樂天皇朝 (青衣城1)

营业中

休息中

在香港已有三間分店的樂天皇朝，最著名的就是八色小籠包，所謂聞名不如品嚐，今晩便和寶寶去了青衣分舖。檸檬蕙米水 ($15) 正在做推廣，説有清熱利尿、去水腫和美白之效，好像很吸引呢～ 這個比一般的蕙米水清淡，加了檸檬更清新，而甜味也不重，非常解渴。一客三件的教辣辣上海生煎包 ($38) 煎得十分香脆，裡面還有大量湯汁。要小心吃以免燙傷嘴巴！炸饅頭 ($28) 看似簡單的食物，但就是我每次到上海餐廳也必點的小食。炸得金黃色的饅頭外面香脆內裡鬆軟，沾上煉奶十分可口。四川酸辣湯 ($48) 是一人份量，味道也真的頗辣，酸酸辣辣十分過癮。質感稠身，材料足料，每一口也吃到配料，所以口感格外豐富。萬眾期待的皇朝小籠包 ($98) 終於來了！有八種不同的顔色代表八種不同的味道。原來吃也要分次序，先吃原味，然後向順時針方向吃。能做到皮薄餡靚的小籠包在香港只有數間，樂天皇朝便是其一。在這八種口味，我較喜歡人參、麻辣和蟹粉。綠色的小籠包本以為是綠茶，一夾起已經聞到很香的人參味，裡面更像喝人參湯，超很高質。麻辣味不算很辣，但卻保留著吃麻辣火鍋時的舌尖刺激湯。而蟹粉小籠包裡面有粒粒蟹粉，果然足料。皇朝擔擔拉麵

10月係食蟹既季節，食蟹去上海食品店最好。樂天係新加坡品牌，但有上海菜。今日去完迪士尼，係入面食又貴又少份量d！出返嚟青衣擇樂天皇朝。先食個特色皇朝小籠色，八色只係$98滿足貪心bb。香薑同醋份量由你決定。原味小籠包，皮薄多汁，同外面都好相似。主要依到多創新味！麻辣小籠包，又唔算好辣，易入口既，唔點醋仲正！點左有少少醋加辣，無咁濃。芝士小籠包，好西方咁，芝士熱潮個個愛，唔會太西方既濃，岩岩好。黑松露小籠包，首先香氣已經吸引你咬佢，多汁外，黑松露配豬肉既菇菌香。蒜香小籠包，依個重味人岩，蒜香口氣，哈哈。人參小籠包，帶甘香又養生咁，我好鐘意依個，d汁似飲人參湯。鵝肝小籠包都係又西方搞作又重味。蟹粉小籠包，10月季食一流，好正既蟹粉肓，好想食半打嘻嘻，足料！蟹粉炒飯 Fried rice with stir-fried crab roe &128，當造又128蚊，抵！飯底係蛋蔥飯，蟹粉要食，多到好飽好飽！唔會腥係重料，好黃油味，好大舊既蟹肓！食落係有蟹肉，折埋比你，好幸福既感覺！醋醬海蜚頭 Chilled jellyfish in soy sauce vinaigrette $62。好爽帶勁

香港其實唔算多中式野食,我地家里比較喜歡中式美食, 皇朝便是其中一個喜愛的熱點!呢到D湯落足料, 味道濃而不咸,口感十分好, 湯夠熱似係慢火煮成,出街食得野多, 我會比較喜歡叫d湯飲下,因為健康d,二來好少有餐廳有提供補身既湯水...牛肉呢到炒得好滑同軟身,不過我覺得如果牛肉再多d會更好,因為始終蔥我覺得唔係主菜..黎到皇朝如果第一次去, 一定試既係8色小籠包!味道有分濃淡,最好按住佢建議既先後去食,會更為好味!

同友人去完迪迪尼通常都黎青衣城搵食😆過晒晚市時段唔駛等位了.小食係栗子幾特別又好味.油麥菜配麻醬又幾新穎, 食法好清新爽口.我今日先知原來油麥菜可以生食既😂😂餐廳既招牌八色小籠包緊係要試下喇, 色彩繽紛, 但個皮都幾厚, 味道就一般般, 一試無坊, 但個人都係比較鐘意原味多 d😅呢個蟹粉撈飯上桌時真係有點失望😅少少蟹粉都無架, 似個有味芡汁撈飯. 但個汁都幾好味既. 服務方面, 員工都幾有禮主動. 環境光猛坐得舒服.

太后娘娘今日不下廚， 一家五口有藉口出門覓食XD 樂天皇朝的青衣城分店都開張了一段時間， 今次終於有機會一試！ 青衣城店的樂天皇朝店面超大， 有不少四人座、卡位座、沙發座， 店深處還有數張大檯， 多人聚餐也坐得下。 麻醬油麥菜賣相精緻， 用青片將油麥菜捲成小卷再沾芝麻醬， 這吃法還是第一次試， 油麥菜配芝麻醬味道也很搭呢。  蒜香日本青瓜清涼惹味， 小青瓜特別爽脆， 夏天食消暑一流。  主角登場啦~~熱騰騰的皇朝小籠包有8種味道： 原味、蟹粉、蒜香、麻辣、人參、鵝肝、黑松露、芝士 8種顏色由天然食材提煉而非人造色素，食得放心~ 18摺外皮仍然透薄，咬開有不少咸鮮湯汁流出， 搶到最想食的黑松露小籠包，味道好香好濃。 清燉雞湯原盅上桌， 湯汁透明清徹， 雞香隨著蒸氣散發， 暖入心脾。 李白醉雞多加$10可以選雞脾肉， 肉質嫩滑啖啖酒香。 阿妹最愛的沙拉排骨， 排骨炸得酥脆伴著香甜沙拉醬， 香口惹味。 上海生煎包底部煎得微焦， 咬開有熱燙肉汁流出， 超讚！ 蟹粉炒飯上澆上濃郁蟹黃湯汁， 拌勻後每一口都吃到鮮甜蟹味。 擂沙湯圓口感軟糯， 甜度不高作為飯後甜品剛剛好！ 一家人吃得酒足飯飽，

今日同屋企人去青衣城行街，突然心思思想食皇朝小籠包，見人流未開始多，不用等位，去新開的樂天皇朝食餐Early dinner。環境非常闊落舒適，店員充滿笑容，服務非常好。安排座位後，馬上送上籃放咗座位旁邊，放手袋及私人物品，非常體貼。除了點了必食的八色小籠包，還點了清燉雞湯、干燒蝦球、蒜蓉炒菠菜、雪菜蝦仁炒飯、生煎包、擂莎湯圓，樣樣都很多食。清燉雞湯雞湯不油膩，清清地但很香雞味，而且湯內的雞肉很滑。皇朝小籠包八色小籠包色彩繽紛，有八款口味，由原味開始食起，跟著順序由人參、鵝肝、黑松露、芝士、蟹粉、蒜香、麻辣食，每款口味各有特色，而且小籠包皮簿多湯汁。干燒蝦球蝦肉很彈牙爽口，大大隻很新鮮，辣辣地很開胃。蒜蓉炒菠菜菠菜很翠綠，很香蒜蓉味，配埋脆卜卜的蒜蓉粒，很好食雪菜蝦仁炒飯🦐配料有蛋、雪菜和蝦仁，蝦仁很大隻很新鮮，而且份量很多。生煎包生煎包很鬆軟，底層煎到很香口，咬開還有肉汁擂莎湯圓雖然已經飽飽地，但食甜品係用另一個胃，忍不住要點埋擂莎湯圓，湯圓外層煙韌，咬開時黑芝麻餡料流出來，絕對有流沙效果，非常好食。

今日屋企唔煮飯, 所以終於都有藉口同阿媽家姐黎呢度食飯喇! 樂天係新加坡集團既餐廳, 呢間食既係上海菜, 而且幾出名, 可惜屋企人足不出戶, 所以一直都無試過。樂天開係青衣城真係青衣島民既福, 唔洗出到旺角銅鑼灣, 舒舒服服就食到。而且青衣城人流無其他兩間分店咁多, 所以唔洗排到傻先有得食,。不過穩陣起見我都係BOOK左台, 佢限時一個半鐘, 都有少少驚唔夠時間食。我地點左原味小籠包, 醋醬海蛪頭, 木樨肉炒拉麵, 李白醉雞, 鮮蝦雲吞豬骨湯*原味小籠包先到, 我地點左6隻, 入面好多湯啊, 舊餡都好大, 幾juicy!之後醋醬海蜇頭, 呢個好正, 夠凍, 酸酸甜甜勁開胃, 海蜇又勁彈牙, 好好食!!!之後黎既係李白醉雞, 李白真係飲酒飲到.. 後世關於酒既菜式都要用佢黎命名..哈哈哈. 呢個又係冷盆, 酒味有, 但唔澀, 好難得!! 而且D 肉好嫩滑, 我阿媽係咁食, 睇黎佢好中意!!之後係鮮蝦雲吞豬骨湯, 呢個係可以飲埋D 湯架, 但係天氣太熱喇, 我地淨係食左雲吞, 飲左少少湯. 佢個雲吞皮都幾薄, 個餡好出, 因為D 蝦好彈牙, D 料幾新鮮, 而且都幾多肉汁, 呢碟都唔錯呀~

典雅皇室為題既裝潢，加上復古既衣著，猶如置身卡古代。環境寬敞，座位舒適，點菜前可先享用餐前小菜及茶。皇朝小籠包味道要由淡食到濃，次序跟色食: 白 (原味) 、綠（人參）、啡（鵝肝）、黑（黑松露）、黃（芝士）、橙（蟹粉）、灰（蒜香），最後紅（麻辣）。皮厚適中，夾起不易穿但咬落柔軟，用新鮮的豬肉做餡，肉香汁鮮甜，職員特意同我地表示：原味同蟹粉可以點上薑醋汁提鮮，味道果然特別出眾。八色小籠包各有特色，味道豐富鮮明，而人參味最為突出，淡淡藥材既味道，岩哂養身人士。上海生煎包，軟棉既外層，底部煎得脆口，整體口感有趣，內餡的肉汁很多，但調味方面稍有不足，如果調味可以加重就更加完美。外婆紅燒肉，肥瘦均勻，肥而不膩，入口即溶，極有口感醬料既濃又甜，配上熱茶又可消濟，食多幾件都冇問題。鮮蝦炒手麵，驚喜之作，雖然鮮蝦雲吞皮薄餡靚，蝦肉鮮魚爽口，但最驚喜的卻是其麵的部份，麵質彈牙有咬口，配上湯底不會太冧或乾身，整體來說，鮮蝦炒手麵香辣惹味，極其吸引。麻婆豆腐烤桂魚，桂魚肥美肉嫩，原條送上，外皮脆、肉質滑，口感豐富。而醬汁對重口味的人來說亦十分吸引，除了麻辣味外，醬汁濃又重，特別配料吸收了醬汁，口味濃郁。對這

近排養成左去青衣海旁大步走既習慣, 黎青衣城既次數都多左好多。今日原本約左兩個好朋友食飯, 之後去附近睇下有冇Gobee Bike 租, 所以一早就揀左o係青衣城頂樓既樂天皇朝。旺角銅鑼灣既樂天皇朝都多人到爆, 青衣呢間可能因為位置問題, 所以唔洗排隊。我地七點到, 無訂位都可以即刻入座, 以後唔洗去咁遠排餐懵lu。呢度D招呼非常好, 可能因為無咁繁忙既關係, 員工真係好細心, 加茶, 收碟, 上菜都好快, 而且仲好好笑容, 真係比較難得。今次我地唔係叫左好多野, 因為廢事食到太飽之後做運動。我地點左八色小籠包, 李白醉雞, 炸曼頭, 鮮蝦雲吞豬骨湯。八色小籠包已經食左好多次啦, 都係保持水準啦, 岩岩到既時候真係好熱, 小心燙到咀呀李白醉雞好味呀, 今日隻雞肥左DD, 但係D 肉都好嫩滑！凍冰冰, 好解暑呀~炸曼頭普普通通啦, 只係同朋友都好中意食煉奶, 所以今次黎又點啦~鮮蝦雲吞豬骨湯, 呢個可以配麵架, 不過三個女仔驚太爆, 所以就點湯啦~佢D湯其實飲得架, 不過我係為左雲吞而點! 比起豬肉雲吞, 鮮蝦雲吞多左D 口感, 因為蝦肉比豬肉彈牙, 都幾好食.最後埋單真係唔貴, 可能因

樂天皇朝一向最出名就係8色小籠包🙈睇佢啲相都覺得幾特別幾有噱頭 但一直午市或者晚市嘅時間都好多人排隊 要等好耐 所以一直冇試。直至今日見到佢下午茶時間 門口終於無人等 所以就入咗去試吓😂😂當然一定要叫佢嘅特色小籠包啦（四個人嗌咗兩籠）見到佢上菜嘅時候都覺得幾得意既～我試咗麻辣、蟹粉同埋人蔘味.......被有d厚而且冇乜肉汁。麻辣同人蔘味都會食到佢入面係真係有嗰隻味，幾得意但你問好唔好食 其實就真係唔係咁好食👎🏻👎🏻而蟹粉就好似普通嘅小籠包咁冇特別🙁🙁☹反而最令我驚喜嘅係佢其他菜式仲好食過主打菜式😋佢個蒜泥白肉個汁調得好好味同埋青瓜好爽脆👍🏻👍🏻而碟紅油抄手都做得好好👍🏻👍🏻四個人食咗四碟野total六百幾蚊埋單性價比有d....... 😪但如果想試吓特色嘅其實都可以試吓嘅

自從青衣城間翡翠拉麵執咗之後，要食上海菜就要去到荃灣，非常唔方便。依家開返間樂天王朝，我立即去嘗試。由於我好鍾意食小籠包，呢個有幾種味嘅小籠包就啱晒我啦！一定唔會係佢嘅首創，但係佢哋整得都唔錯！咁多個口味，我最意外嘅係人蔘味，即係綠色。個湯包咬落去就有濃烈嘅人蔘味，個皮好薄，加醋食非常之正！但係價錢一啲都唔平！食上海野又點可以唔食酸辣湯拉麵呢！呢個面質都幾好，但係個湯就比較辣，入面有好多辣椒子，食完之後個嘴腫左！鍾意食辣嘅我，仲叫咗個口水雞，不過都非常之失望，價錢唔平，但比嘅質素竟然係雞胸同埋大量雞骨，根本冇嘢食，我醬汁唔夠辣，所以大家係唔需要再叫架啦！最貴我係叫咗個蟹粉炒飯，價值＄128 ,但係飯嘅份量同一個$5嘅白飯係一樣嘅！味道方面我男朋友就讚口不絕，有好濃郁嘅蟹味，但係我就覺得一般啦！而我全晚最欣賞嘅竟然係佢價值＄15嘅小食，花生同栗子！花生好林，最鍾意食易啲林嘢啊！其實佢嘅裝修都幾靚，餐具仲要係金碧輝煌添！不過我嘅評價係所有食物都好細碟，如果大食啲嘅，最好叫幾個朋友一齊share ,可以食多啲野，最後埋單，我同我男朋友兩個人食咗480幾蚊，真心覺得唔係咁值得！

平時行街成日都見到有海報宣傳佢地個八色小龍包，今日順路係附近就入去試下。餐廳裝潢唔錯$98啲小龍包同朋友一人一半，我試左人參、鵝肝、黑松露同蟹黃。蟹黃果粒我覺得冇咩蟹黃味。人參果粒有人參味，只係我個人唔太好人參味。鵝肝同黑松露都好正，味道香濃，同小龍包都好夾。至於我朋友充試左蒜香，麻辣 芝士同原味。佢話覺得啲味道太淡，同平時啲小龍包冇咩分別。如果要佢簡一粒最好味既，佢話係原味。

今日喺OpenRice度發現咗呢度原來下午茶，五折於是同老婆兩個人去試。發現原來味道真係唔錯，我哋叫咗一籠小籠包，一個雪菜蝦仁炒飯，再加一個五香牛肉豬骨湯拉麵，仲有一個蒜泥白肉，四樣味道都好。只不過原來唔係每樣野都有半價，炒飯係原價。其實佢餐牌都有寫，只不過好難分邊啲係半價邊啲係正價，所以我建議不如全部半價，咁啲人食得仲開心。其實呢度有首創嘅七色小籠包，只不過今次兩個人冇嗌到，下次一定要試吓，我推介你食下午茶，唔好食晚市。最後埋單＄215

Date: 26Aug週末晚市，2人檯只等了約15分鐘，算快了！↑皇朝小籠包餐廳的重點菜色之一！2個人分，每人可以吃到4種味道！（之前大班人一起吃，只吃到1、2種味）基本上都很好吃，各自的味道都很明顯，麻辣也沒想像的辣！唯獨芝士味是最不習慣的，裡面像芝心丸般有軟軟的芝士餡，感覺好像吃著ravioli，個人還是比較喜歡其他7種味道。↑蘿蔔絲酥餅一層層的「外衣」有「斷層」，賣相一般。不過咬下去外層很脆，內層當然是很熱！餡料的蘿蔔絲不算多，還好不算太油膩。↑豬骨湯年糕想吃點主食又不想吃飯麵，便點了年糕湯。說實在的湯底的豬骨味不重，但整體okay的。值得一讚的是每塊年糕都有5mm左右厚，但煮得夠軟又不會爛！

今日老公放假可以試試呢到嘅下午茶，所有拉麵，小籠包，點心，湯類同涼菜都係半價。兩個人食咗二百幾，如果唔係半價都幾貴。我覺得做得唔錯，每一隻都食得出唔同嘅味，皮嘅厚度適中，湯嘅份量都啱啱好同其他餐廳嘅做法唔同，佢用塊白肉卷住青瓜絲，紅油亦都比較少，所以入口會比較淸新D，唔覺食緊五花腩，一向食開嗰D味道就比較濃，各有各好啦！我地揀咗要辣味，其實都係加D辣油，冇乜特別，所以其實要唔辣仲好。牛肉幾好味，軟硬適中夠新鮮，一咬有好多汁流出嚟食落口好開胃，酸酸地又辣辣地，海蜇同蝦都好爽口