樂天經典 (已結業)

一行6人行過尖沙咀, 行低食個lunch再血拼。 check見呢間裝修唔錯, 一於黎食食, 結果冇令人失望。首先侍應十分友善, 好體貼咁安排座位, 又會問我地想唔想分開幾份幾份咁上菜。 大堂走廊廁所清潔, 連餐具都好乾淨。 係有良好管理質素既餐廳。杞子准山響螺湯$178分到每人一碗, 湯渣另上。 見到有雞同排骨。 准，山冇渣又厚身。 好好味好清潤。聚寶海鮮豆腐$118豆腐好嫰, 似玉子豆腐咁滑。 層皮都好正。 個汁好入味, 仲有蝦仁粒同海參粒。 外表一般, 質素唔錯。花雕蒸蟹 $368餐廳主打新加玻菜, 其中一個就係蟹。 我地揀左呢個經典口味。 有鉗同手套俾你, 好方便拆肉。 蟹好新鮮, 肉質好正, 十分推介。 家鄉鹵元啼 $148趁人多一齊分黎食。 下面有個火一直加熱。 元啼比外面既少d脂肪, 肉煮到好林。 一入口即溶。 食完勁飽。好值得食。