樂天皇朝 (將軍澳中心)

营业中

休息中

疫情期間再次係到食飯，人流雖然少咗好多但食物質素依然咁高!八色皇朝小籠包呢個真係次次都要食，每個餡料都有鮮明既味道同層次分別，相同既係每款小籠包都湯汁飽滿，皮薄而且調味適中，個人非常鍾意麻辣口味，麻而香辣實在令小籠包既口感更加昇華!夫妻肺片又麻又辣好開胃，加上份量亦都唔少，4個人食都唔會分得少少，食落口感爽口同埋入味，前菜嚟講一流!干煸四季豆唔會太油同埋太咸，肉碎既比例岩岩好而且可以帶到四季豆既鮮味，炒既時間都岩岩好唔會太老，唔鍾意食清菜既一定岩食!酸辣湯拉麵呢個真係抵食，有好足料既酸辣湯再加埋麵，酸辣湯同平時嗌既餡料基本上一樣，酸度再加上辣味好開胃，呢個相對地比較辣，配埋麵一齊食岩岩好中和到，鍾意食辣既唔好錯過!松子鮮果桂魚呢個個人認為係招牌菜，因為其他地方實在食唔到咁鮮味又調味了得既松子魚，首先炸既時間適中所以魚肉仲保持嫩滑，加上醬汁同埋調味令到個魚既鮮味更突出，甜酸比例恰到好處!

疫症期間真係好少出街😭，不過今日要去超市補貨順便出街食餐飯✌️😋。將軍澳中心的樂天皇朝，某些時段有半價👍✨，所以叫咗好多野😂李白醉雞🐔✨超滑又入味四川抄手拌麵✨酸酸哋好開胃正宗重慶水煮魚🐠✨叫左小辣都仲係好辣，不過都好食招牌原味小籠包✨裡面的湯汁非常豐富蝦仁酸辣湯拉麵🦐✨好足料，酸辣度剛好

呢日突然想食小籠包，第一時間諗起呢間樂天皇朝。原味小籠包今次叫左10粒，食過八式小籠包，都係最喜歡原味，皮薄但唔易穿，入面湯汁豐富肉香油脂足夠，一啖一個好滿足!沙拉排骨細個成日係大排檔叫既一味菜，而家唔係度度有得食，一上檯見到排骨被濃濃既沙律醬包圍住，邪惡而吸引!咬落非常香口，一個人食哂一整碟都冇問題!生煎包一客三個，皮唔算厚，但入面既肉都算大舊，最正既係包底KEEP住脆卜卜，就算擺凍左都依然脆口，呢個非常滿意!鮮蝦抄手伴麵上次食過酸辣湯麵，今次試下鮮蝦抄手伴麵，個人更加喜愛。麵上配上微辣既醬，配埋皮薄既鮮蝦雲呑，喜不喜歡食辣既朋友都應該岩食。鮑魚炒飯原鍋上既鮑魚炒飯顏色好深，就咁睇都知好濃味，平時既鮑魚炒飯通常將鮑魚切到一粒粒，呢度既鮑魚炒飯係原隻上，雖然唔算大隻但咬落彈牙，唔錯!飯亦炒得粒粒分明，唔錯。豆沙鍋餅最後上埋甜品，叫左豆沙鍋餅，小時候家姐整過俾我食，長大後到我叫番呢味甜品俾佢食。食既係回憶的味道，中間紅豆餡綿密甜美，不過一份多人SHARE最好，少食多滋味~ 

呢間餐廳之前已經食過一次，因為覺得好滿意所以再黎試一試其他菜式。今次食左個麻醬油麥菜，非常特別，因為d菜係生嘅，所以非常爽口，之前未試過咁樣食，再點埋個麻醬都好夾。小食方面我就覺得炸饅頭同小籠包最好食，炸饅頭一定要點埋煉奶就正。而小籠包夾嘅時候要小心d唔好穿，因為入面有好多汁，食嘅時候飲埋裡面嘅湯汁先係精華所在。另外，我仲試左個鮑魚炒飯，味道好夠濃，至於個主角鮑魚嘅口感同樣無令我失望，有咬口之餘又唔會太硬。

今天去將軍澳中心，行過樂天王朝，一於入去食晚飯，之前食過一次感覺唔錯，所以今日一定要再食😄餐廳裝修得好靚，坐得又舒服，店員又很有禮貌☺️今晚我們叫了幾個餸：酸辣湯拉麵，一向我都好鍾意食，湯底好足料有蝦仁，肉絲，豆腐和木耳等等，湯底酸辣又啱啱好，好好食 !松子桂花魚，呢個餸一啲都唔簡單，要先將肉面切成小方形，炸起配埋酸甜汁，唔鍾意食魚嘅小朋友都鍾意食😄麻醬油麥菜，賣相很精緻，一卷一卷的，油麥菜是生的，點佩麻辣醬，第一次食感覺好fresh😘還有炸春捲和炸饅頭，這兩款也是必食之選❤️

在家閉關多日，實在忍不住要外出用膳，特意多點幾個餸，來填滿這一個多月來不能外出用膳的空虛！進入餐廳前，店員會安排先為客人量度體溫，並為客人準備消毒酒精，有勝於無，作為顧客的我們會更放心。.📍刀切小饅頭（炸)($28）饅頭外面炸得香脆，裏面軟熟，食落去毫不油膩，點上煉奶同吃，十分美味❣️。.📍心太軟（$58）此心太遠並非平日吃開嘅心太軟，紅棗包著糯米，味道主要來自紅棗嘅甜味，中間包着煙煙韌韌嘅糯米，口感唔錯，味道討好👍🏻。.📍上海生煎包 （$42/3件）生煎包鬆軟，底部煎脆，中間包著軟嫰的肉餡和大量肉汁，好好吃😋！.📍薺菜黃魚春卷 （$48/3件）春卷內包着薺菜和黃花魚🐟，魚肉軟嫰香滑，春卷炸得香脆不油膩，值得一試！.📍松子鮮果桂魚（$238）松子魚賣相澎湃吸引😍，魚肉外包著的脆漿鬆脆不油膩，魚肉沒有過乾，炸得不錯👍🏻，配上酸酸甜甜的醬汁和菠蘿🍍，十分惹味。.📍宮廷驢打滾（$45/3pcs)驢打滾口感軟糯冰涼，中間卷著紅豆蓉，外面再灑上黃豆粉，好吃呢！.Menu

樂天皇朝對於我和男友有特別意義🥰，所以不時也會光顧。在不知不覺間已成了它們的常客😉。•1⃣ 皇朝小籠包 $118這店應該是八色小籠包☺️的始袓。8隻顏色代表著8種口味，包括：原味、芝士🧀、麻辣🌶、人參、鵝肝、蒜🧄香、蟹粉🦀和黑松露。按照它的指示順著次序吃，味道由淡至濃味😋。-2⃣ 老北京家常花肉豆腐 $85 濃味之選👍🏻。豆腐加上香濃甜辣醬汁，非常入味。-3⃣ 京醬肉絲配薄餅 $90 以用來包片皮鴨的薄餅包著甜甜的醬油肉絲和香蔥絲，口感軟軟的。-4️⃣ 宮廷驢打滾 $40/3件 第一次嘗這道甜品，本來以為它是熱辣辣的，沒想到一口咬下，是凍的😯。帶有椰汁味的煙韌糯米包著紅豆蓉，最外層沾滿了黃豆粉。整體質感和味道也很好🤤。

樂天集團餐廳一向我都好欣賞，無論是中菜館、上海菜館、火鍋店等等，每間餐廳都有高水準表現。每次做節一家人總會到「樂天皇朝」食個飯。今日收工經過樓下商場，心血來潮想到樂天食個晚餐。一個人食唔到太多，我叫左3個點心。樂天八色小籠包，有齊八款口味，我比較喜歡蒜味、芝士味和麻辣口味。每款味道都好突出驚喜，小籠包皮薄，肉餡好多汁，半肥瘦豬肉充滿肉香，湯汁甘甜。我再叫一個素菜包。蔬菜清甜，包子吸哂蔬菜水份，好軟熟。我叫一個口水雞。雞肉香嫩，辣度唔會太高。

約左呢個朋友好耐啦，終於約到，我同呢個朋友都好鐘意松子魚，講好左一齊食。我地揀左環境華麗雅緻的樂天皇朝食飯，樂天皇朝係新加坡既過江龍，食物好有水準。呢度最出名係八色小籠包，但我地無叫到，因朋友個女淨係食原味，我地唯有叫原味食。原味已經夠好味，食落隻隻爆汁鮮甜，小朋友自己食左4隻。🤣終於到松子魚啦，個汁相當醒胃，外皮也炸得夠脆，我連魚頭都"損"埋。另外仲叫左糯米紅棗， 蒜蓉清炒菠菜，皇朝話梅骨同重慶紅油鮮蝦炒手，樣樣都好好味，幸福。🥰🥰甜品點了檸檬蘆薈桂花蜜，內裡放滿了蘆薈肉和杞子，感覺清新，夏天食應該透心涼。

好耐冇食上海菜啦，好掛住小籠包。今晚去咗將軍澳中心嘅樂天皇朝食晚飯，全部嘢都鍾意食，好滿足。囡囡好鍾意食小籠包，點名要叫一籠原味小籠包食，小籠包皮薄餡靚，唔容易穿，咬一個細窿，飲到好多湯汁。最愛食松子魚，炸得脆口，啖啖肉，肉質嫩滑，配上甜酸嘅醬汁，大家都搶住食。花雕醉雞都唔錯，酒味香濃，夠入味，肉質都算幾滑。欖菜肉碎炒四季豆夠香，唔會太鹹。 蟹粉豆腐好香，入面有好多蟹膏同埋食到蟹肉，用嚟送飯冇得頂。最後吃了桃膠桂圓糖水，潤一潤滋補養顏。 呢度入座前要量體溫，做足防疫措施，而且檯與檯之間保持空間，我哋四個人就安排六人枱，夠曬闊落，食得好舒服。

樂天皇朝 (將軍澳).川味涼皮.略嫌味道不夠，係涼皮再加上海辣油，所以我地將佢加入埋海蜇頭嘅汁🤣.瑤柱芙蓉賽螃蟹.生蛋黃撈埋蛋白再落啲醋，單吃不會太濃，但拌飯一樣咁好食，同炒飯一齊食更好食！.原味小籠包.原味係最原始最永垂不朽嘅味道，皮薄熱辣辣.風沙沙拉排骨.沙律汁淋上排骨，非炸嘅排骨加埋醬好好食，餸飯一流！.薑汁炒芥蘭.大大條翠綠芥蘭，但無乜薑汁味，但外出必須要叫碟菜食！菜佢都有好多選擇！.豆沙窩餅 . 女朋友為自己想吃而叫，豆沙微甜，外皮香脆，中間煙韌 📍樂天皇朝 (將軍澳)將軍澳唐德街9號將軍澳中心地下G31號舖.

上次食過一次覺得好唔錯，最緊要係阿爸阿媽岩食，呢排係屋企煮得多，決定出街食一餐抖下氣。.去到同上次一樣，服務員會幫手探熱同提供酒精搓手液捽手。一去到就見到poster寫住疫情下外賣八折，所以今日見到有好多外賣單，完全係做到冇停手。.坐低後先奉上熱茶同埋花生做小食。由於上次食過，今次就叫咗幾樣新嘢試下。.📍招牌原味小籠包（$78/6粒）📍蟹粉小籠包（$128/6粒）📍黑松露小籠包（$118/6粒）上次試過8色小籠包，今次回歸基本，好似分開每個味咁叫價錢仲平。🦀蟹粉同黑松露個味都唔算好特出，黑松露反而菇味比較重，似野菌小籠包🍄，有d失望。而最出色嘅其實係原味，皮薄多汁，而且價錢最平，食完原味先至係皇道⭐️。.📍竹炭流沙包 （$42/3件）之前有講過這間流沙包絕對是草根吃過最好吃的一間，流沙餡料有鹹蛋香🐣，流心程度高，而且餡料量多，再加上鬆軟包身，必點😋❤️。.📍豆沙鍋餅 （$55）豆沙鍋餅外邊炸到脆卜卜，中間紅豆蓉吃下去熱辣辣，不過分怖不太平均，如果紅豆蓉份量可以多一點會更好。.📍李白醉雞（$85）醉雞未算很入味，而且香氣不足🍶，最大的缺失是雞肉並不嫰滑，可惜呢👉🏻👈🏻。.📍話梅元蹄（$10

樂天皇朝 (將軍澳).⚜️醋醬海蜇頭⚜️.每次黎到都必叫，好爽口非常好食，海蜇頭價錢比海蜇貴但味道都好食好多，個汁酸酸地好開胃，有青瓜墊底，連青瓜都好入味！.⚜️瑤柱芙蓉賽螃蟹⚜️.又係一樣落左醋後會令味道升華的餸菜，中間又黃又圓嘅生蛋黃撈埋蛋白再落啲醋，單吃拌飯一樣咁好食，又係每次黎到必叫！.⚜️原味小籠包10隻⚜️.上次食過蟹粉後，都係覺得原味啱我地口味多啲，皮薄饀多湯！.⚜️風沙沙拉排骨⚜️.以為風沙即係炸得外皮好厚的，但原來唔係，佢似焗到外皮微脆，再有滿滿嘅沙律醬，好邪惡好好食 ！.⚜️雪菜蝦仁炒飯⚜️.四個人食點都要叫啲主食，雪菜蝦仁飯係清清地又幾好食嘅主食，炒得乾身又唔油膩！.⚜️酒釀丸子⚜️.媽媽爸爸喜愛嘅甜品，每次必叫，淡淡酒香再加上大量桂花同煙韌嘅小丸子！.環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️ . 📌 樂天皇朝 (將軍澳)將軍澳唐德街9號將軍澳中心地下G31號舖.

尋日特登返將軍澳， 同爸爸食返餐飯，知佢鍾意食上海嘢， 就揀咗樂天皇朝， 疫情底下佢都算係咁， 都算多人食 入去之前會有人幫你量體溫 同有消毒潔手液👍🏻👍🏻， 我哋一坐低就即刻望下餐牌 當然要叫佢嘅 招牌 皇朝小籠包， 上到枱隻隻脹卜卜 肉質鮮嫩滑 仲要有濃郁 上湯喺裏面😋， 四川酸辣湯， 酸中帶點微辣， 額外醒胄， 上海油燜筍 嗰份甜甜的味道 令人一試愛上 如果當小食可以食幾碟🤣🤣，外婆紅燒肉 大家都唔可以錯過， 醬汁味道較得非常之好， 另外就係唔會覺得好油膩👍🏻 爸爸非常之欣賞， 重點推介酸菜魚👍🏻👍🏻 魚質嫩滑 酸辣適中 就連豆皮同埋個粉都超級好食👍🏻👍🏻

疫情問題，岳丈大人返唔到大陸，由農曆年前留喺香港到今日，成日都喺屋企食飯，今日見大姨仔話得閒，不如返去將軍澳同佢地食飯，岳父鍾意食濃味，上海菜就最啱佢，所以揀咗樂天皇朝；餐前小碟嘅燘花生栗子，好入味同好淋，兩碟都清哂；岳父一睇餐牌就揀咗“外婆紅燒肉”就知佢嘅口味，食落又唔肥膩喎，肉汁豐富，酒、糖和醬油入哂豬肉度，送飯一流；嚟到當然要叫佢地個招牌“皇朝小籠包”， 集合原味、人參、鵝肝、黑松露、芝士、蟹粉、蒜香同川味八款唔同嘅口味，喜歡小籠包嘅朋友可以試完邊款啱口味再叫，話說呢度嘅小籠包皮薄而汁多，肉質都幾鮮味，值得食嘅!“酸菜魚”湯唔太麻辣度適中，魚肉份量唔少，“酸辣湯”材料豐富，食上海菜就係喜歡濃味，夠酸夠辣；“薺菜黃魚羹”，外面好難飲到呢個羹，想試特別嘅可以一試，魚味頗重!太座嚟親都食嘅“麻醬油麥菜”，清新脆綠，點起麻醬食真係好正!而我嚟親都會點嘅係“上海油燘筍”，從小就喜歡食筍，呢度嘅味道係難以形容，所以每次都必點!另外一樣就係去到邊度見到都會點嘅“賽螃蟹”，呢度嚟到先自己撈勻雞蛋、瑤柱同蟹肉，成碟最後俾我照哂鏡!“蒜香排骨拉麵”，建議大家食呢個要先食，因為比起其他餸菜，呢個味道會