樂天大喜屋 (已結業)

之前應承咗阿仔考完試後，陪佢食放題。今日出開嚟旺角，見呢度幾多好評，食物選擇多，價錢又抵，一於同佢嚟試吓。餐廳位置喺創興廣場，一上扶手電梯就見到。餐廳面積好大，圍住條扶手電梯氹氹圈咁。當時我地嚟到約12:30，已經座無虛席，要喺門口排隊等入座。坐低後，先用QR code點嘢食，趁食物未到，便出去行個圈，睇吓有咩嘢可以即食，原來選擇都幾多，有啲涼拌前菜、幾款熟食、中式糖水、貝類、甜品、清酒等，可以自行取。約10分鐘，嘢食開始陸陸續續上枱，始終小朋友食嘅份量唔多，每樣都係點一件試吓先，諗住啱先再點。好鍾意呢度啲創意手卷、壽司飯細細件，唔會好飽肚，可以試多d其他野。我哋主要食熟食為主，蟹棒天婦羅、比目魚、鰻魚、燒雞翼、牛肉烏冬都係必食推介。阿仔雖然食得唔多，但係得閒又出去夾下魚蛋，又揀下甜品、雪條，睇見佢都開心。重話下次要帶埋細佬黎食。

樂天大喜屋旺角彌敦道593-601號創興廣場2樓提起放題一定係唸起大喜屋集團，今日難得放假約左朋友見面，大家無見一排都想食返餐好既，放題就最岩啦，咩都有d 選擇夠晒多，所以我地就揀左食放題，地點方面緊係就大家方便啦，最後就揀左係正旺角市中心既<樂天大喜屋>第一Round 當然係叫左刺身先啦，餐廳會將刺身放係乾冰上面，擺得好靚用黎打咭就岩晒，我地叫左三文魚，希靈魚，北寄背，帶子，赤貝，象拔蚌，甜蝦，極大赤蝦。。自己就最鐘意就係大赤蝦，真係好大隻有成手指公咁粗，食落非常新鮮，好有鮮味口感一流。。我地總共叫左成4轉刺身，正呀除咗刺身之外，呢度嘅壽司都好正， 無論貌相同口感都唔差，絕對唔會因為係任食放題就將價就貨，自己最鍾意就係卷物同埋火炙壽司， 火炙蟹棒同埋和牛，仲有鰻魚壽司永遠都係我嘅favorite另外，呢到既熟食都好吸引，自己最鐘意既就係羊架，牛肉鍋， 仲有蒲燒鰻魚，泰式咖哩蟹，天婦羅等等除左QR Code 落order 之外，飲品有好大個雪櫃係外面自取好方便，選擇非常之多，另一邊仲有果汁，清酒自助任斟既，仲有部份熟食，沙律，甜品，水果係自取既

Book咗1200同friend過尼樂天大喜屋食放題,諗住今朝落大雨,所以早15分鐘就尼到.已經見到有人排定隊等開餐,睇尼都有一定嘅號召力.入座之後,係用scan QR code落單,可以一次過睇曬成個menu,唔怕睇漏眼.雖然今日係平日,目測都有八,九成入座率.外面有大大個飲品櫃,包括酒精同非酒精類飲品,任飲可以慢慢試.刺身方面,試咗三文魚,帶子同大蝦,一大盆奉上份量好足料,新鮮又好味.壽司款式嘅選擇都有好多架,我每款都試咗少少,味道唔錯唔錯. 海膽同蟹肉手卷,食到本身嘅鮮甜,不妨一試.熟食方面,有羊架,鰻魚,天婦羅,牛舌,芝士焗蝦等等,都幾香口架.臨走之前記得試埋甜品呀,有成9款甜品,加埋糖水同一大個雪糕櫃,實可以揀到你心水嘅口味啦

今日陪朋友黎到mongkok, 佢想食日本野，但係得兩個人又叫唔到好多野食，於是就決定去食放題！最欣賞係所有野食都基本上可以一件一件咁叫，細細碟咁上，可以叫勁多款式，唔好食得幾碟就飽咁！一開始就梗係刺身同壽司先，特別鍾意赤蝦，大大隻，好新鮮，食完再叫多四隻再食！飲品有好多選擇，我就拎左個杯自己裝熱既清酒，飲左兩大壺，免費的，放題包埋！之後食完生冷野，就食串燒、鍋物，個窩蛋牛肉好正！最後食埋甜品，飲飽食醉！

同男仔friend食飯，驚佢唔飽，就去食lunch放題，創興嘅選擇都幾多，今次試下呢間樂天大喜屋，好似都幾出名價錢望落都合理入到去先發覺真心大，weekday都幾乎座無虛席，都幾犀利用QR code落單，各自落到，唔會爭或者overlap, 係幾方便一落單好快就有，有得揀單件係幾好，同埋份量小小，咁就乜都可以試下有花膠，wow即刻補一補先，同埋有菜食好開心佢嘅串燒/小食都OK好食連燒鯖魚都係細細舊，可以滿足到個口腹之慾最尾食下粟米最驚喜係有清酒飲，可以無限添飲，同埋都多飲品選擇，飲啲在市面上已經好少見嘅口味😌

喺假期都有定食👍大約$60至$110左右自選主菜，另加送自助吧 🍴有前菜  炸物 甜品  水果 🍉飲品等都係自助形式 假期好多人 要排隊等入座  可能價錢經濟實惠 吸引左大量客人幫襯 未開門已經有勁多人排隊等位環境有少少暗 座位有點濟逼 所以預坐得唔耐 特別推介刺身飯 塊刺身超厚肥美😁飯嘅份量好多 飽肚之選🍚其他前菜  炸物 甜品 水果 飲品都ok 冇咩特別 但Refill食物不會太密  所以要一次過拎定多少少🤣整體價錢較平  食物質素都Ok la😁

Lunch 放題可以連早餐都唔使食一去到已經見到好多老友記原來長者仲平😅都係qr code 落單一開始落咗三文魚刺身同油甘魚今次覺得油甘魚出色啲 夠厚身 魚味亦夠之後到炸物香芋球琴日喺酒樓食過 今日又想食🤣味道都okay~榴連球同芝麻雞翼都係正常發揮，香脆～火炙三文魚壽司同拖羅蓉壽司都幾好食～牛柳粒夠穫氣，味道夠濃味～天婦羅啲粉有啲厚 唔太夠鬆脆隻蝦還好 都夠彈牙雞髀菇一上枱笑咗🤣咁嘅形狀燒菠蘿就幾好食👍🏻

本身放假開開心心同男朋友食餐好嘅，結果一個鐘先嚟得2轉嘢食，可能師父要落海捉魚整魚生、啱啱落種子種菠蘿......嗌個燒菠蘿成40分鐘先攞嚟，刺身叫8件比得3件，嗌吉列蠔直頭冇嚟過，叫咗好多嘢食好多都甩晒單。催咗幾次單先有幾碟野食..............Menu得好少選擇。晚市2位成$567，到比錢個刻都唔知自己食咗啲乜嘢.....比起3年前質素差咗好多，以後唔會再嚟食。已經嬲到唔知可以講咩。

上星期食完這家放題，朋友見我post 食物相咁靚，於是拉着我陪佢去食，就係咁我今日又再嚟食啦!剌身拼盤例必叫的食品，三文魚切得有份量，帶子，生蝦鮮甜，榮螺，北寄貝，赤貝爽口，encore 再encore 碎吞拿魚壽司，新鮮好味，份量細細嚿，食多幾舊都唔怕太飽點了鹽醃烏頭，份量一點也不少，大大條烏頭用錫紙包住，烏頭肉多少骨，啖啖肉，鮮甜美味 除了自點食物，還可以拎現成食物， 種類頗多，海鮮的蝦，蜆，青口蠻新鮮，也吃了二輪, 另外有外層內軟的薯角，美味的小丸子彈牙的咖喱魚蛋，入味的牛柳⋯等等飲品有不少選擇，酒精飲品除了啤酒還有清酒，清熱氣有羅漢果，菊花茶講明今次食多啲不同類型的食品，見到這些以前很喜歡吃的糖果，不自覺地拿了些回味一番，誰說糖果只是小朋友恩物最後嚟過雪糕甜品，充滿焦糖味但不太甜的比利時焦糖餅雪糕

今日請媽咪食飯，帶咗佢去旺角一間頗有水準的日本放題，樂天大喜屋。入到店內見到出面有好多前菜、沙律、熱食、熱菜、飲品都有好多選擇。但食放題當然留肚食回本的食物。刺身我們就點了三文魚、牡丹蝦、帶子同北寄貝。全部都好新鮮，帶子雪白鮮甜，三文魚肥美。泰式生蝦刺身-生蝦爽口配埋泰式醬汁，無得輸。鹽燒雞翼-雞皮燒得香脆可口，肉質嫩滑。薑蔥爆鱔球-魚皮香脆，醬汁甜甜地，很惹味。西京燒比目魚魚肉燒得不錯，配少許沙律醬更加好食😋一品花膠盛宴-花膠份量不少，煮得好淋好入味，生菜吸入醬汁鮮甜入味。黑蒜义燒拉麵🍜-黑蒜味好香好濃，拉麵爽口彈牙，叉燒肥瘦適中。

難得有時間Lunch去食放題🤤刺身我偏好三文魚一嚟就十塊健康之選我叫咗花膠 原來仲有三粒西蘭花火炙三文魚同朋友一人一件貴精不貴多 都夠香 油分足！牛柳粒 火氣夠 好味過屋企自己煮鹽燒雞翼唔使解決食唔食翼尖嘅難題正 一人食咗三串！試過食啲餐廳嘅牛舌好似係煲湯肉咁嘅質感聽講係高級嘢不過我都係鍾意食哩種平實版牛舌彈牙 有咬口 不過哩兩串略嫌乾咗啲不過朋友唔食 我都清晒！左口魚定蝶魚唔記得咗 但係燒得好香下次都會再嗌其他都係大路野食 正常發揮最後食咗幾款甜品 豆腐花、奶凍同brownies 食咗咖啡味雪糕同紅豆雪條

咁啱今日同朋友都放假，佢話想食放題，任性既我地就去左旺角嚕。lunch食放題真係第一次，雖然唔會覺得好heavy，但lunch既胃口好似冇晚餐咁大，所以食唔得幾多野咁。首先叫左啲刺身壽，壽司同卷物。炙燒左口魚壽司真係冇得頂，火炙後有少少油脂燒左出黎，令到左口魚更滑溜，有入口即溶既感覺。放題既級數就一定冇高級刺身舖咁高質，但放題做到咁已經好唔錯~只要有芒果既卷物，大多我都鐘意，芒果炸蝦卷既芒果甜，一啲都唔酸，炸蝦都脆既，好食!炸物方面，炸牛奶炸榴槤都叫左，兩樣都不失所望，榴槤味好香濃好正~ 天婦羅中規中矩，唔錯。炒蟹稍為有啲失色，啲醬好多，稍為過咸。肉唔多，而且肉質都差啲，下次都係唔叫呢樣嚕。最後拎左啲唔知咩名既甜品，不過呢幾款都好食~

正呀~今日難得老細請大家食飯，我地緊係唔客氣喇~一於食盡佢~我哋搵咗間最好食二價錢又係可以喺我哋嘅選擇範圍內因為老細請所以錢呢樣係有嘅~講返呢間嘢先佢嘅選擇款式都唔少而且上菜的速度都好快亦都有自助bar~ 咁多時間就真係可以慢慢歎啦~

真係好耐好耐冇食過放題 今朝專登唔食早餐 留肚食午市放題 估唔到疫情之下都咁多人幫襯 排曬大隊同時量體溫數安心出行 先可安排入座餐廳用QR code形式落單 第一輪一定係必食刺身 刺身選擇大約有十款左右 e.g:希靈魚，三文魚，帆立貝，甜蝦，榮螺…擺盤落足心思 有大量冰碎墊底 保證夠凍夠新鮮 魚生高質 三文魚夠肥 厚切方式呈現 口咁大滿足跟手就進攻壽司部分 壽司款式出奇地多選擇 有軍艦，火炙，卷物，手捲等。壽司全部一啖一口 細細件 好讓食客可以食多幾款唔同款式 真心覺得佢啲壽司做得唔錯 壽司飯唔鬆散 有醋味 上面嘅配料夠新鮮 而且有造型 賣相不錯海膽手捲必食 紫菜夠脆 海膽夠鮮甜燒物方面 我最欣賞鹽燒海蝦及燒牛舌 海蝦鮮甜又彈牙 牛舌爽彈帶有肉汁 整體燒物燒得唔乾 好吃本人最愛食蟹 這裏的蟹粥 讓我很有驚喜 粥底好鮮甜好綿滑 相當足料 真係用咗鮮蟹去煲 另外還加入粟米粒增加口感 層次相當豐富咖哩炒蟹超濃味 香而不辣 適合重口味人士另外餐廳設有自助吧 提供各款涼拌，小食，熟食，生果，甜品，雪糕…食物款式確實太多 不能盡錄 由晏晝12點 可以食到三點先交枱 保證捧住個肚走

創興2樓樂天大喜屋 午市放題3小時 198+10% 長者價$148+10%枱較細 路窄 客坐滿 壓迫感待應派餸手腳快 收碟快 有幫追單 放題選擇多 午市3小時時間足 電腦落單上菜正常 但有漏單 再落都有上番自助任取區 見有細小強遊走喺插蘇位 隔離係放凍蜆凍虾 所以唔敢攞食物美味 有凍熱Sake 回本冇問題燒青魚 ~ 唔腥 肉嫩魚生夠凍鮮味 壽司細細嚿 易入口 但海膽微腥味咖哩蚧 ~ 咖哩味香濃蚧肉鮮 有漏單 追有補番牛舌 ~ 韌 咬唔入泰式生虾 酸汁美味萄式煮蜆焗蠔 ~ 芝士香 油 蠔肉實 有少苦味比目魚 ~ 回本食物 烏冬 配 天婦羅 羊鞍 香口 肉心粉色蚧粥 ~ 粥夠綿滑 但偏太甜味