樂天大喜屋 (已結業)

一品料理的香茅鹽焗烏頭，非常好味，成條香茅夾在魚中，加埋個點醬，實在已值100元以上的菜式。簡介喜出望外。冇得輸。叫時已不多飽，但一食，胃口再有，香飄四溢！正！.正！

無諗到呢間日式放題咁大間，係二樓全層，勁大間。店內有好多區域提供，最搞笑係夾糖專區，沒諗到放題都咁多選擇。果汁區原來都有清酒，梅酒，提子燒酒呢啲斟。養生啲仲有熱飲，羅漢果同菊花蜜。醃漬食物都好多種，作為前菜小食一流。之後仲有生果甜品林林總總。之後，呢間係用手機叫餐嘅，望到有刺身就全部都點哂！壽司都揀啲黎食，因為選擇太多，有選擇困難症可能都要揀好耐。刺身拼盤到了，真係無揸流攤，油甘魚，三文魚呢啲好靚，好好食，重點係任叫。佢仲可以叫熟食炸物串燒呢啲，炸南瓜天婦羅都唔錯，之後我仲叫左碗花膠試下，都幾特別。臨尾仲有哈根大師嘅雪糕食，都咪話唔過癮。放題有呢種質素真係性價比之王，難怪呢間咁大間都仲咁多人排隊。

今晚約左朋友去左旺角食日式放題，上到樓層望到場面墟冚，幾乎爆滿，勁多人。好在事前訂左位，呢間就用手機點餐勁方便，而且出面仲有好多野食拎。首先，先黎一盤刺身拼盤，油甘魚，三文魚，鯛魚呢啲帶些少油脂嘅刺身真係食落好回味。仲有希靈魚，帶子，象拔蚌，北寄貝，蠑螺，甜蝦等等刺身，種類繁多，總有一款岩你。手作壽司更加唔少選擇，其中鵝肝帶子壽司特別推薦，質感唔錯。黑松露油甘魚壽司都幾好，松露醬提升刺身嘅鮮味。熱食方面，串燒好正，雞軟骨，牛舌等都係燒得好靚。呢間雖然係限時去食，但係店員出菜快，追到進度，唔驚唔夠食。

本想嚐試這家店，在門口詢問有關此餐廳食物的時候，無人理會及回答。3位前台人員全部逼在一起傾計。叫她們的時候，還要態度惡劣的回答及敷衍了事。我不再打算嚐試這店了。

服務態度差，，坐位擁擠，，同朋友慶祝生日買左個蛋糕，，準備用來影相用。，請店員幫手擺雪櫃，，結果蛋糕被隨意對待摞出來時甩咗半邊以後唔會再食，非常唔好嘅一次聚餐。

性價比高：種類多(刺身新鮮清甜)、飲品櫃大到o咀、最surprised自助區有急凍海鮮(蝦、蜆)同熟食(有章魚燒😆)- 有酒店buffet既感覺~ 種類大眾化不過不失，基本既都有(仲有haggen daz/movenpick/dreyers雪糕)，回本環境：座位寬敞、環境乾淨服務：齊單、上菜速度快、店員態度友善係食過既其中比較好既一間，即興想食放題lol 好好既體驗，值得encore

一心想食咖哩蟹，因見過之前有人post咗咖哩蟹，點知無得食，有些少失望。兩個人叫蒜香骨有四舊，呢個可再Encore。望過隔離枱有人食烏頭魚，俾埋醬汁可以點嚟食，我怕食唔哂，所以無叫。飯糰App生日有優惠：買一個送第二個半價。

平時成日聽人講食大喜屋，話好多嘢食好豐富，但我自己就未食過咁啱朋友又話想食， 咁擇日不如撞日就即刻go go go去食啦加埋一都係二百零蚊，任飲任食兩個鐘，價錢都算合理而家用qr code落單好方便，不過如果唔識用電子落單嘅朋友應該都可以問職員攞紙填落單～～飲品就可以去自助區拎，有清酒任飲，另外亦都有好多汽水果汁甜品有啫喱，mousse，豆腐花等等。。食放題最鍾意就係食佢嘅比目魚，平時一塊都唔平，任食嘅話一於食多d呢道既比目魚比較薄，但係肉質都好有嫰滑，食左幾塊超滿足芝麻雞翼又係必點之一超脆嘅外皮又熱又卜卜脆，肉質又幼嫩，真係必食花膠大大嚿，食多幾塊都回本囉雞翼燒得好靚，外皮金黃色，燒到有微焦，幾脆口雞肉又唔會燒到好乾仲keep到juicy嘅感覺～估唔到放題都有海膽食，佢嘅手卷唔錯喎，細細嚿唔怕一嚿就已經食飽食唔到其他嘢呢個炸鮮奶又係要推薦俾大家！！細細粒好cute，外脆內軟，啲鮮奶好似流心咁流出嚟好滑燒完嘅菠蘿真係超甜，仲有焦糖喺面 ，口感豐富超好味

日式放題提供多款優質肉類選擇如美國牛肉、澳洲同日本和牛等，更供應幾十款配料小食等啤酒汽水及雪糕等任飲任食最平$250左右起一位 午市坐低入單先食刺身,第一輪單入十幾件廿幾件都照出齊貨比我地,抵讚,無扣單扣數量大量甜蝦放題 鮮甜味美 帶子,三文魚,鯛魚無限供應!第2輪單就追加魚腩,三文魚,北寄貝,墨魚八爪魚片! 八爪魚夠彈牙!魚腩超嫩超肥美!一定要試! 呢度刺身水準相當出色!食完刺身第3張單就係食壽司, 花之戀,炙燒芝士蝦 甜蝦炙過既蝦肉更緊實加埋芝士同沙律醬更加惹味熟食蝦春卷同炸雞翼都係必食!香脆肉嫩非常滋味!仲有串燒大蝦同炸生蠔都係比較出色! 最後一轉食埋燒羊架 十件都比足數羊架燒到好香口味道帶點黑椒味,好嫩滑既肉質呢度賣點就係上菜快,用料夠靚,唔怕你食,真係好快食飽!仲有時間慢慢食甜品$300旺角彌敦道593-601號創興廣場2樓

之前聽人講呢間放題好食，近排又好想食刺身，決定試試💪🏼飲品🧃種類係幾多下嘅，除左一去到嘅呢排飲料櫃之外，自助區仲有啲橙汁、清酒、咖啡之類嘅嘢食雪糕品種都還算多炙燒系列壽司好失望，食落係凍嘅（感覺係直接係學櫃攞出黎）汁燒牛肉壽司🍣係值得食嘅啲刺身唔新鮮，🦐肉係‘霉’嘅，個大蝦仲有超大條蝦線個芝士焗蝦就一言難盡榴蓮炸彈好香，榴蓮味都算濃，值得食至於其他嘢食就一般般啦總體黎講，呢間質量係一般，食左一次就唔會想再食

今日好朋友請食飯，他是精明消費者，請食飯當然去任食，我就叫他請我食大喜屋，貪佢種類選擇夠多，性價比高，兩百零蚊個頭就可以食到飽飽，食物質素夠新鮮又夠穩定。今日點餐 刺身-牡丹蝦，甜蝦，赤貝，深海池魚，日本帶子，鯛魚，油甘魚，象拔蚌刺身。壽司-香蔥拖羅蓉，蟹子軍艦，芥辣八爪魚軍艦，深海池魚壽司串燒雞翼，串燒雞軟骨，燒晴魚南瓜天婦羅，大蝦天婦羅，日本甜番薯天婦羅迷你烏冬重有大大隻花膠再加無限生果甜品雪條選擇都有好多不過實在太飽今日冇叫到。

放題最大嘅好處應該就係可以滿足雖然唔係好大食但係樣樣都想試少少嘅我。最近開始想盡量轉食素食，唔想食太多肉類。所以我點嘅食物都係已可能甜點、壽司為主，刺身都指點左好少好少，因為朋友想食～^_^不得不提每次食日本嘢我都總會點嘅甜品就係「炸紫薯波波」，我會食完又點食完又點重複點好多碟，軟綿綿咁有啲似糖不甩嘅口感又熱辣辣同埋甜甜地真係好正啊！另外佢哋嘅飲品種類都算多又有酒精飲品，而除咗欽點食物之外仲有一個bar位都有一啲例如係田螺、湯、糖水、粥、水果、同一啲蛋糕甜品等等可以任食。

食放題一定諗起大喜屋，質素有保證。食過咁多次大喜屋就係未試過旺角創興分店，次次行上層$12店都見到好多人喺出面拎飲品，今次輪到我喇😋一到5:30營業時間即刻打電話book晚市自選二小時。⭐️除左三文魚、油甘魚、帶子、甜蝦等等，呢度最正係有大赤蝦同泰式生蝦，真係唔係間間放題都有大赤蝦，大大隻口感特別正，超值！⭐️多款細細件壽司🍣 仲有海膽手卷⭐️ 熟食必食燒鰻魚 扇貝 蟹粥 鹽燒牛舌 羊鞍⭐️鐘意榴槤嘅男朋友又有榴槤炸彈食⭐️一人一杯 Haagen dazs / moven pick 雪糕，有比利時朱古力，士多啤梨🍓等經典口味，季節限定口味就要問問員工！

平時行開創興廣場都睇到呢間日式放題店好旺好多人, 好好奇佢點解咁多人同入面有咩食~~今日就約埋朋友黎試一試睇下咩料我地食平日6點....價錢$228都合理...一入座都見到已經有好多人食緊, 真係好旺丫餐廳用QR code落單~ 不過都有自助區拎小食....凍盤凍蜆同青口就可以係自助區拎喇~~另外仲有熱葷供應~唔想等野食既話可以夾黎食先...個飲品櫃都幾大幾多選擇!!仲有啤酒任飲添~~食放題主打梗係食刺身啦~有多款刺身, 例如牡丹蝦, 三文魚, 帶子, 赤貝, 油甘魚,希靈魚等等...全部都好新鮮青檸香草葡式煮青口好特別既菜式, 青檸酸酸地好fresh丫~配青口食味道又幾夾bor蒜蓉粉絲蒸帆立貝呢道有我平時超鍾意食蒜蓉粉絲蒸帆立貝丫好開心丫!!!蒜蓉粉絲勁入味, 帆立貝雖然唔係好大隻, 不過都好鮮甜呢...蒜蓉牛柳粒牛柳粒幾惹味, 肉質幼嫩軟腍西京燒比目魚係薄燒比目魚黎~每塊份量唔係好多, 食幾塊都唔會膩...如果可以厚切d既話口感應該會仲正金絲脆皮蜜汁蒜香骨蒜香骨幾香口~ 外脆內軟~甜甜地味道唔錯呢.....大蝦天婦羅皮比較厚, 但蝦都算大隻爽口彈牙芝麻雞翼呢款雞翼係必食架~~熱辣辣

今日出旺角行街，行到有啲餓，想行去搵食，經過創興廣場見到佢，當然要就排隊入座啦！因為之前都食過其他分店，不論服務同食物都十分滿意！食物自助區就在中間位置，內有沙律吧，自助飲品吧，當然一樣有清酒供應，還有小食、生果、青口、大蝦等供應選擇！而凍飲櫃就係對住食物自助區的另一邊，飲品排得整齊選擇多！夠晒方便！落單一樣都係掃瞄QRcode 落單，當然已經知道有什麼想食，刺身當然就必點，這裡有爽口嘅泰式生蝦刺身，當然要點，還有平時點開味道濃郁嘅希靈魚、肥美嘅油甘魚等都樣樣少少！除了有肥美嘅蒲燒鰻魚外，還有香濃大大件嘅燒鯖花魚，當然都有一樣有榴槤味道香濃嘅脆炸貓山王、燒溫室甜菠蘿甜度剛好多汁！還有最愛嘅芝麻雞翼，燒得夠晒皮脆肉嫩！而鮮蟹粥個粥底夠晒綿之餘，內還有半邊蟹，絕對足料！而甜品選擇都一樣咁多，個人較喜歡個朱古力蛋糕仔，夠晒濃味！最後店員提醒還有Häagen Dazs選擇，不過每人只有一杯，都有不同款式選擇，我都係要比利時朱古力，喜歡個朱古力味道濃郁！以後行開附近又多個搵食嘅地方！一個價錢任飲品食絕對超值！