樂園 (已搬遷) 新店位置

返咗幾日工辛苦咗幾日，諗住放假搵成班老友食下飯，吹下水relax 下啦。但要搵個靜靜地得嚟又要有好嘢食嘅地方真係唔易。最近有朋友介紹依間cafe幾好食又吹得耐，決定今日去下！！🤘一入到去有種舒服嘅感覺，佢主要以白，淺藍為主調，感覺就好似藍天白雲咁。仲有兩隻喵星人招待我地，佢地一d 都唔驚人又肯同我地玩！🐱睇到個餐牌好吸引呀，主要分為沙律，小食，主菜，特飲，口水都流哂。 最後叫咗怪獸雪糕同三個小食。芝士焗大傘菇同香草牛油目帆立貝。等餐時悶悶到，玩下card game 都好喎🕹🃏櫃入面有Uno, 大富翁，三國殺......同朋友玩左兩舖d 回憶湧哂返嚟，真係懷念以前同佢地hea 嘅時光。諗住開新一局d 嘢食就到啦，真係啱邊玩邊等！！芝士焗大菇一切落去已經見到D 汁，咬落去真係好juicy又軟，而且芝士又唔會搶走菇嘅味道，香草令整體香味提高，好夾又好食，真係值得一試👍👍👍而個日式吉列蠔炸得啱啱好，好脆又唔會乾。同平時食蠔唔同，佢唔配沙律醬，蛋黃醬，而係配燒汁，但估唔到都好夾，好鮮味。食殼類海鮮最驚煮得太耐，搞到好老好韌，但個牛油帆立貝焗得啱啱好，食落去都幾鮮味又好重牛油味，鐘意食嘅朋友有福啦

因為之前睇過其他食評話呢度有貓，作為貓奴嘅我忍唔住捉埋BF陪我黎可能因為好早（6點幾）所以上到黎竟然冇人唔洗等位，正！不過7點後開始就多人喇～～黑松露香煎鵝肝意大利飯  $188鵝肝煎得好香，外脆內軟，食落仲有少少鵝肝油勁正！個意大利飯偏向硬身，都好啱我胃口！廚師發板 $188/位見好多人都有叫呢個食，仲可以寫字，啱哂朋友生日/紀念日黎食啊呢個！都有幾多野食，有帶子、虎蝦、黑魚子鵝肝多士、酒煮布冧、螺、安格斯牛柳粒、蟹棒、煙三文魚同沙律。牛油檸檬汁煎帶子刺身牛油味好香～配埋檸檬汁又帶出帶子鮮甜同中和返牛油嘅油膩～黑魚子鵝肝多士我真係好鐘意食鵝肝佢呢度D鵝肝真係煎得唔錯！蒜片配香煎安格斯牛柳粒牛柳粒好焾，配埋蒜片食勁香濃！叫廚師發板仲可以加$15就配一杯價值$45嘅飲品～重點係呢度嘅貓貓好識主動親人，一D都唔會好似貓CAFE D貓咁唔理人，好正啊～～下次有朋友生日同佢再黎先！

尖沙咀尋求下午茶好地方，當然又是open rice, 找到了一間 四百多好評的小店，結果又是上了一課。入去已經聽到伙記們大聲疾呼討論些什麼什麼........因為已經坐下來，還得快快點選了三客小食再加兩杯飲品。小店格局食材肯定非一流貨色，烹調技巧估計應該非常勵害及出色，才能儲下四百多好評。而今天本人運氣極差......先説一下飲品，茶係無問題的。咖啡不是十分差，但又與『差』極之靠近。再説食品，芝士蘑菇可以。芝士青口煮過龍，口感有點硬，釀雞翼呢，可能溶不切雪，解不切凍，居然有朕朕雪味，雞骨裡還有絲微血水。今天學會了「放棄好評，只看負評。」...你懂的！

其實我一向都好鍾意食意大利飯，今次比我巧遇個餐牌有意大利飯簡直係心心眼。我發現黑松露鵝肝意大利飯同黑松露意大利飯都價錢其實相差＄20。所以最後決定叫咗個黑松露鵝肝意大利飯。  上菜的時候，我簡直覺得好似去咗個高級餐廳咁， 佢地係一個平平無奇嘅餐碟上面畫上花紋，完全將個感覺昇華左。而且佢都用上外國嘅小芫茜去做配菜。 未食己經放到似座山，山上更加放上了鵝肝（差唔多有半隻手掌，而且有手掌咁厚）咁都未算係經典，經典之處就係鵝肝上再放上一推黑松露汁！完全毫不吝嗇。  首先鵝肝，外脆內軟，唔會（蘇） 然後就係個飯， 好creamy , 有芝士拉絲，食每啖飯都好似有幾十舊芝士跟隨入囗咁。 黑松露味都好夠重， 所以夾埋芝士同意大利飯係堅好食！ 味道好濃郁！但係又唔會話重味精！所以唔飲水都得！其實我都覺得個飯幾健康，因為佢有蘑菇片係入面。所以趁住呢個機會食下菜都唔錯！ 總括而言成個飯簡直係精心策劃！

今日係我同另一半既周年紀念日，友人介紹我試呢間係TST既小店，book左位就上黎試試佢。地點都唔算難搵，畢竟係旺區。地方細細，我諗大慨容納到二十人左右。呢度裝潢有少少屋企嘅感覺，仲有兩隻店主養既肥貓，感覺都幾warm！朋友話一定要試佢個『廚師發板』，一來唔洗諗，二來可以寫字！紀念日就當然係寫Happy Anniversary啦！種類都好豐富，有牛柳粒，大蝦，鵝肝多士，帶子，三文魚花，響螺同沙律菜。每樣野都食得出好有心機，海鮮都算新鮮鮮甜，處理得宜！另外叫左個小食三拼，比你自由選你想食或者鐘意食既野。我地就簡左炸魚手指，炸蠔同埋泡菜雞翼！三樣野都好有水準炸得岩岩好唔算好油。個泡菜雞翼好好味，啖啖肉又有少少辣味，我最鐘意個炸蠔，好大隻蠔，外脆內軟！本來想試埋佢甜品同野飲，不過已經眼闊肚窄，食唔落喇！食左個幾鐘兩隻貓都係無起身玩！唯有下次上黎食埋佢個甜品再探佢地啦！

今日係拍拖六周年，之前都留意到呢間happyland，好似專為慶祝紀念日、生日而設既樓上cafe咁，尤其係廚師發辦，靚到唔捨得食。黎到happyland，仲有另一個目的，就係玩貓貓，但好可惜，竟然撞正幾個月一次既沖涼日，貓貓去左美容院洗白白，我地太好彩喇。Happyland 地方細細，大概能容納十組客人，今日客人亦絡繹不絕，建議預早訂位。Cafe以彩虹、花、小孩圖片為裝飾，配合餐廳歡樂的主題，又有貓，又有board game，吸引不少家長帶同小孩一起到來，真係可以hea足一個下午。我地點了一個廚師發辦，一個意粉和一杯飲品。廚師發辦等候時間為30至45分鐘。等待既時間可以玩下玩具架上既board game，所以其實都唔會覺得等好耐。廚師發辦廚師發辦源自日本料理，意思姐係由廚師挑選決定俾咩客人食，佢地會依據當日最新鮮既食材去炮製食物，所以一般廚師發辦價格都頗貴，千元不等，今日拍拖六周年紀念，決定”豪”一次，試試呢度相對平民既廚師發辦，188元一位。不過happyland既廚師發辦就似乎日西合壁，唔止有日本刺身，還有西餐既元素，最重要可以要求寫字，真係慶祝紀念既好幫手。廚師發辦以白板托底，以

今天經過尖沙嘴 見到有人介紹樂園呢一間餐廳 於是呢就上咗嚟啦 雖然我地冇預約 但可能因為係平日 所以間餐廳唔係好多人亦都唔需要等位 環境清靜 亦都有啲花花做裝飾 最特別就係有一啲卡牌遊戲可以比大家打發時間 我哋好快睇完餐單就叫野食 決定叫 流心芝士蛋 因為比距既 “全港首創 必食推薦” 吸引左 一於睇下距到底有幾特別 當佢上菜嘅時候我都有啲驚訝 因為份量都幾大 有兩條香腸兩個流心蛋一啲沙律再加薯條 每一樣野都可以兩個人一齊食 薯條好新鮮同熱辣辣 而流心蛋外面有煙肉包住 裡面個蛋白好嫩好滑 撒上少少椒鹽特別好味另外一個主食就係煙腩蛋黃忌廉汁扁意粉 上菜發現好似好細碟 但其實好足夠兩個人嘅份量 同埋碟上寫有Smile既英文字 感覺好窩心 面頭撒左芝士粉加好濃郁嘅蛋黃醬味再配煙肉一齊食簡直係一流 我鍾意既配料之一洋蔥喺呢個意粉配搭得非常好 因為清甜嘅洋蔥可以中和濃郁嘅芝士 最後我地個套餐加配左一壺玫瑰蜜棗茶 因為可以兩個人一齊飲 個店員仲好細心咁同我地講要等15分鐘等佢出味再飲會比較好 呢個係我鍾意嘅味道 因為唔會太甜再加上玫瑰嘅香味 令人飲落去好舒服 再加少少蜜棗感覺上幾養生 同埋好開胃

今次同閨蜜去咗樂園叫左安格斯牛扒食（七成熟)。 等候時間唔算長，好快就有得食! 侍應將佢送到去送到我面前真係好驚奇！完全冇諗過佢地會好用心咁裝飾塊牛扒 左右兩邊都分別用咗糖粉去畫出花同貓！而牛扒底下係放咗粗焗薯條。另外配上一個酸甜嘅黑醋汁。同埋大家都好熟悉嘅茄汁。 係時候等我講下啲嘢食啦！牛扒好有肉汁 ，而且唔鞋口。個肉眼扒唔會話真係乾淨，有啲肥肉咁。佢地將塊扒煎完之後啲肥肉係脆口的，所以食落去又唔會話好油膩，感覺就好似食炸豬皮咁樣，一樣咁嘢味。 食完一啖冇落汁嘅牛扒之後 再點番佢地個汁，先發現個汁原來係精粹！點左泥食完全開胃晒！所以之後乘落嚟每一啖都係會點汁！我差啲就會飲晒啲汁去！ 之後就係嗰焗薯條，好明顯係食得出佢係外國版焗薯。完全唔係用啲大陸薯仔，所以食落去會好重碳水化合物嘅感覺好粉，而且連皮食都唔怕。再點埋個茄汁完全好似去咗美國咁！ 閨蜜西餐推介 ：樂園

呢間鋪係2樓，搭lift上好快到。一上到去就有侍應招呼我地，見我地得兩個人，仲好貼心咁安排左比較安靜嘅位比我地坐。呢度環境好舒服，睇得出好比心機佈置。運氣好仲會撞到cute cute嘅貓星人出沒。貓星人唔驚人，佢會乖乖比你摸，好似好享受。黎到梗係要點最出名嘅嘢啦。呢度最出名係廚師板發同怪獸雪糕，雖然怪獸雪糕都好吸引，但係我地見都有d肚餓，就點左廚師發板，加一個黑鬆露帶子意大利飯，飲品揀左青蘋果同熱情果。廚師板發一上黎就十分驚艷，賣相十分好，料都好足。正！侍應仲好nice咁同我地介紹菜色同醬汁，同我地講邊d要趁熱食，好貼心。仲提供左三種醬汁，分別係洋蔥汁，芝麻醬同wasabi豉油。有三文魚，鵝肝，虎蝦，帶子，牛肉粒，沙律，乜乜物物。我最偏愛牛肉粒，唔太鹹唔太淡，好夠牛肉味，真係想食多碟啊！虎蝦都好有誠意，大大隻，好鮮甜，食落就知新鮮啦！意大利飯嘅帶子都鮮味十足。咬落就有陣鮮甜味，煎左少少仲正。值得一提南瓜汁同紅菜頭汁味道好濃郁，點少少落意大利飯真係世界級。青蘋果茶有驚喜，茶味十分濃，但係就冇乜青蘋果味，啱曬我口味。

好耐無同男友拍拖食飯，適逢520 緊係要藉此浪漫一下！朋友推薦呢間位於尖沙咀嘅樓上cafe 樂園。店如其名，餐廳內有好多唔同嘅game玩，仲有兩隻超可愛嘅貓咪！同成班朋友黎一定氣氛勁好☺喺cafe到罕有地見到竟然有廚師拍板， 仲要特價$188/位， 價錢唔算貴梗係要試一下😋 原來仲可以寫上心意字 ，我哋簡單的order了Happy 520❤唔同菜式一式兩份好靚的分佈係一個大大的碟盤， 碟嘅旁邊仲沾上相應嘅醬汁，好似一件藝術品咁😍牛油檸檬汁煎帶子刺身，帶子幾大粒 入口有滿滿嘅牛油香， 再加上少少檸檬汁調和，味道清新👍🏻香煎加拿大特大虎蝦拼咗做一粒心， 賣相吸引 蝦亦煎得唔錯，幾香！黑魚子鵝肝多士入口即溶，配搭小小旁邊嘅紅菜頭汁， 味道一流！鹽水煮蠑螺、蟹棒同戀之花煙三文魚 味道都係偏向清淡， 但由於食材新鮮即使只有少許鹽味，味道都已經不錯👏🏻蒜片安格斯牛柳粒 肉質彈牙煙韌，配上蒜片食，非常有口感~另外兩杯飲品亦唔錯味道而且唔會太甜，而"我愛金莎"亦相當有驚喜， 賣相吸引之餘冰沙中相當綿密，再配上淡淡嘅朱古力味，非常清新解渴！我哋亦額外嗌咗個 烤焗西班牙黑毛豬肋骨配薯角， 男朋友好厲害第一

朋友生日諗住搵間好食又唔會太嘈嘅地方傾吓計啦！樂園之前去過，雖然地方細細，但食物質素唔錯，所以提議比朋友，佢話ok勝在地點方便！我地bk咗14：30,上到去已有兩大班人食緊，我地被安排坐一角，無所謂嘅！但兩班人好嘈呀！睇完餐牌。。。總括今日質質差咗，環境更不用多說，我地四人根本難以傾計。。。都係要搵第二到喇！

我係經公司最為食傢朋友介紹去樂園嘅，因為我成日都投訴，唔知點解去同朋友聚會，好多時都要去一啲比較質素加上低環境一般嘅cafe，但價格方面就比較貴，完全令我覺得唔值得，所以我就問我係公司最為食嘅朋友仔，邊度又有好嘢食，又有得玩，又可以同班朋友任坐，冇限時咁坐，佢就提議我去依間樂園試吓。點知我試左一次之後，都不停介紹自己啲好朋友去，因為價錢真係好合理之餘，仲要又有桌上遊戲玩，啲嘢食仲要係有返咁上下質素。仲要個重點係佢位於尖沙咀，直情係香港嘅中心點咁，超級方便，傾到幾夜都唔驚！我就叫咗個香煎石斑柳，配個蔬菜汁，佢仲配有講貓貓圖案，真係非常之可愛。煎石斑柳係熱嘅，仲要勁厚，我哋三個女仔都差d食唔晒，所以真係好抵食！我哋仲有叫咗一個黑松露鵝肝飯，個飯就係意大利飯，黑松露加鵝肝其實真係冇得輸，因為真係太好食嘅關係，我個朋友真係叫多一個自己獨食。我哋仲有叫到兩個甜品，因為我自己就好唔鍾意食綠茶味嘅產品，所以我朋友就就我叫多一個窩夫大家分享，雖然我自己就唔鍾意食綠茶味嘅甜品，但佢哋都逼我試，之後我又覺得佢嘅綠茶味蛋糕唔同出邊嘅綠茶味甜品，雖然係有少少苦，但係都係好食嘅。金莎朱古力又好食又好飲！下午茶仲

係尖沙咀食到悶悶地，又諗唔到食乜嘢， OpenRice一下，就見到happy land, 見到個Menu都好似好得意咁，就決定同朋友係呢到慶祝認識十周年啦！好彩我地預左早訂枱，七點半差唔多都滿座。我哋兩個人叫咗一個廚師發板，佢有九樣唔同嘅餸，有帶子刺身，虎蝦，鵝肝多士，煮布冧，牛柳粒，仲有幾樣冷盤。你仲可以揀埋想寫既句子，廚房幫你寫埋。上菜嘅時候，侍應會介紹唔同嘅菜，同埋食嘅次序，因為有熱盤冷盤所以會食咗熱盤先。帶子刺身好大粒同埋好爽口，牛柳粒煎得好香，唔會硬。鵝肝多士煎得好香好好味。主菜就叫左個黑松露香煎帶子刺身意大利飯，好大份，黑松露好香，同埋啲飯煮到岩岩好，唔會硬！飲品呢其實佢有好多選擇，但因為我唔係好想飲凍野，揀左個玫瑰花茶，夠健康嘛！係尖沙咀難得有啲唔係一般既街邊既西餐，仲有廚師發板，值得一試呀！

放工後輕鬆談心好地方平日收工約了幾個姊妹食飯, 打算去樓上café, 因為可以逗留久一點, 以往大多去旺角café, 在OpenRice看到尖沙咀有這間及評論不錯, 食物款式多選擇, 所以我們決定來試!到達店內地方乾淨及環境舒服, 員工服務態度很好, 還簡單介紹了餐牌食物, 我們選了幾款小食和主菜，我最想介紹款主菜”烤焗西班牙黑毛豬肋骨配薯角”, 上枱時已有點點肉香, 碟旁畫上很可愛的公仔點綴, 整件肉很厚但而且容易切開, 脂肪與肉質比例非常均勻, 不會太肥膩, 口感豐富嫩滑! 食完時間尚早, 我地玩了兩款卡牌遊戲, 卡牌不會很殘舊! 玩的期間突然看到有隻白色貓咪跳了在椅上, 很可愛, 又唔怕人! 最後點了”怪獸雪糕”預祝姊妹生日, 材料好豐富又大杯, 份量足夠我們三個, 不會太甜! 食完這餐認為都值得推介來慶祝生日, 可享受悠閒舒適的環境, 高質素的食物及飲品, 重點價錢合理, 下次會再約朋友來食飯或來慶祝生日都是一個不錯的地方!

樂園最出名嘅莫過於廚師發板。雖然定價比較高，要$376享二人份，但其實份量幾多，4-6人share再配小食都ok。cafe最低消費係四十幾蚊左右嘅飲品，所以人多嘅話點呢個set影相都唔錯。畫面豐富，而且要由熱食至冷盤逐一品嚐，感覺就好似遊梗花園。喺樓上cafe對精緻小食一般期望不大，估唔到呢件多士烘得鬆脆之餘，鵝肝富油脂甘香，媲美唔少中高檔餐廳。坦言，輕煎帶子牛油檸檬汁唔夠香。但煎嘅時間掌握得好好，帶子刺身中心仍然鮮嫩多汁，外層彈牙。因為帶子肉厚新鮮，汁料上嘅不足變得無傷大雅。烈酒煮布冧酒味略淡，美中不足。但煮得好腍食唔出渣。醬汁黑椒味濃陏，但實在太鹹...朱古力都係樓上cafe水準，不過不失。留意到下午茶$48包飲品，比晚市抵好多。