榮記粉麵

营业中

休息中

我公司0係cwb 所以成日都食到榮記佢個湯係牛腩汁黎架....好濃味....好好食就算叫油菜...都係好多腩汁..$28 有4個餸 0係cwb黎講 算係咁喇推介: 蘿白 (必食 因為好甜架) 豬腸 (好乾淨 好入味) 雞尖 (甜甜地 好入味)

是日午餐, order 如下: 牛筋春卷米粉 - 個湯好濃! 碗o野一來到已經覺得好香, 係鎮店之腩汁吧! 牛筋好稔好入味~ 春卷林晒, 一 d 質感都冇, 好似一堆唔知咩放入口咁, bad.overall d 汁好味, 不過選料要小心, 牛筋牛腩羅白冇死; 唔 recommend 春卷.好大碗, 食飽飽, 雙拼 $20 ok 抵. d 碗好污糟, 因住成手都係汁.話晒車仔麵檔, 衛生幾好你估得到.排長龍, 平均等 15 mins 就有位, 不過夏天咪制! 行過少人都可能會再食 gei~

下奏行過銅鑼灣聽聞有間好好食既車仔面，於是去一試，叫左豬腸＋冬菇＋蘿蔔＋油面，豬腸真係太淋無晒口感，仲無晒豬腸果隻香味，冬菇沒什麼特別，反而蘿蔔好食，甜得黎無渣非常ＯＫ，湯加左腩汁得個咸字，無左車仔面應有既辣汁，只有自己加辣椒油，失色不小。

說到在銅鑼灣要排隊的車仔麵，名單必定有「榮記粉麵」在內。其「黑色湯底」伴「西洋菜」，絕對是這裡的標記。為了不想排隊，所以便在開鋪一刻前來，雖則是剛剛營業，但店內已有五至六名顧客。已很久沒有來，看了一眼掛在牆上的大餐牌，原來已經加了價，「四餸麵」已加至$28.00一碗。點了「油麵」、「豬腸」、「豬紅」、「墨魚頭」與及「春卷」。較我早來的那五至六個顧客的食物也未送來，所以我的也要多等了一會才送來。先呷一啖湯，發現沒有已往那麼濃，但這個問題不大，因為味道仍是足夠。再試了一口「油麵」，麵屬幼身，口感頗滑，不錯。再來的是「豬紅」，感覺太過軟身，外皮亦太煙韌，味道則過淡，失敗。「豬腸」炆得有點過了火，令其過焾，咬下去時沒甚口感，而「豬腸」獨有味道亦消失得無影無縱，雖未至於失敗，但也不合格，早知如此，應該點另一款腸類食物「粉腸」。「墨魚頭」爽口兼有咬頭，雖沒有很香的墨魚味，但也不錯。最後一款「春卷」外形是偏平，與「南記」的條狀不同，味道與後者相比，還是後者勝一籌，但仍是一款可以選擇的食物。還記就得首次在這裡吃車仔麵，實在感到驚喜，但近年光顧了數次，已感覺水準有點下降。如果與「渣甸街」的同系店舖比較，

今次自己買外賣. $20 單雙拼車仔麵, 好平.叫左最鍾意食既春卷, 同埋試下咩叫粉腸原來即係小腸? 入面有d 類似分秘物既物體, 不過應該唔係黎平時食撈麵o個d 小腸通得淨, 哩d 好似冇通過咁不過唔緊要, 拿拿聲食晒佢當睇唔到, 內藏就係咁架啦春卷度度都係咁, 又唔覺有咩特別.下次再去食要試下佢個雞翼尖至得我見入面堂食o個d 人台面有碟另上既雞翼尖, d 色水好夠, 應該幾入味d 河粉真係值得一讚, 係d 好幼既河粉, 粗身d, 冇咁易斷, 而且好彈口平時食既河粉夾兩夾就斷開晒細細條, 到最後成碗底都係但哩度既河粉真係可以食晒, 個碗底冇淨不過外賣竟然冇匙羹, 無法一邊食麵, 一邊品嚐個湯既味道

以往返工常常見到很多人排隊.有一天, 為老婆豬做事之前有少許時間剩下, 便去試一試.剛好是tea time不多人, 啱晒.豬腸good good.沒有骯髒, 沒有臭, 沒有un.剛剛好.d湯又香又濃, 榮記good呀.

偶然和同事提到糖街永遠都有條人龍等位食麵，同事便熱心推介，仲話佢由此店的巷仔檔時代便捧場至今。昨晚去宜家買東西，便到此試吓。晚上約8時，依然要排隊等位，但一支公好快便可以入座。點了牛肺、牛腩、大腸和魚腐配粗麵，前三樣只稱得上夠味但不算入味，而且唔係唔夠"淋"，不過再"淋"D會更好，至於魚腐則較"實"沒甚麼味道；反而個湯幾好，濃但不鹹，食完都不覺特別口渴。在銅鑼灣而言，$28一大碗四餸麵，以味道和方便而言，都算是及格啦

4點.....有點肚餓la,不如去榮記食 la......因我想食佢d雞翼尖ah........味道好夠,好入味正...而牛腩好淋味道好好湯味濃郁連d麵都好有味道但可惜我個米線稍為淋左一d

十二月十七日 (星期三)就快考試,心情緊張,今晚相約老公仔做gym,鬆一鬆,當然少不了之後的美食一早已選定在這裡吃,價錢經濟實惠...約八時四十五分來到,竟然見到排長龍心想...車仔麵店都如此誇張我們在附近的食肆看了看,停一停,諗一諗,都沒有心水,最後決定返回榮記,等一等在門口看一看飲食雜誌,與老公仔來一個 Technical Discussion,大約十五分鐘...有位了我點了豬紅,墨魚頭,豆卜,牛腩米粉 + 炸魚皮老公仔則點了魚皮鮫,豬腸,墨魚頭,魚腐米線 這裡的湯底預設加了腩汁,加了西洋菜一起煮,濃烈的牛腩汁中夾雜着清清的菜味,不錯的配搭先講好的,墨魚頭的確爽口彈牙,不愧為鎮店之寶之一,而另外叫的炸魚皮亦炸的很脆,略嫌鹽了一點,至於豬紅亦不錯但魚皮鮫,魚腐就"馬虎了,很細粒,而且沒有什麼味道,要扣分至於牛腩,豬腸,豆卜就不過不失呢...建議想試的食家下次可以集中吃其出名的就夠了,因份量不少太多,可能會不夠飽,唯有學我們去吃甜品罷

有朋友介紹呢間車仔麵鋪,吃完後覺得好普通,沒有什麼好食,只是好普通的車仔麵材料,材料都幾多元化,有不同的食物,加上牛腩,最值得介紹是本店魚皮,好清脆,新鮮,牛腩好林,連老人家都吃得萵去.在銅鑼灣來說,都是快餐式的食市

見有d時間~咪排下law~都要排3,4個字嫁~雞翼尖就必食嫁啦~今次叫左個配料可以介紹一下就係春卷啦~估唔到春卷配呢d粉麵~都好味wo~而佢係似腐皮卷的~料都好足~~不過墨魚頭就差少少啦,,,同墨魚冇乜分別~都係個湯底ok~配佢d配料一樣係好味的~下次食厭左d牛腩呀~墨丸呀~記得試下春卷啦~

在老銅行街, 忽然記起這名店, 又要試試它有多好.下午三點也很滿座, 找到一個最入的面壁位.一次要試多幾樣, 叫了一個小雜麵, 廿四大元.上的時候給搞錯了, 結果要換, 原來是隔幾個位的靚女OL.柯打的.卒之小雜麵來了, 個頭也不小,餸也不少, 計有豬皮, 牛丸, 豬紅, 牛肚等.湯底是濃黑的豉油色, 以為會很咸, 郤又不是, 每樣也炆得很入味, 但缺點也不少.豬皮不夠腍, 牛丸沒有牛味, 豬紅是不知什來料, 但不是用豬血來做的, 很滑, 很腍, 沒有豬紅的爽滑口感. 牛肚太腍, 口感不足. 麵是普通不過的梘水麵, 沒什特別.總結來說, 只有兩個字:普通.

點解會黎:以前都黎過, 係銅鑼灣食車仔麵首選. 今日行完街, 但又唔係好肚餓, 所以揀車仔麵做今日晚餐.點選菜式: 自己 - 淨豬紅, 豬皮, 大腸 加番支可樂男朋友 - 牛筋, 魚皮餃, 大腸河 加番支忌廉Comment: 總覺得以前好味 d, 但而家都係好味o既, 佢個湯底真係與人不同. 雖然坐得迫 d, 但都可以算係另一番風味丫!我每次必叫豬紅, 如果肚餓就配油麵. 呢度 d 雞翼尖都好好味, 我平時唔食, 黎呢度都會食番幾隻!

今日食lunch創下新意, 行遠少少黎食車仔麵, 如果比我男友知道實話鬼我(因為平時佢要去食我都唔陪佢-_-)3餸一麵$24真係好鬼抵, 平時我地去親食lunch都三十幾四十, 雖然麵底就少左D, 但係D餸又冇孤寒播~墨魚頭 見到墨魚鬚以為佢黎錯, 原來係咁既樣就叫墨魚頭, 真係勁正, 又爽又鮮, 一路食都忍唔住同個fd講好好味呀!!!牛筋 次次食親麵我都忍唔住要叫牛筋, 呢度既牛筋係超淋到爛個種, 如果鍾意有咬口既話就千奇唔好叫喇, 唔係你會好失望!!!牛腩 比左好多過我, 唔爛又唔韌but 冇牛味, 唔知牛牛雪左幾耐呢?油麵 連呢樣都淋到爛...我未食過淋到咁既油麵, 係師傅烚耐左定係麵底問題?P.S. 湯底都好味既, 但要識得叫囉, 咁既價錢都值得我返兜既~是日見到勁多勁多人叫外賣, 要堂食就門口左手邊排隊, 人流去得好快, 唔洗等乜濟, 從此又多一個可選擇既飯堂喇~

CWB $24 蚊一餐. 係邊到搵呀?O個日想去食D熱野, 個朋友話呢間好好食架~咁就帶左我去!!!佢地開左樓上我同個朋友仔就係樓上嘻嘻哈哈D野係真係好好食, 好入味!!我地仲叫左個蘿蔔 嘩.. 入味到丫!! 真係好得~下次真係要試下個個讚既雞翼尖~朋友係話，　佢地係街邊野做到開鋪。。　嘩！！！去CWB可能冇諗過食呢D野.. 不過 有時冇Idea 去邊, 唔想勁花錢既, 可以黎食架~