樂天皇朝 (青衣城1)

营业中

休息中

兩大1b去完迪士尼玩，搵地方食野二話不說就揀左算近既青衣城食晚餐。帶住個b，好快就揀左樂天皇朝食晚餐，因為佢有bb凳～～呢隻bb凳可以比坐得穩至幾歲既小朋友都坐得。佢有連埋枱，細既小朋友可以用自己張枱，唔會整到枱面既食物；而大d既小朋友用就可反番張枱去後面，當高凳使用。我地兩個女人，叫左一飯一麵一籠小籠包，bb自攜食物。飯方面我地就叫左個蟹粉炒飯。呢個飯既汁蟹粉既味都好足夠，個汁唔會太濃味，唔錯。麵方面我地叫左京味炸醬拉麵。開頭睇以為個碗大但麵唔多，但撈勻左發現其實份量都ok.撈勻左係咁既樣呢個麵同出面食既差不多，食既時候建議大家記得撈勻d同記得用肉碎送麵，如果唔係就會好似我地咁食到最尾先發現仲有好多肉碎😂。由於我哋兩個本身已經試過七色小籠包，所以今次淨係叫咗普通小籠包，可能因為呢間樂天皇朝本身出名七色小籠包，所以佢既小籠包都唔錯。環境方面都幾乾淨，不過食一餐飯就聽到幾次打爛碗碟嘅聲，唔知係侍應跣手定點。

平平凡凡的一日 , 到 青衣 - 青衣城 逛街 , 見到有 樂天皇朝 就入去幫襯 ~Menu ~ 蒜泥白肉 : 這店的蒜泥白肉 , 跟一般坊間的蒜泥白肉略有分別 , 除了蒜蓉醬汁有不同之外 , 豬肉之間也夾著了蔬菜 , 整體的味道和口感層次都十分豐富 ~ 蘿蔔絲酥餅 : 酥餅的外層酥皮相當酥脆 , 輕輕一咬 , 味道清甜的蘿蔔絲一絲絲滲在口中 , 好吃 ~ 原味小籠包 : 到 樂天皇朝 就必定要品嚐小籠包 , 一般情況而言 , 我會選擇吃其招牌貨 八色小籠包 , 但當日想吃原味的 , 小籠包件件堅挺又脹卜卜 , 小籠包的皮Q靭又富彈性 , 一口咬下 , 內裏的湯汁洶湧澎湃而出 , 豬肉餡亦鮮味 , 十分好吃 ~ 心太軟 ( 糯米紅棗 ) : 屬於上海的著名甜點 , 據說 晚清時期 慈禧太后 也非常喜歡吃 , 在甜脆的大紅棗鑲入糯米團 , 蒸熟後來吃 , 粒粒黏糯甜蜜 ~本篇完 ~

👫2個人點左小籠包...雪菜蝦仁炒飯...蒜香菠菜（食左無影到）...口水雞⋯仲有甜品宮廷驢打滾😂😂🍲🍡🥗🍚我地一致認為樂天係唔好食既🤦🏼‍♀️8色小籠包同原味分別唔大 最期待既黑松露竟然食落似冬菇味🙊寧願點原味好過 仲平d👾最最最失望個菜淡到無落鹽咁 完全無味⋯口水雞又太咸🙁平時唔浪費既我地都食唔落 咸到食唔落☠️同埋第一碟上先既竟然係甜品👾次序錯哂！但甜品味道唔錯 煙un控會鍾意！

樂天皇朝以八色小籠包聞名，而且獲奬無數，今晚終於可以試了﹗晚上和老爺奶奶一行四人晚飯，奶奶說不如食上海菜，所以就醒起樂天皇朝的八色小籠包，於是Nosir就做柴可夫司機車我們到青衣店吃晚飯，商場方便泊車，食飯又可以取泊車單，絕對是駕駛人士之選﹗原來青衣成的樂天皇朝面積非常大，裝潢當然以中國風格，座位都非常舒適⋯點菜紙可以自己剔選想吃的食物，非常方便⋯茶及小食費用每位$7，今晚的小食是花生粟子，燘得非常軟腍⋯主角八色小籠包登場﹗原來食小籠包的次序是先咬一口皮，再吸啜小籠包內的精華湯汁，最後才沾上薑醋來吃的，我們都習慣夾起小籠包後就沾薑醋然後一啖吞下整隻小籠包，按照樂天皇朝教的次序和方法來品嚐小籠包，的確更能體會，小籠包味道的層次及精華所在，特別是嚐這個八色小籠包，每一個都不同口味，所以更要慢慢細嚐⋯夫妻肺片聽得多，但其實我是第一次吃的，這款四川夫妻肺片是冷盤，麻辣味十足，但我很喜歡這種辣，辣而不苦，還有我最喜歡的牛肚，惹味非常﹗皇朝話梅骨是廚師推介菜式，味道超級讚，酸甜而醋味香濃，肉質嫩滑而外面香脆，非常酸胃﹗我喜歡吃饅頭，無論是蒸還是炸都一樣喜歡，炸饅頭當然更為香口，最美味是將饅頭沾滿煉

之前已經係旺角樂天皇朝分店食過我的生日飯，今次屋企附近都開左間，難得襯住屋企人又生日😂，借啲意又去食多次先😋晚市大約等左個半鐘（等到傻左）😂 坐低飲啲茶先！幾香嫁～上次係旺角分店食過醉雞後覺得好好味，今次一樣叫返醉雞先！好香酒味，帶小小小小既苦味，而且雞肉都幾嫩，唔鞋，係must點item呀😂🙈之後有佢地既八色小籠包，賣相當然吸引，佢亦有建議食用既先後次序，不過其實都冇乜大分別😂叫做跟著黎食玩下甘啦，味道方面係好味既，皮薄亦好juicy，但唔會令到你嘩一聲，最好味係正常味，蟹粉味，仲有個麻辣味都係值得一試！人參味都係唔好啦，哈哈🙈😂🙈😂呢碗麵忘記叫咩名了🙈上面既肉炆得幾入味，唔會鞋口，麵同湯底正常，冇特別出色。個人係好鐘意食水餃雲吞類，呢個雲吞啲饀好大舊，皮都幾薄，不過我自己鐘意食勁厚皮既🙈😂如果你喜歡薄皮的呢個都岩食！而碗麵既調味係麻辣味，都真係幾麻！食之前記得盡量撈均勻啲，如果唔係食到最後好容易太濃麻辣味就唔好啦！最後，叫左個酒釀丸子作結，有淡淡地既酒香，好Q既丸子，好味😋😋價錢方面，晚市其實唔算好平，反而聽人講佢地既午市係抵食好多，而且午市一定少人好多，所以大家可以去試下！

今日約左父母一齊去青衣城行街，到了晚飯時間，揀左呢度3樓嘅樂天皇朝。呢間係食上海菜架，門口已經有個大餐牌，可以睇下啱唔啱食先入去。再望真啲，原來呢度仲有個名堂叫「小籠包傳奇」，啱晒我同阿媽，因為我地都都好鍾意食小籠包架。座位闊落，檯與檯之間保留一定距離，而且走廊空間都好足夠，唔會有擠逼嘅感覺，咁食飯都舒服好多啦。三絲春卷食落有份淡淡嘅清香，原來係唯山，感覺特別，味道都唔錯喎。做蘿白絲酥餅其實都好考功夫，外層嘅酥皮喺油炸時要小心處理，否則好易爆開。味道方面，蘿白夠香口，內裡又夠濕唔會炸到乾晒，非常爽脆。呢度直頭有晒指引「教你如何享用皇朝小籠包」，睇得出佢地對客人嘅貼心。因為我同阿媽都好鍾意食小籠包，所以我地叫左兩籠。皇朝小籠包係呢度嘅招牌菜，而且仲攞個獎架。上面係8隻不同顏色嘅小籠包，淨係賣相已經先聲奪人，啱晒啲鍾意相機先食嘅人呀。下面係10隻原味嘅小籠包，師傅真係可以做到皮薄但又唔易穿，技術認真犀利。我試左黃色，啖啖嘅芝士味配小籠包，感覺非常特別，一試難忘。再食原味小籠包，一啖放入口，熱辣辣嘅湯汁喺口裡四濺，味道及口感都好滿足。跟住就係老婆最鍾意食嘅炸饅頭，點埋練奶食，真係無得輸呀。這

聽聞這店名字經已是好幾年前的事, 最初的時候的確是一時無兩,紅遍食網, 幾年下來由燦爛歸於平淡, 香港地就係咁嘅市場, 今天晚晚長龍好快事過景遷, 新奇好玩的點子又怎麼會季季都有?! 她最火紅時我們沒有來過, 時至今日的某一天, 我們來了!前菜冷盤:李白醉雞$78, 看見每一枱叫這冷盤的都是那個樣子, 即是差不多都是同一位置, 集團式的典型例子之一, 沒有好壞只是強調一樣野就係統一品質, 而拿這個菜作例子因為多客人點容易觀察到,陳皮五香牛肉$58, 無咩陳皮味的半乾牛肉, 切得夠簿, 看筋的紋理都估到係展位置,只不過瘦肉較多, 膠質較少, 8種味道的皇朝小籠飽$98大致上都各自做得出不同味道, 而比較有趣的味道個人覺得"人參","鵝肝","芝士" 味較突出,但說到底還是原味最好味,當然這跟習慣的味道是有直接關係, 無錫鮮肉鍋貼$36及紅油抄手$55則做得相當本土化, 紅油抄手甜多辣少,鍋貼皮底部煎至剛剛起焦香脆可口餡肉實淨,肉餡肥豬肉較少, 所以沒有什麼爆醬口感,京味炸醬拉麵$58伴醬有堅果香小辣帶點甜甜的味道容易受落, 惜份量偏細, 三絲春卷$38熱乎乎新鮮炸起來沒有不好吃的道理,甜

每次經過青衣城，中市晚市也大掛長龍，此間新派上海菜，主打五顏六色上海小籠包。今日我們反而點了一些上海小菜。先來一碗擔擔麵，辣味濃，蓋過花生味，麵夠彈牙，份量都算大碗。再來上海炒飯，飯夠乾身，不會太油膩，味道夠濃，豉油味重。最後點了一碟京醬肉絲，用餅皮包來食的，但肉絲太鹹，沒有配菜，餅皮都是用來包片皮鴨比較夾一些。整體上此間新派上海菜的菜色味道偏濃，下次要再來食主打五顏六色小籠包。此間的待應好有禮，縱使人山人海，但服務都好好

朋友新屋入伙，上完佢屋企搗亂之後，點都要請佢食返餐賀一賀佢……朋友話想食上海菜、小籠包，所以黎左樂天皇朝~李白醉雞$78酒味好香，雞肉嫩滑啖啖肉，生熟程度岩岩好，砌成球體上碟好有心思干燒蝦球$138去左殻嘅大蝦球加入蒜蓉同辣椒爆炒，非常惹味，有鑊氣！個汁咸咸辣辣，用黎送飯一流蟹粉小籠包（6隻）$108食上海菜點可以唔食小籠包！由於八色小籠包之前已經試過，今次一於揀左我同朋友都鐘意而且當造嘅蟹粉小籠包。橙色皮嘅小籠包好搶眼呀！建議食法係加薑絲醋汁食用～皮薄而又帶點煙韌，入面嘅蟹粉同肉汁都幾多，一人三粒唔洗爭。上海生煎包$38個包好軟熟，而個底煎到好金黃，個包份量好大，好飽肚京味炸醬拉麵$58呢個屬於熱拌麵，炸醬係熱嘅～有肉絲、豆腐、青瓜絲同蔥花，望落炸醬好似唔多咁，但其實炸醬係墊底嘅，非常足料四川酸辣湯$48我個人好鐘意飲酸辣湯，每次食上海菜必叫。呢個我可以講係我飲過之中數一數二好飲嘅！首先肉絲、木耳、豆腐等配料非常多，其次係酸度、辣度都係岩岩好，隻醋嘅味道好醇唔刺喉，唔會太杰或稀，大愛！雖然好飽但叫埋甜品就完美啦！女人係用第二個胃裝甜品嘅！桂花酒釀丸子$32第一啖試啖桂花糖水先，基本上

今日妹妹話同我食lunch,預祝我生日，我地揀左去青衣城既樂天皇朝。其實樂天皇朝已是去過四次，而青衣城更加去過三次。我每次必食佢嘅8色小籠包及酸辣湯。酸辣湯係酸辣度適中，而且足料，不会水汪汪。另外仲有四川夫妻肺片，四川涼皮，我同妹妹都係愛辣之人，所以2個餸都好味。甜品叫左個特別啲'- 宮廷打滾，其實有d似擂沙湯丸口感，不過佢係捲狀，而且凍食。總括呢個午餐食得好滿足，好舒服(因為一至五lunch冇限時)。 唯一個碟前菜花生收$45,有d貴，而且ㄡ吾好味。

一行四人去送機, 於是係青衣城食lunch, 我是第一次去這間酒家, 但大食男友🤴🏼已試過幾次, 所以今次就選擇呢間😆；黎呢間以小龍包作招牌菜既酒家, 當然要先講小龍包, 因為席上有人要戒口,所以我地只叫了原味(其他仲有7仲味選擇), 皮夠薄, 湯都算夠, 但肉味不足, 但整體味道同皮薄已夠贏; 其他食物味道水準中上, 但勝在熱盤夠熱上菜快, 除左小龍包, 涼拌黑木耳都係值得食, 酸辣適中, 一食停唔到口；至於三色瑪瑙蛋, 個名改得好吸引一咬底層既咸蛋就散, 三種蛋味都欠奉; 另外雪菜肉絲拉麵, 份量取勝, 麵身夠Q, 但唔睇菜名係唔知原來係雪菜肉絲麵, 因為雪菜同肉絲都極少；五香牛肉味道可以,但‘五香’既香味就好低調😅

青衣向來不是約朋友聚餐的地方，慣性都會選銅鑼灣﹑尖沙咀等地區。今次選青衣是因為我和朋友剛剛乘早機回港，機場的餐廳又不太吸引，於是乘機場快線過來「醫肚」！我有嘗過位於利舞臺6樓全層的樂天皇朝，和青衣城這家比較裝潢，這裡實在比較平民...我們2人點了四道菜，先是必食的皇朝小籠包，選原味就對了，其他味道比較花巧，食正宗味道應該要點原味！小籠包的皮不算薄，內有少量湯汁，我們每人吃5個，建議加薑和醋增加味道的層次！另外還點了這些：蟹粉炒飯 的就是蟹粉炒飯，外觀就像碟頭飯⋯吃起來又油，炒飯看起來像白飯，不要點！四川夫妻肺片［下圖左方］這個麻辣又香口，惹味！不錯沙拉排骨［下圖前方］沙拉醬可以多一點，或者是放平均點，這樣有些沾太多，有些沾不上的⋯排骨還可以吧吃這餐午飯吃了兩個小時，因為我們口水太多了，坐酒樓的好處是坐很耐都沒有人趕，我們吃到下午茶時段就走了。

某日去青衣城發現原來新開咗樂天王朝之後即刻忍唔住要試吓啦！9點幾嘅時候都仲有10幾個人排緊隊，攞咗飛之後都等左四五個字先入得未坐低已經預左要試佢個出晒名嘅皇朝小籠包，跟住再叫左個五香牛肉拉麵，由於遲食下午茶嘅關係，飽飽地嘅情況下最終只係叫咗兩樣野。等左一陣啲嘢食都黎齊啦，好心急咁試咗個小籠包，餐廳好貼心地有張紙講解點樣按次序食小籠包：由淡至濃。食哂咁多隻味發覺似乎冇邊一隻味特別好食或者係一試難忘，唔知係我期望過高定抑或是少少名過於實呢？不過其中令我感到較為突出嘅就係黑松露味，佢有淡淡嘅黑松露香令我食完之後口入面仲留有佢既韻味！不話我唔明點解佢係排第四嘅呢濃味既黑松露唔係應該排後啲架咩？！之後就到個五香牛肉拉麵，唔算好大碗，如果係男士食嘅話就應該唔夠飽啦。但係一嚟到見到佢個湯底係乳白色都有啲驚喜喎！拉麵係幼身嘅，然後有四五塊薄切牛肉，都幾好味喎！呢個下次可以encore！今次食得兩樣野俾唔到深入評論，所以決定下次再黎試多啲嘢，希望佢既水準可以保持住！

講到中菜其實皇朝算係出名既代表, 香港其實真係唔太多中菜餐廳係普及化,來來去去都係扒/西式, 食到都厭...仲要間間老實講差不多,分別唔太大..前菜會有d栗子, 幾建康, 同比較軟身, 易入口.小籠包基本上必試嫁啦, 因為最王牌既既點心, 我地無叫佢既八色係因為八色食左好多次,我地反而想食返下原汁原味, 主要好味係個湯底夠濃,夠精華, 飲落熱辣辣好舒服既感覺..小籠包既皮比較薄,易入口. 必定會點既菜,當然可以點其他味..我自己中意原味.擔擔麵, 有小小辣既風味, 花生醬有係湯底, 湯底唔太水, 麵身比較爽口為主,連湯飲不錯, 大碗.湯圓幾好味, 飯後甜品係唔錯既選擇不過唔好叫太多會濟.服務, 價錢, 環境我都覺得很優秀

賽螃蟹我覺得賽螃蟹冇咗生蛋黃就好似砌圖欠缺左一塊咁，將生蛋黃同蛋白搞埋一齊個種滑溜嘅口感真係好好食！樂天王朝嘅蛋白基本上都好滑嘟嘟，口感幾好，唯一美中不足嘅係個味道！唔明點解佢已經落左醋喺蛋白入面，仲要落咗都好多， 完全蓋過左本身嘅味道，連蛋黃嘅鮮味都無埋！生煎包No good no good!!生煎包最緊要係個包皮底部要夠脆‼️，小小微微嘅嘅燶先至係生煎包嘅精髓！所以佢唔脆第一關都過唔到我都無謂再寫落去