樂天大喜屋 (已結業)

由佢開業到現在，吃過數十次，本來一直好評的！但今天來到，徹底失望食物選擇比以往少，質素一落千丈，環境向來不是很好，但都正正常常，但今次還是疫情期間，枱與枱的距離超級近，即使枱面有一塊膠板，但我和左右兩邊的食客，根本是同枱吃飯的距離！枱、椅和碗碟都不怎整潔最慘不忍睹是食物質素，每款食物基本上都試過了，跟以往差太遠了，吃不下去上菜混亂不堪，我分別叫同款食物三次都沒有來，我旁邊的都吃完兩次了，最終三次一起來從此不會再考慮這家！

依間樂天大喜屋好耐無黎喇 睇下今次既水準仲保唔保持到先！見到超多人等入去😂😂 食物種類好多！依家仲有得電話scan code落單 方便到💜有小食自助區 有涼拌、泡菜、咖哩魚蛋等小食比你食住等飲品區都有種種唔同款式既飲品 包你實揀到款岩心水！落左單既食物都幾快到 見到職員好好好快速咁上菜 收碟 值得一讚刺身方面 質素水準高😘好鮮甜！唔腥 三文魚仲入口即融炸物、串燒、日式食物燒菠蘿、蜜汁牛柳粒、拉麵、壽司等等我地食完就即係再encore 🤣真係好食😋依間真心抵食 我想到個個客人都同我地一樣咁快速度😂😂 真係好想食均哂menu上所有食物😇😇🪧 樂天大喜屋 (旺角)旺角彌敦道593-601號創興廣場2樓

今次黎食，上菜慢，我叫左4塊魚生、4塊青魚都要成十五分鐘先上。壽司完全唔得，蟹子壽司咁簡單嘅野都可以完全無味。刺身。又唔新鮮，例如海膽勁臭。最後叫左個雪糕，硬到成舊磚咁。野食賣相大不如前，以後唔會再黎。

見食評唔錯咪走去試下，真的不會再去。簡直不知所謂。入座叫野食等左20分鐘先黎兩三樣，炸野仲要凍既，刺身叫三次先黎一轉，叫職員幫手跟下，問返我地叫左啲咩🙄。點解唔係你地查下（啲食物一係就重複黎，一係就我地無叫過）點答呀。野食黎到就似掉野咁掉上枱，好聲好氣問多少少就發晦氣咁，垃圾。

本來都一直覺得佢個午市定食幾抵食，之前食過幾次咁，又可以任食自助吧同任飲飲品，食物質素一般但都叫做食得飽個肚，本來平時收3:00已經怪怪地，今日1:45分左右去到，諗住可以慢慢食，點知去到話想食定食，個經理無啦啦話定食「滿哂」冇位，一定要迫人食成200蚊放題，但我望入去個場明明入面仲有大把位，仲叫我聽日早啲來食？咁你聽日又話「滿哂」咁我咪又白行？咁你賺夠嫌啲客阻住我都唔好意思再來幫襯，想中午食佢個定食的客人可以省番，無謂俾佢趕客受氣。

食午市放題12-3 ，12:35分入座 12:42叫完第一張單1:10 分先到第一張單既刺身 1:06 我見唔對路已經叫緊下張單 ，1:50 分先到第2 張 我坐左2 粒鍾先食左3 轉野食我又唔想浪費唔敢一次叫太多野食給果就係等半粒鍾先黎一轉 半粒鍾先黎一轉 ，由放題吃到飽變左等到飽，之後2 點未夠佢拎張單黎同我講 我地就快last order，即刻嬲到飛天 ，心諗我食左兩啖就已經last order .等得耐已經燥，同佢地職員投訴 全部hea覆唔係第一次食 但今次食真係超谷氣

尋晚喺旺角附近行街，行到肚餓就諗住搵間餐廳食嘢～見到創興中心呢間日式放題好想試吓～餐廳好大，有自助吧，可以揀唔同種類嘅飲品，仲有沙律菜🥗熟食，雪糕🍦同埋甜品🍮等等嘅選擇～炸物有唔同款式嘅炸物，我哋揀咗紫心香芋丸同埋吉列炸鮮奶～外層炸得幾香脆，入面有香甜嘅芋泥，外脆內軟～炸鮮奶幾香甜，唔錯菊花蜜自助區斟嘅飲品～幾香甜嘅菊花味，暖暖地，仲可以清熱解毒添創意壽司有唔同種類嘅創意壽司🍣我哋揀咗鵝肝帶子壽司，和風黑松露吞拿魚他他壽司～壽司面有黑松露醬，吞拿魚幾正，鵝肝食落幾滑幾好味😋極尚花膠盛宴一碟有好大塊嘅花膠，食落軟軟淋淋，醬汁好濃郁，仲有西蘭花🥦幾健康，幾好味燒鯖魚，燒鰻魚燒得好香嘅鯖魚，配埋檸檬汁🍋酸酸甜甜，幾正～鰻魚同樣咁Juicy,幾香甜刺身有北海道帶子刺身，赤貝，泰式生蝦刺身同埋北寄貝刺身，都幾正～幾鍾意泰式生蝦刺身，幾有鮮味，配埋酸酸甜甜嘅醬汁，幾特別！

尋晚趁住阿媽放假，佢話好耐冇食放題，我哋就揀咗旺角創興中心2樓呢間日式放題試吓～佢有自選兩小時嘅放題，一個人只需要$250連加一刺身類有唔同種類嘅刺身，感覺都唔錯，有三文魚🍣希靈魚，油甘魚等等嘅選擇～刺身食落幾爽口羊鞍扒我同媽咪都幾鍾意食羊架，燒得好香好Juicy，一咬落去啲肉汁就出晒嚟～貓山王榴槤炸彈好大個榴槤炸彈，外皮脆卜卜，入面係好香好濃郁嘅榴槤肉，食落覺得幾香甜雞軟骨一串雞軟骨燒得幾香，調味幾好，食落煙煙韌韌，幾有咬口炙燒三文魚壽司燒得幾香嘅三文魚壽司🍣一細件食落覺得好滿足

近年愛上行$12店，旺角創興廣場的分店大間有齊貨，每次開心買完野，扶手電梯樓下都會經過 樂天大喜屋，今日放假終於有機會 享受放題。準時 6:00Pm 入座，價錢優惠，有兩小時慢慢品嚐美食。餐廳空間大，座位多，相當大又寬闊，坐得好舒服。日式食品選擇也非常多， 我們年輕人第一時間用手機 scan code，唔使5分鐘已經落齊單。然後輕輕鬆鬆去自助區，自由選取炸物小食非常香口、前菜、新鮮沙律、清甜生果、特色甜品、雪糕，多到數唔晒。最驚喜就係清酒任飲🍶 飲品仲有汽水果汁🥤滿足不同口味。如果喜歡食海鮮，自取凍蝦、青口、蜆，相當揼本。海鮮之外我最喜歡就係刺身，先來甜蝦、赤貝、北海道帶子、三文魚🍣 全部都肥美厚嫩，鮮甜油潤，食到停唔到口。壽司也是推介之一，同居酒屋的質素一模一樣，而且款式更加有創意，鵝肝帶子壽司🍣肥美香滑。香芒龍蝦膏甜蝦壽司，外型已經夠鮮艷，鹹香鮮甜，味道層次豐富。一品料理也不錯，蒜蓉粉絲蒸帆立貝，真係好似去咗大排檔嘅風味，我都忍唔住要encore。千萬不要錯過 極尚花膠盛宴，一刻好像去了五星級酒樓，用刀叉品嚐花膠，滋補養顏。炸物有芝麻雞，串燒有鹽燒雞翼、溫室菠蘿，再配埋清酒好味絕倫

今次同朋友仔去到呢一間位於旺角嘅大喜屋食放題，佢嘅價錢非常親民， 質素亦都相當ok，性價比極高， 見到都好多人去食，所以食物都好新鮮。 佢嘅刺身好多種類，特別係三文魚非常厚切， 仲有牡丹蝦勁大隻好新鮮肥美， 甜蝦雖然細細隻不過真係好鮮甜。 熟食方面有好多種類選擇特別推薦羊架， 無骨鳳爪， 燒菠蘿， 榴槤波波， 同埋紫薯波波都好好味。 最後甜品方面都幾高質，每人一杯movenpick， 我地揀咗榛子味同埋曲奇味。整體質素相當之好，下次會再去食。

食放題食咗咁多間，呢一間樂天大喜屋都算係性價比好高嘅一間放題選擇，因為佢個價錢都幾抵食，食物質素都好多選擇， 刺身方面有三文魚，牡丹蝦，甜蝦，赤貝， 等等都幾大件新鮮。 熟食方面羊扒 ，牛舌，雞軟骨嗰啲都幾惹味 ，特別係燒菠蘿，超甜好食， 仲有佢個炸榴槤波波，同埋紫薯波波都幾好食， 冷盤有無骨鳳爪，木耳，青瓜嗰啲都幾入味。 甜品方面就有一人一杯movenpick， 仲有好多口味選擇，我就揀咗佢個是日推介，嚟到就係榛子味，下次會再去。

又黎到我最鐘意既日式放題喇！依間係旺角創興既樂天大喜屋真係好受歡迎，遲d黎排隊都唔得。大喜屋好易影，電梯一上好大個雪櫃，又幾十款野飲個間就係喇。依家轉左電子落單真係好方便，又環保。黎到梗係要食刺身啦，依度既刺身質素真係好高，大蝦刺身勁大隻，啖啖肉。三文魚刺身好肥美，直頭係厚切。壽司都好多選擇，每一件壽司係比較細件，一啖一件可以食多好多款，我最鍾意火炙左口魚壽司同鰻魚玉子壽司仲有好多好好食既值得試，海膽手卷，蒜蓉蒸扇貝，燒牛舌等等飲品真係好多，清酒梅酒應有盡有。大喜屋真係幾唔錯，同埋三五知己黎真係岩哂。

呢間日式放題相信MK搵開食嘅都一定識，平日5:30-7:30入座只需要$198一位，個人會建議選擇2小時自由價$228咁就無局限嘆到過百款任攞任食日泰中韓款式。全層二樓行來行去出去攞野飲野食😆座位空間感闊落，疫情期間二人坐四人座位，手機掃二維碼落單就唔驚成日漏單。講野食之前，講d 笑話你聽先，隔離果檯有個叔叔嬸嬸，叔叔點完野食行開左，野食到個嬸嬸起勢話無叫過d 野食🤦🏻‍♂️ 店員O左咀都算啦，佢用最平價錢食7點前離座時段，店員禮貌地講時間夠啦，叔叔大大聲回覆：咁走唔到點算呀？真係唔止O咀咁簡單，隔離幾檯都望住佢...但最重要係店員仍好有禮貌解釋比佢聽放題程序，其EQ強度值得一讚。一座落位應該同大家一樣，落好哂刺身壽司後就去食物自助區八一八先，🍶飲品有唔少選擇，竟然有埋清酒、梅酒、提子燒酒!(連小朋友都裝到黎飲🤭🤣🙈)🧃各款果汁任飲任裝，熱茶咖啡奶茶任裝，當然少不了罐裝飲品雪櫃多達數十款。🥗沙律吧款式相當齊全，十數款任選配搭，西瓜哈蜜瓜火龍果任食，重有埋Candy Corner岩哂小朋友。🦐凍海鮮有凍蝦，青口，螺肉，炸物有小丸子同春卷咖哩角，熱食有幾款，當中最吸睛係新加款蒸倉魚，鐘意食嘅

香港人最鍾意食放題 🍣🍤🍥🍜旺角呢間樂天大喜屋，位置方便、佔地夠大、 上菜又快👍 非常推薦大家 😍率先當然要食刺身 ，嗌幾多黎幾多 🤤🤤件件厚切新鮮 ，大推赤蝦 🦐非常大隻彈牙🦪 帶子亦都好鮮甜 🍣壽司方面亦都有好多選擇 ：創意卷物、火炙壽司軍艦、迷你手捲等等🍱🍱私心推介蒲燒鰻魚、 炸榴槤同埋香芋圓每次必食嘅 熱辣辣炸到金黃色甜甜香香😆 鍾意 呢度嘅飲品選擇都好多酒精非酒精都有好多選擇 🍺🥤仲有haagen dazs添🍦 食到捧住個肚走

之前已經食過，覺得還可以，今次同屋企人再來食，結果差到估唔到，叫十樣野食，來得五樣，上菜速度慢，到截單為止都叫唔到幾多樣野，而且職員態度惡劣，問啲野答廢話，而且叫左啲野都上唔齊，落多次都系唔送來，而且態度非常不好，7個人都食唔飽，雖然唔系貴，但系覺得非常唔值得，真系無下次，真系非常不值得，唔怪得啲人搏命叫，叫到成臺野 ，希望大家可以見到呢段文字，卑到意見大家 ，而且一啲都食唔飽，個個都食到好唔開心，真系so sad