦削，味道偏咸，送酒一流。

<蟹的季節>💕11月份天氣開始轉涼, 亦都係最啱食蟹既季節. 除左大閘蟹外, 今次去呢間係銅鑼灣已經有一定知名度既’橋底辣蟹’. 黎呢度就梗係點最出名既辣蟹.Order左個2人餐($629), 有橋底辣蟹一隻, 可以自選辣度. 另外仲有豉椒炒蜆, 炒青菜. 仲有埋佛跳牆😎超級足料好進補.辣蟹大大隻, 熱辣辣上枱, 多肉而且好入味😎最後再包埋糖水🤤 紅豆沙好味.🥨餐廳: 橋底辣蟹🥓地址: 灣仔駱克道421-425號

我同幾個朋友都好鍾意食中菜，今日大家喺銅鑼灣做完嘢，就決定喺銅鑼灣搵食啦！有個朋友就建議去食橋底辣蟹，因為佢好推介佢哋嘅避風塘炒蟹！望望個餐牌，原來佢哋有晚市孖寶供應！我哋揀咗避風塘炒辣蟹配清蒸沙巴仔！呢兩道菜加埋只係$488 ，都幾抵！隻蟹都幾大隻幾多肉，d炸蒜仲係熱辣辣同脆卜卜！好鬼惹味，用嚟撈飯真係幾正，唔經唔覺食左好多沙巴仔都幾大條，蒸得啱啱好，魚肉好滑唔會過老最後就叫多咗個炸子雞同埋葡汁時蔬！炸子雞個皮都幾脆，幾多肉同埋肉質都幾嫩！最後仲會奉送糖水！總括黎講食物質素幾高，價錢合理！

個個都食大閘蟹,唔通個個都鐘意食大閘蟹咩??!同事C由蘇州過黎香港工作差不多半年,成日都叫我同佢去食橋底辣蟹…講左幾個月終於成行!望住menu 10分鐘都唔知叫咩好,最後我地用最懶懶既方式: 套餐!! 套餐唔算多野食, 不過想食既野都有!淨係呢盅 金湯佛跳牆 都$88好鬼足料好鬼好味, 岩晒美顏滋補既女士!呢度上菜好鬼快…大大隻招牌橋底辣蟹就上枱!份量配合埋搶眼既顏色真係好吸引,我地揀左小辣, 但唔係好辣, 其實唔係好食到個辣味, 反而真食到蟹既鮮味!而且蟹肉飽滿, 啖啖肉真是very的good!因為掛住食蟹, 搞到其他野食唔切…豉汁炒蜆粒粒都脹卜卜, 又夠味;如果唔係掛住食蟹攤到凍晒既話, 個炒蜆真係無得頂哩!清炒時蔬敬送精美甜品: 紅豆沙起初仲覺得唔夠食, 因為得幾款野食…食到尾原來又飽飽架喎!如果就咁叫隻蟹食, 係會按時價計算;而家叫套餐, 計落每人只係3舊幾,仲要有佛跳牆, 炒蜆… 滿足!!

呢日同朋友聚會，想傾下計坐耐啲，就決定食小菜，因為可以慢慢食，又可以麻甩地飲下啤酒，吹下水。餐牌嘅食物選擇都好多，不過鐘意食熱氣野嘅我Target 就當然係辣蟹，避風塘式嘅辣蟹，加上香辣嘅炸蒜好惹味，肉蟹都幾大隻，辣得嚟又唔會搶左蟹肉嘅味道，仲有啲香濃嘅蟹膏，正呀！避風塘鱔球嘅味道同辣蟹好似，一樣咁多炸蒜，鱔肉外皮脆卜卜，魚肉好彈牙，好岩送啤酒。辣酒煮花螺唔係周圍有得食，估唔到呢到有得食，辣得好過癮，但唔會太辣，啲螺肉好爽口，同埋吸收曬啲汁，好味到啜手指。潮式煎蠔餅，同平時打冷嘅炸蠔餅就有啲唔同，似蠔仔煎蛋餅咁，而且蠔仔都幾飽滿，但都幾好食，少咁啲熱氣，但多左入家常嘅感覺。整體嚟講食物都好有鑊氣，價錢亦算合理，尤其炒蟹好香口，鐘意食蟹嘅人都可以一試。