極尚大瀛喜日本料理 (已結業)

和太太同樣愛光顧日式放題店的。特別是太太，每次一有機會到這類店子幫襯都顯得蠻興奮....一提起日式放題店，大家必定會想起這一系列"極尚"的店子....一路和太太很想到這裡的所謂旗艦店"大喜屋"試試，但一想到那條排隊人龍便已卻步了。所以今趟唯有退而求其次，到她的副線店去吃一頓好了....肚子一直餓至九時半。若不是為了這餐的話，要讓我這個慣了早吃飯的人捱那麼長時間的餓，小弟早就抓狂啦....除了有大量的刺身、壽司、串物、天婦羅及一品料理可點之外，店外頭還有許多沙律、前菜小食、甜品及飲料的選擇....不過我們是為誘人的刺身及其他熟食而來的，故此在下單之前，只是簡簡單單的拿了一小碗沙律來開胃....菜蔬出奇地比我想像中鮮爽，特別是那色水艷紅的蕃茄仔，是非常的多汁清涼。醮著日式芝蔴醬來食，確起著越食越開胃的作用...點菜紙堆疊得尤如一本厚字典一般，食物選擇之多真令人目眩....先來吃的，當然是向來作打頭陣，我倆十分期待的刺身系列....基本上兩個回合已將大部份的都叫來。未吃已先被那噴著白煙，裝飾得有點浮誇的擺設吸引著。每款呈薄片切的刺身的新鮮度是可以接受的 ---- 北海道帶子鮮甜非常；油甘是爽

因為係朋友話要食嘅關係，本來想去其他地方食野，不過都搵地方食放題算。我們黎到店中，剛好是晚飯時間，但舖頭已經冇咩人一位好NICE服務員搵左個好位俾我同女朋友坐，服務態度還算不錯的...不過好彩呢間野都無令我失望嘅，放題一般都會遇到漏單或者上菜慢。但係呢間放題上菜好快，食物都好快黎到。我同朋友叫左好多野食，不過上菜都算超快前菜方面，餐廳有唔小前菜都可以由客人自己去拎，好似有麻辣雞腎，泰式鳳爪，醉雞翼等等。除左呢啲，前台仲有好多唔同嘅野食架，仲有埋雞煲架，真係超級驚喜。刺身方面，相比起平時食果啲放題的賣相更靚，因為有乾冰係旁邊，不停噴煙所以幾過癮。味道上都俾一般好，我個人比較喜歡食三文魚，這間的三文魚口感的確唔錯，我前後嗌左5次。熟食方面天婦羅，款式選擇都算多，熱辣辣又脆卜卜，味道唔錯。黑松露個人覺得真係可以試下，炒得唔油膩，而且又夠晒黑松露嘅香味燒物方面，我覺得都唔錯，牛舌好有口感，而且又夠肉汁。另外燒菠蘿都唔錯，我每次食放題都超鍾意食，因為呢度燒得幾好了，唔會太乾而且幾甜。甜品，呢度嘅甜品真係多到震架，任君選擇，而且仲有埋馬卡龍，超級正呀總括而言，環境是舒服嘅，食物也上得快亦無漏單。今

橫豎沒有這麼早收工, 倒不如食個夜間放題, 又多野食又平少少, 今次就揀左位於銅鑼灣的極尚大瀛喜 9:30後入座, 全單85折, 正  點完一大輪先出去掃一轉拎野飲食常識吧  勁多野飲揀, 又有甜品糕點, 冷盤小食, 仲有大眾喜愛的Yogurt 刺身劍魚腩, 三文魚, 帶子, 鮑片 螺片都好新鮮, 但也不及三寶蝦出色: 珍寶赤蝦肉多有咬口, 甜蝦鮮甜, 虎蝦有層次, 絕妙 當中以甜蝦最好味, 所以Encore左一客 壽司海膽黃金蝦: 海膽味略淡, 但蝦夠彈牙, 好味 池魚王: 肉質鮮嫩肥美, 脂厚油香, 入口魚油甘香細膩 鵝肝帶子: 帶子鮮甜, 鵝肝太細粒(雖然唔可以期望任食唔會俾太大舊你), 加左舊奇異果好古怪 龍蝦羔甜蝦: 就是愛吃甜蝦的甜美, 多多也吃得下 天婦羅虎蝦: 炸了的虎蝦多了一個層次感, 把肉身厚厚的優點大大發揮出來了 皇帝蟹棒: 未食過咁多肉的蟹棒, 每條的蟹絲都炸得香而不油 炸物芝麻雞翼: 芝麻粘實雞皮, 而皮脆多肉, 推介 吉列蠔: 普通貨色, 愛蠔者可小試一小舊 甜薯: 拉花的外皮有層次兼咬口, 內裡甜薯熱熱的吃, 份外有一種幸福之感

那天為了慶祝友人終於要結束他的悠長假期，工作前的最後晚餐，所以就順他的意願去吃放題。 環境及入座： 由於我們是吃晚市最早的一場(5:30pm開始)，預早了15分鐘到達，可能因為較早的關係所以等候的人客也不算多，所以準時入座。 不論冷盤或熟食，都對得起這價錢。食物選擇種類繁多，只是飲料和甜品已接近有十多種選擇。 部份食物以自助形式讓客人自行選擇，其中的包括：沙律吧、餐前小食、甜品櫃、乳酪雪糕、飲料。 雪糕不只有一般的雲哩拿，更有紅豆味，雪條更有大腳板和粒粒紅豆冰！ 除了以上的各款食物，你看，下單紙還有很多種類，真的是吃到肚皮破也吃不完。 刺身： 尚算新鮮，有最愛的甜蝦、帶子和北寄貝。三文魚脂肪算均勻，甜蝦亦沒有腥味。 壽司： 有最愛的火灸壽司，左口魚（新鮮帶少許焦味），而且配合柚子皮，帶點清新感覺，一定要食！還有特長的火灸鰻魚，愛鰻魚必吃！ 帶子就一般，因為是由兩顆小帶子（元貝）拼合而成。 卷物： 忌廉芝士吉列大蝦卷（左）牛油果軟殼蟹卷（右） 忌廉芝士吉列大蝦卷口感豐富，吉列大蝦脆卜卜，配上忌廉芝士綿綿creamy出奇地夾。 至於牛油果軟殼蟹卷都好出色！ 串燒： 燒物整體唔錯，略嫌海蝦不

有一段頗長時間沒吃放題，是夜一家人往銅鑼灣極尚大瀛喜日本料理，這兒勝在地方寬敞，食物選擇多，不管中式、日式、西式，多不勝數，既可以寫紙點菜、又可在自助吧選食物，就算大胃王，也難以每款一口。飲品有各款汽水、啤酒、橙汁、蘋果汁；我選上果汁先生的蘋果汁，較有益及解渴潤喉。在自助吧前，見有金黃欲滴的葡撻，新鮮焗起，香滑，不太甜，撻皮鬆脆，連吃兩件。再取一砵甜魚乾，炸來火候剛好，芝麻香脆，極佳餐前小食。剛炸好的鱆魚丸，熱騰騰，肉鮮甜，夾點兒紫菜，好味。芥辣蟹子赤蝦壽司、京蔥煙三文魚壽司、池魚王壽司肥美，入口便知肉質鮮甜嫩滑，高水準之作。特別是京蔥煙三文魚壽司，三文魚壽司吃過不少，附上京蔥還是第一次，香脆京蔥配新鮮三文魚，一絕。龍蝦膏甜蝦、鵝肝北海道帶子賣相可人，甜蝦夠新鮮清甜，附上龍蝦膏，夠香滑，入口滑溜溜的；北海道帶子勝在新鮮，鵝肝雖然不是我的所好，但小嚼一口，帶子配鵝肝，味道不錯，兩者均見師傅用心創作，值得推介。黃金燒原隻凡立貝以芝士伴凡立貝，燒至金黃微焦，賣相佳、香噴噴、味道一流，添食之選。燒紐西蘭香草羊鞍剛好的燒烤程度，羊鞍肉質鬆軟，噴灑檸檬汁，去羶味並帶出腍甜肉汁，十分香口。鹽燒鯖花魚

以前都食過幾次瀛喜，對佢既印象都好好，自從知開咗極尚大瀛喜，一直蠢蠢欲試，咁岩星期五去cwb行街，行到就黎九點，又未食野，諗起9半去極尚有8折，於是興起話要去食！一入去就見到自助區，等緊野食既時候可以幫自己拿前菜先!牛油果軟殼蟹壽司入正題啦，貪得意試下瀛喜既創意壽司。牛油果加點壽司既豉油食會好似三文魚，非常甘香，仲要對皮膚極好，配上香脆既軟殼蟹，非常夾， 好好食！ 忌廉芝士吉列大蝦卷忌廉加芝士好邪惡，入口即融，滿口即時充滿一陣奶香，配上面頭既木魚碎，平衡咗油膩感， 至於大蝦都幾彈牙，整體都值得推薦。蟹柳壽司成日俾男朋友笑我鐘意食cheap 野， 但我真係好鍾意食蟹柳， 好彩佢d壽司既飯少， 唔係食幾舊都飽， 最緊要用咗高級急凍蟹柳，好鮮甜！反而覺得加咗沙律醬多此一舉。黑松露燒三文魚壽司燒完既三文魚依然肥美，配上黑松露，忽然高級，兩種香味交纏，非常有層次。軟雪糕機好正， 有得自己幫自己擠雪糕，佢有兩款揀，一款係vanilla 雪糕， 一款係乳酪雪糕， 仲可以自己加d 朱古力豆上去做裝飾， 好玩兼好食！ 甜品既種類真係好多，除咗軟雪糕，仲有呢d 選擇！

娘子又給Step一個驚喜(很開心又興奮啊)，今晚放工帶了Step去銅鑼灣食一間極尚的日式放題 – 極尚大瀛喜；其實這間極尚大瀛喜就是之前Step和娘子在旺角食過的大瀛喜日本料理(奶路臣街11號MPM文華商場5樓)高級版；旺角大瀛喜日本料理已經被Step和娘子被放入放題Encore List裡面，究竟『極尚』有多高級，有幾多好味食物呢? Step只是想起都已經興奮莫名!!大家又可能會問，為何Step知道去吃日本放題會這麼興奮呢?其實有以下原因：1) Step愛吃日本菜(正!!)；2) 任食才可以填飽胃口不少的Step (很重要啊!!)；3) 食物選擇之多，有如去了食自助餐(而且不用自己去拿食物，還有waitor傳食物給你，只須乖乖坐下等食即可)；4) 除了有生食外(魚生/壽司)，還有不同的熟食可供選擇(娘子愛吃日式熟食多過魚生刺身)5) 價錢相對食傳統日式餐廳實惠!!有時候，想不到吃甚麼時，吃放題、或是任食火煱、或是Buffet也是一個好選擇；『選擇夠多，甚麼都有』，也許就是最為適合懶人模式的香港人；但對於另一批有選擇困難症的香港人來選，也許今晚Step和娘子來吃的極尚大瀛喜會令他們的病

日式放題與自助餐的最大分別就是前者可以好好地坐在位置上就可以等到食物送來，而自助餐就要食客自己走到食物枱前選擇食物，而食物的選擇當然會有所不同。不過這餐廳就把兩者結合了，日式食物可以坐下來慢慢揀，而飲品及甜品就是自取的了。食物紙的外套設計得很豪華，感覺很高尚呢！吃了的食物太多，就選一些精華與大家分享吧。魚生中，特別推介鮑魚片。很鮮味，有口感。而壽司最美味的有兩款：和牛及柚子皮左口魚，兩者都是火炙的，令到食物有燒味之餘也不失原有的鮮味。最特別的是柚子皮，有很重的柚子味，與左口魚配合得不錯，味道變得很獨特。這款炒雜菌最特別的地方是除了牛油外，還加上黑松露，令整碟食品的香味特濃，而味道當然也很好啦。和牛絶對是很好味的食品，而鐵板蒜片就在牛的美味上加了蒜味，濃濃的味道在口腔中久久不散，叫人吃了一件又一件。燒物代表有鹽燒鯖花魚。皮脆肉軟，魚味也濃，真的不錯。說完坐下來而得的食物後，便到要走動下來得到的了。首先是飲品，真的品種煩多。除了熟悉的汽水及紙包飲品外，還有特別版的味道可供選擇。甜品的選擇也真的很不錯，那些蛋糕不會太甜之餘，也沒有放得久的感覺。真有點超乎想像。而除了雪糕雪條外，還有一部軟雪糕

放題最好的地方就是每款食物都的的式式，可以多吃不同款式的種類，又不怕太飽肚，戰鬥力下降。今夜相約朋友來到極尚，一早知道極尚的食物質素非常出色，今夜來一試當中實力。 自助甜品區非常大。 另有杯裝雪糕。 飲品區也不細。 燒雞翼香脆的外層，內裡肉質滑溜，調味後非常香口。一向放題的燒雞翼都非常乾身，極尚的燒雞翼卻肉汁豐富，即叫即燒非常濃香惹味。咖哩炒蟹放題都有咖啡炒蟹。咖啡味道香濃，蟹肉不太多但沒有雪藏味道，尚算出色。燒羊架羊肉非常軟腍入味，肉質鬆軟多汁，羊羶味頗重，非常香口惹味。 放題又怎可以沒有刺身呢？刺身種類非常多，鮮味突出，質感爽口新鮮。沒有絲毫雪藏味道，吃出鮮香味道。 牛仔骨 燒虎蝦 燒肉丸 燒牛舌每款燒得香口香脆，牛舌爽口彈牙，牛仔骨肉質軟腍香口，虎蝦爽口鮮甜，各款燒物味道頗為值得一讚。 燒餃子雞翼外層脆卜卜，內裡惹味帶點辣味，雞翼肉汁非常豐富香口，味道出色。

舊同事話朋友一定要見嫁，但佢長期返大早，要早點食完返屋企，所以食佢想食放題都要食頭輪，我惟有盡趕。六點半去到都好多人，佢就一早到左叫左幾樣野，首先係刺身拼盤，嚟到時有噴煙效果，刺身魚片頗為厚切，有鮮味，唔算多油，而貝殼類的都爽口。燒物中,我地最驚喜既就係有燒鰻魚，枝枝都充滿燒汁， 肉質有質感，唔多細骨，皮同肉易分開，唔鍾意食魚皮既朋友，啱曬。天婦羅脆漿少，唔會好油咁而有天婦羅既感覺，蟹腳肉大大隻，比平時的大足足一倍! 而南瓜同蕃薯都很舔，南瓜食落仲一絲絲添。聽到隔離位哥哥話赤蝦正，咁我都咪執輸， 叫返幾隻！ 原來佢係非一般既珍寶赤蝦，食落似牡丹蝦，除左蝦頭充足膏外，啲肉都似有膏一般，黏黏地，十分肥美，將每隻蝦刺身放入口都有少少罪惡感。花之戀雖然細細粒， 都足料地用兩片三文魚包住之餘，仲有好多蟹籽，只有少少飯，唔洗咁易飽！另外的是甜蝦蟹膏，將甜蝦切開放上接近一茶匙的蟹膏上去，雙重享受。甜品有很多，花多眼亂，最為吸引既係葡撻，紫薯撻，泡芙同馬卡龍。最後就係食乳酪，軟滑冰凍，夠凍先會夠企身同唔洗咁急食都唔易溶，另外乳酪味特濃，如果唔係咁鳹，真係想食多杯。呢次放題我地都幾滿意，放題來説，食物質