極尚大喜屋 (銅鑼灣廣場一期)

营业中

休息中

大食妹好耐都冇食個放題晏晝lunch時間同事們想提早慶祝聖誕，所以就一齊去咗銅鑼灣大喜屋食咗個午市放題12點去到，估唔到都幾多人排隊，當中仲有好多係老人家添，原來做緊長者優惠，午市$158，好抵食銅鑼灣分店嘅質素唔錯，魚生好新鮮，叫幾多真係黎幾多，而且個個都切得好厚身，食落好滿足壽司同埋手卷嘅款式非常之多，蔥花拖羅卷油脂十足，細細粒可以食到好多舊另外炸物亦都做得十分之出色，香芋波波同炸鮮奶唔係好甜，細細粒可以食好多另外出邊仲有好多甜品同埋飲品任拎任飲，性價比好高

自助區好多野食，炸物好新鮮，擺入口都仲好脆。飲品好多款式，基本嘅汽水茶同咖啡唔洗講，就連清酒、梅酒同真露都係任飲！水果區淨係睇都覺得好治癒，擺放得好吸睛，啲水果都好新鮮！壽司刺身好多款，雖然係放題，但海膽手卷都係任食，真係好加分！燒物炸物真係即叫即炸，送到出黎仲熱辣辣咁！尤其推薦個羊架，成晚最愛，沒有之一！炸榴槤波波都非常脆口，裏面有滿滿的流心榴槤蓉，勁好食！要Encore甜品都好多款，當中木糠布甸抵讚，牛奶味好夠好滑溜！

好耐都冇同屋企人一齊出街食飯，屋企人話想食放題慶祝冬至，所以星期日就一齊出咗去食咗個午市放題食飯題就一定要揀大喜屋，食過咁多間放題都覺得大喜屋係最好食 午市放題大概$200 一個，都幾抵食食物款式幾多，上菜速度夠快，轉左用apps 落單，大大減低左漏單的情況出現推介燒物中的燒羊架同埋西京燒魚羊架肉嫩多汁，個邊仲要燒到脆脆地，味道唔會太穌西京燒魚D肉好嫩好滑，配埋沙律醬酸酸地，好食一口燒和牛細細碟都好惹味，和牛粒煙煙銀銀，食落無渣，個汁甜甜地，好好味甜品同雪榚都系任食，甜品款式唔算好多，質素不過不失

自從上個月帶媽咪食過大喜屋之後，佢大讚，成日都嘈住要我地再帶佢去食。又係嘅，呢個價錢可以有唔錯嘅質素加上海量嘅選擇，係好吸引！今日係銅鑼灣工作完就帶埋媽咪去食，第一次食銅鑼灣呢間，晚市時段都幾多人，walk-in 都未必有位，記得預約啊！餐廳內裡非常闊落，自取區位置空間十足，而定疫情雖然緩和咗，但有足夠嘅社交距離都感覺安心啲。媽咪係酒鬼，最鍾意就係清酒梅酒任飲，今次佢飲咗5杯梅酒🤣媽咪大讚佢地嘅梅酒甜得嚟酒精濃度都好夠，又好香。我就最鍾意佢琳瑯滿目嘅飲品區，每次都唔能夠試晒咁多款飲品。海鮮區推介海蝦，肉質彈牙，新鮮清甜。青口略嫌味道偏淡，口感亦較硬。蜆不錯都幾甜，不過間中會有砂。燒物我地叫咗燒羊架、燒饅魚。兩款都十分推介，羊架烤得好香，羊騷味十足，肉質鮮嫩。唯一美中不足係無薄荷醬去陪襯。饅魚夠厚身，燒得好均勻。蟹粥好甜，有足足半隻蟹係裡面。刺身拼盤照舊高水準👍🏻

壽司多種選擇，口味好食冇失望炸物好香脆，特別最中意食 炸牛奶，外脆內軟外面擺放既食物都補充得好快，野飲齊全雖然遲左20分鐘入場但都幫左我地計下段時間開始工作人員都好熱心，效率快，下次會再來

好耐無食題，心癢癢想食滿滿既刺身，就走去試左銅鑼灣既極上大喜屋。一入去就見到自取區，有各式各樣既飲品，有凍有熱，又有冷盤小食、炸物，水果甜品既選擇都唔少。一坐底當然係要點我最愛既刺身，甜蝦、大赤蝦、三文魚、赤貝、帶子、希靈魚，份量足又大件，食起黎都好新鮮，之後不停encore 左幾次，食到心滿意足為止。我朋友就偏向喜歡壽司同熱食，點了一系列既炙燒壽司、串燒。我最推薦既係燒菠蘿，朋友就比較愛燒比目魚，呢兩款都係必點推介。我地仲有點其他特色菜，雞泡魚干、花枝西蘭花、炒牛柳粒、鮮蟹粥，其中花枝西蘭花同鮮蟹粥最令人驚艷，味道鮮甜，下次去一定會再encore呢兩款。最後我地兩個都擇左自己喜歡既雪條做結尾，大滿足！

不單只上菜速度非常慢！漏單也超級嚴重！🙄即使上上一輪漏單，想再落單系統只會問你是否重覆！但最終也沒有將漏單補回來！基本上午市的3小時放題，有兩個小時都是在等上菜中！人手嚴重不足！況且QR code也未能scan，只能用微信才能落單！各款刺身、壽司、 炸物、 天婦羅 、手卷等等都非常迷你！最終發覺吃不飽！😢生日優惠也只限於晚市！中伏了❗

今日嚟到銅鑼灣區食放題，揀咗位於銅鑼灣廣場嘅極尚大喜屋，始終大喜屋集團嘅質素比較有保證！自助區有凍盤，有蝦、蜆、青口。熟食有瑞士雞翼、咖喱，仲見到有蛇羹，啱晒依家入冬。甜品同飲品區好多選擇，甜品有木糠布甸、豆腐花等等，飲品基本上乜都有，就連羅漢果水都有，清酒梅酒亦係任飲！放題方面採用Q R自動落單，環保又方便刺身方面嗌咗三文魚、八爪魚、北寄貝等等，好新鮮冇雪味。手工壽司選擇多，特別推介: 海膽帶子壽司、鰻魚玉子燒！熟食方面，最欣賞係炸物，一上枱熱辣辣，芝麻雞翼、炸紫芋丸食咗幾轉。仲有蒲燒鰻魚，又厚又大件！呢度嘅鍋物，除咗平時常見嘅蟹粥、肥牛鍋，仲有花膠雞鍋！總括來講，食物質素不錯，性價比都好高，兩個人埋單都只不過五百蚊多啲，值得一試！

屋企人一向好鐘意食放題，今次帶佢地黎食極尚大喜屋。 呢度野食既款式算多，電子下單，其實真係好抵食！屋企人仲係自助吧拎咗好多熟蝦🤣 我地一坐低就叫左好多刺身，帆立貝、甜蝦、虎蝦、北寄貝等等 壽司方面竟然有鮑魚壽司，幾特別！ 最近仲新出左一個白松露吞拿魚，黑松露帶子都好好食😋 自己係海膽fans，一口氣叫咗四個！分量比我想像中多同新鮮。 熱食方便叫咗一個蟹粥清清腸胃，同埋焗廣島蠔，都好好味。 飲品選擇都好多，有飲品機亦都有支裝飲品涼茶汽水等等。 最後仲有甜品櫃有韓國嘅melon雪條，又有雀巢朱古力雪條，飽住個肚走！

疫情嘅情況下，已經超過兩年冇食過放題🥲🥲陳依家天氣又舒服，疫情又舒緩咗 即刻同我老友約埋去食放題😍😍😍極上大喜屋真係環境又舒適，食物又多元化😘我哋雖然得兩個人，但都俾咗一張可以容納四個人嘅梳化位俾我哋😍😍👍而且全部用電話落單 勁方便 廚房又唔會漏單😘真係落幾多 出幾多鹽燒雞翼真係即叫即整 熱辣辣😍我總共食咗四串🤣🤣真係食過返尋味雞軟骨同埋燒比目魚都好正😍刺身好鮮甜，好新鮮☺️自助夾糖🤣🤣🤣搵返一啲童年回憶 好正🤣🤣好啱帶小朋友來食完咁多燒物😍飲番杯涼茶清下熱氣先。真係似自家煲的味道😇我哋食到攬住個肚走😂😂😂約定下次再來大吃一餐😍

食個滿足嘅日式放題一定係獎勵自己嘅好辦法搵間坐得舒服選擇又多嘅✌🏻食極都食唔厭呀👍🏻同朋友聚會最鍾意食呢間大喜屋地方方便而且上菜好快再加上食物有質素，味道絕對不馬虎🤓三文魚超級厚切👍🏻有我最鍾意嘅大甜蝦，肉質鮮美，而且好甜估唔到呢度嘅海膽手卷都有誠意，以為呢個價錢可能海膽會有少少苦或者未必好味，居然係比較甜又新鮮！食咗好多舊仲有呢度嘅蔥爆鱔球熱辣辣好惹味，同朋友都超級鍾意❤️炸物壽司手卷等等都有，不過我食唔到咁多，食返刺身多✌🏻仲有呢度有暖心嘅雞湯同埋甜品雪梨木耳燉甜品好好味😋啱晒冬天過嚟食同埋呢度裝修好闊落，坐得完全唔迫出面自助區仲有好多野食可以攞野飲任飲，無限飲，仲有好多熱飲所以一定有一款啱自己💕

極尚大喜屋一向都係放題界encore 首選 今次我就同朋友仔去左銅鑼灣個間 好快已經安排座位俾我地 座位夠哂寬落 依家仲轉左用QR code 落單更加方便又環保添 放題首先當然要食刺身先啦 刺身水準唔錯 件件都好大件 由其係三文魚 油脂分佈好平均 大赤蝦都好鮮甜美味除左刺身我地都有叫壽司同海膽手卷 海膽夠哂鮮甜 另外仲有芝士鰻魚玉子燒真係超級惹味 我地都encore左幾次熟食方便都唔錯 燒鰻魚 爆炒鱔球 芝麻雞翼 西京燒 其中呢幾款我地都有再encore 除左QR code落單之外 出面都仲有飲品區 熟食區 甜品區 有好多種類俾大家選擇 整體食物都好有水準 下次都會再黎食

隔咗一排冇食放題，今日終於同朋友嚟食😂實在太掛住呢種任食嘅感覺。一坐低即刻落單，帆立貝，北寄貝刺身甜蝦等等，全部都叫幾件，仲有好多好吸引嘅壽司，例如黑松露帶子壽司，海膽吞拿魚茸壽司，白松露吞拿魚壽司，海膽手卷都好好食！叫到好似廚師發板嘅壽司12貫咁，我而家嘅分別係可以無限叫😹我最最最鍾意嘅係左口魚裙邊，我諗叫咗有10件，油脂勁正！熟食方面都一樣咁出色，最推介焗蠔，同埋天婦羅蝦。水準都好好㗎，即叫即炸。

大喜屋一向係放題界的首選 今次我就去左銅鑼灣果間分店試一試它的水準 入到去發覺餐廳環境都好大 我地一行四人就安排坐在係卡位 座位相當寬落 坐6個人都得放題就一定最緊要係食物質素 第一樣必食的就一定是刺身 刺身水準不錯 由其是三文魚 油脂分佈平均 食落口好香魚油味 餐廳設左自助海鮮區 飲品區 甜品區 熟食區 種類都算幾多 自己鐘意食幾多就夾幾多 唔洗浪費另外 餐廳仲有大部份食物係用QR code落單 有一樣食物真係好好食 就係爆炒鱔球 雖然係放題 但真係有大排檔的水準 炒得非常香脆整體食物都有中上水準 侍應的服務態度亦非常好 下次有機會一定再黎

最近天氣凍咗，所以都少咗食放題壽司呢類野食，咁啱聽到呢度有午市放題，所以就黎左喇！不過都真係估唔到晏晝都好多人，仲要排隊！一入到去店員會俾個qr code你自助落單，除咗落單之外，出面都有少少熟食同海鮮。因為真係好肚餓，所以出去夾咗少少熟食。啲炸雞都幾正，一出爐好快就俾人夾晒！估唔到午市都有啤酒飲，除咗凍飲之外旁邊仲有個暖櫃，放咗啲罐裝同埋包裝嘅茶響入邊。因為今日都有啲凍，所以我哋叫得比較少刺身，佢冇好似平時食放題咁一隻船上。刺身都似平時咁，冇咩特別，不過唔知係咪因為好多人，所以刺身都等咗一陣先到，反而熟食上得仲快啲阿！花之戀同埋松露帶子壽司，兩個都係細細舊，一啖一舊嘅size。估唔到午市都有海膽，呢個真係好驚喜！雖然個手卷好細舊，不過海膽都幾新鮮手卷都係可以一啖食一舊🤣除咗手卷之外，佢仲有啲特色壽司🍣最鍾意係白松露吞拿魚！松露味真係好香，一上枱就已經聞！鍾意食松露嘅朋友一定要試吓！食完壽司之後，出面仲有雪糕同埋糖可以夾黎食！旁邊仲有甜品櫃，甜品櫃入面我最鍾意就係呢個泡芙！面頭有濃濃嘅朱古力，入面係有餡㗎！咁細究，真係估唔到入邊有餡，入面有d cream 好好食😋午市放題來講，其實佢都