榮記粉麵

营业中

休息中

為了想試這間常常排長龍的車仔面，等了１０分鐘。點了紅腸，蘿白和魚蛋。味道好普通，湯好濃味，一般而已。店舖的人好惡，無禮貌，真係好似前世欠左佢咁，客人入去都不會招呼，叫佢走腩汁佢地話呢度係出名腩汁，唔食走寶，態度好傲慢，問佢魚蛋有幾粒，佢地係答:「夠你食架啦～～」我係想知如果份量少就點多樣餸，真係唔明果位鄉音咁重的肥司奶點解咁答，好似佢俾人食面係我地好好彩的樣子，這種服務態度真係唔得囉，最弊佢係我似岩岩食完仲飲緊野就好急咁來收野，我其實仲未食完架！唉！！！！呢間野可以做得好好，但欠了待客的熱誠，只靠食物質數係唔可以一支獨秀的，銅鑼灣競爭咁大，消費者係試選擇的。已經坐到好迫，仲要受氣，我唔會再幫襯下次，又唔係好食，天后間鍾記好食過佢多多聲。