樂天大喜屋 (已結業)

之前食過銅鑼灣店覺得抵食又好食上網睇下見到旺角原來仲抵啲阿媽話佢又要食番餐200蚊左右嚟講真係算唔錯 生野熟野都多選擇就算唔好生野 一樣大把野啱食好似阿媽呢啲 唔太好生野但又想乜都試下 就幾推薦嚟呢度放題出面有自助區可以拎下啲前菜小食炸物飲品甜品咁其實食放題 唔係為左食好大量好大量野落肚大家都係鍾意好似好多野揀樣樣都試一啖咁啲小食平時啲餐廳 成三十蚊一小碟放題可以食番夠本刺身厚切 壽司嘅選擇都唔少熟野選擇都幾多 唔怪得當日見到好多一家大細 有老有嫩小朋友又可以出去自己攞下野食放題係開心嘅

以前樂天真係有好好食又有質素。琴晚我滿心歡喜去食。訂左8點半。準時8點半入得，行去睇下啲熟食，比一般放題都小。重點一，佢兩大煲湯得返啲湯渣，由頭到尾都無refill過，個煲仲無熄，聽到燒煲底既芝芝聲，未試過食放題啲湯會兩煲都無哂。燒雞軟骨同蒸扇貝同白烚無分別，食落去無味架。比目魚燒到過哂火，呢個忍唔住影左相。每人限定一杯既雪糕大部份味都無哂。手卷啲紫菜仲淋過毛巾，啲侍應上菜唔出聲，就咁係客人身後面攝入枱，枱同枱之間零點一距離都無，兩個人去食，變左四個人一張枱。食到樂天都變陰天😑

大家有無發覺酒店自助餐越黎越貴呢，但系吾知點解又好衰架喎，每隔一段時間又想搵啲任飲任食，其實都吾食得甘多，系為左滿足個份任點任飲任食嘅心理。所以日式放題都系一個好選擇，食多幾次都吾會肉赤嗎宜家真系比以前環保又方便得多，scan個Qr code就可以睇晒所有食物，吾怕叫左咩都吾知，有晒記錄。如果大家太肚餓等吾切的話，出面都放有熱食，海鮮冷盤等等，當然飲品都系任飲啦，種類都吾少架。原條鹽焗烏頭，泰式生蝦都有得order，勁過酒店buffet呀！

在樓上12元店買完東西時間尚早 竟然不用等位就跟朋友吃個放題啦早場188加一 還可以用消費卷 GOOD!!好久沒吃過日式放題以前還要劃紙仔 常常有漏單情況現在改掃QR code下單 又方便又環保而且全晚都沒有漏單情況 讚!也有一個自助區 在等候下單食物時可以先出去自取些熟食飲品和甜品都是在外面凍櫃自取日式燒八爪魚好吃 保持到溫度刺身新鮮厚切 壽司都有好多款式燒銀鱈魚外面吃比較貴 放題有就可以多吃幾份燒汁鰻魚都不錯 沒有魚刺這款吃起來比較中式的味道 都OK 不會太腥想吃麵也有 份量少少的 不怕吃完吃不下其他還有花膠 養顏的當然要多吃總結188吃到日式放題 我覺得很划算 質素都不錯的可以再來 

朋友約我食飯話想係旺角區食放題我第一時間就諗起大喜屋，不過疫情後都真係好少食放題，好彩有訂位疫情下依然好多人排曬隊等入座，我地兩個人安排個卡座比我地非常舒適，大喜屋都改變了好多現在已經用QR Code點餐了大堂還有好有食品可自取，冷盤有蝦,青口,蜆,沙律,前菜……熱食有蒸倉魚,咖哩魚旦,腸仔,…甜品有雪糕,雪條,奶凍,豆腐花,糯米糍,…還有熱嘅雪耳木瓜糖水，又有自助夾糖小朋友一定至愛，以下係我本人覺得味道唔錯直得推薦嘅食物刺身~甜蝦,泰式生蝦,帶子係我嘅至愛熱食~花膠，芝麻雞翼，羊架，鰻魚，蒜蓉粉絲蒸元貝，燒菠蘿，比目魚同原條鹽燒烏頭炸物~貓山王，天婦羅南瓜壽司~海膽手卷，香芒蝦飯卷，加州卷最後每人還可以選擇一杯靚雪糕

位於旺角的日式放題店，價錢大眾化，選擇蠻多。分時段入座，吃的時間為兩小時。現在已經是以掃二維碼點菜下單，代替了以往在一整本的厚簿上填紙的。一來怕漏單情況出現，可以看自己之前點了什麼，二來又那麼浪費紙張。除了網上下單的刺身、壽司、串燒小食外，餐廳還設有自助區，供應前菜、飲品、甜品、水果。餐廳分兩邊的自助區域。飲品區很多選擇，各款果汁、茶飲。而熟食及甜品放在另一區。其他冷盤有沙律、還有海鮮、生蠔。熟食有炸物及等。上菜還算快，刺身很快便送到客人枱上；熟食如燒物則需多點時間。清酒、果汁都是任飲。熟食有花膠、燒鰻魚、香茅烏頭魚、日式西京燒、蒜蓉粉絲扇貝，還有黑蒜油叉燒拉麵，食物質素高。甜品方面，有雪糕、雪條、奶凍等。

朋友之前話想食放題、於是提前2日打過去book位，好彩我地之前有book位，我地係book7點，7點過去好多人已經係門口等位😆不過員工話收緊台，大概都要等5土分鐘左右，不過都好快，入面的位都好闊落，坐到幾舒服，宜家都係QR COKE落單，好方便，而且上菜速度都好快，落單差唔多5-10分鐘d野食都到！三文魚刺身我既最愛😍而且又厚又大件！野食都好多選擇，尤其係熟食，芝麻雞翅真係無得頂，一定要試！而且員工的態度都好好，飲品區真係好吸引🤣🤣太多野飲選擇了，可以試好多唔同既野飲，朋友都話一次要再黎食😍😍

今日同朋友出去旺角行街，行到夜晚霖食咩都係一個難題🤣 霖黎霖去都係放題、又唔使霖，又多選擇🤣 係創興樓下睇到樂天大喜屋，一於上去睇下有無位😆（最好提前book位）我地係6點左右上去，都仲有位，唔使點等，我地入去坐低之後半個鐘，出邊門口已經有人開始要等位😆😆（好彩黎得早）太耐無食過放題，樂天大喜屋，都係手機ARE COke落單，真係方便好多，食物種類都唔算多，而且飲品種類仲好多選擇😍😍😍岩嗮我😍😍哩個飲品櫃一上黎就見到！wow 刺身都新鮮，而且上菜既速度好快😍 三文魚好厚，食落口感好正🤤生蝦同去食泰國野一樣味，真係驚喜😍 叫完再叫熟食都係，好多選擇！真係平靚正仲有哩個熟食區，不過我個人比較鐘意食刺身壽司，就無點食哩d，下次會再黎食😍

清酒好特別，易入口，又唔會醉得快🙈🙈🙈呢個一口鮑魚好得意，不過同飯好似唔夾🙈個天羅有啲失望，咁細。前菜熟食，有台灣腸四季豆，魚餅，豆卜，開胃 小菜🤣炸雞粒脆卜卜，好推介，因為wasabi汁，所以好match!!💕呢個白朱古力紅苺雪糕內有果肉，正！好推薦呢個🥰

大喜屋不嬲都係放題界嘅代表餐廳，食過都知抵玩㗎啦！座位坐得比較close，星期三晚都可以full house,證明真係好受歡迎啦，但咁多人出單速度都係冇慢到，電子落單後好快出到菜！勁！自助區嘅自製清酒好受歡迎，隔離枱話淨係飲酒都回本，我地就唔啱啦，但竟然都有啤酒任飲，即刻飲返罐先。放題食物款式類型多到講唔哂！中港日韓泰意諗到乜有乜，點你想所刺身正常普通放題水準，擺盤都算有心機～熟食方面非常有驚喜：芝麻雞翼勁好食！牛舌串燒都係好正，仲有汁燒牛柳粒，都係非常唔錯！放題黎講，師傅都幾好手勢！最最最開心係個季節限定Haagendazs 雪糕杯竟然係果仁味！！！我勁鍾意💕💕

MONGKOK創興廣場超多野食大家都知，其中係2樓嘅樂天大喜屋放題就係長期人多質素高嘅保證！落單要用先DOWNLOAD個飯糰APP,再SCAN 單上QR CODE, 非常方便 APP上有哂圖片，同實物相似度達8成，唔怕中伏，睇啱先嗌！一黎梗係食咗刺身先！款式都唔少，基本上三文魚、甜蝦、油甘魚呢D都唔少得！質素以呢個價位黎講非常好啦!最欣賞的係熱食！ 師傅手勢一流！ 串燒全部都係勁高質勁好食！ 私心推介燒牛舌！燒得啱啱好，又多汁又有香味！肉質亦夠爽。芝麻雞翼又係歸功師傅～外面香脆裡面多汁嫩滑！食到停唔到口, 一個食左6隻最後仲有一人一盒HAAGAN DAZS雪糕，旺角放題二百幾蚊，非常抵食

難得閒日放假，當然要約個朋友，嘆個豐富午餐。今次選了旺角創興廣場的樂天大喜屋。其實之前也來過，抵食又多選擇。我兩預先訂位，不過準時12時來到已出現人龍，所以都要在門外排隊，耐心等候侍應安排座位。等了20分鐘左右終於入座，餐廳很大，座位很多，不過客人魚入場，很快就全場爆滿。🤗坐定定就立即用電話點餐，好似定律般先點刺身和壽司。三文魚、甜蝦、油甘魚、鯛魚、帶子等刺身一應俱存。😍深海池魚壽司，鹽燒左口魚邊壽司，各有特色，不過特別鍾愛燒過的左口魚邊，那陣甘香於咀裡游走特別享受。🥰卷物選了芒果大蝦及芝士鳗魚。豐富材料組合不用多形容，一口一件各具特色，誰也不比誰遜色。😉炸物有我兩大至愛，脆炸貓山王及吉列牛乳炸鮮奶。外面脆脆的，內裡好creamy。真係榴槤有榴槤味，牛奶有牛奶味。😂放題又點少得燒物，又是我的兩大必吃，鹽燒海蝦及燒温室甜菠蘿。燒得不會太乾，菠蘿燒過之後更甜，蝦肉亦很彈牙。😋最後還取了一些甜品，都是一口一件的甜點。當然還有雪糕、雪條、水果、飲品、熱食，我都不用篇幅介紹了。實在做不到全部吃一遍，因為飽到不得了!🤪

行街行到攰攰地走去食個放題叉下電。我地星期六食5:00-7:00時段，$198加一。去到餐廳仲有15分鐘先夠鐘入座，門口已經排左長長一條隊，但遲遲未見店員開始安排入座，難免有點心急。4:55開始安排入座，估唔到好有效率，5:00前已經成功入座。餐廳闊落，冇一排人連住一齊坐，人逼人既情況，自成一角，nice～餐廳用電話落單，上菜速度都頗快。出面仲有一個自助區，凍海鮮（蝦、螺、青口）、前菜、湯、熱盤、麵飯、甜品同飲品一應俱全。飲品選擇最多，由罐裝汽水、茶，到自己斟既橙汁、雜果賓治，仲有大喜屋常有既清酒都有供應。落完單，出去攞點冷盤食住先。海蝦正正常常，肉質爽口；螺肉一般，個人唔鍾意食；青口正常。無骨鳳爪辣汁一般般；泡菜蘿蔔好咸；醃青瓜爽脆，可惜唔夠入味；醃白蘿蔔最正，爽口得黎又酸酸地，越食越開胃，忍唔住攞多左轉。中湯味道唔錯，仲真係有隻雞係煲入面，食完生冷野飲碗熱湯暖下胃岩曬。第一輪上左幾片刺身，北寄貝新鮮；三文魚一般，切得太厚，仲有2舊係三角形影響口感；象拔蚌爽口唔腥。第二輪刺身，赤蝦甜蝦虎蝦新鮮，水準之上；帶子鮮甜，總體刺身都新鮮，唔錯。燒雞翼味道太淡，燒得唔夠香口，好普通，可以唔試。

幾年前去食過，果陣刺身質素係唔錯的。今日再去，點知失望而回。1）環境：今日都未去到最熱的日子，點解會食到出汗架，就算我去第二度食火鍋，都冇食到出汗啦。佢係連通風都唔夠，好似上左架剛開冷氣的巴士。2）服務：成個場得兩三個侍應，去到兩點幾追單直頭好難搵人。佢地有逐枱問有冇野未上，我有野要追但佢就偏偏 skip 左我果枱。3）食物種類：普普通通。我見其他大喜屋都有咖喱蟹，炒鱔。點知呢間兩樣都冇。4）漏單：成個場只開左一半, 其中唔少人係叫定食，所以唔覺得係超多人。十二點半落羊架，比目魚，點半都未黎。再落單再追，先出返補單果啲。之後再落羊架，又係等一個鐘都未出，又要追。唔知佢係咪要堅持儲夠某個數量先肯燒。可能少人叫就永遠唔洗食。花膠都好似要等三十分鐘以上，又係要追單。5）燒物質素：記得幾年前佢的羊架都乾乾地，今次仲有過之而無不及，我夠膽講係燒到最少有二十成熟（可能真係燒左成個鐘？），咁的質素唔怪得冇咩人叫。第二round 都一樣係燒到咁乾。燒比目魚：一樣可以燒到變炭。6）刺身質素：大赤蝦係唔錯的，算幾大隻。甜蝦就普通。赤貝 ok。象拔蚌冇味仲有少少腥。油甘魚係中下，顏色唔靚完全冇魚味。三文魚好

今天被公司委派到旺角分店上班，剛好同事介紹這裏有一家很划算的日式放題，我們便來這裏午膳。由於是午市時間的關係，餐廳亦較繁忙，幸好餐廳環境大，等我一會兒便能安排入座。吃放題最高興的是不用考慮價錢，能吃個痛快。為了不想浪費食物，也不敢一下子點太多。刺身約有十款，大蝦十分推介，爽口彈牙而且蝦頭帶有膏。北海道帶子和象拔蚌，味道鮮美。壽司種類有很多，有迷你手卷、樂天特包創作壽司，火灸系列都很美味，有淡淡煙薰香味。蟹粥味道鮮甜又暖胃。煮物花膠，以砂鍋保溫，熱騰騰的花膠入味又軟糯，貴價之選。炸貓山王、炸鮮奶亦很香濃，入口軟綿綿，又不會過甜。日式清酒入口香甜，微溫的。整體餐廳的食物十分多元化，而且價格相宜。期待下次再親臨時，不用局限於午膳時間，可以慢慢享用美食。