樂天皇朝 (將軍澳中心)

营业中

休息中

呢間餐廳之前已經食過一次，因為覺得好滿意所以再黎試一試其他菜式。今次食左個麻醬油麥菜，非常特別，因為d菜係生嘅，所以非常爽口，之前未試過咁樣食，再點埋個麻醬都好夾。小食方面我就覺得炸饅頭同小籠包最好食，炸饅頭一定要點埋煉奶就正。而小籠包夾嘅時候要小心d唔好穿，因為入面有好多汁，食嘅時候飲埋裡面嘅湯汁先係精華所在。另外，我仲試左個鮑魚炒飯，味道好夠濃，至於個主角鮑魚嘅口感同樣無令我失望，有咬口之餘又唔會太硬。