極尚大喜屋 (銅鑼灣廣場一期)

营业中

休息中

今日難得放假，lunch time決定約fd子去食放題！講起銅鑼灣既放題就一定會諗起極尚大喜屋，好喇環鏡靚就唔講喇，直接講下d野食先。刺身選擇多，基本上乜都有晒，三文魚，吞拿魚，赤貝，虎蝦，甜蝦，極品大赤蝦，北海道帶子等等。本人最愛就緊係極品大赤蝦，滿滿骨膠原，好新鮮彈牙。手卷全部都係bite size，海膽手卷值得無限encore！卷物相當有特色，特別一提係我最愛既芒果魚籽花之戀，口感好豐富！壽司亦有好多款，本人推介醬燒芝士皇帝蟹棒壽司同埋椒鹽炙燒比目魚，好好食！熟食既炸雞好好食，出色過KFC同M記d炸雞。甜品選擇好多，雪條都好多款，仲有榴槤雪條！最後一提就係出面有冷熱sake同梅酒啤酒任你refill，酒鬼一定可以飲到回本！

環境寬闊，食物質素也好，值得回頭的自助餐之選～～～呢間觀塘分店比起其他分店寬敞，樓底好高，通風，情況都唔錯。除咗喺Apps入邊落單之外出面都有自助區，下午兩點🕑後，第二位半價，幾抵食。～～～自助區種類都幾多，例如有肉骨茶、滷水豬手、滷水雞翼、沙律吧、雪櫃櫃、飲品櫃同埋小朋友最鍾意嘅夾糖區等等。～～～關於Apps內下單的餐點，先說說刺身方面，我們最喜歡就是北海道帶子刺身、肥嫩三文魚和甜蝦 。encore了非常多次。創作壽司亦非常不錯，而且叫了好多次都沒有漏單的情況，這一點很加分，我們整個用膳過程基本上桌子上的食物都沒有間斷過。～～～串燒也是棒棒的，燒得夠熱辣辣，證明店員取餐送餐速度控制得不錯，當中尤其最愛爽甜多汁脆肉瓜和皮脆肉嫩的雞翼。菠蘿🍍亦是令人一再返dep之選，燒得剛剛好，沒有太乾，燒完之後的熱力又令菠蘿更顯香甜。～～～雖然怕熱氣，但係絕對不能阻止我叫佢地嘅天婦羅，來大喜屋沒有吃天婦羅，就等於沒有來過似的。天婦羅蝦不如坊間許多放題的那種淡味，他們的蝦扎實鮮甜，即使炸過也吃得出蝦味，並非只有油炸味道。～～～而除了蝦🦐以外，其他天婦羅的質素，也很不錯，雖然是放題的餐廳，但是質素不比非放

平日Lunch 放題只需要$188+1， 大約2百幾蚊就食到高質素既放題！餐廳空間感十足，4人枱夠寬闊直情可以坐6個人添！放題的話需要用電話scan qr code 下單，二話不說即刻叫刺身啦！有三文魚、吞拿魚、希靈魚、鯛魚、鮑片、北海道帶子、北奇貝、赤貝、虎蝦、蠑螺、象拔蚌、甜蝦、極品大赤蝦！🦐甜蝦：細細隻幾甜🦐極品大赤蝦：鐘意佢啖啖肉呀🧀芝士玉子鰻魚燒：呢個必食啊！玉子燒做底，表現放上鰻魚同芝士！好鐘意呢個！🍣黑松露油甘魚：油甘魚魚油味濃，唔錯🍣醬油燒帆立貝：醬油味道好濃好正🍣鰻魚忌廉芝士卷：個飯卷勁大個！裡面包住大大粒既cream cheese同表瓜粒熱食方面叫左：🍖雪花牛肉鍋：牛肉唔係肥牛，上枱時牛肉粉紅色，浸一浸世界更美好，牛肉都幾入味！湯底味道偏甜食完呢個成個人暖哂🥒牛油翠玉瓜：油膩之中食個清淡野去除油膩感🐟比目魚西京燒：一客咁上，有2塊燒左既魚加上一塊葉🐡蒲燒鰻魚：估唔到上枱時幾dry😂無鰻魚醬係表面，如果叫一舊外貌唔討好🍤蒜蓉牛油芝士燒開邊蝦：呢個有驚喜！表面蒜蓉牛油好夠味，裏面嘅開邊蝦都啖啖肉，但係嚟到呢度我建議都係食極品大填蝦🤣除左qr code 下單之外，仲有甜品

日式壽司刺身放題，諗起都興奮🥰 中午食優惠都好多～～今次就嚟到銅鑼灣分店餐廳座位好多又寬躺，出面仲有個自肋區，提供咖啡奶茶、清酒梅酒、汽水、甜品糖水、橡皮糖、海鮮冷盤、生果、沙律🥗、炸物、湯等，種類繁多，見到就興奮😆當然有刺身壽司，可以用QR code 自己點，選擇喜歡嘅份量件數。 刺身有甜蝦、赤蝦、虎蝦、吞拿魚、三文魚、帶子、赤貝、希靈魚等等，款式多，味道新鮮，一大盤上好滿足～～而壽司就有創意壽司、軍艦、手卷、卷物等，鰻魚芝士玉子、火炙青口壽司，都別具特色又好味😋。 海膽及蟹肉蟹膏手卷，甘香鮮甜都一定要試。另外仲有一品料理、天婦羅、炸物、串燒、煮物等。 燒鰻魚、黃金開邊蝦，燒得外脆內軟，醬汁香濃。雪花牛肉鍋即叫即做，熱騰騰出哂煙，牛肉伴生蛋，嫩滑香口。最後要試多款甜品，朱古力mousse杯，日本奶凍都非常好味😋

疫情下禁晚市，好彩仲有lunch可以出外用餐！咁啱口痕想食日本菜，但又想抵食，咁一定係食放題啦！最近發現呢間位於銅鑼灣極尚大喜屋做緊優惠，下晝2點後入座，第二位半價？！除返開每個人$200都唔使！有咁筍的優惠，一於捉多個朋友去食盡佢～呢間極尚大喜屋真心太高質！餐廳內處處都有驚喜！驚喜1：空間感極大，除左網上落單，餐廳內更設有熟食區、凍食區、甜品區、凍飲區，甚至酒類飲品區，全部任飲任食！不得不提炸雞、炸燒賣、炸餃子一應俱全！炸雞好嫩滑，唔會粉多過肉！仲有一盤盤熱辣辣的炒雞柳、炒西蘭花等，估唔到都好夠鑊氣！仲有新鮮青口和超鮮甜大蝦！整個雪櫃放滿超過十款凍飲任君選擇！令我最讚嘆的，就係清酒、梅酒、燒酒全場任飲，正！驚喜2：食材新鮮，食物選擇多，份量足料！真係好喜歡它的刺身，食得出好新鮮！甜蝦、帶子刺身、吞拿魚都好鮮甜，塊塊都厚切！仲有壽司款式多，私心大推左口魚壽司，入口即溶超好味！一啖一舊迷你海膽手卷，又好味又過癮！ 驚喜3：超平優惠食到日本質素食材，重要事唔怕再講，最近推出嘅午市優惠真心抵，下晝2點後入座，第二位半價，最後埋單除返開每個人$200都唔洗就食到咁高CP值嘅日式放題任食，真心要

我係一個帶子迷，仲係一個灸燒壽司迷 食放題有樣野好，就係大食特食。咩都食。 今日我目標係灸燒+帶子 首先，當然係叫北海道帶子刺身，同時都叫左北寄貝仲有鮑魚。 北海道帶子刺身好新鮮 每粒都相當新鮮,都幾甜。 第二轉叫了黑松露帶子壽司 黑松露帶子壽司，帶子上沾滿黑松露， 黑松露個味比較重，但仍然好味同食到帶子甜。 第二轉叫了灸燒帶子壽司 加上一兩粒蒜片，燒帶子個味道又唔同左。 正，帶一點香味，燒過既帶子又係一個享受。 到灸燒部分 灸燒比目魚，灸燒左口魚，灸燒三文魚，燒牛肉 全部都好正。灸燒三文魚更加叫左8件，因為真係好味道。 佢有一個紐西蘭醬燒青口， 成件青口配壽司，其實都相當唔錯。 另外值得推介的有- 燒鰻魚,佢真憬比好大片你食，而且相當厚切 鮑魚軍艦-真係成隻鮑魚放左係上面 仲有燒雞翼，平日爐端燒雞翼都好貴，而這裡可以大叫突叫， 覺得開心。

好多朋友仔都係1月生日，究竟一月我食咗幾多次放題🤣🤣今次簡左位於銅鑼灣嘅極尚大喜屋，食物嘅種類繁多。放題必點嘅一定係刺身，種類很多，小編比較喜歡帶子、三文魚和虎蝦，夠新鮮和彈牙。壽司細細件，胃口大嘅你可以每款叫一件試吓。除咗刺身壽司之外，都有較為特別款式嘅壽司，就係鮑魚壽司，鮑魚夠彈牙。唔想食飯但又想食壽司嘅你可以叫呢一款，上面係芝士鰻魚下面係玉子蛋，配上沙拉醬真係很美味。平時食放題都好少會叫鍋物，今次叫咗一個以壽喜燒為湯底嘅雞蛋肥牛鍋，肥牛嘅油脂分布均好，又大塊。魚乾真係好正好好味，唔會燒得好乾 ，忍唔住一口氣食咗三碟。近期好鍾意食COCOBERRY既雪糕，最鍾意就係食玄米茶、乳酪種海鹽味。超級超級好食，有兩層脆皮朱古力，中間是焦糖咖啡醬，雪糕是雲呢拿味。好可愛好懷舊，忍唔住夾咗幾粒食。除咗用QR code落單之外，其實外面都有唔少自助食物，有冷凍海鮮。亦都有個極大嘅飲品櫃，有好多唔同飲品既選擇。

依家放題越開越多，食物選擇都好豐富，但我好鍾意去嘅係銅鑼灣嘅大喜屋，因為餐廳場地夠大，座位夠晒多，可以坐得好舒服。入邊又有包廂，仲要喺銅鑼灣呢個咁方便嘅地點，真係適合一班朋友聚會。食物水準都好好，二百蚊左右既價錢真係好抵食，我特別鍾意食嘅有。。。壽喜燒牛肉鍋牛肉一啲都唔肥，冬天暖肚就啱晒啦炒膳魚香辣嘅味道加上香脆嘅外皮同新鮮嘅膳魚真係好配搭鰻魚玉子燒甜甜嘅日本玉子配上芝士再加埋鰻魚嘅口感真係好正，又唔使好似食飯咁飽肚龍蝦仔龍蝦仔辣辣地，又新鮮，夠惹味。雞泡魚乾雞泡魚乾口感煙韌，但係配埋沙律醬食會令人越食越上癮！比目魚舊魚份量唔太大，但係魚好甜好滑特式壽司佢嘅創作壽司有好多唔同選擇，我最鍾意食嘅就係有原隻鮑魚同大大粒帶子既創意壽司天婦羅天婦羅外皮好脆，炸粉唔會太厚刺身好新鮮，特別推薦帶子同象拔蚌！整體而言，價錢抵食，環境又舒適，啱晒收工之後約埋一班朋友食飯，一齊去Happy!

捉緊晚市堂食的尾巴 今日係堂食最後一晚， 當然要捉緊機會，隔3個月再黎，大吃一頓啦， 今晚食8:00-10:30，大吃一頓。 疫情下，做好衛生最重要， 我見店員都有不時搓手， 令人比較安心。 加上食物即叫即整，每份都熱辣辣，所以都唔錯 由於朋友不太吃生野，所以今日都叫了不少熟食、炸物及料理。 例如係 1)麻辣小龍蝦 - 香辣得黎係好過癮，一隻又一隻，都好香 2)花膠雞湯 -花膠超大塊，加上蟲草花都一樣可以食，加上天氣咁凍，係好岩食，裡面仲有足絲雞。 3)牛肉鍋 – 味道不錯，壽喜燒汁，一樣有草，豆腐等等。再加隻蛋 4)椒鹽鱔球- 好有穫氣，日式放題一樣食到咁正既椒鹽鱔球。而且佢煮得好認真，又香，又脆。 另外我真係好鐘意食蝦，仲係叫了天婦羅蝦，炒蝦球及焗開邊蝦 -天婦羅蝦，新鮮即叫即炸。 -炒蝦球，比其他食物稍為淡味,但又有菇及魷魚係裡面，如果食完咸食食佢都唔錯 -焗開邊蝦，上面有不少芝士。 最後,驚喜地發現出面甜品櫃有好野!! 係馬卡農及朱古力奶凍。 馬卡農裡面仲有勁多味，最鐘意黑芝麻味， 真係幾好食，又唔會好甜好甜。食到飽一飽再吹下水， 食一食馬卡農，相當不錯。

好耐未食過放題，趁lunch 得閒黎食下先。排左一陣就入得，用QR code 落單。用QR code 落左少少野，可以出去拎下野食。出面有沙律、凍海鮮、前菜小食、生果等等，勁多選擇，找左D 沙律，麵豉湯開下胃先。首先緊係要叫刺身，好新鮮，推介大吞拿魚、油甘魚壽司叫左左口魚，火灸牛，都好唔錯熟食叫左芝麻雞翼，羊架，芝士蝦，鰻魚，我最鍾意芝麻雞翼，香口又juicy另外豆苗都整得好好，叫左2 round雞軟骨串燒都好正，脆脆地😁特別要提係飲品好多選擇，仲有得任飲清酒同梅酒！甜品入面推介牛奶布甸，好滑😆😆

銅鑼灣嘅極尚大喜屋，由港鐵銅鑼灣站B出口，行2分鐘就到銅鑼灣廣場一期，在再搭lift上9樓就到餐廳只需比一個價錢，就可以任食食到飽，食物款式又多，質素又高，性價比滿分餐廳採用電子落單，減少員工同客人嘅接觸， 十分抵讚，上菜速度快，兩個小時，足夠上五、六轉，完全唔使擔心唔會食唔飽三五知己，一個價錢，可以任飲任食，渡過一個歡樂嘅時光中式食品、湯水；日式食品、壽司丶刺身丶串燒應有盡有，唔少得甜品同飲品，嚟得幫襯，點都諗辦法試多幾款，大滿足

大喜屋誇張啲來講真係由細食到大，每次同friend講起去食放題都會諗到大喜屋！今日又同friend 去咗食，佢依然保持到佢一貫嘅水準。嗰日去食都天氣都幾凍，好彩佢自助區都好多熱盤可以即刻拎黎食。而且飲品方面又有熱嘅清酒，其實都幾窩心。佢呢度嘅位係幾闊落，而且大部份都係卡位，坐得好舒服！佢個Menu真係有好多嘢食，壽司刺身天婦羅呢啲就一定唔少得。而佢個海膽手卷我都嗌左幾轉，係相當唔錯！而佢個飲品櫃都有好多選擇，又有啤酒。食到咁上下跟住就可以去食下甜品或者拎啲雪條返嚟食。整體來講都食得好過癮，下次會再嚟食！

想食好多唔同類型的日本野，放題就最岩，但又唔想降低食物質素，所以選左間有口啤的放題食。放題一定要食魚生，呢到魚生新鮮、鮮甜，唔會係攞左好耐先拎出黎賣的食材，而且選擇種類多。熟食有唔少，燒比目魚一定要點，因為肉質非常之嫩滑。壽司類當然要食貴價少少的，海膽壽司食幾舊已經可以回本，而且極鮮味，海膽入口即溶。至於吧枱選擇都唔少、特別係飲品有啤酒、清酒、咖啡、不同罐裝飲品等等！最後當然唔少得甜品,有多款蛋糕, 雪糕, 雪條,仲有奶凍!

因為太耐冇食放題，咁啱經過銅鑼灣廣場一期見到極尚大喜屋，午餐食放題又最抵，就即刻入左去。雖然午市人好多，但我兩個人竟然坐到張四人枱，夠晒我哋一枱都滿食物都仲有位剩。差唔多成年冇食放題，而家唔再寫紙仔，都係手機落單，有圖片睇到實物，方便快捷！大大個雪櫃裝住好多種飲品，有凍有熱，一定有一款啱你刺身係必叫的，上菜速度好快，全部都好新鮮，尤其係虎蝦、甜蝦同吞拿魚，鮮味好足，encore左兩次壽司方面，試咗平時好少食嘅左口魚同炙燒牛肉，唔錯唔錯羊架、芝麻雞翼、燒翠玉瓜，全部即叫即燒，小菜炒鱔小食唔夠飽，仲叫咗牛肉壽喜燒，上菜時有隻生雞蛋，攪勻同牛肉一齊食濃味好多值得一題係除咗手機落單，外面仲有半自助攞嘢食，甜品、自製麵豉湯、炸物、新鮮菠蘿汁，最重要係清酒任飲！！

當我想不到要吃什麼的時候，放題是一個熱門的選擇。二百多元能吃到飽，也不用顧慮同行人士的喜好，想點就是。來到銅鑼灣極尚大喜屋，坐位不算擠迫。今天人不多還有卡位。坐下後就用手機下單，再不怕漏單。外面的自助區有很多選擇，有湯、小吃、飲品甜品等。我取了蟲草花雞湯先暖身一下。湯的油份不多，飲下去亦很順喉。先點一客刺身，有我喜愛的三文魚、油甘魚、吞拿魚及甜蝦。刺身全部肥美鮮甜。壽司卷物全部小件，美味可口。香芒軟殻蟹卷很清新。炙燒壽司的火候不錯。手卷上的海膽及蟹肉蟹膏都很鮮甜。燒物鰻魚肥美、口感厚實。燒黃金蝦芝士味重，很足料。風燒味淋魚乾和羊架燒得很香，是很好的小食。