榮記粉麵

营业中

休息中

過年後回家度假2週，昨天在銅鑼灣與小學同學見面，她帶我去一家叫榮記(銅鑼灣糖仔街27號A地舖)吃車仔麵，一碗是多種食料任擇四加麵或粉(我選豬紅、豬皮、墨魚腳、牛筋)：39港幣。我專心與同學邊吃邊聊天之際，突然發現少送一道墨魚腳，我跟店家提出，他們竟說我沒有在送來前先核對一下，(又不是到銀行提錢！吃一碗麵也要核對，太扯了！)不曉得我是否把它給吃了？我真的火大了，他們一點簾恥之心都沒有，更覺得自己是對的，仍收我39元的全部價錢。我向他們表達自己的不滿說：「這是我第一次來做客人，也是最後一次！」並強調我將會向網民提醒這個店的不負責任、令人唾棄的行為。好不好吃？太重口味、拒絕給蔥、味精很濃、以車仔麵來說只是普通而已。如果菜來了，記得立刻核對，店家可能會弄錯，小心把責任全加諸消費者身上！

係圖書館睇書睇到四五點好肚餓，行番去CWB食野最近就係呢間，門口又冇排隊龍（梗係啦，成5點啦！！）就食佢啦！一直都覺得呢度係家族生意，因為D人好似樣！！帶位個哥哥仲好NICE咁俾多張櫈我擺袋！！仲以為佢地係行型同COOL 路線叫了四餸麵（蘿蔔，牛筋，豬大腸，豬皮，油麵）牛筋有D係腍有D係爽，都係鍾意腍嘅多啲，但係都好夠味豬大腸很腍又入味豬皮都好入味好食蘿蔔清甜，食到咁上下食番舊簡正係清泉湯底很濃味，I LOVE IT辣椒油香味和出面不一樣，辣得有後勁整體黎講係佢好夠味，啱晒我呢啲濃味怪食足咁多年味道水準冇變過D餸仲越來越多選擇！雖然又加左價，但係一定抵過去啲連鎖快餐食埋啲難食飯

因為太多客, 所以D係唔抹...淨: (記往加多醋)魚皮餃好味 彈牙唔腥墨魚頭好味, 有咬口, 可惜唔明點解有'渣'春卷ok, 好似好多粉... 唔夠南x好味, 淋D魚腐淋D, 麻麻...西洋菜俾好多去墊高D野, 又唔好食又老又有'渣'...service ok la...唔好霸住人張, 好多人等唔該!!!唔好expect 係一個坐低傾計地方...地方有D舊...

難得與同事會在下午於銅鑼灣出現同事又想食車仔面,所以去食左榮記,估唔到下午兩點幾門口仲咁多人一入到去諗都唔洗諗,叫左個小雜麵~同事當然照樣叫返佢想食既車仔麵小雜麵既豬紅好味,但豬皮,丸類都好淋,可能浸得太耐,完全唔彈牙湯底色水深但唔咸,唔錯招牌雞翼尖既甜豉油好好味,值得一讚

食完素食lunch唔夠飽, 要黎cwb整番碗車仔麵,幫襯左好多年,質素仍然keep到,難得~~唔想食咁飽,只叫左2餸, 一定係蘿蔔同豬腸, 蘿蔔夠林無渣,食左咁多年都係, 豬腸乾淨無味,食得放心~~

同朋友行完銅鑼灣，佢叫我諗食咩，我話不如去食榮記。朋友話未去過，於是帶佢去試一試。我自己就叫左個大雜粗面，水準同平時一樣，KEEP到好味，個汁唔會太濃，岩岩好夠味。呢到D蘿蔔都好入味，豬紅都唔錯。想食多幾樣送，而又唔想諗既話，大雜絕對係一個好好既選擇。朋友叫了一個4送面，我問她覺得味道如何，起初好覺得同出面其他既車仔面都無咩分別........我叫佢試一試個雞翼尖.........佢食完就話好好味。D無錯雞翼尖真係好好味，尤其係個汁，出面真係食唔到!!呢到最令人回味既的確係雞翼尖!!

以前係附近返學~ 好多時都有得食~ 依家大個左好少機會黎了~ 今日,,, 帶左個好少黎港島區既朋友黎食下我既童年回憶 一如以往~ 榮記係要排隊的~ 排隊時... 朋友見到鋪面既情況... 真係唔開胃~ 仲有問我~ "怕唔怕嫁" XD 入到去又真係衛生麻麻地~ 但我一於少理~ 叫左我最鐘意既豬紅~ 朋友因為怕唔乾淨... 所以都係order返D墨丸雲吞~ 講真都真係幾迫~ 好幾次差D比waitress出餐時經過個陣滴到 anyways 講返我碗親愛既豬紅 同以前一樣咁好味~ 比左舊朋友食之後就愛上了~ 哈哈哈哈~ 開始食埋我個碗~ 對我黎講... 榮記既portion算大~ 我每次都要叫少麵先岩岩食得晒~ 價錢又平又好味~ 正~~ 但係記得唔好著白色衫去~

這裡的湯底是出名的香濃, 是一試難忘的.滂沱大雨的下午, 三點鐘, 雖然不太肚餓, 也想入去稍歇.出奇的只有小貓三兩隻, 揀了面壁位坐下.不假思索的便叫了三淨餸, 牛腩, 豬皮, 蘿蔔. 三十大元.一分鐘便有得吃, 份量充足, 湯底濃黑, 已經挑起食慾, 起筷.牛腩有肉味, 不膻, 有咬口, 是上佳之作. 雖然比較瘦, 也不痴牙.豬皮是很腍滑, 入味, 充滿骨膠原, 好.值得讚賞的是蘿蔔這小道東西也不欺場, 腍, 甜, 鬆化, 無筋.聽說是把蘿蔔刨皮的阿姐, 刻意刨得特別深, 把筋除去, 增加成本.湯底不覺太多味精, 因為飲了一半也不會口渴, 甚是難得.就算不肚餓也會來的.

食個趕時間既early lunch選擇不多 因為cwb d食肆十一點幾十二點先開 又唔鐘意食快餐…係op搵到榮記好多好評 點知要等位orz好彩好快就有位兩碗四餸兩支可樂$84 車仔麵黎講偏貴 銅鑼灣係咁腩汁色水好夠 但又唔係濃 味道爭d 咸味就有我叫墨魚頭 變左魷魚鬚 不過有魷魚味又大條 睇黎係新鮮牛肚同牛根好正 入味 豬皮就普通貓仔話羅白林 無渣 但係唔甜牛腩同墨丸一般所以..要等位食就免啦唔想係銅鑼灣食貴野同唔知食咩好hea hea地又唔想食咁heavy既話都係一個選擇

很久都無去榮記了，今天到銅鑼湾一定要去食車仔面，叫左个三餸面朱皮朱红羅白油面、的油面比以前幼左無甘好食，个湯只得深色食落無咩味、比以前味道呈差遠了、有的失望

黎開呢頭揼骨, 想食少少野....知道呢度電視都介紹過一於試下我叫左豬紅, 牛筋幼麵, 另加辣汁, 辣汁盛惠$2第一啖湯好濃牛腩汁味, 但加左辣汁更勝一籌, 屬於沙嗲醬既辣汁, 都算辣, 好辣既朋友可以成碟加哂都ok, 豬紅似我細個食嗰種, 質感似啫喱狀, 正~ 牛筋炆得好入味, 勁深色~ 成個感覺好有懷舊feel, 細細個就係食呢種車仔麵大架喇…另外朋友俾左魷魚蘇我試, 新鮮彈牙, 平時好少叫呢類餸, 又好夾喎唔怪之得排哂隊, 你係得o既!!!!!!!!!!!!!!!!!!!!!!

一路幾年都有幫襯呢間粉麵檔, 因為銅鑼灣入面要找一間較有得色又價錢相宜的粉麵檔真的不易。最吸引我當然是那個黑到飛起既腩汁, 其他評論都講左好多。不過近來去食, 已感覺質素大不如前, 店主可能冇錢交水費, "腩汁湯"現在已濃得不像湯, 用一個"腩汁醬"來形容比較適合。吃除了口乾，就是好咸既感覺, 不知其他食客有冇同感。 粉底亦都比較少, 今日食河粉, "鞋", "碎" 已經可以總括晒。 但今次想寫既, 又唔係講佢食物質素差左喎....是咁的, 今日好大雨, 我去完SOGO買左兩個枕頭, 諗住快靚正食榮記啦, 不用等位, 我坐係入門口右邊第一張枱，最近門口既位置。由於出面好大雨, 我聽到店員不斷叫人要用膠袋入好把遮先可以坐低。咦！我冇入起把遮呢, 但我以為我坐最近門口，本身個地有少少濕, 咁店員又冇理我，我就只係放左把遮係地下。到我走去收銀比錢, 後面傳來一斷說話: X 你老X, D人咁X冇公德心既, 把遮又唔X入起佢，攪到個地下濕X晒我望下邊位人兄X我, 原來係較肥的那位男店員 (有3個男店員，其中兩個男人我估係兩兄弟(一肥一瘦)，另外一個金毛。我望過去，佢就冇再出聲以下係我個人感受:

今次食左碗三餸既車仔麵材料包括: 河粉, 雞翼尖, 牛腩, 魷魚SO 雞翼尖呢度既雞翼尖真係滷到好入味同埋一睇就知滷左好耐仲要D骨同肉真係會好易就分開所以未食過雞翼尖既朋友都可以一試 魷魚SO呢度既魷魚SO同出面既有少少唔同出面平時食開既係就咁灼熟左既魷魚SO但呢度既魷魚SO 好似唔係白灼而係有配料去煮過所以都好好味 最重要既緊係呢度個湯底真係好香好香既牛腩汁 不過男士們食一個麵真係未必飽肚因為個麵既份量真係唔多, 可能要加一加底

仲記得好耐之前第一次食覺得只係好一般既車仔麵，不過當之後再番去食多幾次時，就會發現原來榮記既車仔麵係愈食愈好味的每次都女朋友去食都一定係叫三餸！大家可以見到湯底極深色，飲落去有重重既牛腩味。係難得我係唔洗加辣既情況下，都已經好鍾意飲既湯底，very good:我的必叫有牛腩同牛筋，加埋佢既牛腩湯底真係prefect match！另外，每次我都會睇心情去試下唔同既餸，今次就咁岩叫左墨魚頭。依個墨魚頭我覺得只係一般，可能因為本身不是本人至愛，所以只係過得去吧。下次會再叫過第二樣女朋友的必叫有豬紅，蘿白，雞翼尖。無錯，已經係三餸，每次都係依三樣，大家都可以想像到係幾好味，佢係幾咁鍾意食的。雖然榮記加過好多次價，由之前既$26加到依家既$28。不過以銅鑼灣黎講，佢都仲係好味，抵食之選。可能好多人會覺得食得唔舒服，因座位問題，不過其實佢係搬新店後已改善很多，再加上不錯的服務，我相信我會繼續支持榮記，食我喜愛的超入味車仔麵

lunch首選in銅鑼灣當然就是這間榮記了！入去order左個三送面，牛肺，豬紅，墨魚頭米線碗野d腩汁味道無以前咁濃好啦，首先講下個牛肺，同平時係街食d牛雜差唔多不過就無左個種係d腩汁度煮左好耐既感覺！食落比較彈牙爽口，味道唔錯之後講下墨魚頭，我每次去都會叫依種送，因為好味，彈牙之餘d腩汁既味亦都入曬去所以依個係必然之選唯一要彈既係d豬紅，我記得以前食個陣個感覺無咁散但而家食落好水汪汪，有d核突食落去近乎係液體咁，所以我一定唔會再叫依種送p.s.榮記d份量其實幾少，所以如果男士黎食既話最好叫加底