樂天皇朝 (將軍澳中心)

营业中

休息中

唔知點解，佢同鄉嘅對手去得多，反而好少機會嚟樂天王朝。一坐低奉上（當然要收費嘅）前菜。雖然唔係特別想要，但起碼碟中嘅花生同栗子係暖的。肚餓的我未上菜前已經KO左。先來嘅係著名的小籠包。一上枱就知道皮太厚。餡唔係爆汁嗰種，加上厚皮，令到整體比較dry. 反而蒸素餃有驚喜！素餃包得晶凝通透，裏面啲餡亦都調味得相當好擔擔面中規中矩，鍾意佢唔係一味用花生醬或麻醬將個湯底變濃。辣味對我來講亦都適中。最後叫咗豆沙鍋餅做dessert. 味道不錯，只係嫌佢煎/炸得比較油膩

小籠包可以話係我其中一樣最鐘意食嘅中菜🫖見到呢度嘅下午茶時段有特價所以就入左去食呢間由新加坡開過黎嘅過江龍亦都好高質🇸🇬.🌟招牌原味小籠包 （$98）其實鋪頭有一款8色小籠包都係招牌菜不過我食過都係最鐘意食原味 而且仲要又平又抵食呢個原味小籠包一籠有10隻上菜嘅時候又係新鮮蒸好 熱辣辣食落去都算係皮薄餡靚😋而且冇咩薑味(小編好怕薑味🥺)每隻都有好多湯 所以好好味.🌟蝦仁酸辣湯拉麵 （$68）蝦仁大大隻🍤酸辣湯比我想像中辣 🌶️🌶️辣到流晒鼻水但係又好好食 🤧😭份量都好多.🌟擂沙湯圓 （$42）一碟有4粒 可以同店員講後上即整即吃 上枱仲係熱的😋而且好香芝麻味.餐廳裝修到金碧輝煌但係入到去又唔覺得太掁眼😂其實坐落都幾舒服 而且服務態度好成個用餐體驗都唔錯

樂天皇朝. 本身都已經食過幾次. 以前唔識佢. 直到成日都見到人地打卡(八色小籠包)... 之後終於認識左今年情人節又適逢大年初三. 其實諗左好耐都唔知食咩好, 咁ARM見到APP程式有得BOOK位,仲要下午茶有50% OFF , 即刻BOOK黎試下!大概準時2:30PM 去到. 因為BOOK左. 唔駛再排再等. 真係好好. 因為見到其實都有WALK IN可以等位. 但真係超級多人. 建議大家都可以用下APP訂位. 唔駛等得咁辛苦!入到去環境唔錯, 好乾淨企理感覺. 我地2口子安排左4人座位. 夠晒闊落! 因為半價. 點左好多食品, 包括: 八色小籠包, 醉雞, 炸饅頭,阿婆紅燒肉,酸菜魚,酸辣湯 等等,,, 天! 真係叫得太多上菜速度都OK. 大概10分鐘就有得食! 醉雞/蘿蔔絲酥餅/炸饅頭 我都非常推薦, 醉雞味道夠濃, 而且啖啖肉, 好食! 蘿蔔絲酥餅/炸饅頭 新鮮即炸, 又唔會炸得太燶, 好味道! 但八色小籠包,  比較失色. 好多口味都麻麻. 加上又唔夠熱. 扣分! 好彩勝在皮薄肉汁多! 食晒之後, 都係覺得原味最好食. ! 而酸菜魚, 正價我唔會食, 得幾片魚, 其他都係薯

上次買外賣時，收銀小姐推介下次可以試下午巿便當，話係抵食的，今次就試下先。（係一到五先有的，每十日轉餐牌）叫左個糖醋魚便當，一打開個就覺得好豐富，雖然糖醋魚得三塊，但好食。涼拌木耳都正。個蛋炒飯係粒粒分明，唔會好似其他飯盒咁成pat嘢。食哂成個便當飽哂Overall午餐便當係幾正，下次會試下其他款的。

將軍澳中心有Frozen 展，睇完之後，見到對面樂天皇朝話做緊下午茶時段，部份食物半價。於是乎，問清楚樓面先，原來，所有涼菜，點心類，麵食，同湯都有半價。所以，唔洗諗了，入去啦。始終都係星期五下午，所以就算做緊半價，都係得幾張檯，唔會好多人好嘈，又坐得舒服。叫咗醉雞，轉做脾，個酒好香，好似係玫瑰露嗰種酒香，好食。小籠包，等咗好耐，不過D皮就夠黐底，有2隻一夾就散。蒸銀絲卷，仲有煉奶一齊上。水餃，好食，8粒都唔夠喉。麵類同酸辣湯：正常。

樂天王朝嘅小籠包一直係我嘅至愛，前段疫情既時間，佢仲要做半價嘅優惠，於是我即刻衝左去食，而家亦做緊外賣自取六五折既快閃驚喜優惠，非常抵食😋將軍澳哩間樂天王朝環境舒適，位置寬敞，枱與枱之間唔會太接近，都坐得幾舒服🎈原味小籠包我叫咗六粒小籠包，呢度嘅小籠包皮薄多汁，非常鮮甜好食🎈炸饅頭本身想嗌流沙奶黃包，但係因為已經賣晒，所以唯有試吓炸饅頭，呢度嘅炸饅頭外脆內軟，而且份量好大，沾上煉奶，香甜好味🎈川味涼皮之前喺內地已經食過涼皮，今次試吓樂天王朝嘅涼皮好唔好食，佢嘅涼皮比較厚身，咬落去煙煙韌韌，好有咬口，醬汁酸酸辣辣，非常開胃，仲有青瓜絲，撈埋一齊食，口感好豐富🎈黃朝擔擔拉麵擔擔麵辣到適中，麻醬味濃郁，面質比較粗身好咬，整體來講味道都唔錯，不過食到落尾會有啲鹹，飲返兩啖茶中和下就啱啱好🎈桂花酒釀丸子最後甜品叫咗個酒釀丸子，之前喺另一間都食過酒釀丸子，仲記得個味道非常唔錯，但呢一間嘅酒釀丸子令我有啲失望，因為佢嘅酒味太濃，基本上冇咩桂花味，佢嘅丸子都幾多，我諗呢個甜品比較啱啲鍾意飲酒嘅人整體來講，呢個半價下午茶真係非常抵食😋襯有優惠可以再食多次

話說今日係星期六，同老公路過將軍澳中心樂天·皇朝，平日會因為佢啲野貴唔捨得試，但今日竟然仲有星期一至五個半價優惠！咁點都要試下！一入到去，防疫都好似做得唔錯，有隔板坐低之後部長放低左茶壺，而茶具同餐具就放左響一邊！先黎左個賣相好精緻但好似好細碗嘅酸辣湯但其實唔係想像中咁細，我同老公都覺得料好足，好飲只係老公飲飲下覺得佢辣，跟住又忍唔住飲多一兩啖，好搞笑最後當然比我一個清晒！Order左一個擔擔麵，老公話辣嘅程度好適中，岩晒香港人食，反而翡咩咩麵就辣得滯但味道方面，麻醬味淡，佢覺得麻醬味重啲會好食啲！同埋花生碎粒如果炒香左先會好味好多，太青喇！不過，半價食又okay嘅！最後當然唔少得——-我地最期待嘅小籠包！$118 （半價$59）原味：一流 好鮮味 冇得彈 皮薄餡靚糟溜絲瓜：一如其名 真係糟糕了 鵝肝：有啲鵝肝味囉 冇特別黑松露：有黑松露味 冇特別芝士：一舊岩岩好 多舊就好膩了蟹粉：我係蟹粉友 佢點整都巧巧食蒜香：當蒜味大過小籠包鮮味時 就睇你鍾唔鍾意了，我地就麻麻地川味：有川味 冇辣味 鍾意食川但又食唔到辣就一定滿足到了總括嚟講 下午茶抵食！不過都要差唔多$250

廚師推介，話梅骨… 份量小得驚人，打開個外賣盒，以為係小食。講真，其實味道不錯，只係覺得被騙。各位朋友，小心中伏。其他食物，如松子魚，小籠包，窩貼都好食。担担麵一般。

疫情下餐廳嘅環境的確寛敞、舒適、安心用餐，但食物質素好似退步了。以前試過雅蘭中心分店，覺得幾好味，但係今次試呢間就覺得差啲。我感覺只有點心好味，例如小籠包、炸饅頭。其餘我試咗咕嚕肉，海蜇，蘿蔔絲酥就一般般。特別係咕嚕肉，完全唔得，蘿蔔絲酥就冇咩餡料，又唔夠鬆化⋯⋯如果我再去應該只會嗌點心同小籠包食🤨

今日行將軍澳嘅見到做下午茶半價優惠， 其實平時都知道佢哋又做下午茶半價， 而家抗疫期間，星期日都有半價下午茶真係好抵 一定要試下 👏🏻👏🏻一坐低就有秋天黃金時節盛產嘅栗子🌰🥜必食最原味小籠包🥢 新鮮出爐熱辣辣一邊仲有好多湯汁好juicy再配上薑絲配陳醋😋呢度嘅🌶酸辣湯真係好足料，而且酸辣平均，唔會太酸又唔會🌶太辣， 酸酸辣辣最開胃 ，連平時媽媽唔食咁辣嘅都飲到，連阿媽都讚好👍🏻李白醉雞酒味香濃🐥雞肉嫩滑雞又冇雪味而我就好鍾意食涼涼雞皮下面透明啫喱狀嘅膠原蛋白蘿蔔絲酥餅乾熱辣辣特別好食，好鬆化重慶紅又鮮蝦抄手 配上炸過嘅蒜蓉 特別惹味而且蝦肉彈擔擔拉麵湯底香濃有花生芝麻

將軍澳中心樂天皇朝3點至5點時段： 半價本身唔係想食呢間，想試下Greyhound, 聽GM講下午茶好味。但原來星期一至5才有Simply Life 勁多人排隊找唔到荳子樂天皇朝寫住半價，入去食好耐無見過朋友，請了她食生日tea我幾得前年食過晚餐，貴.下午茶半價有興趣食本身想叫流沙包，但我寫了炸饅頭。其實我都想食蒜泥白肉有驚喜又好味

抗疫home cook疲勞，加上家人想吃小籠包，就去樂天皇朝食早晚餐。未到六點已經有四枱客，生意似乎未受疫情影響。原味小籠包係必點的，另外還order了紅燒扣肉拉麵，葱油餅，生煎包，沙拉骨所有出品都係水準之作。特別推介葱油餅。初初家人話餡料略咸，但我發覺如果連外皮整份放入口，冇味嘅外皮中和略咸葱油餡，味道剛剛好，葱油好香。依家谂起都想食。紅燒扣肉拉麵，麵底彈牙，扣肉切片D感有D似罐頭不過都好腍好入味。生煎包爆汁似乎係standard.沙拉排骨kind of heaty,但個自調沙拉汁好得埋單$450，送一張50蚊現金券，下次滿200就可以用。葱油餅，我哋好快再見㗎喇。

朋友突然約食飯諗住星期六邊度都人多我又湊住bb下午打去想book定位 點知佢話今日booking full左叫我夜晚黎walk in 到左夜晚7點左右 黎到門口即時有位 安排入座店員都好好禮貌好友善主動詢問要唔要bb櫈同提供兒童餐具入到去 見到出面係比較full最入面係比較多吉枱既點左個小籠包 唔記得影相賣相唔錯 熱辣辣 咬落好多汁 皮唔會太厚味道一般 冇特別揚州炒飯 味道淡淡的 比係平時食開既 真係好淡味唔吸引炸饅頭外脆內軟熱辣辣 整體黎講 真係一般般

將軍澳中心有很多餐廳，附近也很多大型店鋪，好喜歡去這個商場食飯行街！樂天皇朝每間分店裝修都貫徹始終 很華麗，平日lunch 不是太多人，很喜歡食樂天皇朝的小龍包 很多汁，餡皮都很薄！另外要讚既係鮮蝦雲吞拉麵蝦好新鮮，而且雲吞好大粒，拉麵係豬骨湯底，我每次食完都好味到飲唒d湯另外蘿白絲酥餅都係我至愛一定要叫！每個都包著滿滿的蘿白絲同埋一定係熱辣辣上碟的！雪菜蝦仁炒飯，蛋絲同飯粒粒都炒得好分明，雪菜很惹味，蝦都是爽口的。雖然炒飯，不過食落口都唔太油。overall 食物質素唔錯，不過價錢略貴呢。

今次同朋友試呢間中菜 分別叫左幾款菜式 雖然我地午市但冇套餐 要單點 茶錢$8一位 一坐低就會有碟小食 係栗子🌰同花生 🥜後來睇返張單自發現原來碟小食係要另外收錢嘅$15 另收加一服務費 店員冇同我地講到呢點好似唔係幾好1. 原味小籠包6粒 $62 💡💡💡小籠包好有驚喜 真係名不虛傳 皮薄餡靚 入面湯汁唔會過份油膩 但又有豬肉油脂既香味 size 適中 一口就食得哂 湯汁係口腔入面爆出嚟 好滿足❤️細心一提一定要趁熱食 如果唔係個皮會痴住塊布 比較易穿 漏哂啲湯汁 2. 無錫鮮肉鍋貼 3ps $40 呢個鍋貼底部煎得好香脆 但就冇咩肉汁 皮都比較硬 3. 炸饅頭 $28 雖然呢樣菜式好普通 但我好中意食 點埋練奶食真係絕配 而且外皮好脆4. 肉碎乾煸四季豆 $85 👏🏼呢個都幾推介 送飯一流 如果單食就會比較咸 但係配埋飯食就岩岩好 呢個好味😋5. 鮮蝦雲吞拉麵 $75 呢樣真係太過普通了 有4粒雲吞 皮較厚 餡料又唔係幾juicy 湯底好清淡 係勝在好大碗好飽肚 但絕對唔推薦叫 6. 豆沙鍋餅 $55 外皮係有啲太硬 唔夠酥脆 豆沙餡料都夠 仲有好似麻糬係入面煙煙韌韌