極尚大喜屋 (銅鑼灣廣場一期)

营业中

休息中

銅鑼灣廣場一期9樓的極尚大喜屋，枱的數量頗多。平日晚上顧客不多，可以靜靜地吃一頓。收費是$248加一，沒有其他額外付費項目，任飲任吃2小時。刺身方面，首先我們點了極品大赤蝦: 這個真的很大隻，吃太多就不能吃其他。油甘魚刺身: 入口甘香，油分豐滿。空運吞拿魚: 雖然不能和拖羅比較，但是油份也不錯。北海道帶子刺身: 比較細粒的款式赤貝刺身: 肉質爽甜，有著海水及鮮甜味鮑片刺身: 口感煙靭甜蝦刺身：鮮甜爽口象拔蚌刺身：彈牙鮮甜整體刺身鮮味不錯，解凍和存放也是理想水平。海膽手卷説到放題必吃的食品，當然是海膽手卷。迷你版的手卷吃多數個也不怕。海膽沒有腥味，質素還好。蒲燒鰻魚嫩滑肥美油脂也很豐富，醬汁也恰到好處。黃金焗開邊蝦醬汁比較重的一道菜，個人就覺得一般。經典花蛇羹猜不到放題也有蛇羹無供應，蛇肉不算很多而且比較稀。不過有菊花、檸檬葉碎和薄脆滿有誠意，整體味道略淡。瑤柱扒豆苗雖然賣相不是太美觀，但是味道和酒家同樣菜式差不多，回本的健康之選。最後以鮮甜的蟹粥作結。除了下單的食品外，自助區的食品及飲品也很豐富，有興趣的朋友可以一試。

今日同朋友去到銅鑼灣行街，朋友想食日本嘢，我同朋友都比較大食，食放題就最化算，可以任叫嘢食，午餐嘅時間又唔係好多人，唔使排隊，但係都最好預先book定位，比較穩陣。餐廳主打刺身，可以任叫刺身真係好抵，有三文魚刺身、赤蝦、油甘魚、吞拿魚、希靈魚等等，上菜嘅速度都好快，唔駛等好耐，刺身嘅厚度適中，食落有口感，油脂感豐富，刺身都算新鮮，非常抵食。除咗刺身之外仲有手卷、軍艦同埋卷物，鍾意食唔同類型嘅壽司，都可以嗌下呢啲嘅食物。其中比較好食嘅有牛油果軟殼蟹卷，層次感比較豐富，幾好食。鍾意食熱食嘅朋友可以食炸物、天婦羅、串燒同埋烏冬等等，呢啲都可以作為主食，又飽肚，如果食刺身食得唔夠飽可以叫下呢啲食物。我個人覺得個烏冬幾好食，又有咬口有彈牙，份量都幾大份，值得推介。

最近好少出街食，今次同朋友去咗銅鑼灣嘅極尚大喜屋，銅鑼灣地鐵站一出就係，非常咁方便去得食放題，種類一定要有返咁上下，今次嘅晚餐滿足晒我嘅要求；刺身、牛肉鍋丶天婦羅丶壽司、串燒、炸物等等，真係多到食都食唔晒個人來講非常鍾意食刺身，呢度嘅刺身舊舊厚切，款式夠多，最緊要係無限添食，如果你自問係食得多嘅朋友，真係啱晒你免費任飲唔使講，同朋友食飯，閑閑哋吹水飲五丶六罐，基本野甜品款式多，作為一餐嘅終結，非常正

前幾日陪朋友去銅鑼灣行街買衫，唔食飽就唔會有氣力行街，行街之前一於就去食個放題先，確保自己食到飽一飽。呢間放題係用手機落單嘅，我首先用手機落咗一啲刺身、壽司，然後就出去夾住一啲熟食，食住先。出面有啲沙律，又有湯，仲有啲中式嘅餸菜，例如蒸雞咁。同埋有幾款炸物，包括炸餃子、炸麥樂雞同埋炸芝士魚腐。我最鍾意食炸芝士魚腐，應該都食咗超過五粒。刺身都幾厚身，幾肥美。壽司款式都唔少，有啲平時喺日本餐廳常見，但放題比較少見嘅款式，例如深海池魚王壽司、鹽燒左口魚邊壽司，呢到都會有。我個人比較鍾意食呢到嘅蒜香青蔥燒牛肉壽司、蟹油蒜帆立貝壽司、芝士鰻魚玉子燒同埋椒鹽炙燒比目魚。不過我更鍾意食嘅會係卷物，特別係鰻魚忌廉芝士卷、牛油果軟殼蟹卷同埋香芒吉列蝦卷，我encore左幾次。另外有啲一品料理可以食下嘅，例如上湯燴大蝦球同埋瑤柱扒豆苗，幾唔錯。炸物當中我就覺得紫心香芋丸最好食，甜甜地，外脆內軟。天氣有啲凍，我哋都叫咗份雪花牛肉鍋，暖下個身，類似壽喜燒咁嘅味道。最後出去拎返少少甜品食，我覺得奶凍幾好味。

好耐冇食放題，一食放題都係諗起大喜屋。去到好多人等緊，所以記得一定要book位。好貼心有個熱飲專櫃！雖然食壽司 但我想飲熱野😂食放題最緊要上齊， 上齊哂！ 刺身唔錯， 最愛甜蝦 帶子。壽司都OK，細細舊可以試多啲款。估唔到有炸榴槤波！好好味！啲炸物都幾出色，有炸燒賣，章魚小丸子，雞粒。手快有 手快冇食到咁上下就可以食啲生果消下濟。仲有好多雪條，甜品，糖做飯後甜品。 最開心有大腳板， 童年回憶出哂黎！環境唔錯， 服務都ok。

大食妹好耐都冇食個放題晏晝lunch時間同事們想提早慶祝聖誕，所以就一齊去咗銅鑼灣大喜屋食咗個午市放題12點去到，估唔到都幾多人排隊，當中仲有好多係老人家添，原來做緊長者優惠，午市$158，好抵食銅鑼灣分店嘅質素唔錯，魚生好新鮮，叫幾多真係黎幾多，而且個個都切得好厚身，食落好滿足壽司同埋手卷嘅款式非常之多，蔥花拖羅卷油脂十足，細細粒可以食到好多舊另外炸物亦都做得十分之出色，香芋波波同炸鮮奶唔係好甜，細細粒可以食好多另外出邊仲有好多甜品同埋飲品任拎任飲，性價比好高

自助區好多野食，炸物好新鮮，擺入口都仲好脆。飲品好多款式，基本嘅汽水茶同咖啡唔洗講，就連清酒、梅酒同真露都係任飲！水果區淨係睇都覺得好治癒，擺放得好吸睛，啲水果都好新鮮！壽司刺身好多款，雖然係放題，但海膽手卷都係任食，真係好加分！燒物炸物真係即叫即炸，送到出黎仲熱辣辣咁！尤其推薦個羊架，成晚最愛，沒有之一！炸榴槤波波都非常脆口，裏面有滿滿的流心榴槤蓉，勁好食！要Encore甜品都好多款，當中木糠布甸抵讚，牛奶味好夠好滑溜！

好耐都冇同屋企人一齊出街食飯，屋企人話想食放題慶祝冬至，所以星期日就一齊出咗去食咗個午市放題食飯題就一定要揀大喜屋，食過咁多間放題都覺得大喜屋係最好食 午市放題大概$200 一個，都幾抵食食物款式幾多，上菜速度夠快，轉左用apps 落單，大大減低左漏單的情況出現推介燒物中的燒羊架同埋西京燒魚羊架肉嫩多汁，個邊仲要燒到脆脆地，味道唔會太穌西京燒魚D肉好嫩好滑，配埋沙律醬酸酸地，好食一口燒和牛細細碟都好惹味，和牛粒煙煙銀銀，食落無渣，個汁甜甜地，好好味甜品同雪榚都系任食，甜品款式唔算好多，質素不過不失

自從上個月帶媽咪食過大喜屋之後，佢大讚，成日都嘈住要我地再帶佢去食。又係嘅，呢個價錢可以有唔錯嘅質素加上海量嘅選擇，係好吸引！今日係銅鑼灣工作完就帶埋媽咪去食，第一次食銅鑼灣呢間，晚市時段都幾多人，walk-in 都未必有位，記得預約啊！餐廳內裡非常闊落，自取區位置空間十足，而定疫情雖然緩和咗，但有足夠嘅社交距離都感覺安心啲。媽咪係酒鬼，最鍾意就係清酒梅酒任飲，今次佢飲咗5杯梅酒🤣媽咪大讚佢地嘅梅酒甜得嚟酒精濃度都好夠，又好香。我就最鍾意佢琳瑯滿目嘅飲品區，每次都唔能夠試晒咁多款飲品。海鮮區推介海蝦，肉質彈牙，新鮮清甜。青口略嫌味道偏淡，口感亦較硬。蜆不錯都幾甜，不過間中會有砂。燒物我地叫咗燒羊架、燒饅魚。兩款都十分推介，羊架烤得好香，羊騷味十足，肉質鮮嫩。唯一美中不足係無薄荷醬去陪襯。饅魚夠厚身，燒得好均勻。蟹粥好甜，有足足半隻蟹係裡面。刺身拼盤照舊高水準👍🏻

壽司多種選擇，口味好食冇失望炸物好香脆，特別最中意食 炸牛奶，外脆內軟外面擺放既食物都補充得好快，野飲齊全雖然遲左20分鐘入場但都幫左我地計下段時間開始工作人員都好熱心，效率快，下次會再來

好耐無食題，心癢癢想食滿滿既刺身，就走去試左銅鑼灣既極上大喜屋。一入去就見到自取區，有各式各樣既飲品，有凍有熱，又有冷盤小食、炸物，水果甜品既選擇都唔少。一坐底當然係要點我最愛既刺身，甜蝦、大赤蝦、三文魚、赤貝、帶子、希靈魚，份量足又大件，食起黎都好新鮮，之後不停encore 左幾次，食到心滿意足為止。我朋友就偏向喜歡壽司同熱食，點了一系列既炙燒壽司、串燒。我最推薦既係燒菠蘿，朋友就比較愛燒比目魚，呢兩款都係必點推介。我地仲有點其他特色菜，雞泡魚干、花枝西蘭花、炒牛柳粒、鮮蟹粥，其中花枝西蘭花同鮮蟹粥最令人驚艷，味道鮮甜，下次去一定會再encore呢兩款。最後我地兩個都擇左自己喜歡既雪條做結尾，大滿足！

不單只上菜速度非常慢！漏單也超級嚴重！🙄即使上上一輪漏單，想再落單系統只會問你是否重覆！但最終也沒有將漏單補回來！基本上午市的3小時放題，有兩個小時都是在等上菜中！人手嚴重不足！況且QR code也未能scan，只能用微信才能落單！各款刺身、壽司、 炸物、 天婦羅 、手卷等等都非常迷你！最終發覺吃不飽！😢生日優惠也只限於晚市！中伏了❗

今日嚟到銅鑼灣區食放題，揀咗位於銅鑼灣廣場嘅極尚大喜屋，始終大喜屋集團嘅質素比較有保證！自助區有凍盤，有蝦、蜆、青口。熟食有瑞士雞翼、咖喱，仲見到有蛇羹，啱晒依家入冬。甜品同飲品區好多選擇，甜品有木糠布甸、豆腐花等等，飲品基本上乜都有，就連羅漢果水都有，清酒梅酒亦係任飲！放題方面採用Q R自動落單，環保又方便刺身方面嗌咗三文魚、八爪魚、北寄貝等等，好新鮮冇雪味。手工壽司選擇多，特別推介: 海膽帶子壽司、鰻魚玉子燒！熟食方面，最欣賞係炸物，一上枱熱辣辣，芝麻雞翼、炸紫芋丸食咗幾轉。仲有蒲燒鰻魚，又厚又大件！呢度嘅鍋物，除咗平時常見嘅蟹粥、肥牛鍋，仲有花膠雞鍋！總括來講，食物質素不錯，性價比都好高，兩個人埋單都只不過五百蚊多啲，值得一試！

屋企人一向好鐘意食放題，今次帶佢地黎食極尚大喜屋。 呢度野食既款式算多，電子下單，其實真係好抵食！屋企人仲係自助吧拎咗好多熟蝦🤣 我地一坐低就叫左好多刺身，帆立貝、甜蝦、虎蝦、北寄貝等等 壽司方面竟然有鮑魚壽司，幾特別！ 最近仲新出左一個白松露吞拿魚，黑松露帶子都好好食😋 自己係海膽fans，一口氣叫咗四個！分量比我想像中多同新鮮。 熱食方便叫咗一個蟹粥清清腸胃，同埋焗廣島蠔，都好好味。 飲品選擇都好多，有飲品機亦都有支裝飲品涼茶汽水等等。 最後仲有甜品櫃有韓國嘅melon雪條，又有雀巢朱古力雪條，飽住個肚走！

疫情嘅情況下，已經超過兩年冇食過放題🥲🥲陳依家天氣又舒服，疫情又舒緩咗 即刻同我老友約埋去食放題😍😍😍極上大喜屋真係環境又舒適，食物又多元化😘我哋雖然得兩個人，但都俾咗一張可以容納四個人嘅梳化位俾我哋😍😍👍而且全部用電話落單 勁方便 廚房又唔會漏單😘真係落幾多 出幾多鹽燒雞翼真係即叫即整 熱辣辣😍我總共食咗四串🤣🤣真係食過返尋味雞軟骨同埋燒比目魚都好正😍刺身好鮮甜，好新鮮☺️自助夾糖🤣🤣🤣搵返一啲童年回憶 好正🤣🤣好啱帶小朋友來食完咁多燒物😍飲番杯涼茶清下熱氣先。真係似自家煲的味道😇我哋食到攬住個肚走😂😂😂約定下次再來大吃一餐😍