樂天經典 (已結業)

朋友中獎請食飯，去尖沙咀(樂天經典) 食廣東菜，門口四個大字一定唔會入錯，裡面地方都幾大新淨，坐位夠闊幾舒服，好似升左幾級既茶餐廳，一會兒侍應拿了壺金色靚茶超好飲，一邊飲一邊睇餐牌，叫左半隻金牌脆皮燒雞，南乳五花肉，老鼠粉煲，黃花魚，乾貝菜膽竹笙燉湯，我最喜歡個燉湯，加左豬肉雞腳燉，肉味清甜有膠質，老鼠粉原來係銀針粉，條魚無乜細骨，全部都好好食唔油膩，我覺得這店最啱帶一家大細老少咸宜食一餐節日飯。。。

第一次到來樂天經典用餐，沒想到這裡的食物是這麼好吃，不但款式多，而且用料、製作都一絲不苟平日晚6點半入座，這時人流不多，可以清楚看到餐廳的內部裝修、環境。餐廳光猛，環境舒適。我跟爸爸被安排坐於卡座。一坐下便有服務員為我們送上茶及花生這裡的花生是腍腍的，很入味，跟一般於酒樓吃到的脆花生口味不同，呢款花生都不錯看過餐牌，很多菜式都很想一試，最後幾經辛苦挑選了數款來吃先來一碟前菜，星洲辣鳳爪好滋味跟爽口，愈食愈正，真的停不了口，好惹味，微酸微辣的汁醬浸入了鳳爪之中呢款扣肉包每片23元，會跟一件扣包加一份包我們兩個人所以點了兩份這個扣肉包超滋味，扣肉肥而不膩，肉質入口即融，真是好滋味放到包中間夾著扣肉，一啖一滋味。包甜甜的跟扣肉好夾，味道很好，令人好想再來多一片呢呢走麥皮蝦，賣相是以超多麥片堆著蝦球麥片脆卜卜，令蝦球啖啖肉又爽口，口感十分有趣，又脆又爽口彈牙，呢款菜式都十分惹味、香口，堆麥片仲可以就咁當小食咁食，不錯不錯呢款古早味魚香老鼠粉煲好惹味，服務員一送上去，砂鍋熱辣辣，店員為我們即拌勻，香氣四溢，好正。感覺好像在吃碗仔翅般的質感，但味道超好，而且入面既食材又不少，啖啖滋味，大大隻蝦球，

同朋友傾開偈，問天氣咁凍又乾燥食咩好，就介紹一間位於尖沙咀有滋補養顏燉湯飲叫「樂天經典」食廣東菜既食店，今日皮膚乾乾地就專程走去補一補，這店非常就腳，尖沙咀地鐵站一出行三分鐘就到，去到門口見到燈火通明帶有中國茶樓既現代感覺，服務員非常殷勤招待，座位寬敞舒適，空間感十足，傾偈大聲啲都唔驚坐咗一陣，就送上一壺香噴噴嘅鐵觀音和小食，看到餐牌裡面圖片菜式已經令我味蕾戰動最後決定點了招牌菜金牌脆皮燒雞和老鼠粉煲香酥南乳五花肉客家豆醬黃花魚滋補養顏乾貝菜膽燉竹笙燉湯，先飲個湯，果然有料到，肉味清甜帶有膠質，南乳五花肉皮脆肉嫩不膩，脆皮燒雞皮脆 肉厚入味，老鼠粉原來係銀針粉但係煮得好好味好靚，豆豉黃花魚無骨容易入口。最後食埋味品都係幾舊水認真抵食。

朋友媽媽和朋友下星期要上廣洲探親數天，之後回港又要忙於辦理新年年貨，朋友媽媽這幾天尚有空，我把握時間約了朋友與朋友媽媽吃午餐。朋友素來喜歡蒜香紅海蜇頭，海蜇頭聞來香氣十足，蒜粒，辣椒粒，蔥花點綴，配色漂亮，且海蜇頭粗厚，爽口彈牙，微微酸香，讓人胃口大開。朋友媽媽大讚酸辣素羹，整盅酸辣素羹用料精彩，木耳爽脆富彈性，酸辣勁度恰到好處，開胃無比，添加蛋花後湯羹更滑，飽實感十足，誠心推薦。招牌扣肉包任誰人抵擋得住它的誘惑，我們一人一個，不用爭，不用搶。招牌扣肉滷汁滷製入味，嚐起來特別的汁多味美，扣肉雖然有肥肉，卻一點也不油膩，反而有入口即化之感，配搭鬆軟的包子，超棒。排骨王猶如其名，可稱為排骨之王，排骨已去除骨頭，食用方便多了。截然不同的排骨醬汁正在散發出動人的光澤，視覺享受分數值超高。一咬排骨王，外脆內嫩的肉質，豐沛的肉汁源源不絕，回味無窮。菜香鐵板豆腐外層豆腐皮香酥微脆，裡面豆腐柔嫩細滑，從外到內口感十足，讓嘴裡瀰漫著清新的黃豆香。豆腐同時可混合鐵板上的烤蛋皮和肉碎醬汁品味，使看似平凡的豆腐，擁有不平凡的好滋味。酥炸豬肉蝦棗外層香脆可口，內裡所包覆的豬肉鮮嫩美味，蝦肉彈力十足，保留其原有鮮

今天來到尖沙咀加拿芬廣場做facial，晚上約老公於附近一起吃晚飯，美容屋經理介紹我們去樂天經典，有多款美食選擇。店內環境十分舒適，裝修很別緻，店員很友善，樂意介紹不同菜式。得兩個人以為不能叫太多款菜，原來大部份菜式都有大中小份量，選擇小的可以試多些不同種類，太好了!我們點了一個"每日靚湯"，其實是幾款燉湯的其中一款，由廚師揀選，今天是藥材燉走地雞湯，材料包括雞、玉竹、當歸、杞子、淮山、黨參、北芪……，非常足料，好香好好飲。菜香鐵板豆腐(微辣)，熱騰騰鐵板上枱，豆腐好大塊好滑，底部是一層薄薄的蛋皮，醬汁冬菇肉碎十分可口，配白飯更正！金牌脆皮燒雞(半隻)，果真皮脆肉香，雞肉嫩滑可口，配秘製醬汁，酸酸辣辣好醒胃。苦瓜排骨，經典中菜，苦瓜甘甜，排骨唔韌，炒得好香。薑蔥爆爐魚片，大大塊鱸魚，有好多塊， 薑蔥炒得非常可口。馬來風光(馬拉盞炒通菜)，一上枱已經聞到好香馬拉盞味，通菜炒得卜卜脆，越食越惹味。古早魚香老鼠粉煲，上枱時店員會把金桔咸魚蓉加入砂鍋中，熱辣辣，還有一隻生雞蛋即時攪拌，銀針粉配豐富材料(蝦仁、冬菇、肉碎、椰菜花等等)，老少咸宜的一個湯羹。其實每個菜都揀了細份量，但都足夠三至四個

唔好行錯呀，呢間係樂天經典我見隔離台一座底無耐就走人，呢種情況已經連續三次原來係佢地想去樂天皇朝，因為都是在同一層的哈哈叫左招牌扣肉包，叫左兩件個包好軟綿綿呀扣肉我覺得D肉好似有d乾，一般啦金牌脆皮雞，個皮好脆呀好味呀，配埋個醬，酸酸辣辣甘，唔錯！老鼠粉好滑，個味好鹹香，好正食唔停的青芥末蝦球，唔濃的芥末，蝦球用炸粉炸得唔好食既菜香鐵板豆腐，好滑好Juicy的另外係樂天皇朝到叫左個原味小籠包皮薄多汁呀楊枝金露好鬼酸呀，好似飲緊芒果汁薰衣草，迷迭香茶都好香，全程都熱住黎飲，幾好果日帶左個小蛋糕，都唔會另外收錢的

一家4口食個飯，小菜幾碟，簡單得來都可以好豐富，長輩就最鍾意食屋企唔會煮到既野，咁先覺得抵同值得。今日點左幾樣野，又真係屋企唔會煮既。小食叫左海蜇，雖然出面係可以買到現成既包裝海蜇，但呢家既海蜇汁酸酸甜甜小小辣，超級開胃，令整個小食變得不平凡，必點！（加上爽口青瓜，味道無得頂）手工蝦棗，聽聞係東南亞菜式，上枱時好熱，外皮酥脆香口，內裡既肉汁鮮嫩，味道唔錯。聚寶海鮮豆腐，有個小火爐保持温度，豆腐固然好滑流，個底汁味道微咸，再配上上面既肉鬆一齊食，好鮮味，送飯超正！我地最期待既重頭主食係新加坡蟹5款之中揀左辣椒蟹配饅頭金光燦燦的辣蟹端上枱目測還真的很有份量吃到咀邊不會很辣口，可接受肉質鮮味、完整易拆，而且厚肉份量夠果然沒令人失望炸饅頭真係炸得外皮好脆薄，一定要熱食先最正，再點上惹味底汁，超正。 最後我們當然有點2碗飯撈辣蟹汁又撈豆腐，食完好滿足。食完飯，閒聊喝口茶之餘，也點了桂花斑蘭糕，好香桂花味，如果椰汁味再重小小就非常完美啦。

今日同屋企人晚飯，老豆鍾意食中菜但次次食傳統中菜都幾寡，今次就加少少新意，食新加坡南洋中菜。樂天經典喺尖沙咀加拿芬廣場二樓，裝修格局明亮，成個人都精神晒。【每日靚湯$48】今日係【藥材燉走地雞湯】，用鮮雞、玉竹、當歸、杞子、淮山、甘草、黨參、北耆、排骨、老雞、雞腳。雖然係雞湯但飲落好鮮甜，雞肉仍保持嫩滑。【金絲麥片蝦球$138】六大粒蝦球藏喺一大堆麥片入面。麥片夾雜住香葉同紅辣椒，濃濃麥香，同爽彈嘅蝦球一齊食變得鬆脆香甜又惹味。【喇沙湯海鮮米線$78】隻碗好似古玩咁，裡面刻咗係毛主席作嘅現代詩《沁春園•雪》，氣勢磅礴。米線材料有魚肉、蝦仁、豆卜，魚肉嫩滑魚味濃、蝦仁亦好新鮮。除咗海鮮鮮味，喇沙湯底都好出色，惹味又鮮味，最後一滴不留飲晒。【花雕雞油蒸螃蟹$368】新加坡最出名係胡椒蟹，不過我就鍾情以酒烹調嘅食物所以揀咗花雕雞油蒸。餐廳提供膠手套圍裙，食嗰陣就唔怕整污糟。蟹大約重1.2斤，都幾大隻又多肉，肉質鮮爽，食得出係堅新鮮嘅蟹。可惜花雕酒味太淡，有啲失望。甜品我哋㨂咗【三色桂花斑蘭糕$38】。斑蘭糕係新加坡必食甜品；桂花糕好清香清甜；一道甜品三種口味都係$38，CP值高。南洋菜最大特

樂天皇朝大家都好熟悉 係食小籠包馳名而家仲開多左間新餐廳 以精緻中菜為主餐廳裝飾優雅 散發時尚中國風味坐低就即刻奉上清茶同小食小食係滷水栗子同花生 好夠味且鬆化黃金焗螃蟹 $368螃蟹係餐廳主力菜色 有四五種不同煮法今次揀左最香口嘅黃金焗螃蟹螃蟹非常大隻抵食 淨計個鉗都有大半隻手掌大小螃蟹每件都沾滿鹹蛋黃 好香口配搭香料帶出微微辣味值得一讚係餐廳主動提供圍裙濕巾同鉗 服務貼心干貝菜膽竹笙燉湯 $168餐廳另一主打係無味精足料老火湯呢個湯材料有干貝 竹笙 菜膽 排骨 老雞雞腳有降血壓 排毒同養顏功效燉湯原煲上枱 仲會幫你加熱保溫湯料會撈埋出黎 點豉油亦係一度美食古法清蒸黃花魚 $108黃花魚肉質鮮嫩 而且夠肥美蒸嘅時間拿捏得好好 簡單配上蔥花同薑絲就帶岀鮮味金銀蛋浸時蔬 $128 中上湯好濃郁 金銀蛋好足料加上金蒜濃香 好食到停唔到臘味炒飯 $132 中炒飯粒粒分明 每粒都沾上醬油 好香口配料有臘腸粒同冬菇粒 冬天食最適合番薯糖水 $32去到一餐尾聲 當然唔少得甜品番薯糖水唔太甜 但有啖啖薑味

近期有幾款主打的新加坡螃蟹菜式黃金焗螃蟹 $368必食惹味之選！螃蟹大約有700克，蟹肉份量也不少，吃上去鮮甜之余，再加上咸香十足的咸蛋黃碎，實在讓人欲罷不能。干貝菜膽竹笙燉湯$168干貝竹笙菜膽排骨老雞雞腳 材料豐富仲有降血壓排毒養顏效果份量夠四人一起喝家鄉鹵元蹄 $148以多種中式藥材香料，包括八角和胡椒粒等烹煮六小時而成，豬皮香元蹄肉都相當入味，入口即溶。臘味炒飯 $132 臘味炒飯鑊氣十足，炒飯夠乾身，粒粒分明。不過，配料只有臘腸和香菇，若然可加入潤腸或臘肉等相繼會更好吃。

去過新加坡試過蟹同蝦球，都教人一試難忘。冇錯，就係新加坡既中菜味道！😂😂😂麥皮炸蝦球炸得蘇脆，而且麥皮又香又甜，用黎送飯食十分美味。本身想叫胡椒蟹，但店員推薦蟹湯，而飲落味道十分濃郁，而無咸味同口乾，證明真材實料。另外我地點左扣肉包，扣肉香汁很濃，而且肉質好淋，做到入口即溶，超級好食！好食到叫左2次黎食。講講地方，呢度人唔多，裝飾幾光孟，適合慶祝或者同公司同事聚餐！👍🏻👍🏻👍🏻👍🏻

樂天經典-尋找「真」經典當大部分人選擇去西餐廳慶祝2019年來臨，我就選擇黎樂天經典尋找南洋風味，為我新既一年揭開序幕。好彩有book到位，目測全場爆滿。一坐低服務員已經問我飲咩茶（$8/位），仲附上咗一小碟栗子花生（$15）🐻白胡椒排骨豬肚湯$168哩兩日天氣凍咗好多，飲哩個湯就最適合，湯料非常豐富，除咗排骨同豬肚外仲有雞腳，豬肚煲得好腍，湯好清，亦都煲得好出味，一盅大約可以裝到六至七碗湯，飲完個人真係暖左好多。🐻今日唔蛋浸時蔬（細）$85哩度有部分菜式有size分，岩晒人少少想試多樣餸既我。雖然叫咗細size，但一d都唔細碟，哩度比其他餐廳出色係有勁多皮蛋同肉碎，仲有啖湯好甜。🐻招牌扣肉包$23份扣肉同包分開上，服務員再三提醒要趁熱食，白包香軟帶甜味，望落扣肉雖然邪惡，但入口完全唔油膩。🐻龍虎燴$468餐廳非常貼心，預備左即棄手套、圍巾、濕紙巾同箝，仲有火爐不斷熱住。聽個名完全想像唔到係食咩，其實係一個雜錦海鮮鍋，以青蟹、蝦、魷魚、蜆、斑塊、京蔥、香芹、薑同埋少許菇粒，以及米線煮成。因為放咗大量既海鮮，所以啖湯好鮮甜。斑塊肉唔散，蜆夠大隻，蝦爽口彈牙，青蟹有蟹膏，完全食得出海鮮幾新

同屋企人做冬,大家都想食中菜,我就決定去樂天經典~早一星期訂定檯6:30就開始食了~呢度既餸菜有細,中,大選擇沙律排骨(M)$132,件件都好大塊,排骨煎炸至金黃香口,再把沙律醬調好拌勻,酸酸甜甜的很開胃,肉質嫩滑~正呀雙菇扒西蘭花(M)$147,雙菇仲多過西蘭花,菇類又淋又入味,咁健康岩哂一家大細黃金鹹蛋蝦球(M)$207,賣相超吸引呀!鹹蛋醬香濃~佈滿入口超爽口的蝦球~味道絕配黑胡椒蟹$368,非常大隻的肉蟹,黑胡椒味道香濃帶點微辣,很惹味~蟹肉鮮甜,肉質爽口嫩滑,非常新鮮

朋友過來接我收工近近地去了這間樂天經典新裝修 環境有點西式 員工服務好好 好有禮貌三個女仔叫了四個餸 一個湯 再加兩個甜品金銀蛋浸時蔬女仔不嬲都鍾意食呢個菜皮蛋同鹹蛋軟硬適中 不會太咸菠菜都新鮮爽口黃金蝦球上枱時熱辣辣 蝦十分彈牙咸蛋黃炸到好香脆 食慾大增菜香鐵板豆腐好好食 外脆內滑既豆腐加上菜心肉碎既特製醬汁我地揀左微辣 十分香口底層仲有雞蛋 非常好送飯招牌扣肉包幾乎每一枱都有叫味道可以 扣肉如果再嫩一點會更好雞湯極濃 10分足料 啖啖肉三色桂花斑斕糕好抵食！六大件都係$38將椰子、桂花、斑斕集結一齊味道清涼可口椰子西米露湯圓極喜歡個湯水底，超椰香湯圓略嫌厚皮，餡係芝麻，還ok埋單時三個人600幾蚊每個人頭200蚊到 都還可以偏少少貴不過環境係好舒適 啲服務都好好幾個小資女上嚟傾心事都OK

今日來到樂天經典晚餐，見到餐廳整潔明亮，中式菜非常多款式，令我感覺驚喜。招牌扣肉包這個夾包口感非常軟熟，夾上肥美多汁的扣肉簡直非常邪惡，加上一片生菜中和扣肉的油膩，吃下去是一個非常美妙的配搭。酥炸豬肉蝦棗外皮炸得非常鬆脆可口，餡料用上豬肉、蝦和芋頭，外脆內軟，非常美味古早魚香老鼠粉煲起初給老鼠粉這個名稱吸引著，當上碟一看原來是銀針粉，笑了。不過配上椰菜花、雞蛋、蝦、蘑菇等配料，雖然清清的但感覺非常健康。豆豉鯪魚炒油麥菜這2菜我自小就喜歡吃，因為簡單易煮好吃。當每條油麥菜都盡吸豆豉鯪魚的精華時，唔會有人拒絕它的味道吧。星洲黑胡椒螃蟹這個餸非常好味，個醬汁用黑胡椒及蟹膏炒製而成，非常惹味，但又不會搶走蟹原來的鮮味。而且隻蟹很大隻，我地拆左大半個鐘先食完。整個晚餐的中式菜炒的非常夠鑊氣及香口，令人回味無窮，尤其是星洲黑胡椒螃蟹，有機會會再嚟。