影片
之前去“乐天皇朝”食过七色小笼包，食物同环境皆有质素，同一集团响加拿芬广场二楼开设左另一间叫“乐天经典”，佢哋以新加坡菜式为主，有胡椒蟹、叻沙等美食为主。而且如果透过openrice订位，午餐可享有68折优惠，非常抵食。首先点左每人一件招牌扣肉包，肥大肉厚既扣肉炆煮得又淋又入味，用热辣辣蒸好既面包包住扣肉，中和左肉既肥腻，大啖大啖咬落去非常好味，每人一件刚刚好。跟住离一个铁板豆腐，铁板上碟保持热度，豆腐配上类似鱼香茄子既酱汁，带点微辣非常惹味，而铁板面有一层蛋做底，增加左𩠌菜既层次感，豆腐又滑，用离配合白饭一流。而细既蒜香排骨一碟有六件，每件都又厚又大旧，虽然十分厚，但肉质仍能保持松软，而香蒜加上炸排骨，香口又好味。再加一碗海鲜叻沙米线，叻沙汤底又香又浓，材料有蟹柳等，十分好味，成碗连汤清晒。小食黄金炸鱼皮系必食之选，每一块炸鱼皮片沾上蛋黄，鱼皮又香又脆，配上咸蛋黄十分滋味。最后每人一碗糖水，杨枝金露柚子带酸，芒果带甜，而糖水质感够浓厚，另外椰子西米露汤丸，香浓椰子香味，加两粒芝麻汤丸，大满足。餐厅装修有格调，卡位坐得舒服，而家职员服务态度非常好，“乐天”果然系有水准。
继续阅读
主打八色小笼包的乐天皇朝，一定唔陌生！相比这间乐天皇朝有出奇少少。创新中国南北菜式，包括点心、拉面、小笼包以及中国八大菜系最经典的菜肴。在月中活动还吃到相当有特色的辣椒螃蟹的款式食品；亦是这里最受欢迎👏🏻不过我同朋友都不太好所以点了其他。前菜（花生粟子）若果全部是粟子就好了，可见我将粟子食晒 $15 ，茶芥每位$10药材走地鸡汤原只鸡都可以食掉，一煲汤可分6碗饮。招牌扣肉包 HK$26/个呢度既扣肉唔会太肥腻, 而且好林又入味, 扣肉、生菜分开上, 食前将配料夹好即食, 面包好松软。皮脆肉嫩金牌烧鸡 HKD $178虽然只点了半只，但鸡肉肉质嫩滑，加上烧鸡是烤熟再淋油，因此比炸鸡更能保留肉汁。西兰花扣海参 唔会间间都食到嘅高级粤菜，海参非常爽弹，这味菜果然和味，冬菇炆得好香好软熟，这味菜我认为必食，因为多数只出现在大酒楼😁👍女人补品无论几饱都食得落肚，而且这款当菜类吃真不错。乐天经典的另一特色是营业至凌晨一点，是深夜肚子饿时的消遣好地方！
继续阅读
午膳时间想坐得舒服D，又想食中菜，乐天经典就系一个唔错既选择午市时段(12:00-3:00pm)单点餐牌仲有68折！乐天经典主打新加坡菜，𩠌菜份量有分大中细，好岩情侣或好友聚会，可以试多几款唔同菜式。而且设有舒适卡位，岩哂慢慢坐，倾下计。前菜系炆栗子花生，够淋身，好入味！腊味炒饭(细)炒饭够干身，粒粒分明，饭粒弹牙，金黄酥香～食落味道甘香，再配以腊肠、葱花等，口感层次丰富，湿润度刚好。金银蛋浸时蔬(细)简单加入咸蛋、皮蛋作调味，除可增添层次，更惹味提鲜，菠菜味道鲜甜亦唔嚡口～香酥南乳五花肉(细)肉香浓郁，配以香酥南乳的制法，味道咸香脆嫩，极之惹味～招牌扣肉包经过长时间焖煮既扣肉，香味四溢，肥瘦适中，口感极佳，夹于刚蒸起、非常软熟既包，一口咬下去，令人回味无穷！手工海鲜白玉砖炸得香松脆口，豆腐鲜嫩白滑，配以沙律酱，口感清新～娘惹咖喱鸡(细)咖喱香甜带微辣，鸡件口感香嫩又爽滑，浓浓既娘惹咖喱香鲜至极～杨枝金露西柚肉饱满带点微酸，芒果香甜加上西米露，口感丰富。
继续阅读
之前系尖沙咀试过乐天皇朝，喜出望外。今日放工再同屋企人试埋佢隔离果间乐天经典。聚宝海鲜豆腐 中 ($192)豆腐好滑，仲有阵浓嘅酒味，汤入面嘅有海参同虾，都几惊喜。招牌扣肉包 （$88）肥美嘅扣肉配上香软嘅面包简直天衣无缝，扣肉嘅肉汁锁住咗系肉入面，一啖咬落去，肉汁溢出，扣肉非常之入味，果然够哂经典。腊味炒饭 细 ($92）炒饭惹味得嚟又唔会太咸，饭入面都几多腊肠，唔会太油腻，如果份量再多啲就不得了喇。三色桂花斑兰糕（$45）桂花糕清新低甜、口感爽滑。斑兰的独特甜香加上桂花杞子的芬芳清香、椰奶的馥郁浓香，三者加埋令到味道更上一层楼，食完真系会齿颊留香。
继续阅读
好难得可以出到尖沙咀行街，睇到呢间乐天经典食评唔错，所以黎试下。我地呢晚6点就来到，因为早来所以餐厅未算多人，经理安排我一家三口坐卡位，坐位和环境都几舒服。 今日点嘅菜都系就小朋友多，冇特别点海鲜，因为大部分都辣。首先系蒜蓉沙西兰花$68，炒得够淋，多蒜，够香！ 泰式炭烧猪颈肉$88， 卖相靓，肉质柔软不韧。 脆皮虾酱鸡翼$98，一碟8只鸡翼只只都肥嘟嘟，鸡翼皮超级脆，虾酱香口入味，小朋友食到唔停口！ 滑子菇素炒面线$88， 好中意呢个炒面，面爽口，唔油腻，炒得条条分明，师傅炒得好！ 三色桂花班兰糕$45，虽然饱饱地但好想食甜品，呢个班兰糕造型好靓，层层分明，更吃得出椰汁、班兰、桂花各层味道，唔太甜值得一试。 椰子西米露汤丸 $38，椰汁香甜，芝麻汤丸多饀烟韧，如果多些西米更正！整体食物有水准，服务有礼贴心，食物款式选择多，可以有下次。
继续阅读