樂天經典 (已結業)

星期六又係家庭日, 正當我頭都大晒諗下去邊度食飯時, 家姐話不如去樂天經典啦, 因為佢話上個星期同左朋友去樂天皇朝(食上海野) 於是拿拿淋打電話去尖沙咀分店訂位~ 樂天經典係尖咀加拿芬廣場, 同一層有樂天皇朝, 隔離就係樂天經典, 兩間都裝修得好靚, 地方又夠大,下次同朋友食飯都唔怕諗唔到食乜了~ 餐廳比我感覺食物質素好高, 服務質素都好好, 服務員招呼勤快周到, 整個用餐感覺都好好, 下次會再同朋友黎~ 原來又到食蟹既旺季了! 餐廳有多種唔同烹調手法既蟹小菜, 幾款都好似唔錯, 好想食...今次我點左幾款小菜, 包括:手工蝦棗、黃金焗蟹、酸辣素羮、海鮮米線四款~ 手工蝦棗 - 份量十足, 一客有成6件, 炸到脆卜卜就上桌, 又脆好夠熱~ 手工蝦棗中間釀滿左芋泥同埋蝦蓉, 兩者味道都幾夾, 芋泥質感好滑好有芉香, 再夾左啲蝦棗落去, 令到整個感覺一啲都唔漏, 再加上炸到脆卜卜既外皮, 沾啲喼汁 係一款好唔錯既小食~ 黃金焗蟹 - 賣相一流, 蟹真係好好好大隻!!!! 睇下, 個蟹瞉真係冇得輸! 炸漿再加上蟹膏, 令到 蟹膏食落去口感更加香脆, 但食落去又唔會好漏好

想食中菜，但又唔想食川菜或上海菜，可以試下帶南洋風味的樂天經典，係唔錯嘅選擇。摩登裝修，用上白色和湖水綠為主，配金色做點綴，環境光猛，多大枱和卡位，適合一大班人聚會。晚市超旺，全場爆滿。新加坡風味蟹之惑好正咁！先奉上茶(茶位$8)和前菜($15)，燘花生、栗子，夠稔又入味。花雕雞油蒸螃蟹($368/約1.2斤)附上圍裙、膠手套和濕紙巾，非常貼心。蟹味鮮甜又多肉，足秤！黃色的是蛋，跟蟹一齊蒸，散發陣陣花雕酒氣，入晒味，很有特色。金牌脆皮燒雞($168/半隻)加入印尼特色，放滿彩色蝦片。雞皮金黄香脆，肉質嫩滑，附泰式酸辣醬汁，又幾夾幾好味！櫻花蝦四季豆($82/小)賣相吸引，香噴噴，四季豆爽口，配炸過的櫻花蝦、香脆的菜圃和生蒜，味帶少少辣，好香口！臘味炒飯($88/小)好啱冬天食，加了冬菇粒、葱花、蛋碎，炒得很香，又多種口感，食多幾碗都唔會腻。

而家搵一間好食既中菜而價錢又唔太貴又真係好似幾難，呢間過江龍餐廳野食又多選擇而已價錢又唔貴，最好既係好多菜式都可以揀S/M/L, 無論多人定少人去食，都唔使怕白胡椒排骨豬肚湯 ＄168呢個湯可以提供到俾3-5人用，但小妹同朋友2個人都飲得哂，因為個湯好濃味而且白胡椒既味道好特出，係寒冷既天氣飲更覺得溫暖蒜白紅海蜇頭 ＄75醬汁又酸又甜又有小小辣的海蜇頭，食落爽口加埋個醬汁都好開胃金牌脆皮燒雞 （半隻）＄168話明金牌當然唔可以唔叫喇，燒雞可以order半隻而且隻雞唔會好肥，個皮又燒得脆卜卜，食落啖啖肉雞味濃，唔錯唔錯青芥末蝦球（小）＄138呢個芥末蝦球可以話係小妹最愛，炸得岩岩好蝦肉爽口，加埋帶有激烈既青芥末醬，雙重滋味，呢款一定係頭號必點喇沙海鮮米線 ＄78呢間餐廳品牌由新加坡引入，所以有部分菜式都有馬來風味，叫了碗喇沙海鮮米線椰香味重，材料感覺比較少但勝在湯底味濃，值得一試總括，小妹覺得中菜唔再係老餅之選，年輕一代都可以揀，餐廳環境比較新穎，三五知己談天說地，最好不過

一行6人行過尖沙咀, 行低食個lunch再血拼。 check見呢間裝修唔錯, 一於黎食食, 結果冇令人失望。首先侍應十分友善, 好體貼咁安排座位, 又會問我地想唔想分開幾份幾份咁上菜。 大堂走廊廁所清潔, 連餐具都好乾淨。 係有良好管理質素既餐廳。杞子准山響螺湯$178分到每人一碗, 湯渣另上。 見到有雞同排骨。 准，山冇渣又厚身。 好好味好清潤。聚寶海鮮豆腐$118豆腐好嫰, 似玉子豆腐咁滑。 層皮都好正。 個汁好入味, 仲有蝦仁粒同海參粒。 外表一般, 質素唔錯。花雕蒸蟹 $368餐廳主打新加玻菜, 其中一個就係蟹。 我地揀左呢個經典口味。 有鉗同手套俾你, 好方便拆肉。 蟹好新鮮, 肉質好正, 十分推介。 家鄉鹵元啼 $148趁人多一齊分黎食。 下面有個火一直加熱。 元啼比外面既少d脂肪, 肉煮到好林。 一入口即溶。 食完勁飽。好值得食。

樂天集團旗下的樂天皇朝和樂天經典終於登陸尖沙咀！而且還要兩間開在同一層，多霸氣！上星期去完樂天皇朝，今星期就帶家人一起去樂天經典享用晚餐（當然要預訂哦）！《茶芥 $8/位》每兩位有一客《前茶小食 $15》有栗子花生，腍身好吃。《蒜香紅海蜇頭 $75》厚身大塊又爽口，醬汁帶酸又蒜香十足，很開胃。《手工海鮮白玉磚 $65》好奇之中點了這個，外脆香口，味道似蝦膠混豆腐，彈牙鮮味，再配沙拉醬實是可口。《家鄉鹵元蹄 $148》大隻的鹵元蹄色水夠而且入味，炆至整隻腍軟，輕而易舉就能將其拆肉離骨。豬皮彈牙不油膩，入口膠質滿滿，而肉質亦嫩。另點白飯伴鹵汁都會很不錯。《星洲黑胡椒螃蟹 $368》比較少吃到黑胡椒螃蟹，原來相當惹味又不辣。螃蟹大隻有氣勢，蟹鉗強又肉甜，蟹蓋內的蟹膏香口惹味，其實的蟹腳都夠厚肉鮮味，蘸上黑胡椒更提味！最後點了兩碗糖水：《椰子西米露湯圓(凍) $36》芒果椰汁很濃郁，芒香陣陣帶點酸，減低了飯後的膩感。《招牌酸柑香茅凍(冷) $28》凍凍的香茅凍配上青檸汁可令其柑香更出，是輕怡的甜品。

精緻又多款式@樂天經典 人少上酒樓食中菜其實有點難度，因為食中菜好多時都是一大碟的，如果只有幾個人食，上酒樓點菜可能就只能點幾味食物，因為怕多點又浪費 近年開了不少新式中菜店，樂天經典是我經常會去的地方，早幾日就和媽媽去了尖沙咀加拿芬廣場那家食飯 我很喜歡到這裡食飯，一來經常有優惠，二來坐得好舒服， 唔似平時酒樓咁嘈，大家可以清靜地食餐飯，又唔怕嘈到小朋友. 講抵食，這裡要抵食就要在特價時段來食 晚上9:30後和下午茶時段都超抵食的 服務也是超貼心的，茶永遠都是KEEP住加水，我去過好多間分店，印象中每一間都好好服務 近來最新推廣是蟹，大大只的一份才$368 必點的招牌扣肉包$23一份，好邪惡，但真係一試愛上! 上桌時是這個樣子~ 饅頭熱辣辣的，而那片厚厚的扣肉，肥廋適中(太廋的話就唔好食啦~) 入口是即溶的，而且扣肉好入味又唔鞋，最好就係，想食幾多件就單點幾多份，一點也不會浪費~ 檸檬意米水$16 味道甜甜酸酸的，入面好足料，意米水去水腫一流 香酥南乳五花肉$88 一份也挺大份的~ 五花肉外脆內多汁，好鬆化的!而且食到陣陣南乳的咸香 古法蒸黃花魚$108

今日有內地親戚到港, 食個飽飽既午餐後就帶佢地行尖沙咀。 樂天經典氣派非凡, 有種皇族式既感覺, 好高檔。 岩哂款客, 佢地不知幾開心。 坐低侍應送上茶和花生。 花生一定要食, 煮到好入味好軟。蒜香紅海蜇頭$75一小碟既前菜, 海蜇頭厚頭好爽, 又有塊幾好咬。 唔辣, 醋就酸酸甜甜。 仲配有青瓜。麥皮蝦球(小)$138有6塊, 麥皮真係好香, 有落牛油同蜜糖。 蝦球好厚肉。 抵過好多餐廳。砂煲花菇西蘭花海參 小$198呢個海參用料高檔, 親戚話未見過咁厚咁大既海參。 成個煲既味好正。 1分鐘內分哂。 好搶手。 每件都有6塊好似分。荔枝咕嚕肉 $80用既係咕嚕肉冇骨, 都有三色椒同菠蘿。 仲有大大粒荔枝肉。 比出面食平同特別 又可以俾佢地試下港式食物。大家都覺得好好食。 我就覺得好有面同幾抵食。

話說之前同朋友吃樂天經典 分享給胖兔看他看完兩眼爆出星星 表示下次來香港要去我當然不介意啦反正我超愛食蟹 也不會膩這次為方便他逛街買手信 訂了尖沙咀分店環境都ＯＫ中式餐廳格局 多卡位舒服好坐-黃金焗螃蟹　$368因為上次食過胡椒蟹 超級好味但我貪新鮮今次就試試其他款 選了較特別的黃金焗蟹一如以往大大隻肉蟹 餐牌說重量超過一斤相比胡椒炒上檯香氣四溢 這碟就沒那麼香戴起手套拿起蟹件送入口中 咸香口內爆發表面有濃郁的咸蛋香氣 口感粉粉的有咬口愛咸蛋的我完全停不下來 把醬汁舔個清光可惜今天蟹不及上次好肉地 也許並非時令上次食剛好是秋天 秋蟹自然最當做最飽滿但還是很不錯的 結實鮮甜也不讓咸蛋專美胡椒黃金各有各好 真是青菜蘿蔔各有所好下次來我也選不出該叫哪款 最好都來一份-脆醬美人魚 $55叫了碟魚仔作為前菜小吃 份量比想像中大香脆甜蜜 配芝麻蔥花辣椒感覺十分似零食可過口癮但不是我杯茶 當配酒菜或者不錯-荔枝咕嚕肉 $132(M)經典的小菜咕嚕肉 胖兔想試試香港正版的因為很喜歡荔枝 所以竟然叫了個中等份量結果當然是好大碟 兩個人完全吃不完哈哈酸酸甜甜的醬汁非常開胃 中和咸蛋蟹的膩啖啖肉肉質爽口 如

朋友話想食中菜，推介呢間樂天經典，咁啱我未食過，就搵到個機會食下佢喇🤩呢排天氣咁凍，坐低梗係即刻嗌返碗燉湯飲下。唔好睇呢碗「藥材燉走地雞湯」細細碗咁，其實份量都幾多㗎。入面仲有淮山同埋斬開咗嘅雞件，食落都幾嫩口，飲完成身暖哂。我同朋友兩個人，嗌左半隻炸子雞。外皮炸得香脆， 肉質唔會因此而變乾，而家諗返起都流哂口水🤤我好鐘意食海鮮，見到呢到有得食蜆，毫不猶豫就點左！粒粒蜆肉，幾新鮮，撈埋啲汁食仲惹味😋食飯點可以唔嗌菜😆嗌左份馬拉盞通菜，份量超級多，味道唔算辣，用嚟餸飯一流啊最後就係呢碟咕嚕肉～我諗我最鐘意嘅中菜菜色就係佢喇！肉切成可以一啖擺入口嘅size，外層酸酸甜甜嘅汁，包住入面炸得香脆嘅外皮，最入面就係好軟腍嘅肉！好食到我食唔停口！以後同屋企人食飯，又多個聚腳點喇😆

天氣乍暖還寒，時冷時熱，搞到個喉嚨都dry dry 地，真係想搵啖湯水潤下兼且暖下個胃。朋友就介紹咗我哋去加拿大分廣場嘅樂天經典食下新派經典星洲中菜。一聽到樂天呢兩個字就梗係諗起出名嘅八色小籠包啦。但原來呢間樂天經典主要係食星洲中菜。真係估唔到食中菜嘅地方啲裝修暨摩登又雅致，而且枱與枱之間空間感十足，非常舒適。倆口子一場黎到見到餐牌好多選擇，結果我哋就叫咗三餸一湯，除咗叫湯飲之外當然唔少得叫個星洲黑胡椒蟹試吓啦。淮山杞子螺頭湯呢個淮山杞子螺頭湯真係真材實料非常滋潤，就連湯渣都鮮甜好味。星洲黑胡椒蟹呢個星洲黑胡椒蟹真係唔講得笑，非常惹未，肉蟹暨大隻又鮮甜，兩隻蟹鉗更加有爆肉嘅感覺，而胡椒味香而不搶喉，真係非吃不可。苦瓜排骨呢個苦瓜排骨真係好有驚喜，苦瓜甘香一啲都唔苦，可能係用嘅排骨部位選擇得宜嘅關係，炒得幾香又一啲都唔韌。金銀蛋浸時菜呢個金銀蛋浸時菜又係能夠帶給我無限嘅驚喜，普普通通一個菜式，竟然係充滿着鹹蛋黃嘅香味，加埋肉碎嘅鮮甜，令到翠綠嘅菠菜無限提鮮，真係好好味。食到呢度其實已經好飽，但係都好想叫碗糖水作一個甜美嘅總結。於是我就叫咗個番薯糖水，估唔到連糖水都係有驚喜，薑湯的薑味恰到

天寒地凍比呀媽拉左出街食Dinner，想放假懶係屋企都唔得。。。出左TST，媽媽話想食中菜，我隨心選左呢間樂天集團，因之前食過好多次樂天皇朝我勁欣賞，所以對佢地有信心喺屋企出嚟，天氣好Dry，一嚟嘅時候飲個熱南北杏羅漢果茶，即刻覺得個喉嚨好舒服同時附上餐前小食花生重口味得嚟又唔會太咸，唔係酸菜但開胃，最緊要夠腍唔洗咬.湯怪去到邊都會飲湯淮山杞子螺頭湯好清甜，仲有好多肉，雞腳，螺頭同埋淮山.阿婆苦瓜炒蛋啲苦瓜切得好薄，仲要冇苦味，好好食，因為好甘.手工蝦棗個皮好鬆脆，裏面啲餡料就好腍，真材實料.鯪魚炒油麥菜豆豉鯪魚炒油麥菜係好好嘅配搭，好好食，唔會好油但絕對有鑊氣.老鼠粉煲裏面有椰菜花，冬菇，同埋啲蝦好大好鮮味，仲加入左一隻蛋， 配多一個鹹魚柑桔蓉汁， 但個粉都已經好夠味，唔需要再落個汁.天氣凍個人特別食得多，但個粉份量超值都傻，早知個粉咁大可以叫少一樣服務同上菜效率都一如樂天集團，值得一讚！真係快，令，正

喜歡吃海鮮的我,在尖沙嘴閒逛時發現一間主打食蟹的中菜—樂天經典。特別愛蟹的我怎麼能放過呢,於是相約海鮮控朋友找天去試試。入座不久便滿座,頗有人氣,還好聰明有預先訂位。-服務員奉上熱茶,小食及菜單, 選擇很多,為了蟹來,倒也沒有選擇困難。-星州黑胡椒螃蟹 $368螃蟹有幾種口味,但因為此款寫著必吃首選,首次來就選擇它吧。螃蟹是選用1.2斤左右的大肉蟹,光看那個鉗就知道這隻螃蟹不小。一開始擔心胡椒會不會太搶味,怕蓋過了螃蟹自身的味道。一吃入口,驚為天人啊！濃濃的黑胡椒香而不嗆,搭配著螃蟹吃也能吃出螃蟹的鮮甜味,蟹殼內的肉也有九成滿,一口接一口完全停不下來,兩個人分一隻很足夠。雖然海鮮控如我還可以再來一隻哈哈。-值得一讚餐廳服務很貼心，有先建議先吃螃蟹，其他菜式再叫起。雖然後來滿座後職員有點忙不過來，連門口知客都當起服務生。-金牌脆皮燒雞 $168 半隻叫了海鮮也要叫個肉,燒雞似乎也是招牌,就叫半隻試試。雞的外皮酥脆,肉多汁可口味道也很香,連通常比較柴的雞胸肉也有湯汁。附上泰式口味的醬料,惹味的。但雞肉本身就有調味過,不需要沾醬已夠味。金銀蛋浸時蔬 $85 (S size)女生聚餐總是忍不住

今日朋友介紹去到尖沙咀新開既樂天度開餐同大家講翻先原來上面成層係分兩間獨立既樂天餐廳🍴一邊係食川滬菜即係出名既七彩小龍包而今次我地一行四人就揀咗隔離果間開餐~一入到去坐低 個部長就好好服務咁介紹各個主打菜而且由於係新開張冇耐，環境衛生也十分滿意呢度啲小菜都有分量 大中小三種因爲我地想試多d所以我地全部都係叫細size首先上既係兩個頭盤星泰鳳爪和蒜香海蜇~兩樣都酸酸甜甜同小小辣好開胃之後酸甜鱸魚同青介末蝦球係值得一試前者酸甜香脆魚肉大大舊之餘仲要超滑身後者動甜中帶介末味介末包住d蝦球~好有創意忍唔住想叫多碟啊而脆皮蝦醬雞同埋鐵板豆腐個雞係雞中翼黎 份量都唔少架~有陣陣蝦醬味 夠囇惹味唷而個豆腐都好值得試！！十分入味之餘仲要好滑一入口即刻‘咕嚕’一聲滑落喉嚨 再來就係叫咗螺肉淮山紀子湯一煲足足可以供5人飲用感覺足料夠火侯 冬天飲十分補身喔到咗我覺得一定要試既老鼠粉入面材料勁多蝦球，冬菇，蔬菜…因為佢似湯羹粉~加上滑蛋，鹹魚碎味道一流必試喔 good good good ~~

凍冰冰的天氣，想吃熱食 中菜最適合不過，樂天經典在尖沙咀開了分店 有炖湯，仲有星洲黑胡椒螃蟹（๑✧∀✧๑） 尖沙咀的樂天經典是新開的，在奧海城有分店 除了中菜，還有很多新加坡的特式食物 店內坐位寬敞，有圓桌，也有卡位 朋友仔還未到，先點了一杯它們自家製的檸檬薏米水 不會太甜，又有檸檬的酸味，很好～ 小食是煮過的花生！！ 如果遲收工都唔知食咩好～樂天經典有夜貓時段，仲平d tim 星洲黑胡椒螃蟹好吸引牙~ 好大隻好香好惹味啊~仲好多肉 2隻人食岩岩好~佢地提供埋手套同圍裙 唔怕唔小心整污糟(´∀｀•) 乾貝茶膽燉竹笙湯 我很喜歡飲湯，叫了一盅，２個人飲一人大概有３碗 材料十足，乾貝、雞腳、竹笙、豬肉 飲完成個人暖笠笠～ 甜、潤、不油膩！！ 我地２人就成功ｋｏ了一盅(ღ˘⌣˘ღ) 仲有店員介紹既櫻花蝦四季豆～ 櫻花蝦炸到脆卜卜，四季豆爽脆不油 喜歡香口的一定會愛上它 但我返到屋企先發玩無左佢張相(ಥ﹏ಥ) 得返呢張我忍不住吃了的！ 扣牌扣肉包 在餐牌的圖片非常吸引，我們２個女孩子一人叫了一份 原來是分開上的，面包吸了扣肉的肉汁變＂林＂ 所以食的時候自己夾就最好～

今日係尖沙咀睇完戲大家都肚餓了當然要食餐好架啦聽朋友講而間唔錯幾好食~一於去食下佢先！！！餐廳仲有分貓頭鷹時段添啊一坐低當然就叫翻個前菜開下胃同頂下肚餓先，我哋揀左酸辣海蜇，果然無令我失望。酸辣可口，味道較得剛剛好，開胃前菜一流😛呢間野上菜速度好快，前菜都未食完，點左既菜已經陸續送上黎。首先黎既係我最期待既芥末蝦球，蝦球炸得剛剛好，脆口得黎仲有汁，再撈埋芥末，奇亞籽同芒果系面，多重享受🥰🥰炭燒豬頸肉，加左黑椒系面，食落去有啲辣。鐵板豆腐，呢個入黎既時候見到好多檯都叫，所以我哋當然都要試下啦果然唔錯，用滑豆腐輕炸表面，令豆腐唔會散開豆腐上面鋪左鋪頭特製既冬菇肉碎醬，再加上雞蛋鋪底 超好味，送飯一流主食我哋揀左出面少見既鴕鳥肉炒河，第一次食鴕鳥肉，感覺有啲似牛肉 但滑啲同嫩啲，同河粉都幾夾。可以媲美乾炒牛河最後要講下個圓肉薰衣草迷迭香茶甜中帶定神既花芳香解膩一流最後甜品揀三色糕，難得系唔太甜既糕點 甜度適中😛 值得回頭的一餐