樂園 (已搬遷) 新店位置

餐廳環境好舒服服，呢家餐廳d凳係玫瑰花圖案，都幾靚，入面仲有一啲board game玩。又唔洗等!同埋呢家餐廳係有貓貓架。咁我地今次叫左廚師發板冋黑松露鵝肝義大利飯，首先廚師發板，我覺得好靚。鋪頭員工好細心，上菜嗰陣提我地先食熱食再食凍食，佢會喺我哋嗰個廚師發板到寫字，咁佢會比紙筆我哋我哋想寫嘅字。而我最鍾意嘅就係佢嘅煙三文魚，佢將三文魚砌到成朵花咁，好利害！最欣賞煎牛柳粒，超級好食，又juicy，廚師發板仲有其他嘢，如果想知係咩，就自己去睇下喇!跟住我地加左個黑松露鵝肝義大利飯，都好好味，每一啖都係有拉絲嘅感覺。每食一啖都有芝士，所以啱晒係芝士控嘅人食㗎。咁我哋都有叫咗兩杯特飲，我就叫咗杯我愛金沙，我覺得佢嘅賣相真係超級靚，一嚟到嘅時候就有粒金莎係上面，非常之高，但就要快啲食啦如果唔係嘅話就會好快跌咗落嚟㗎喇。

一早book定枱與朋友慶祝生日，這裡地方不算大，環境好舒適，有不同的棋盤遊戲供客人玩，更突別既係有兩隻猫咪坐鎮，猫猫好乖，任影任摸，小朋友見到就更開心了我們四人點了以下食物廚師發板(早一天已預訂)~包括有帶子、虎蝦、鵝肝、布冧、螺、煙三文魚、牛柳粒……拼得好靚芝士焗有機大傘菇卡邦尼意粉小食拼盤德國雜錦腸惠顧滿$1000獲送價值$198既怪獸雪糕

我點了一道鮮雜菌雞粒炒飯，來到的時候十分香噴噴，好重橄欖油，上菜的時候十分精緻，旁邊有紅菜頭汁，而且又有士多啤梨醬寫著Happy，感受到廚師對每一個顧客的祝福，試問有幾多香港人會開心？在這個餐廳，感覺是香港的樂園。主菜的味道十分之重口味，望下去沒有甚麼顏色，以為會好淡味，怎樣岀乎意料之外的好味，雞粒十分嫩滑，不會有雪藏的味道，每一粒飯都好乾身，不會說是濕的，做到炒飯必需的條件。另外加了38有湯和飲品，首先湯方面，周打蜆湯入面好足料，入面的蜆十分大粒而且好有鮮味，值得給錢去喝湯，飲料方面，我叫了熱蜜桃紅茶，喝下去十分足料，而且很香蜜桃味，值得一試！我吃了朋友叫的廚師發板，最好吃的是牛肉粒，每一粒都好重牛味，不會說很多肥膏，而且十分足料！帶子十分大粒，而且好重牛油味，蝦十分新鮮，整體來說是十分好的，外表看起來又很美，生日和慶祝都可能來這個餐廳吃。

上次去完太子，今次既“食好西團”約朋友仔去呢間望落以為係普普通通既貓貓cafe睇下。一入去已經見到隻貓貓眼超超咁歡迎我地第一件事，幫襯個洗手間先。室內有洗手間，唔使行出行入。唔知係咪因為自己廁所無咁多人去，都幾乾淨。坐低就見到個廚房發板好吸引，就叫左二人份量。仲可以寫字，但我地無慶祝任何野，所以無寫到😂睇隔黎枱都幾靚。個人覺得個牛肉點佢比個個汁真係好好好好好好食!! 十分推介一定要試!!我唔食煙三文魚，但視覺效果都有享受到 haha 蟹捧好食。由於帶子太吸引，我個相機大叫都唔夠朋友把口快，一黎到兩秒就食左啦，所以得返一舊。烈酒煮布冧都幾特別。之後再叫多左個魚share食。個魚係有用心醃，唔係求其一間食到既味道，煎到脆卜卜，like!有個遊戲架可以拎games玩。總括黎講，食完呢餐係真心真心真心驚喜，因為一般cafe收得貴係賣睇貓賣時間。呢間無限你時，啲野食既質素係cafe黎講係完全無見過! 我極度懷疑佢係一間扮貓貓cafe既高級西餐廳! 真心!

上網見Happy land的肉眼扒好似唔錯，就同男朋友上左黎試下。牛扒係即場煎所以都要等一陣。塊扒都幾足料架，而且上菜時已經聞到香噴噴既牛扒味。成個餐既味相都幾吸引架，仲有隻可愛既小貓貓伴碟。一上菜已經食慾大增，我同男友都係好牛之人，坊間好多餐廳都會用安格斯牛作賣點，不過就唔係間間都好食啦。但我地都不約而同對呢間既肉眼扒俾上好高既評價。首先，佢煎得唔錯，鎖到牛扒既肉汁，唔會流到周圍都係。由於我地叫左七成熟，所以望落都仲會有少少肉汁慢慢透出。肉眼扒厚身，分量亦很足。咬落去當中的肉汁會爆出黎。而且帶有很香的安格斯牛既香氣，肉質亦很上盛，唔會乾以及硬崩崩。肉汁和牛肉一同溶入於口，真係好好味。😋😋😋 個價錢就貴左少少，又無跟湯同甜品。🤔🤔🤔 會再考慮先決定黎唔黎食。唔記得講Cafe入面仲有兩隻好可愛既貓貓係度。不過食飯果陣佢地兩隻都訓左係我地隔離張椅上。所以就唔打擾佢地啦。☺️☺️☺️

同男朋友慶祝交住3週年，決定要放縱一下，去吃平時會覺得太過罪惡心重的鵝肝意大利飯今次第2次光顧樂園，還是令我十分喜歡環境上沒有太大改變，不過餐牌增加了不少選擇今次是慶祝拍拖3週年，所以決定點一個廚師發板試一下當然另外一定要點的是我的最愛😍鵝肝啊～入口即溶，加上鵝肝油拌飯，太邪惡啦～而且最過份是我加錢要多了一塊鵝肝~好想再要多一份，不過做人要適可而止廚師發板上枱超級大份啊，點了2人份，份量剛好，不會太多，而且好靚啊！相機食先飲品是我必點的金莎朱古力奶&花茶好幸福啊最令我覺得幸福的是店的2隻貓咪，總是懶洋洋的樣子心情大好~喜歡吃鵝肝的朋友絕對大推薦不過店舖員工不多，點餐後要耐心等待哦，食物質素絕對值得用時間去等

今日係嫲嫲生日 屋企人都好鍾意貓 見到餐廳有貓所以book咗位於尖沙咀嘅樂園餐廳囡囡一入去見到2隻又可愛又乖嘅貓 已經好開心餐廳好貼心 一早準備咗一張bb櫈 仲有各種嘅game卡可以玩 泰式燒春雞 外皮煎得又香又脆 肉質嫩滑 吾‘鞋’ 仲配埋薯條同埋沙律 我地叫咗個每枱必點嘅廚師發板 仲可以一早安排寫上心意 熱食有’安格斯牛柳粒 ‘吾會好um ‘蟹棒’ ‘鵝肝多士 ‘煎得又香又脆 ‘香煎特大虎蝦 ‘都幾新鮮 ‘煎帶子 ‘ 加入檸檬汁又唔會遮蓋帶子嘅鮮味冷盤有雜菜沙律 煙三文魚 榮螺主菜加＄48有特色甜品一份 紅豆茉茶慕絲蛋糕 芒果芝士蛋糕 甜品唔會太甜好啱老人家同埋小朋友食怪獸雪糕🍦 嫲嫲生日梗係要點反個蛋糕喇 呃like影相一流啊威化餅做餅底 有雪糕 生果 棉花糖 波板糖 脆片 囡囡見到都’嘩’咗一聲 食到停吾到口

長期佔開飯頭幾位，但次次都撞正佢地有包場，本來都係碰下運氣，點知今晚終於有機會一試啦！價錢屬中上， 店裏面有兩隻貓，一隻痴人一隻唔痴，哈哈先黎杯彩虹特飲（紅）, 重柚子味嘅梳打，建議糖漿倒2/3試試味先，唔錯唔錯，至啱黎緊夏日飲餐牌啲圖片都好吸引，不過無理由唔試佢地招牌菜 -- 廚師發板，隨板輔送三款醬，配溫馨提示，店員細心介紹由冷盤開始食先，由淡味至濃味咁食，賣相精美，似法式料理~ 伴碟仲可以揀寫咩字。跟住逐樣試試：（無跟店員建議，按自己喜好揀黎食=P）牛柳粒唔韌，生熟程度啱啱好，有黑椒味點綴，加埋蒜片好好食鵝肝多士香脆， 真係好少食到咁恰當嘅鵝肝，唔會覺得太肥膩，廚師應該幾著重入貨品質！帶子用牛油調味，好香煙三文魚不過不失，可能因為其他野水準更高令佢相對一般螺肉口感爽，好香口，唔腥，點和風醬特別好食虎蝦新鮮！肉質爽，食落唔似急凍蝦，莫非有個養蝦池？！食完覺得物有所值，來貨用心揀過，廚師亦顯出功架，食物溫度拿捏細心，好享受呢個美味晚餐。

Weekend無所事事，於是去Happyland hea下迎面而來的是一個精緻的空間。養著幾隻喵星人。店員細心的帶領我們坐到偏角落的位置，當我們打算坐下的時候，卻發現椅子上有隻長著白色絨毛的貓咪在睡覺我們不敢打擾祂 便小心翼翼的坐下坐下之後老闆娘跟我們介紹了他們的六週年優惠套餐。我們看著菜式想也不想就點下來了！這個套餐裡有很多珍貴的材料，只賣$188也是相當的便宜除此之外，我們也叫了杯招牌的飲料上菜了！漂亮的擺設已經讓我們食慾大增，桌面上細心描繪的學業進步更是為此添色不少 ！老闆娘讓我們先吃牛柳、帶子、虎蝦和鵝肝，先把溫熱的食物吃掉，免得它們失去風味，而每味都有他們獨特的配搭！我先是品嚐了一口牛柳，牛柳的口感十分細嫩，讓人有一試再試的衝動吃了兩三塊後就把他們吃掉了～然後就開始試試其他的菜式，於是我拿起了我平常很討厭的鵝肝，我把它一口吃掉，並沒有平常很膩的感覺，反而搭配著多士有著相得益彰的感覺，讓我這個怕膩的人，也喜歡上了鵝肝！除了這些熱食外，冷食中的三文魚也相當不錯，搭配著他們自製的南瓜汁味道更是更上一層樓最後的甜品和特飲更是不能錯過！

今晚帶男朋友去食我夢寐以求嘅港女廚師發板😹不過對比起其他餐廳食嘅甜品 我覺得我食嘅咸食仲實際d 既飽肚又好食價錢都尚算可接受其實我真係見台台都係叫呢個 睇嚟真係好受女仔歡迎啊👍🏿👍🏿個侍應哥哥會先建議食熱食再食凍食 詳細原因我唔記得啦 不過咁食法係唔錯架等我介紹下呢個「廚師發板」有d咩啦😆1. 黑椒牛柳粒完全唔’’un’‘ 仲好香黑椒味 我男朋友好似淨係食到一兩粒 因為其他都係我食哂Lol2. 煎帶子睇圖都見到大大粒 其實我一直都好怕食煎帶子 因為我媽成日煎完都有陣苦味 嚿野會變到好乾又縮水.... 但今晚呢個完全無d苦澀味 正啊3. 大蝦兩隻蝦比佢整到心心形 同另一半食真心好啱佢個蝦又係好彈牙 好彩佢係開邊蝦 因為我同我男朋友都係懶鬼 成日懶得meet蝦殻 會寧願唔食 所以佢呢個design好user-friendly 抵贊👍🏿4. 鵝肝多士其實我一直都好少食鵝肝 但為咗唔比我個肥仔食咁多 就幫佢食咗一半我自己覺得係唔差嘅 同埋佢面頭有d黑松露吊味 香味又提升一個層次 但略厭多士唔脆 失咗分5. 螺呢個都ok 食得出有d鮮味 但我又係麻麻地 食咗一粒就算啦 6. 煙三文魚我係個整喜歡

係朋友FB見到有間CAFE有個廚師發板幾唔錯咁就同左女友一齊上去啦。上到去同一般CAFE唔同，呢度個環境幾靜，而且坐落又幾舒服。我地都係為左個廚師發板而黎既。所以黎到緊係就要點啦。個廚師發板又真係幾豐富下，有刺身、煙三文魚、牛柳粒、虎蝦、牛油檸檬汁煎帶子、黑魚子鵝肝多士、烈酒煮布冧、鹽水煮榮螺、蟹棒同風雜菜沙律。佢個黑魚子鵝肝多士真係幾好味，鵝肝味濃厚配埋黑魚子既清新，配搭岩岩好！而牛油檸檬汁煎帶子個帶子都幾大粒而且仲幾鮮，淋上牛油真係一流！最特別都係個心心虎蝦，真係幾用心。而且蝦肉肥美。整體黎講個廚師發板都幾值得叫既。我地仲要左厚燒美國安格斯肉眼扒。嘩~ 呢個講堅真係好好食。我同女友都好鍾意食安格斯牛扒。呢間呢個餐仲好食過廚師發板。真係好值得推介俾大家。我地就叫左7成熟。件肉眼扒好多汁，而且牛味好香。煎得又岩岩好，D肉汁食落口就唧曬出黎，真係好好味。而且份量又足，$218真係幾良心價，唔算貴啦。佢個花茶女友話幾香，而且飲完仲問STAFF加左熱水再沖都好夠味。我就叫左杯紅。個名幾特別，佢有支試管倒落杯野飲度。幾好玩。

好耐冇同呢個朋友食飯，終於約到佢。因為朋友好中意貓，又系附近返工，就黎呢間貓貓cafe食野。我地太餓了，黎到即刻揀野食啦！揀左個份量十足嘅廚師發板，同埋三款嘅小食拼盤。仲有兩杯野飲。兩款飲品嘅味道都唔會太甜。亦非常清新。菠蘿金柑特調裡面有士多啤梨、藍莓、檸檬、菠蘿、薄荷葉...嘅材料，水果好多，好新鮮。而金柑應該就係試管黎嘅糖漿，倒落去杯內撈勻就係一杯特調啦！飲落菠蘿味比較突出，但聞落就金柑味突出啲。成杯都好新鮮嘅感覺。青蘋果荔枝乳酸特調嘅材料有士多啤梨、藍莓、桃肉、檸檬、荔枝粒、薄荷葉....試管內應該就係青蘋果同乳酸。溝落去杯內令整杯飲品嘅酸度提升了！同樣地，水果好多好新鮮，呢杯嘅青蘋果同荔枝味都好突出，但乳酸味還差一點點，整體都很不錯！！小食拼盤第一種就係醬爆雞翼！雞翼真係我最愛嘅食物之一！我去到邊都搵雞翼食！對於食雞翼，我都好高要求。呢碟雞翼，我比100分！皮脆，肉嫩！香噴噴的！唔點醬已經好香，好入味，點埋酸辣醬，真係冇得彈！炸魚手指就如其名，一條條好似手指咁！炸得好脆，粉漿唔會好多，裡面嘅魚非常滑！炸物點沙律醬是必須的啦！而且，炸完後亦唔會油膩膩咁！食落都唔覺得好濟！香草牛油

小弟是日雙喜臨門除左係新工開市首日亦係小弟牛一 嘻嘻最緊要可以同到另一伴慶祝放工後俾佢帶黎呢間有貓貓玩既Cafe第一次黎表示環境都幾簡約舒服而周邊牆壁設計同枱椅都幾靚幾有心思晚餐都有幾多款式我地叫左戀之花煙三文魚意粉、芝士焗有機大傘菇同埋我愛金莎戀之花煙三文魚意粉賣相幾有心思隨碟附送Smile一句醬汁有濃濃忌廉奶香之餘食落亦唔會漏煙三文魚配上忌廉汁意粉亦係絕配芝士焗有機大傘菇大傘菇果然夠哂大舊菇頂亦滿佈濃濃芝士！大傘菇焗得剛剛好唔會乾哂水好多汁食落好juicy !我愛金莎杯野成坐山咁高！我地兩個都要爭取時間削一削佢 XD香濃朱古力味而雪硬左既金莎口感有啲似食緊雪糕咁朱古力控必食！重點來了！估唔到另一伴事先暗中叫埋個生日廚師發板！拼盤包括有燒大蝦、煙三文魚、鵝肝多士、炒牛柳粒、焗扇貝等等成盤野就好似藝術品咁味香味俱全絕對用心製作！呢個驚喜係開心感動既Thanks Dear

話說前排畀我嚮Facebook發現咗呢間特色樓上café，見到佢啲食物嘅擺盤都整到好靚，不過呢樣都唔係重點，重點係佢係有貓玩架！我地去嗰晚其實都full哂咁濟，得返我地一張枱未埋位。心諗，貓貓都應該無時間招呼我地架喇…正當我有啲失落嘅時候，就畀我發現，原來其中一隻貓貓，咁岩就訓正嚮我隔離張凳到，我即刻勁興奮勁心心眼！不過佢真係好懶訓，仲訓到大字形咁既款，勁qq！佢一直訓呀訓呀訓呀～直到我地食完之後，佢先訓醒，終於可以同佢玩！我地同隻貓玩到不知時日過，玩到其他食容走哂，人地餐廳要閂門先肯走～講返食物先，我地二話不說就點左兩款招牌菜：廚師發板同埋怪獸雪糕！廚師發板餐：牛油檸檬汁煎帶子香煎加拿大特大虎蝦黑魚子鵝肝多士蒜片配香煎安格斯牛柳粒蟹棒、鹽水榮螺仲有戀之花煙三文魚、烈酒煮布冧同埋和風雜菜沙律～佢既海鮮都處理得好好，而我最鍾意就係帶子同埋虎蝦，超滿足！！！食完主菜，就到甜品時間！呢款怪獸雪糕真係勁巨無霸，實足怪獸咁既款。中間係由三個雪糕球組成既雪糕塔，而隔離就鋪滿咗一層厚厚既忌廉，同埋有幾嚿香蕉咁，再插住兩支波板糖，而最底層就係威化餅，真係勁大份，我諗無怪獸胃既話，都應該幾難將佢食得哂。

呢款廚師發板餐總共有9款食材，啱哂我呢啲乜都想食下，但又唔想食得太飽嘅口痕友。佢大份到足足霸咗大半張枱，好誇張，就好似一個畫板咁，利用食物嚮上面作畫，每款食物嘅擺位都諗過度過。為咗唔好浪費大廚嘅心思，我就梗係要幫佢影返幾張靚相啦！不過影到不知時日過，搞到侍應要過嚟提我地「凍咗唔好食架」，好細心體貼。佢仲建議我地要食咗邊幾款先，先食清淡嘅海鮮熱盤，再到濃味少少嘅，最後再食冷盤～牛油帶子滋味爽口；香煎虎蝦爽脆鮮甜；香煎安格斯牛柳粒厚肉多汁；煙三文魚鹹鮮適中；鵝肝多士大大嚿入口即溶；榮螺同蟹棒味道清新；最後再食埋隻烈酒布冧，酒味其實一啲都唔濃烈，仲有去油膩同消滞嘅效果添！除咗廚師發板之外，我地仲另外點咗一款香煎龍膽石斑柳配奶油翡翠汁～估唔到佢嘅擺盤都一樣落足心機，唔單只石斑柳本身嘅賣相吸引，大廚仲畫咗隻好qq嘅貓仔嚮隔離，抵讚！總括嚟講，餐廳嚮菜式嘅配搭同賣相都落咗唔少心機，食物質素亦都唔差，幾適合慶足生日／特別節日。