樂天經典 (已結業)

朋友話想食中菜，推介呢間樂天經典，咁啱我未食過，就搵到個機會食下佢喇🤩呢排天氣咁凍，坐低梗係即刻嗌返碗燉湯飲下。唔好睇呢碗「藥材燉走地雞湯」細細碗咁，其實份量都幾多㗎。入面仲有淮山同埋斬開咗嘅雞件，食落都幾嫩口，飲完成身暖哂。我同朋友兩個人，嗌左半隻炸子雞。外皮炸得香脆， 肉質唔會因此而變乾，而家諗返起都流哂口水🤤我好鐘意食海鮮，見到呢到有得食蜆，毫不猶豫就點左！粒粒蜆肉，幾新鮮，撈埋啲汁食仲惹味😋食飯點可以唔嗌菜😆嗌左份馬拉盞通菜，份量超級多，味道唔算辣，用嚟餸飯一流啊最後就係呢碟咕嚕肉～我諗我最鐘意嘅中菜菜色就係佢喇！肉切成可以一啖擺入口嘅size，外層酸酸甜甜嘅汁，包住入面炸得香脆嘅外皮，最入面就係好軟腍嘅肉！好食到我食唔停口！以後同屋企人食飯，又多個聚腳點喇😆