榮記粉麵

营业中

休息中

位於糖街的榮記粉麵，從皇室堡後巷打到入店舖，一直維持很高人氣，連我媽也喜歡這裡的「大雜麵」，但如果是繁忙時間來的話，除了花時間等位、搭檯之外，也要練習在窄窄的空間內吃麵，超高難度，所以平時我會選擇去南記，貪其怡和街分店地方較大，吃得舒服一點。這晚睇戲後已告十點，夜宵時間不吃多，榮記又大把空位，正好去食碗粉。沒有點「大雜麵」，要了春卷、豬大腸雙拚，河粉售罄，便改配了米線。春卷可說是南記的招牌，榮記的雖然大大片，卻欠了一點嚼頭；豬大腸則是出乎意料的好，事前處理得乾乾淨淨，沒帶半分肥脂，滷得入味夠爽口；這裡的米線則屬滑身的，連腩汁湯底一啜入口，味道雖然濃郁，卻有點愈吃愈鹹。以人均不到三十的價錢，如不用同人迫的話，榮記仍是值得一吃的。

我家小妹一直都推介我到榮記食車仔麵, 理由是我一直都推介好到新記 我倆一向執拗。今天終於到榮記於糖街分店一試蘿蔔　　夠腍夠入味，清甜雞翼尖　夠滑又夠入味，味道較新記清淡牛腩　　一向都並非我車仔麵選擇小食，但想試她的自家制品，於是點了，夠腍夠入味春卷　　新記沒有的小食 有煙韌感，但味道又沒有南記的好油麵　　夠軟身，沒有梘水味總的來說，榮記是一間有水準的車仔麵店，而且價錢比新記平，因榮記價錢劃一，但我還是喜歡新記多一點，原因是新記的自家制小食有一種好獨特味道，嗜濃味如我便會非常喜歡，真的是一試難忘

今日去銅鑼灣，又想食車仔麵，所以就去左榮記粉麵。雖然係平日但係都好多人，我叫左一碗「雜麵」$26，有豬紅、魚蛋、豬皮，牛肚、牛丸等配料。個湯仲係腩汁tim，所以超正。雖然有好多人，但好快碗就到！好抵食!!!!!!!!仲有好多配料!!!!!!

三拼。$31。八爪卷：一開二的八爪卷，彈牙，像獅子狗，但外表像魚皮豬頸肉：不肥，薄薄幾片，入味牛筋：這個最好味，入味又淋，切得細細件，易咬富彈性，膠質豐富個湯飲完都唔會太口乾原本叫河粉但比錯米粉！

一直對呢間成日大排長龍嘅車仔麵都有好大好奇, 不過由於bf 唔嗜車仔麵同埋最唔鍾意等位又坐得"迫夾夾”, 所以一直都冇去食.尋日響附近做完野, 六點去到, 大把位. 腩汁湯底惹味而不會太咸, 我食完後冇飲野都唔覺得口喝! 牛腩夠淋, 就算係好瘦嘅都好夠淋. 蘿蔔鮮甜, 只係略嫌淋左d, 同太細舊, 我鍾意有d咬口嘅. 冬菇厚肉而入味, 墨魚咀(其實墨魚鬚)好爽口, 讚! 但係可惜個麵底(我要米粉) 太少, 食完都唔覺飽!

我呢一餐.幾星期前食的...我個日去上環間點心店之前食的,所以我只點了二個餸...環境十分擠迫.每一個時段去店內的客人都9成滿,不過店員尚算有禮點了:牛腩...比較大件..什有咬口....不過可以接受...個腩汁味道好濃.肉味重.....牛丸:反而差一點,一點牛味都無.....仲有點過硬....有一點值得讚..用西洋菜做配菜...帶出鮮甜的味道...辣椒油.麻而不辣----好味

記得之前我係好鍾意去呢度食車仔麵的, 雖然服務唔好, 而且仲成日好似想趕人走咁, 但因為野食實在太好味, 所以都會成日去食今次去食, 地方大左, 搬了過隔離舖, 枱又多左, 坐得無以前咁窄同咁迫( 不過都係迫), 服務都好左少少 (真係得少少LAW ), 但係食物就差好多好多..大的什會麵, 一如以往有牛肚, 紅, 牛丸兩粒, 蘿蔔同西洋菜, 牛紅沒有味道, 牛肚仲可以的, 蘿蔔唔太入味, 牛丸係最好食的了. 最失望係: 味道變得單調, 只係得個咸字, 雞翼尖都係, 又係一味咸, 如斯的味道, 相信我都唔會去食了再見了.. BYE

雖然係咁加價,但都好食過抵食過新記我的最愛:冬菇:勁入味,又夠咬口,,,,,墨魚:爽口,好正,,,,又多地方有得食但都唔夠佢地整得好食!雞亦尖:好香,,,,,,好滑!豬紅:好多,滑LULU.....銅鑼灣...車仔麵首選!

巷仔食到現在開分店, 都不記得多少年了!腩汁雖略咸, 但真係好香好惹味.今日叫了牛肚麵.即叫即有得食, 好快.肚入味, 加點辣油, 香口又刺激!麵卻有點淋;但也不算發左水, 可能個人比較愛爽口d 的麵喇.通菜爽.21蚊, 很不錯了.

揀左下午5點幾去食, 貪佢唔使排隊, 一支公好易揾位.一入去, 嘩, 個舖頭細到咩咁, 同埋好迫!!跟住睇牌, 一D都唔平, 坐底都24, 真係貴(車仔面來說)叫左個豬紅豬皮油面, 其實稱不上靚料.豬紅細舊, 但都滑.豬皮都幾爽, 面就過得去.但最驚喜係個湯底, 腩汁好夠, 好夠味, 仲成碗飲晒有機會一定再來!!

Came back to check out this popular noodle venue. Crowds/queue was still there.Took me few minutes to get a seat. Ordered their smaill combo noodle and added vegitable. That only charged me extra HKD4 instead of HKD11 for a bowl of vegitable. The noodle and all ingredients were done 'great'. The vegitable was green.It was only HKD29 .

今日放工去了銅鑼灣糖街既 “榮記”叫了個大雜米食 (有豬紅、豬皮、蘿蔔、牛肚、魚蛋、牛丸)~~~D餸都整得幾入味，尤其係豬紅就幾滑，，不過就好甜；米粉再加上個超濃豉油腩汁湯，整體既味道就真係唔錯~~~

好正 .. 豬紅同羅白都好正, 個牛腩汁湯底真係一流, 雖然真係坐得唔係咁舒服但食物搭夠. 一定會再食. 係暫時本人覺得最好食既車仔麵之一. Very good ........

我留意到榮記係因為第一次見到佢表哥表嫂係入面食野heeheehee今次我地叫左大雜麵 (豬紅, 豬皮, 蘿蔔, 牛肚, 魚蛋, 牛丸), 三餸麵 (魚腐, 墨魚丸, 大腸) 同雞翼尖所有野食都係全靠"腩汁"好味得黎唔會太鹹味精唔算好重佢個腩汁帶起哂成碗麵d餸就大同小異, 唔差!! (應該係我唔識食, 冇咩要求)

可能天氣太熱關係, 熱辣辣既車仔麵己經唔見人龍喇, 而家講緊係星期日最旺時段一點幾.. 唔理三七廿一, 最緊要係快靚正, 之後仲要趕去睇 "安咀蓮娜" 套新片, 搬過幾格變新鋪後, 除咗地方大咗好多之外 (但當然依舊係背脊貼背脊), 水準同效率都依舊不變 - 高 <食物>1) 豬紅蘿白大腸+米粉 $25 豬紅依舊滑, 蘿白依舊無渣腍同入味, 大腸依舊腍同入味, 基本上呢3種餸係必叫既2) 魚腐大腸牛腩+粗麵 $25我想先講講男友對呢碗車仔碗既食後感, 一個從來對車仔麵無興趣既人, 竟然食完大讚好, 仲要評價好高添, BF 講 : 呢個魚腐係我食過咁多魚腐中最好味既, 跟住佢又大讚腩汁湯底正...仲話會有下次喎 ! 可想而知呢間由皇室堡後巷搬過嚟既 "嗱渣麵" 係幾好味呢 後記 : 連鬼佬都單拖嚟, 雖然有英文 MENU, 但最好係圖文並茂囉, 因為外國人唔太鍾意食內臟, 有圖睇點都開心d同安全d 啦 二人共消費 :$50