樂天大喜屋 (已結業)

一年沒有光顧大喜屋，突然興起，打電話訂位，這才知道尖沙咀兩家食開的都在裝修。退而求其次，訂了旺角的樂天大喜屋。可惜今不如昔，成為唯一糟糕的大喜屋經驗，如果如今大喜屋的食物質素普遍如此，那也是時候告別這家元祖放題了！食物沒有任何驚喜，只有驚嚇。蒜片牛柳粒無端端變成了洋蔥炒牛柳粒，一碟牛柳粒幾乎底面都是焦黑的，能放進口的還是韌勁十足，只能吐出來，放棄！赤蝦甜蝦刺身都是梅的。其他沒有影相就不提了。總之失望...

有時食乜嘢，都係去到先知，坐低想食乜嘢有時都諗緊食乜嘢係有啲唔同嘅，放題就啱晒你啦，特別佢個位置喺旺角，超級方便，咁好嘅飲食體驗，等我介紹俾大家。你見到我食親嘅都係啲熱、熟嘅食物，啱晒女仔食，完全唔使擔心食完為身體唔舒服，亦都可以任食唔嬲，唔驚凍親，大家都可以參考吓我啲種食法。特別推介係嗰兩條魚(比目、鹽焗烏頭），食過你就知幾正，雖然有啲邪惡，但係最好食係佢。其他當然都好正呀，食完你就知㗎啦。仲有勁好食嘅雪糕，名牌子嚟㗎，唔食就晒啦。

因為去到旺角搵嘢食，食乜嘢都唔夠食，所以都係搵放題食。放題食咩好？梗係樂天喜屋啦，識食嘅人都一早去咗排隊，都未夠七點條龍已經長到車水馬龍，啲人排晒隊咁入去。一睇就知依間野吸引啦。其實我哋魚生就麻麻哋嘅，但係對於熟食來講就覺得好好吸引。最推薦大家嘅就梗係食比目魚啦，仲有佢好出名嘅蟹粥。總之你見到我想入邊嗰啲嘢，我全部都覺得好吸引，每件都叫咗兩三轉，食完再食。我可以話呢，如果你同我一樣都係麻麻哋食生冷野，呢度嘅熟食包保令你滿意。

同老公食生日飯，由於佢實在太鍾意食放題嘅關係，佢生日飯都係要揀放題，一如既往黎返常到餐廳。食咁多次質素依然不變，都幾難得的。在特價時段食都係$200/位加一，對於放題來說算是平民價。當然唔少得嘅刺身，新鮮上碟。份量依下單數量供應。要讚呢個前菜（自助bar) 嘅呢隻醬真心讚，好食到不得了。黎到必飲嘅湯！松茸烏雞湯，鮮甜，重料，唔算好重味精，飲完舒服！好食到不得了的鰻魚，無得走雞！炸物唔算太油膩，可以。賣相幾好，扇貝juicy嘅！唯配料失色一點，比較乾身。手卷細件，一口，都幾值得叫黎食。熟食可以來醫肚，但不是特別吸引。記住問職員限定雪糕，都是當時品牌宣傳中的新品，可以一嚐口感！不過佢就最衰係要你早30分鐘截單，變相要食乜就最好諗定叫定，最後個30分鐘真係齋食無添加啊！自助bar 都要盡早取，好快收檔！

講到放題，極尚大喜屋一直都係我首選（係有"極尚"兩個字個間），因為佢哋最正係有自助區任你夾，每次去都有啲小驚喜，另外佢哋啲熟食都好出色。今日去左旺角個間，6點幾去到唔洗等位有得入。坐低左之後當然係直接QR CODE落單叫返幾ROUND魚生同壽司先哈哈！旺角佢將野飲區同熟食區隔開左，要行多兩步。野飲區好多選擇，我最鍾意係試哂佢哋啲烏龍茶。自助區有好多野揀，冷盤熱菜生果甜品咩都有，我每次都一定會整一兩碗老火湯開胃，然後先有戰鬥力食野呀嘛。魚生都算幾新鮮，但我始終都係鍾意佢嘅熟食。尤其係串燒，真係可以KEEP住叫都得。收尾一人可以叫一杯HAAGAN DAZS，唔夠嘅自助區仲有雀巢雪糕任食，超滿足。

食過咁多放題，最放心都係食樂天大喜屋。食物簡單新鮮，份量精緻影相靚，飲品好多選擇，重點價錢合理。餐廳全部卡位坐沙化，位好多亦超旺場，平日夜晚6:30食兩個鐘288低玩。先黎一大盤冰鎮魚生，新鮮啖啖肉。壽司飯細細粒岩岩好有水準，仲好多芝士洋蔥topping。今期蒜茸粉絲夠味，都大隻又唔會韌。芝麻雞翼微辣肉滑多汁皮脆薄。兩款日式燒魚都好正，鯖魚就鹽燒肉實，京燒比目魚就甜啲肉滑啲。最後叫埋雪糕杯🍦係今期最紅咖啡朱古力。兩小時剛剛好，又唔趕又食晒想食既野，下個月又黎食過。

餐廳位於旺角核心地段，喺創興廣場2樓全層，佔地很大，所以入座的座位坐得舒適，食得開心。當日八時入座，價錢是$200 加一，價錢合理😋首先會有一個Area有前菜，熟食及飲品任飲任拎。前菜有多種醃漬食品如芝麻八爪魚🐙，螺肉，中華沙律，鳳爪等等。而熟食更食包括蒸魚，避風塘海鮮等等，章魚燒，春卷，咖喱角等等餐前小食。飲品選擇什多，既有一般汽水🥤，紙包飲品🧃，啤酒🍺等等，更有梅酒🍹，燒酒，清酒🍶，任君選擇👍落單是用手機落單，首先當然少不了刺身拼盤。刺身選擇多，大概有十款到。刺身絕對無渣流攤，三文魚油甘魚新鮮肥美，赤貝象拔蚌非常爽口，不得不提甜蝦超大隻，啖啖是肉，非常鮮甜。另外仲有多款自創壽司，軍艦，火灸壽司等等，超過廿款壽司🍣，自行選擇。食日本嘢當然少不了天婦羅🍤及炸物。炸物炸粉不厚，炸廣島蠔咬下去仲好Juicy。一品料理，串燒，燒物亦都非常高質。燒牛舌👅及雞軟骨🐔燒得時間剛剛好，不乾身。燒鰻魚更是熱辣辣，啖啖肉，十分滋味。西京燒食必食item，魚肉嫩滑，味道佳🐟蒜蓉蒸扇貝，扇貝肉都有約五圓的大小，配上蒜蓉粉絲，很惹味。其實仲有多款食品，不能盡錄。超過二百款食品任君選擇，大家快啲相約朋友去大食一

今日同老公行旺角，經過創興廣場，見到好多人上去2樓，梗係唔執輸上去睇下，原來做緊優惠特價時段，$188就有得任食放題，唔怪之得咁多人排隊，不過大喜屋個名不嬲都有保證，唔會因為特惠時段而降低食物質素。一段時間冇黎，發覺食物款式好似又多咗，食放題最開心就係咁，成日食都唔怕厭，經常轉換款式。嘩！而間真係良心企業，長者仲有個超級特惠價$148，食得唔多都唔會蝕。你哋睇下咁多人排隊仲唔係質素嘅保證。入到去超級多人，已經坐咗九成滿。而家大部分放題都用q r code落，避免人與人之間多接觸，而且又快捷方便，落單唔使五分鐘就上菜。榴槤炸彈：一咬落去啲榴槤醬爆曬出嚟，要好小心食，如果唔係會整到成身都係。炸香芋丸：入面有淡淡嘅芋泥，外脆內軟，一啲都唔漏。芝麻雞翼：每次食放題見到都必點，外脆內多汁，唔會炸得好乾。燒羊架：燒得剛剛好，唔會太生又唔會太熟，肥瘦適中。燒雞翼：燒得好香口，啲皮燒到脆卜卜。刺身拼盤：最驚喜係三文魚，舊舊麵好肥美，仲要encall咗幾次都一樣係魚腩，其他自身都好新鮮。蝦膏蟹肉手捲：超級迷你，一啖一件，非常之爽。哈根大雪糕：每人限量一人一杯，有幾隻唔同口味，最後用黎結尾簡直係非常之正。

前幾日想食放題，就同朋友嚟咗旺角呢間樂天大喜屋度dinner。價錢每位$228加一，晚市放題黎講都算係抵食。首先落單見到刺身、壽司、一品料理、炸物嗰啲一應俱全。揀咗幾款我鍾意食嘅嘢之後，係等緊食物嘅同時，我就出咗去夾一啲熟食同埋拎飲品啦。雖然知道放題食刺身先係回本位，但見到啲熟食我都係忍唔住夾咗啲，有咖喱魚蛋、蠔皇薯仔牛肉、甜酸齋同埋波波腸。牛肉有驚喜，估唔到可以煮得咁淋，仲好有牛味。刺身我主要都係食三文魚多啲嘅，三文魚好厚切，正。朋友就鍾意食帶子多啲啦。呢到有好多壽司食，除左普通款之外仲有啲創作壽司，例如鰻魚玉子燒，同埋啲卷物。花之卷都有得任食！我平時少食炸野，所以天婦羅就主要都係朋友食。串燒我就叫左雞軟骨同埋牛舌，灑上少少檸檬汁都已經唔錯。有任食嘅雪糕同甜品可以拎，不過如果要Haagen Dazs 或者Movenpick 就要落單點，只限每人一杯。我地本身諗住最後先點，點知到last order嗰陣唔記得左！好彩店員好好人，肯照拎比我地，咁我就有Movenpick食啦！

晚市放題2小時自選時段星期一至四 $228星期五，六，日，公眾假期前夕及當日 $248放題真係最適合一大班朋友食，咩款式既食物都有，總有一款啱你我他她😎 大喜屋好多分店，樂天大喜屋算係咁多間入面價錢經濟，質素又好既一間🤓 簡單啲講，性價比算高👍最鐘意食炸物既我，當然一黎就嗌曬炸芝麻雞翼、吉列蠔、吉列牛乳炸鮮奶、天婦羅蝦🍤 全部都新鮮炸起，熱辣辣🔥 絕對唔係炸定一大堆攤到凍曬先俾客人食😌刺身、壽司方面，選擇真係超級多😆 嗌左三文魚、北海道鮮帶子刺身，兩款都好新鮮同鮮甜😋 炙燒鰻魚、炙燒三文魚腩、芝士鰻魚玉子燒、香芒甜蝦龍蝦膏壽司都好高質😍 encore左好幾轉都未夠喉‼️熟食方面都真心好有驚喜🤩 試左西京燒比目魚、西蘭花鮑汁燴花膠，有圖有真相真係勁厚既花膠😋 食多幾塊都回到本啦‼️當然仲有我食放題必嗌既壽喜燒牛肉鍋，有碗白飯🍚俾我就正😌最後又點少得一人一杯Häagen-Dazs/Mövenpick 雪糕🍨 我地勁蠢咁傾計傾到過左last order🙈 店員都好好咁俾我地照order👍 好滿足的一餐💪🏻

今日去旺角突然之間想食放題，行過創興廣場，見到有間樂天大喜屋，見到門口排曬長龍，心諗一定又抵又好食，決定羊群心理入去試試。原來特價時段做188咁平，唔怪之得咁多人排隊等食，其實大喜屋喺香港開咗好耐，旺角呢間都係第一次嚟食。通常我入去等食嘅時間，都會先睇下有咩熟食食住先，竟然有咖哩角同小丸子，係我嘅至愛，每樣夾啲返去試下。旁邊仲有成排熟食，雖然唔係乜嘢好精嘅嘢食，但味道質素都唔係好差。嘩原來入面已經咁多人，人山人海，唔怪之得出面仲要排曬隊，但咁多人食代表質素有保證。等嘢食期間梗係去睇下有咩嘢飲，見到依個提子汁幾特別，發覺原來都幾好飲，唔太甜好香提子味。海鹽雪糕：我每次見到一定食，仲要係一開始就食，鹹中帶甜，係我最喜愛食嘅雪糕之一。燒羊架：入口即溶，又唔會太騷，好香子然粉味，肥瘦適中。榴槤炸彈：食放題點少得佢，一咬落去啲榴槤漿爆曬出嚟，好濃榴槤味，我一個人都食咗半打。芝麻雞翼：雞翼炸得好香脆，又好入味。串燒雞翼：燒到外脆內軟，仲好juicy。刺身拼盤：三文魚好肥美，食落口充滿油脂，甜蝦同埋丹蝦都好新鮮同鮮甜。最後點少得佢哋個甜品放題。最後總結：呢個價錢呢個質素呢個環境冇得輸。

香港咁多間放題 旺角呢間大喜屋都係第一次食價錢來講都幾抵 平日五至七點都係$188創興2樓全層都係佢 一上到去見到後面好大個自助區已經急不及待想入去行個圈試咗區可以拎嘅嘢食都幾多幾豐富有幾款冷凍海鮮 有蝦有青口同蜆質素當然唔會係好高好高但係都可以接受亦都有六款熟食糖水 竟然仲有sake soju 當然仲有啲雪糕生果同飲品 行咗個圈已經有啲驚喜刺身方面正常發揮 都很新鮮爽貼彈牙 亦有障紅魚大赤蝦赤貝蠑螺呢啲比較少見嘅刺身 壽司方面 無論生嘅熟嘅都有好多選擇 雖然外貌上爭少少 有少少唔開心個鰻魚玉子燒上枱有啲醜樣 不過都好味嘅 而且size啱啱好 唔會大大嚿飯塞飽你 蒜蓉扇貝粒帶子可以喎 都有$5銀咁大 放題來講算不錯啦燒鰻魚份量好大 鰻魚汁好好味 不過如果熱少少就更加好芝士焗海蝦 亦係比較特別嘅菜式 芝士味好香濃 好多汁 令到隻蝦好味咗10倍

話說已經好耐冇食放題，有日心血來潮約fd去食。.我地平日夜晚去食，$228一位。.居然有糖果食。😋第一次來呢間，個地方超大，自助拎嘢食嘅地方都多。最驚喜嘅係有清酒🍶任飲，仲有凍熱🉑️揀。.我地主要係黎食刺身，三文魚，油甘魚，鯛魚，帶子，象拔蚌，赤貝，北寄貝，甜蝦⋯基本刺身都有。但都有大赤蝦同泰式生蝦😍.壽司都有order少少🤏，都ok新鮮嘅。.熟食方面我地真係好鍾意食西京燒銀鱈魚，order左幾轉。魚肉口感嫩滑，真係好好味😋 .鰻魚都幾大份。.天婦羅，吉烈蠔係即炸，口感脆爽。.牛舌厚實好滋味。

無得去日本旅行，但係又好掛住日本美食，咁一於去食放題滿足下自己先，朋友揀左旺角樂天大喜屋，大喜屋有唔少分店，口碑都唔錯～一開始叫個刺身先，三文魚、帶子、赤蝦，都幾大件又鮮味爽口，另外仲有啲特色壽司都好特別下，有芒果軟殼蟹卷、花之戀、鰻魚玉子，咁樣夾埋食都唔錯！幾新鮮又足料～熟食方面都叫左唔少，有最愛既芝麻雞翼，牛肉鍋，吉列蠔，天婦羅，串燒菠蘿牛舌雞軟骨咁，一次過食哂咁多日式食物真係好滿足！燒得剛好，熱辣辣～飲品方面有好多選擇，有罐裝飲品亦都有果汁揀，最估唔到係有somersby 飲，真係飲多幾罐都回本～～

好耐無食放題喇，好掛住任叫任食，叫到成枱嘢食嘅感覺～～電話qr code落單，先嚟一個刺身拼盤先啦，三文魚厚切腩位肥美，赤蝦大大隻爽彈～～赤貝刺身都唔錯，幾爽甜～仲叫咗好多的的骰骰嘅壽司，花之戀壽司、鵝肝帶子壽司、芝士鰻魚玉子燒～～味道都幾好，過足口癮～另外，order咗好多熱食，唔少得芝麻雞翼啦，外皮又熱又脆，肉質嫩滑～蒜蓉粉絲蒸扇貝，幾香口的～仲有燒牛舌、雞軟骨同燒菠蘿，串燒燒得幾好，都值得試～壽喜燒牛肉鍋都幾正，滾熟牛肉剛好夠嫩～飲品有好多汽水、橙汁等選擇～～