榮記粉麵

营业中

休息中

呢度必食雞翼尖及豬紅, 豬紅滑不留口, 雞翼尖酒香味濃, 其他餸也不錯, 湯底ok, 麵質不過不失, 另外淨叫的西洋菜都不錯, 繁忙時間等位大約十分鐘, 此店好細, 都幾擠迫, 不過如果不介意迫, 幾十蚊食到飽飽, 都食得過…,當荷包油盡燈枯之際, 呢度絕對係我ｏ既糧尾救星…!

成日經過都見到好多人排隊，今次終於排埋一份入去試下。叫左四\"送\"的車仔麵，雞翼尖、豬紅、蘿蔔、牛腩加米粉，碗麵一黎既時候打左個\"突\"，因為個湯底好深色…食落覺得偏咸，加上又甜甜地覺得有D怪。咁多樣\"送\"最好係蘿蔔，因為夠腍同埋入味+甜+無渣，但係豬紅、雞翼尖就普通，牛腩唔掂偏\"鞋\"。食完之後勁口渴，唔知係咪有勁多味精呢。食完無幾耐就肚痛啦…唔知關唔關事呢。PS.我個FD話D豬大腸幾好味喎…

榮記車仔麵的湯底同一家叫「車仔麵」的麵店的湯底不同﹐前者的湯底應該是鹵水汁加豉油﹐端上臺的時候近啡黑色﹐偏咸﹐卻更有車仔麵的風味。豬紅、粉腸、牛肚、魚片等都好入味﹐我最喜愛的是﹐它是用西洋菜的﹐不會是生菜、菜心或通菜。現在於麵店很難吃到西洋菜了﹐所以非常開心。另外很多人叫雞翼尖﹐在這麼狹小的地方還要慢慢lun那些骨﹐而且又吐番出來﹐我覺得好倔突﹐免得過都唔會去。題外話﹕個度有個哥哥仔個樣幾惦﹐唔去食都可以去看看。

差不多同一時間有朋友說有車仔麵舖的蘿蔔清甜無渣，叫我去試試，星期六先試榮記。果日下晝兩點幾來到想吃一吃蘿蔔，老實講，單以這個陣式來說，對於一間車仔麵舖，又真係幾巴閉的：除了一堆在門外等外賣的人客外，等堂食人客的人龍可以橫跨兩個舖位去到南記鴛鴦粉麵果邊，仲陸續有人加入，都米話唔犀利。時間有限，不能堂吃，唯有買返公司。四個配菜要了蘿蔔兩份、菜及豬紅，要拿麵底當然要油麵。火速返到公司，碗麵還幾熱的。深色的湯底，味道也不算行貨，起碼渴到羅漢果的味道；吃一口蘿蔔，不算甜，亦可以再腍少少，渣也有一點，雖然是未及車品品的，但以坊間出品的來說水準屬中上；豬紅一般貨色，不評了。22蚊，唔平，食完亦不大明白為何有這麼多人等位。一吃無妨，要等就不太值得。下一站，是登龍街新記。

上星期六,與友人在皇室堡來個non-stop,大玩兩個鐘頭Parapara Paradise 2 nd mix plus後,有點累,友人提議到轉彎位的這間車仔麵祭五臟廟,睇食評就睇得多,食就真係第一次,好,一於去馬!!來到,真係要排隊啊,不過都係一兩個0者,都唔係等左好耐就有位喇,坐低後,我就叫左個淨,而友人就叫左三送一麵,食味如下:牛腩:咦!我好似叫牛筋架,不過是但啦,無追究,不過唔係咁好食,味道就夠喇,不過似乎未燜林喇,有D失望!!豬紅:都幾滑;紅腸:咪食開個種0羅,牛丸:勁細粒,唔得彈牙,無咩味道可言,雞翼尖:都幾入味,呢個唔錯,蘿蔔:其實呢道都幾好,起碼無渣,唔苦,不過亦唔甜,一食呢個,就想起車品品個D,難免有比較,咁樣好似唔係好公平,但無計,人地真係好食好多呀~~~冬菇:呢個都好得,好厚身,燜得好入味,但又唔係好林身個種,而係好有口感個種,係全碗,我最滿意既其中一款.粉腸:雖然夠林,但唔知點解,係鞋既,我同友人都唔係幾滿意呢個!!其實呢間,又唔係真係好好食,要排隊,我估係一個幻覺來的,因為間野勁細,銅鑼灣又咁多人,先至做成要排隊既情況出現,我反而覺得行遠少少既,個名叫車仔麵個

上個星期食咗2次, 因為貪佢快,靚, 正嗎!最鐘意食佢的豬大腸、甜蘿蔔、雞亦尖、粉腸.....米線/油麵. 再加一支"支裝提子汁", 好好味呀!

行過見到食車仔麵都要排隊，唔明點解? 為人相信"笨要被人搵過先知笨"，所以又排埋一份。坐低後叫左豬紅，蘿蔔同牛筋麵。感覺?入味係真既，蘿蔔無渣亦係真既；不過碗麵真係超級迷你!連坐係我對面果兩位小姐都要叫兩碗麵!除此之外，同其他車仔麵比無乜特別啫!仲要唔係平喎!三餸都要十八蚊啦!雖然我未能話被人搵左笨,但都真係唔明點解食D咁既野要係銅鑼灣鬧市中排隊?唔明?唔明?真係唔明!

9 August 2004, 8pm有好一段日子沒有來了，我要o左雜油麵，懶嘛~ 最好o架啦，o吾洗諗一碗有5款送. 再追加雞翼尖一碟. 食曬!!! 好crazy!!!!!p.s. 女士們請注意，如果你shopping 完，買到一抽二laang，就千奇o吾好入去，要不然你就好似我o甘，抱住兩個大袋o既收鑊o黎食麵lor，o吾好諗住會有吉位比你擺袋! 死心吧!

雖話隨隨便便食碗粉,但係都要美味.....呢到gei粉麵好好. 牛肚/牛筋/蘿蔔/豬皮夠入味同埋甜美(其實車仔麵的湯和配料統統都係偏甜架,由細食到大個o的都係咁架啦)....如果叫菜gei話個o的汁唔知乜黎架,好深色但係味一點也不濃,唔鍾意食菜的我都久唔久食淨菜.....其他唔係巷仔時代,新加入的配料就麻麻地.

如果大家覺得呢間難食,咁我可以話你聽o係渣甸街新舖既重難食. 寧願俾多幾蚊去食對面既牛肉餅河好過.我自己鍾意食雜河行街, 因為o個度真係唔好坐, 可能係想d人食完快d走.記得食佢地d 辣椒油, 真係好正, 不過外賣既記得要問佢地俾, 唔係就冇架啦!

有次我同女朋友去食,入面咩野都係甜既由面到菜,甚至做湯都係甜既...又唔平,真係唔明d人排咁耐...莫非我味覺失靈?

榮記粉麵諸款菜式,最欣賞的始終是蘿蔔,雖然偶時也會有渣,但十分甜~至於其招牌雞翼尖,坦白講,只是可樂豉油雞尖,沒什麼特別,而且雞尖太少了,吃了一碟也等於沒吃。不過份量少也是它的一個特式,下午茶來說也是一個不錯的選擇..但如果是正餐的話,對一個男士來說,略不足..

補充:正確地址係糖街27號A地下,營業時間由早上11:30至晚上10:30另:榮記剛剛開了分店,想食車仔麵唔使排咁耐隊啦!(新店暫未有人龍)地址:銅鑼灣渣甸街43號地下營業時間:早上11:00至晚上10:30

其實之前在forum那邊,已介紹了呢間車仔麵店,而家再作少少補充,榮記在未搬入舖前,係在皇室大廈(即皇室堡前身)的後巷擺檔,後來皇室大廈要大翻新,才搬到附近的糖街繼續經營,當年若曾在銅鑼灣區讀書或工作的朋友,都可能曾聽過,或食過呢檔車仔麵.而榮記最厲害的地方,就係營業時間內,幾乎每一分鐘舖外都有人排隊,其中不乏ol,西裝友,甚或著得很光鮮的人(其他如隔離的南記,或者駱克道的車仔麵,都無出現呢個情況),而據講陳小春間唔中都會走去食碗車仔麵,可見呢間小舖果真不簡單