極尚大喜屋 (銅鑼灣廣場一期)

营业中

休息中

🇯🇵極尚大喜屋🇯🇵 午市放題✨😻CP值高，價錢非常合理🔥食物種類有好多🔥平日只需要$208+10%服務費就可以任飲任食3個鐘（12:00-15:00）🔥海膽手卷鮑魚壽司🍣

久違地嚟食一次日式放題😛 揀咗優惠時段嚟食 晚市5:30-7:30只係$228一位再加一‼️又幾抵食出面自助區都有唔少嘢食攞 包括海鮮例如青口、蜆、海蝦 沙律熟食炸物仲有生果甜品飲品雪糕雪條酒～其他嘢食就係QR code自行落單 任嗌唔嬲😛 嘢食上菜速度都好快同埋冇漏過單，種類超級多有新鮮嘅刺身，壽司，串燒、天婦羅、燒物，一品料理幾欣賞佢唔同國家嘅菜式都有，例如泰式天婦羅、中菜嘅上湯燴蝦球、燉鮮奶～真係男女老幼都啱食😛 一家大細家庭聚餐最啱

琴日收工之後由灣仔行去銅鑼灣，食6:30後晚市成人放題😍$258一位，超多野食～仲竟然係有熱飲！貼心女人嘅需要😍 好開心🥳 刺身：三文魚，北海道帶子，象拔蚌最新鮮，其他種類嘅蝦就麻麻地壽司：鹽燒三文魚腩壽司，燒左邊口魚壽司，芥辣八爪魚軍艦水凖正常發揮～海膽手卷麻麻地😅 熱食：芝麻雞翼冇得輸，香口惹味～極尚花膠盛宴有成三塊大大片花膠～燒香草羊鞍男友話超羶🫢 香草牛油煮鮮大蜆好鮮，冇沙👍🏻 極品麻辣牛魔王，個辣汁好勁，堅辣！裏面有牛肉片，牛丸～炸物：泰式咖哩軟殼蟹，好大隻好多肉，但唔係好脆～炸榴連炸鮮奶係必點㗎，好香脆酥軟～燒物： 蒲燒鰻魚，比目魚西京燒，鹽燒雞翼，鹽燒雞軟骨都好好味，串燒即燒就係唔同啲👍🏻下次來主要叫串燒食就可以了😌

捧場多年嘅自助餐 人氣依然旺盛～～～好閨蜜👭說上班壓力山大，一於同佢去食返餐放題抒發下！話說我哋中學嘅時候成日喺銅鑼灣廣場呢邊補習，對呢一帶有特別嘅回憶，所以成日約食晚飯都會過嚟呢度附近。～～～餐廳人流好多平日都滿座，成個場好大，四四方方，有大枱有細枱，見到好多人一家大細嚟食。～～～有別於以往嘅填紙仔，而家已經變成用QR code落單，比以前環保得多，落單嘅準確度亦會更高，今晚食咗成晚竟然一次漏單都冇。～～～食物種類眾多就唔一一細說，簡單揀咗幾款必食嘅想同大家介紹翻。～～～首先出面嘅自助區，最特別嘅就係有夾糖環節，童年回憶返晒嚟，軟糖都係細細個喺糖果店食到嘅味道，好懷舊。～～～刺身推介重點推薦甜蝦北寄貝同帶子。甜蝦甜鮮甜鮮的，北寄貝好爽口，帶子就好厚身。～～～一品料理烹調得幾細心，花膠極其厚嫩，大蝦爽口彈牙，黃金焗廣島蠔芝香濃濃，加上有我最愛嘅滑溜西京燒比目魚，樣樣都無失望。～～～天婦羅方面，蟹棒天婦羅有啖啖食緊肉嘅感覺，南瓜亦係南瓜味好重。除此之外當然唔少得天婦羅日本番薯仔，出面酥脆酥脆脆的 入面係綿密綿密的番薯 仲可以連皮食 令人一個接一個

我今日去咗銅鑼灣一期極上大喜屋食日本放題，餐廳食物款式有很多選擇，座位闊落可以很舒服享受任食。餐廳設有多個區域包括飲品區域，甜品區域，熟食區域都有多款選擇給客人。餐廳係用QR code落單，有超級多食物包括刺身，創作壽司，火焰壽司，手卷，軍艦，不同的卷物，日式料理，炸物，天婦羅和串燒。來到食日本放題刺身一定係重點，呢度款式有很多質素也不錯，當中三文魚，油甘魚，希靈魚同埋帶子。刺身都好鮮甜好新鮮，仲有赤貝和甜蝦都鮮甜爽口，刺身係值得推薦。之後呢度火焰壽司款式都有很多包括燒三文魚腩壽司，鰻魚壽司都好正，壽司中的飯軟硬適中。之後我點了好多創作壽司嘗試包括芒果魚籽花之戀同埋鰻魚玉子燒都好特別，外面餐廳是試不到。當中鰻魚玉子燒是最特別是鰻魚同玉子燒兩種食物配合剛剛好很好味。我還點了不同的炸物和燒物，當中推薦有燒牛舌和鹽燒雞翼，燒牛舌好香，芝麻雞翼燒到啱啱好，鹽燒雞軟骨都好爽脆，所有串燒到時熱辣辣送到客人枱面，我最鍾意係食翠玉瓜同埋燒菠蘿。拉麵熱辣辣，變身爽口掛湯，豬骨湯底都幾香濃，仲有細個好鍾意食嘅牛油粟米，好香甜好重牛油味。我仲試咗好多熟食都不錯，自助區有很多食品選擇，包括豬手同牛肉，冷凍區有

今日嚟銅鑼灣廣場食放題，入座安排好順暢，座位全部都係卡位，好舒適又方便擺袋，張枱夠晒大放幾多嘢食都冇問題～呢度用QR code落單，上菜速度都好快，我都未點完餐已經有野食，就算未有嘢食都可以出去自助區拎住先😁- 自助區有幾款熱食，凍海鮮🦐，水果🍉，沙律🥗，甜品🍮，雪糕🍨，飲品🧃… 連飲品都有暖櫃飲品同多款熱飲- 養生嘅朋友仲可以試吓桂圓紅棗杞子雪耳糖水，好滋補- 唔止凍梅酒同清酒，呢度連熱清酒都有🍶- 不過我有樣嘢就比較介意，沙律同水果最好應該要蓋住～自助區推介：豉油王雞翼；3.6牛乳奶凍- 雞翼大大隻，亦都醃得好入味- 咁多款甜品之中最推介3.6牛乳奶凍，夠晒滑好creamy，好香牛奶味😋刺身：整體新鮮，款式多，冇漏單但order數量有出入～- 三文魚厚身鮮味，有魚油香- 北寄貝同赤背刺身爽脆鮮甜- 大赤蝦好大隻，鮮甜肥美- 象拔蚌晶瑩剔透，爽口鮮味- 帶子厚身鮮甜- 吞拿魚肉質比較鬆散，雪味比較重壽司推介：芒果魚籽花之戀🌹- 有好多款式，除咗普通壽司，一定要食創作壽司同炙燒壽司，一啖一件，唔會塞飽個胃，可以試多啲款式。🥭芒果魚籽花之戀，本身三文魚同三文魚籽就好夾，配埋芒果好fres

久唔久都會黎大喜屋食放題，每次黎都比到我一種新鮮既感覺，因為每次黎都會有啲新食物，而且大喜屋一直擁有過百款既食物選擇，只要比二百幾蚊既價錢食到過百款食物真心覺得超值！幾款食物特別推介：薑蔥爆白鱔勁香濃又脆口既白鱔外皮超好食！而且魚肉肉質包滿，魚骨同魚肉一咬就分離，一試上癮會一叫再叫！花膠燉鮮奶超香滑又好食既熱食甜品，又花膠又鮮奶，食完皮膚即刻靚左！酸菜魚酸菜魚係自助區一大盤俾人拎，但真心酸菜魚湯底味道夠酸，魚塊充滿酸菜湯味，無骨容易咬，非常開胃！五香牛腩同樣都係自助區，牛腩味特別出眾，五香八角等等配料煮得特別香濃，值得一試！除左熟食當然都一定要叫刺身、燒物，同埋雪糕、雪條真係要食，尤其泰國入口既雀巢熊貓雪條，超好食！

好耐無食過放題喇～呢日夜晚同朋友去食放題，順便聚聚舊～大喜屋集團既放題一向都口碑好，野食多而且質素唔差👍🏻有個超大既飲品雪櫃，仲有果汁、茶、清酒梅酒，單係飲品都有好多選擇😍黎食放題一定要食刺身啦🤩估唔到d刺身款款都係厚切，食一轉都已經好滿足😌見到menu有海膽手卷即刻落單😆雖然睇落細細舊，但係海膽都比得幾多🤩食落唔臭好好食，比得上出面壽司店😍即刻encore多兩舊😋燒物方面叫左燒鰻魚同埋羊架😍兩個都好好好高質😍😍燒鰻魚夠哂肥美😋羊架肉質夠哂淋，加埋用孜然粉真係無得輸🤩跟住叫多左個蟹粥😜估唔到份量都幾多，仲真係有蟹係入面！好足料！！最後仲叫左個花膠燉鮮奶～呢個真心推薦！！其實就係簡簡單單既燉奶加左d花膠係面，但係個燉奶整得好滑，好好食😋

隔左半年左右又食返同一間大喜屋，因為真係性價比高又好抵食！專登夾啱時間黎食，選擇左平日17:30食到19:30，最後埋單每位$228/加一！第一件事當然又係狂點刺身先啦！黎到呢度必叫三文魚刺身(SALMON) 、吞拿魚刺身 (TUNA) 、赤蝦刺身(RED Prawn)，呢三款夠曬新鮮，尤其是依加三文魚來貨價貴左當然要食返夠本！另外火炙壽司都相當出色，特別係比目魚同左口魚裙邊，只要輕輕火炙，魚既油香味出哂黎！除左食之外，當然要同友人小酌小酌，日本梅酒、清酒任飲之外，特別仲有韓國清露燒酒提供，真係同友人一邊高談一邊小酌！寫意！📸 Credit to Instagram: @mroolong 👇🏻

大喜屋對我來說真係百吃不厭！水準一直都保持得幾好～而且價錢又唔貴，二百幾蚊食足兩個鐘，CP值好高～刺身同埋壽司當然係個個都必食，我就鍾意油甘魚同埋赤貝，鮮甜又肥美！壽司我就鍾意食左口魚，咬落油香十足～玉子鰻魚燒都好正！海膽壽司都係必食嘅❤️細細件唔會太飽，海膽冇腥味。除咗生嘢之外，呢間嘅熟食更為出色！款式仲要有好多添，強烈推薦薑蔥爆鱔球，好夠鑊氣，醬汁香濃，肉質緊實又唔會腥。蒲燒鰻魚、牛油粟米粒、牛舌串燒、蒜蓉芝士開邊蝦，呢幾款都好唔錯～炸物必食地瓜芋頭波‼️同埋炸鮮奶，雖然好飽，但每次我都要食勁多🫣地瓜芋頭煙煙韌韌，入面仲要有餡料，超級無敵正！芝麻雞翼好香脆，都一定要食呀～除此之外仲有自助區，可以自己出去拎沙律、海鮮、甜品、雪條、熱食同埋各款飲品等等，真係好豐富好多款式。上菜速度又快，所以真係食足兩個鐘唔停口啊！

好鍾意食日本野 今日又去食放題刺身有好多款可以揀叫咗三文魚 吞拿魚 赤蝦 帶子同油甘魚三文魚同油甘魚味道正常 唔會切得就住就住赤蝦好大隻 帶子都好厚身手卷方面叫左海膽 三文魚親子同松葉蟹肉蟹膏海膽冇腥味 每個手卷有1-2粒完整既海膽三文魚親子就用三文魚切粒+三文魚子三文魚子都大大粒 最驚喜係松葉蟹手卷 蟹肉極多又有蟹味配埋蟹膏做到齒頰留香壽司方面有好多款創意壽司簡單叫左幾款黎食下過口癮黑松露帶子壽司三文魚腩壽司吞拿魚蓉壽司火灸牛肉火灸左口魚整體都唔錯 細細件咁 方便你食多啲仲叫左d熱食壽喜燒牛肉鍋一鍋有幾片牛肉 蛋 什菜燒羊架…回本必點！！入口熱辣辣 加埋羊既肥膏 爆晒汁 啖啖肉 爽！仲有好多甜品揀 食咗幾條雪條同一杯豆腐花正到爆

有時諗唔到食咩就會想去食放題貪佢咩都有得食 想食幾多就叫幾多食放題點少得食刺身三文魚 油甘魚 吞拿魚 帶子 大赤蝦整體都好新鮮 三文魚又夠厚切赤蝦真係好大隻 仲叫左好多款熱食 燒羊架｜燒牛舌｜燒菠蘿｜燒翠肉瓜｜芝麻雞翼｜壽喜燒牛肉鍋｜羊架好正 啖啖肉 我最愛芝麻雞翼 每次食都熱辣辣外皮炸到好香脆 肉質嫩滑 燒菠蘿好香甜 咬落去爆汁好正壽喜燒牛肉鍋 醬汁香甜內有肥牛 豆腐 金菇 娃娃菜 係惹味之選甜品好多款 大量雪糕雪條糕點食左幾條雪條 今餐真係大滿足！

同朋友慶祝生日，食buffet又覺得太貴，所以就諗住食日式放題。日式放題越開越多，不過個人都係最鍾意大喜屋，質素最穩定！Book咗平日嘅夜晚7:00食，生意都好火爆，好受歡迎👏🏼食物選擇都好多，上菜速度好快，而且冇漏單，職員服務好殷勤勁收碟勁快手～真係可以食足兩粒鐘，收費好合理，平日都只係$258一位。食物款式好多，必食嘅就當然係刺身，我就鍾意三文魚、油甘魚、赤蝦、帆立貝，全部都新鮮肥美～仲有好多款好特別嘅壽司，例如蒜香青蔥燒牛肉壽司同埋海膽手卷，我都覺得佢係必食㗎！仲有熱食比生野更優秀，例如爆炒鱔片，勁有鑊氣～燒鰻魚細細件，又肥又汁多！廣島蠔，醬汁香濃～蒜蓉芝士焗大蝦🍤大大隻，厚厚一層芝士勁邪惡！飲品款式都超多，無糖藍泡茶係我嘅首選，就算熱飲都仲有好多款添啊～自助區仲有甜品、沙律吧、同埋無限量嘅雪條～真係超豐富呀。整體來講性價比真係好高！

疫情好轉緊係約返班fd子出黎食放題，今次又食極尚大喜屋，貪佢d食材高質仲有燒酒飲任！鐘意黎銅鑼灣呢間店既原因係因為空間好大，座位又舒服，私隱度高，環境又乾淨。兩個鐘放題一坐低緊係即刻網上落單先，跟住出去拎熟食！小丸子好出色，口痕一於食返粒頂下癮！出面仲有甜品區，有軟糖，雪糕，雪條，多款小甜品任君選擇，喜甜既朋友仔一定開心死。不過最值得一提既係佢地有啤酒清酒燒酒任飲！自問好飲的既你，飲燒酒同sake都可以飲到回本！重點黎喇，佢D刺身好新鮮，三文魚、大大隻甜蝦、帶子都勁鮮甜，冇雪藏味！同埋有好多款特色壽司，本人最鐘意佢既鰻魚芝士玉子燒，玉子控真係食唔停！埋單每人唔洗三舊水，兩粒鐘飲飽食醉，大滿足！

呢排搵食又想食日本野，又唔想排壽X郎，但又想野食多元化啲，又抵食啲，咁就一定係食放題啦！秒一時間就諗到呢間我已經encore過唔只一次既銅鑼灣極尚大喜屋！今次幫襯晚市，收工後同friend子8點入座食盡佢～呢間極尚大喜屋真心太高質！空間夠大，座位舒服，環境衛生。一貫都係網上落單，勁方便！餐廳个設有熟食區、凍飲區、甜品區，甚至酒類飲品區！全部任飲任食！不得不提係佢嘅炸物，小丸子、炸餃子一應俱全。仲有一盤盤熱辣辣嘅汁煮牛肉、酸菜魚等，估唔到都好夠火候！仲有新鮮青口同超甜大蝦！成個雪櫃放滿超過十款凍飲任君選擇！令我最讚嘆，就係清酒、梅酒、燒酒任飲！佢嘅食材都幾新鮮，食物選擇又多，份量足料！真係好中意佢哋啲新鮮刺身！三文魚、甜蝦、帶子刺身、吞拿魚都好鮮甜！塊塊都厚切！仲有壽司款式多，點少得火炙壽司同迷你海膽手卷！鰻魚控既我，私心大推鰻魚芝士玉子燒！特濃芝士超好味！晚市食放題，埋單每人都唔使三百蚊，已經食到日本質素食材，你話CP值係咪好高先？！下次一想放題，我一定首選呢間銅鑼灣極尚大喜屋囉～