榮記粉麵

一直對呢間成日大排長龍嘅車仔麵都有好大好奇, 不過由於bf 唔嗜車仔麵同埋最唔鍾意等位又坐得"迫夾夾”, 所以一直都冇去食.

尋日響附近做完野, 六點去到, 大把位. 腩汁湯底惹味而不會太咸, 我食完後冇飲野都唔覺得口喝! 牛腩夠淋, 就算係好瘦嘅都好夠淋. 蘿蔔鮮甜, 只係略嫌淋左d, 同太細舊, 我鍾意有d咬口嘅. 冬菇厚肉而入味, 墨魚咀(其實墨魚鬚)好爽口, 讚! 但係可惜個麵底(我要米粉) 太少, 食完都唔覺飽!