樂天皇朝 (青衣城1)

营业中

休息中

是日下班已經很累了，不想回家煮飯，就係青衣城隨便選一間食。之前里個位置係翡翠拉麵小籠包，轉手，又係小籠包。反正都係上海菜，試下有咩分別先里到玩懷舊，水壺用舊式水煲，幾得意主打八色小籠包，但係本人對中國菜係較為懷舊的，左諗右諗，最後都係要返原味小籠包😅真失敗，掛住食，都唔記得影個小籠包添👉🏻👈🏻味道不錯，皮夠薄又有肉汁👍🏻但係我太貪心，見到十件同五件只係差四十蚊左右，師奶精神，叫個大的，結論係飽到頂上心口🤣前菜竟然有川汁涼皮❤️❤️❤️我最愛丫薄薄的涼皮，加上青瓜絲，辣汁，乾蔥蒜，令人忍唔住一口接一口😋連唔食辣的男朋友都話好好味👍🏻👍🏻必點丫另一個前菜/主食-口水雞個醬汁一級好食，用黎送飯一流。雞肉軟滑，如果係無骨的話更好😋（懶人心聲）不過唔食辣的朋友注意，有點點辣主菜黎喇🐽椒鹽豬扒炸得非常香口，但係一啲都唔油膩。而且肉質炸後都可以keep 到鬆軟🌭，唔會炸過頭變鞋口。但是我宜係太高估自己的食量🙈兩個人完全食唔晒，最後要將里個菜打包返屋企，做明天的午餐。（第二日返煮都依舊美味❤️）當然要加多個麵食先夠飽啦🍜考牌菜，四川擔擔麵😔失望，麵質太軟，湯底太淡，說好的花生醬呢⁉️

之前同朋友去過銅鑼灣分店，一試就愛上，價錢合理之餘環境舒適中而且裝修富麗堂皇，所以今次就大屋企人嚟青衣分店試一試。今次我哋係晚餐過嚟，但發現原來星期一至五下午茶時段佢哋係有五折優惠㗎 。宣傳卡嘅另一邊當然係呢間店嘅鎮店之寶皇朝小籠包啦，食用嘅時候要跟返佢哋建議嘅次序。由於菜式嘅選擇實在太多，menu太大本喇，所以都冇辦法一一影低，就影低呢張點餐紙啦，所有餐品都可以喺呢度點，非常方便。雖然青衣店嘅裝修冇銅鑼灣店咁高檔次，但環境亦非常舒適，所有座位都好寬闊，即使餐廳即使餐廳當晚坐滿客人但係都毫無嘈雜感，食得好舒服。香辣蒜泥白肉 $65香辣蒜泥白肉，淨係外觀都已經好有誠意，唔係純粹將幾片白肉上面鋪滿蒜泥，而係每一片白肉入面都會包住好多青瓜絲，在係上面鋪住香辣味嘅蒜泥。雖然蒜味係冇譚仔嗰啲咁濃烈，但呢個食落去有一種清新嘅感覺，青瓜絲中和蒜泥嘅膩感，口感爽脆，非常開胃。成都口水雞 $78家人愛吃辣嘢，但又唔想食水煮魚或者水煮雞咁油膩嘅食物，所以就叫咗呢味口水雞。重口味人士必愛，醬汁沾滿著雞肉，雞肉又非常嫩滑，真係會食到流口水。特色皇朝小籠包(八色) $98主角到，八色小籠包係此店必點嘅。 八種味

因為有朋友係外國番嚟，話想食中式嘢！所以我地就帶佢嚟樂天，專登去食佢個八色小籠包，貪佢夠特色嘛😂叫嚟影吓相都過癮呀🙈餐廳仲特登整咗個小menu 教你點食！佢地嘅原則大概係要由淡食到濃，如果唔跟住食；食到最後，粒小籠包就可能無乜味㗎啦😆皇朝八色小籠包$98 代表咗八種不同味道！包括有原味、人參，鵝肝、黑松露、芝士、蟹粉、蒜香同麻辣。每一粒咬開都係爆汁嘅而咁多款多中，我最鍾意係麻辣！辣味唔會太勁，但食完條俐會微微發麻，都算過癮🙈同埋呢到啲薑絲同醋都係放係枱面到，任你夾任你斟，啱晒啲薑王或者醋王😈 呢個四川夫妻肺片$68 食落爽口之餘，亦都夠麻夠辣！本來朋友鬼妹仔性格，唔太鍾意內臟！但食完之後，都對佢讚不絕口哩朋友話想食醉雞，所以我就叫咗呢個李白醉雞$88比佢，識食嘅當然要加$10轉雞脾啦！雞脾食落嫩滑，但我略嫌酒味唔夠重，如果再重少少就更好啦！之後再點左紅油抄手$55！四川人稱雲吞做抄手，而紅油就係辣椒油。睇落好似好辣同好油，但食落唔會太辣，而且仍唔覺膩，做得唔錯。食完正餐，又點少得甜品豆沙鍋餅$46呢外層香層重蛋香，入面嘅紅荳餡濃郁得嚟唔太甜，正！另外呢到每枱都有一壺茶，唔使下下叫人哋加

對於樂天皇朝稱皇一事，本人今日有特別的心得。首先從裝修講起，用了黃色做主調，帶出金碧輝煌的皇家氣勢。樓底夠高，完全沒有壓迫感，完全彷似身處於宮殿般。除了室內感覺外，連餐具服務，都是皇帝級享受。座位旁邊有一個藍，供客人們擺放私人物品，令大家吃飯時更自在舒服。來到皇朝，不得不吃的當然是鼎鼎大名的小籠包。皇朝的七色小籠包一直都什受歡迎。絕對是王朝稱王的一大功臣。熱騰騰的鵝肝小籠包。其實說是小籠包但我更覺得像湯包！另外鵝肝味十足，六隻二人份剛剛好。店員溫馨提示，因為是即蒸的盡快食掉比較好喔，包內的湯冷了就沒那麼滋味。這個清燉雞湯對手腳冰冷的人有福了。現在想飲淡老火湯都難，何況是燉湯? 雞味濃而香雞肉滑而嫩，連雞骨我都不放過。對於寒底的我非常適合，把我的胃痛快地暖了一遍…看到這味外婆紅燒肉，我已經向減肥和脂肪低頭。大口大口的把肉送進我嘴巴......................... 已經沒法回頭了。蟹粉炒飯($128) 價錢不算貴，濃稠的蟹粉緊緊地包著炒飯，如愛人般唇齒相依。膩是不膩但個人認為味道偏鹹。瑤柱芺蓉賽螃蟹。又是蟹啦哈哈! 這個必須熱食必須熱食! 當時冷氣比較大，我遲了一會兒吃味

如果說青衣是美食沙漠都應該會有人支持，青衣城所有餐廳都是連鎖的，而且是連鎖到幾乎香港所有商場都有，我在外面還食不夠嗎?來到青衣為什麼還要再吃? 關於餐廳方面青衣城真的要好好想清楚，是否「連繫店」才有資格進駐，獨家的店舖不是更有吸引力嗎? 終於有天發現有新餐廳-樂天皇朝，但幾乎每天都有人龍排隊，過了差不多兩個月的某一個星期四，終於不見長長的人龍，馬上排隊入座。 地方大得很，座位舒適，比旺角店更好的是光線充足，感覺開揚。 芝麻醬油麥菜 $58 油麥菜被薄薄的青瓜片緊卷，完全沒想到造型如此有趣，味道鮮甜爽脆，現芝麻醬非常美味。 皇朝小籠包 $68 鮮艷繽紛的八色皇朝小籠包，光是賣相就已經滿分。八色小籠包其實包著不同的餡料，味道要由淡吃到濃，由白色的原味開始，綠色的人參味、啡色的鵝肝味、黑色的黑松露味、黃色的芝士味、橙色的蟹粉味、灰色的蒜香味和紅色的麻辣味。如果未食過的朋友一定要試試，猜味道的確好玩。 上海生煎包$38 包的外層和底部煎得脆口，厚度剛剛好，但肉餡調味不夠，雖有湯汁但感覺糊口，不夠完美。 松子鮮果桂魚 $238 炸到金黃色的桂魚，淋上橘红的汁醬，配上鮮果和松子仁，鮮艷奪

放假同阿媽去青衣城諗住食個下午茶，點知見到皇朝有做下午茶五折，咁抵梗所以即時攞位啦，要輪10幾個，諗住要等好耐啦但係唔使等5分鐘已經可以入座，因為入面嘅枱都比較多。😊因為唔係太肚餓只係點左三樣食物，海鮮酸辣湯拉麵幾好食，佢出名嘅八色王朝小籠包就有啲失色，佢裏面有八款唔同嘅味道，但係只係有其中幾款好食，另外春卷味道就比較普通，但總括來講都算抵食，所以下次都會再嚟食下午茶。另外今次影咗好多相俾大家睇吓

星期五晚放工後，跟家人到新開張的<樂天皇朝>，享受味蕾上的盛宴。七時前到達，店面已經人頭湧湧，幸好等了十分鐘，便可入座。餐廳環境暈黃，典雅的屏風及精緻的醬缸，營造宮殿式的氣派。我們急不及待點了馳名的八色小籠包，慰勞飢腸轆轆的肚子。特色皇朝小籠包(八色) $98皇朝小籠包排列如藝術品，鮮艷奪目，晶瑩亮麗的外皮，令人垂涎三尺! 八色小籠包味道: 鵝肝、黑松露、蟹粉、人參、蒜香、芝士和麻辣，滿足視覺的震撼後，我們都爭先選吃最愛的口味。雖然最佳享用次序是由淡味到濃味，但我就由最愛的口味入手。如黑珍珠的黑松露小籠包，外皮簿嫰，我不理燙嘴，也要大口咬下去，再慢慢吸啜湯汁，甜甜的雞湯中散發濃郁的黑松露幽香，餡料中混合了蘑菇絲，味道清新香甜。鵝肝小籠包同樣別緻吸引，鵝肝味道香郁，配上雞湯精華，入口湯汁濃甜誘人，是雙重滋味! 以芝士味入饌中式小籠包，可算是中西合璧，肉餡混入車打芝士、水牛芝士，甜湯帶淡淡咸香，味道濃而不膩。 原味小籠包都平分秋色，外皮薄而煙韌，加上肥瘦均勻的肉餡，咬下去肉汁緩緩流出，香濃繞舌! 李白醉雞 $78肥美的雞腿肉冰涼嫰滑，冷泡在紹興酒裡，肉質柔滑，入口雞皮散發淡

位處青衣城的樂天皇朝，主打八色皇朝小籠包，早前路經旺角店，已想試試。今天到青衣城，終於可一嚐其味。一入店內，燈光明亮乾淨，場面大氣，位置闊落，用餐環境舒適。皇朝八色小籠包，分別有原味、黑松露、麻辣、蒜蓉、芝士、人蔘、蟹粉、鵝肝味，富有新意。小籠包皮薄多汁，不易弄破，黑松露味非常香濃，有創意之餘不失美味，必吃。麻醬油麥菜吃法非常新鮮有趣，捲捲的油麥菜新鮮香脆，富有油麥菜的獨特「麥香」，沾一沾麻醬，更覺菜的fresh。五星推介。李白醉雞，取詩仙之「酒氣」，令菜式更添「浪放」之感，酒中醉雞，樂也美也。醉雞肉質細緻而有酒香，份量不少。蟹粉炒飯，蟹肉量不少，蟹汁惹味，濕濕的炒飯，富有江河潮蟹的感覺。沙拉排骨，炸得香脆，熱辣辣淋上沙拉醬，風味極佳，喜好炸物的必吃喔。蘿蔔絲酥餅，內裡有條條新鮮蘿蔔絲，外面酥皮香脆有奶油香，有酥皮蛋撻外皮的感覺，與蘿蔔清爽配搭新鮮。吃中式食物，必配豆漿啦，這樣才完美喔。整體食物質素不錯，與同類食店相比，樂天皇朝菜式更有新意呢。

難得來到青衣城，見到呢間係新開，試下有幾好食先！麻醬油麥菜-呢款好有驚喜呀！估唔到油麥菜都可以生食，一卷卷咁，賣相好靚，非常爽口，配埋麻醬不得了。上海油燘筍-筍新鮮爽口，唔會太濃味，做前菜一流。醋醬海蜇頭-醋味濃，食左令人好開胃！加上海蜇頭爽脆，令人一塊接一塊咁食陳皮五香牛肉-薄切，每塊厚度平均，配埋五香非常配合。清燉雞湯-呢款反而驚喜不大，雞肉比較鞋口，可能已經煲左一段長時間，不過湯清清地，飲完唔會好飽飽滯滯感覺。上海生煎包-有點失望，底部完全唔脆口，似一個油包。重慶紅油鮮蝦抄手-呢款就好好食喇，皮薄餡靚，每隻抄手都有原隻蝦，抄手味唔會過辣，同醋比例非常好。原味小籠包-d 湯真係日月精華，勁濃郁，好彩幾次都無夾穿，唔係真係會無咁好食ga沙拉排骨-排骨經過油炸，好香脆，配上沙拉，罪惡感急升！不過more fat more taste, 真係好好味，極快就清空哂！菠蘿咕嚕肉-呢款略為普通，可能其他實在太出色了揚州炒飯-要試一間餐廳有無功力，試最普通ge 菜式就知道！呢個炒飯係食過最好食ge 炒飯，炒得乾身，配料夠多，味道非常惹味。XO醬涼瓜-唔太苦好好食，估唔到用XO 炒又幾夾wor香煎

本人想與高層到新店食飯。本人等候第二張7-8人枱，第一張枱是訂位既。眼見餐廳有一半位空，但餐廳回應請輪候多數分鐘。本人輪候至少20分鐘，餐廳仍未安排有位。向店員反映，仍無動於衷。

平時想黎好耐架喇，但夜晚次次行過都好多人所以次次都食唔到。今次平日下就專登黎食，無人排隊就衝左入黎溫馨提示：下午茶3點開始要係出面排隊等有5折、晚市有得book位但要6人以上個陣入去食其實係兩點半，但實在肚餓唔想再等，所以一枝箭咁飛左入去我地叫左一籠小籠包，蒜泥白肉，上海雲吞面同生煎包等左十分鐘就上左小籠，一咬落去啲汁都好多，啜到唔小汁，雖然皮唔叫好簿但勝在多汁，而且啲皮唔會係似啲未發開既粉咁，所以比個gd佢蒜泥白肉係用啲簿切豬肉卷住啲青瓜，上面有蒜泥同辣椒醬既野，食落去凍凍地又辣辣辣地再加青瓜其實幾fresh 下，下次去會再食雲吞面啲面唔會煮到一patpat, 但我不嬲唔太鐘意食，同行友人話一般唔太特別生煎包始終煎得唔夠，唔係上海個種成個包都係煎出黎裹面係爆汁個種你預佢個口感係一個蒸好既包再放係穫煎過，但係包裹有汁，同埋比起鼎x豐個生煎包，樂天皇朝係好食好多總結，如果唔想同人逼又唔想等就下就去食喇下午茶就最抵食但係今次懶得等就食左午市，下次先同大家分享下午茶有無唔同喇

樂天皇朝自從由星加玻黎左香港開店之後我已經食過好多好多次，得知青衣開左新分店，作為粉絲的我點都要黎撐一撐場，平日7點黎到，門口已經企滿好多人要等位，可見樂天皇朝的魅力實在不少青衣分店好大間，所以流轉都幾快，我地都唔算等左好耐就可以入去同中式酒樓飲茶一樣有自助茶壺，唔洗下下等人黎斟水食左咁多次，最令我印象深刻的一定係八色小籠包，餐廳自創招牌菜的獨特味道，果然係其他餐廳搵唔到，細看MENU，發現多左少少新菜色老規矩，自己動手填上要ORDER的食物，再交俾店員每次見到呢個優惠都覺得好吸引，星期一至五下午3點至5時有半價優惠，但無奈自己番朝9晚6，實在享用不到清燉雞湯 ($58)先飲湯暖一暖胃，湯水十分清，飲起來好香，表面一點都唔油，入面有數件雞件生炒油麥菜 ($62)菌夠新鮮的話唔洗搞太多花款，簡簡單單清炒就好了皇朝小籠包 ($98)食多咁多次都仲係咁好味的八色小籠包，如果第一次食的朋友，記得要望一望桌上小牌子的介紹，由淡食到濃味，有原味、蟹粉、蒜香、麻辣、人參、鵝肝、黑松露、芝士，每款味都各有特色，味道突出，小籠包皮薄但又不至於好容易夾穿四片夫妻肺片 ($68)夫妻肺片係牛的內臟，食落味道

吃過兩次樂天，覺得很滿意，樂天已經變成信心的保證。因此，今次見到青衣城新開了一間樂天，十分安心的進去了。青衣城的樂天和菜色比奧海城的很不一樣，比較多中式點心。豆漿很鮮甜清涼 !蘿蔔絲酥餅 $38一如其名，表皮真的超鬆化，入口即溶; 裡面則是滿滿的、新鮮熱辣的蘿蔔絲，兩種口感交織在一起，十分配，我忍不住吃了兩個。蟹粉豆腐 $128豆腐超滑，很新鮮，沒有變壞的味道。而且蟹味超入味。皇朝小籠包 $98十分有特色的一道菜。五顏六色，每一種顏色也代表不同味道，滿足不同慾望，一過口癮。這小籠包的皮不會太薄，太薄的話，一夾就破，裡面的湯水還沒進口就已經漏了。這皮有點厚度，足以保護裡面的湯水直到進口。黑松露味很出，麻辣味不會很太辣，大家可以放心，人參不苦，很鮮。生煎包 $38這個包就有點普通了，不過不失吧。裡面沒有湯汁。還是上海的好吃。炸饅頭 $28裡面的包很鬆軟，但如果外皮能炸得更脆一點會更好。京味炸醬拉面 $58一上桌，這充滿中國風的碗已經深深的吸引了我的目光。看著優雅的筆跡 ，一邊享受美食，簡直是一大快事。面條很彈牙，炸醬好足夠好入味。宮廷驢打滾 $38 這個甜品好吃 ! 味道略像日本和菓子-厥

位於青衣的樂天皇朝，是一間主打八色小籠包的中菜餐廳時日相約媽媽到樂天皇朝吃晚餐，媽媽最愛吃中菜，樂天皇朝是我們喜愛的中菜館之一，餐牌上大部分的菜色我已嘗過了。八色小籠包$98八色小籠包，包括: 原味，芝士，蟹粉，蒜香，麻辣，人參，鵝肝，黑松露。全部顏色以天然食材提煉而成，不必擔心。顏色色彩繽紛，難怪屢獲殊榮，先由淡味的小籠包吃起，小籠包每粒約有二十五克，外皮煙靭，微微透薄，非常q彈，內裡肉汁滿滿，令人一口接一口。刀切小饅頭$28由小至大最愛吃炸饅頭，雖然媽媽常說這是窮苦年代的食物，但我卻十分喜愛。饅頭一客三件，炸成金黃色外皮非常香脆，沾上煉奶後，甜蜜香脆，實在無比吸引。鮮蝦雲吞豬骨湯$65很久沒有吃雲吞，所以我選擇經一人一份雲吞豬骨湯。雲吞有六粒，大粒飽滿，內藏彈牙蝦肉，雖蝦味略淡但豬肉味濃，中和剛好。豬骨湯底清甜，但略為不夠熱。芝麻醬油麥菜$58曾經吃過一次的油麥菜，爽脆驚人，令我念念不忘，因此今天要再嚐一次。青瓜卷著油麥菜，清翠奪目，蔬菜非常爽脆，清爽感爆登，沾上芝麻醬後更為美味。上海炒飯$78雖然已點算炸饅頭，但單單三個炸饅頭，我又那會飽呢。上海炒飯大大一碟，二人分享剛剛好。上海