極尚大喜屋 (銅鑼灣廣場一期)

营业中

休息中

好耐夜晚冇去食放題啦而家放題選擇種類好多，但係大喜屋呢間放題嘅刺身真係好高質，所以想再encore!!!坐低先點刺身🤤🤤必叫三文魚同大蝦除咗三文魚係每塊厚切，冇骨勁肥美之外大蝦都係必食！大蝦大大隻，鮮甜爽口感覺好新鮮🤤一餐放題可以點三轉刺身都得🤣壽司都唔錯推介炙燒左口魚壽司，左口魚入口即溶魚油豐富，好好味啊天婦羅推介炸蟹柳、炸蝦、小甜薯即叫即炸，真係好脆口啊！小食推介鰻魚好高質！鰻魚肥美冇碎骨，肥瘦適中，好滋味啊熟食推介一口牛感覺有少少似港式薯仔一口牛牛肉淋身，配薯仔粒好香口有大量飲品、小食炸物、生果、沙律同埋清酒🍶都係出去自己拎最後食咗支牛奶雪條好滿足啊🤤極尚大喜屋 (銅鑼灣廣場一期) (銅鑼灣)銅鑼灣軒尼詩道489號銅鑼灣廣場一期9樓

好耐冇食日本放題，疫情緩和後，夜晚去下過下口癮🫶🏻大部份都係卡位座位，用QR code落單用手機落單方便好多，而且冇漏單嘅情況出現！食物選擇種類有好多，除咗刺身之外，仲有壽司同手卷，手卷細細條，啱晒過吓口癮又唔會太飽！揀咗三文魚、吞拿魚、希靈魚、甜蝦、帶子、鮑片等等三文魚好厚切，而且有好肥美嘅脂肪，識落都好似三文魚腩呢個價錢好高質啊！另外串燒好好味🤤雞軟骨、羊架、鹽燒雞翼等等羊架好香孜然味，厚肉又淋身，好惹味仲有天婦羅同埋其他特色小食估唔到一品料理嘅熟食都咁有驚喜最後梗係食甜品啦有多款雪糕，試咗抹茶味同曲奇味出邊好少見呢隻牌子！

“晚市放題(星期五8:30pm特價時段)”($248/位)已經好耐好耐冇食放題😛(好似已經有幾年😂)所以就趁住星期五晚去食返餐🤣食放題最抵嘅當然就係等到特價時段🤑星期五8:30pm後入座每位只係$248仲可以食到11:00pm,食足2.5hrs😆落單scan qrcode就得唔駛寫紙仔又方便又環保,漏單情況都少咗好多😝首先當然係一round嘅刺身同壽司🍣刺身每片都超厚切又新鮮🤤特別係三文魚好肥美😍最欣賞壽司嘅size唔會太大,飯都唔會好多食多幾件都唔會好快飽😙另外都叫咗唔少串燒,燒物當中串燒都燒得好唔錯牛舌唔韌,雞翼燒到外皮又香又脆一品料理中竟然有蛇羹叫🤣味道又唔錯喎😆除咗要落單嘅item,自助區都有好多嘢食海鮮,小菜,甜品,水果,飲品應有盡有🥰飲品入面幾款自家冷泡茶都好好飲好解膩大喜屋放題真係一如以往咁抵食唔怪得長期都咁多人等位😝

📍極尚大喜屋 （銅鑼灣）-#5🫶🏻係最高 環境：🫶🏻🫶🏻🫶🏻🫶🏻食物：🫶🏻🫶🏻🫶🏻🫶🏻回頭率：🫶🏻🫶🏻🫶🏻🫶🏻服務態度：🫶🏻🫶🏻🫶🏻🫶🏻-今次試左佢地嘅午餐放題 一次過可以食3個鐘 仲係$218 再加一出去拎嘅野食選擇唔算多 但係刺身好新鮮 最基本食完唔會肚痛肚屙 而且唔會食到一嚿嚿嘅冰咁 ⭐️特別推薦嘅係 佢嘅海膽手卷 雖然海膽細細嚿 但係食落好新鮮 一啲腥臭味都無 所以勁推薦大家叫！佢嘅烏冬都好好食 係彈牙嘅烏冬 😬鰻魚都好厚身 汁唔會乾 值得再叫🙈牛舌一般 不過不失 唔乾嘅 但無咩特別野飲選擇都唔少 所以唔錯環境幾舒服 今次3個人可以坐卡位 除咗出面拎嘢食之外 仲可以用QR code叫 所以幾方便 叫完等大概10分鐘就會送嚟 而且可以食3個鐘 岩哂一班friend吹水 一齊食整體嚟講 呢個價錢 有3個鐘食 仲有甜品 刺身都咁好食 完全值得🫶🏻再試 會再去❣️

極上大喜屋 於銅鑼灣軒尼詩道489號銅鑼灣廣場1期9樓日式放題常客, 食好多架刺身同壽司, 再加埋其他熟食, 我可以話的是少數能食回本的人。攻略是先來一份刺身拼盤, 嚐到好食的再ENCORE食BUFFET 晚餐, 而家勢都要成$500左右起跳一個人, 之但係食日式放題, 平均只係$250-$300 一個人,真係平一半架．加上我鐘意食日本野, 同刷得架朋友食飯, 日式放題會係首選。熟食高質，蝦，魚球，炸雞翼都美味甜品同飲品櫃用QR CODE 落單已成主流啦, 劃紙仔總有唔清楚混亂, 沒有漏單。

極尚大喜屋 (銅鑼灣廣場一期) 地址: 銅鑼灣軒尼詩道489號銅鑼灣廣場一期9樓===================== 4月20日這一天, 是全香港市民重拾晚市堂食自由的子, 見當天BUFFET 放題, 甚至是一間街坊餐廳, 都集了餓了3個月的。我唔想迫, 寧願BOOK 遲幾日先去食放顯。 市面終於旺返啦, 去行下之餘都BOOK 左去日本放題，呢間真係由細食到大, 十幾年前到而家, 間唔中都會去幫襯。勝在地方大, 自助區的食物飲品多款且補給得好快。刺身盤都是食大路,, 如蝦, 三文魚, 帶子水準依舊, 當天熟食食了銀雪魚,鰻魚，燒菠蘿翠玉瓜串可以慢慢食, 2個鍾唔會趕。

食完之後離開，找銀台服務生找零，竟然說「勁，四毫紙都要找」，邊度講可以不要錢，太不尊重食客，我們是5.9午時光顧的餐廳，另一位同事已經致歉。希望老闆注意到，不要讓她再如此沒有禮貌。

昨晚到達後詢問登記的小姐8:15分的是否在這條龍排隊，這位小姐話你見唔到咩，使唔使同你講多次？嘩，真係乜野態度？真係不知所謂。當時在排隊的客人都感覺有冇攪錯呀，好生意都唔使咁。

好耐冇食放題，今日同事撩我lunch快閃一個鐘去食，超興奮喇🤣刺身好鮮美，有我最愛嘅赤蝦，大大隻有夠爽口，其他刺身切得算厚肉，一啲都唔孤寒👍🏻壽司種類款式多，仲有卷物同軍艦，壽司飯唔會太多，食多兩件都唔會好快飽😂燒物類都唔執輸，火候啱啱好，肉類唔會太乾，最鍾意嘅燒菠蘿🍍酸酸甜甜解油膩感最佳🏆除咗Menu上自己落單order之外，仲可以出去自助取，有沙律吧、凍蝦🦐青口、螺肉、墨魚仔、泡菜………超多款式任你拎😋最後仲有一櫃甜品俾你慢慢揀，又有雪糕任你食，食放題嘅好處就係可以鍾意食乜就叫乜唔使就住就住睇價錢！

用一個相對地平的價錢, 食到多種唔同的創意壽司, 感覺非常之超值黑松露鮮帶子壽司, 經過火灸嘅帶子, 再配上黑松露, 感覺非常啲先香, 黑松露嘅味道十分之吸引蒜香青蔥燒牛肉壽司, 惹味嘅蒜香, 再加青蔥, 再加上入口即溶嘅牛肉壽司, 感覺非常的奇妙, AFTER TASTE 好強蟹油蒜帆立貝壽司, 蟹油嘅鮮香, 再配搭住算惹味嘅蒜香, 同新鮮嘅帆立貝MIX AND MATCH, 不錯不錯海膽手捲非常的鮮甜, 雖然細細件, 但係因為細細件, 可以令到自己食到更多唔同種類食物, 真係非常之抵除咗日本料理之外仲有其他中式嘅菜餚供應, , 上湯燴大蝦球, 大蝦球非常的q彈, 上湯鮮甜, 另外仲有天寒地凍, 食返個蛇羹, 蛇羹嘅肉非常之有咬口, 滿滿的蛇肉放在嘴裡咬，口感一流

最近氣溫驟降，在風雨交加的日子食個高質放題，食完暖笠笠。兩個人其中一個是長者，$188+$158（需加一），歎足三小時，性價比超高。點解食日式放題可以暖笠笠？因為除了刺身壽司高水準外，還有好多熱食和熱飲選擇。日式放題絕不是後生仔女專利，我呢啲老人家也吃得開懷。以下是我們用QRcode叫，以及自己拿取的部份食物，我集中介紹一下熱食和熱飲。熟食：雪花牛肉鍋、黑椒蜜汁一口牛、薑蔥爆鱔球、上湯燴大蝦球、酸菜魚、乾燒四季豆等等。雪花牛肉鍋有肥牛、娃娃菜、金菇、豆腐和雞蛋，清甜濃郁豐富，牛肉不太肥卻又不嚡。薑蔥爆鱔球真超值，鱔球又大又厚！熱飲：椰子雞湯、圓肉杞子燉雪耳、羅漢果茶，菊花蜜，美祿咖啡、熱黑糖薑蜜、熱茶等等。全部熱飲，無論鹹甜都推薦，尤其是椰子雞湯和菊花蜜，寒冬天氣特別喜愛。燒物：芝士鰻魚玉子燒、燒香草羊鞍、蒲燒鰻魚、芝士焗開邊蝦、燒菠蘿、燒翠玉瓜等等。芝士鰻魚玉子燒是無飯的，食多幾件也不怕，燒羊鞍又係必食。

疫情下的放題。價錢優惠咗，人流少咗，坐得闊落咗，而質素無變，大喜屋的日式放題仍然是性價比甚高。今天和朋友食的午市三小時放題，每人只需$188（另加一），滿足。單是那一盤刺身已值回票價。刺身：三文魚、油甘魚、吞拿魚、北海道帶子、虎蝦、甜蝦、極品大赤蝦，全都新鮮肥美。壽司：芒果魚籽花之戀、香蔥拖羅魚生薈、鰻魚忌廉芝士卷、芝士鰻魚玉子燒。炸物：芝麻雞翼、紫心香芋丸、吉列牛乳炸鮮奶、吉列蠔。燒物：燒香草羊鞍、鹽燒牛舌、蒲燒鰻魚、溫室南瓜天婦羅、黃金焗開邊蝦、燒菠蘿，燒翠玉瓜。一品鍋：雪花牛肉鍋、黑椒蜜汁一口牛、薑蔥爆鱔球、上湯燴大蝦球。還有各式各樣甜品雪糕、冷熱飲品。由於限住12張相，貼住咁多先。選擇多而食物質素不差。絕對超值。

刺身每樣都點了兩人份，三文魚及油甘魚片片足一寸厚，口感超滿足，選材新鮮，非常油香肥美。另外仲有鮑魚刺身，一小口一件非常清甜又淋，仲有淡淡酒香，赤貝都非常出色，仲有清淡海水鮮味。壽司卷物方面，柚子胡椒左口魚邊好正魚油香，仲有少少燶邊，入口即溶。另外芝士軟殼蟹卷，蒲燒鰻魚芝士卷都好好味，好精緻，所以食多幾件都唔會飽左。推薦黃金焗開邊蝦，美乃滋加芝士焗蝦，啖啖肉，又香噴噴熱辣辣。仲有風味淋燒魚乾，去居酒屋我一定要食，放題可以無限refill超開心，魚乾配清酒，正呀！雖然有川味麻辣小龍蝦，唔係好夾日式放題，但真係好好味，雖然後勁有啲辣，但送酒一流。仲有黑椒蜜汁一口牛，蜜汁超香甜，牛肉味濃。各樣食物以放題來講都算做得非常細緻，用QR code 點餐環保又方便，可以睇返自己叫咗啲咩食，唔會浪費，重複點食物。最鍾意佢哋嘅飲品櫃，種類多，尤其是酒精飲品不用另外加錢，冷熱清酒🍶梅酒都有。

銅鑼灣嘅🇯🇵極尚大喜屋午市🍣放題真係好抵食，最近做優惠，下午2點後後第2位半價，人均$200💰都唔洗！呢度裝修👍雅致，大部份都係🥰卡位，枱又大坐得好舒服😌。飲品櫃有勁多選擇，❄️冷熱🔥飲品🧃都有，好窩心🥰。呢度有我中意嘅🥥椰青水🥰，仲有冷熱🍶清酒梅酒任飲🤩添呀！呢度仲有唔少🍊生果🍉同埋🍅沙律🥗。仲有🤤少量熱盤🍲同埋麵豉湯🥣。來食🇯🇵日式放題🐟刺身🤤當然係重點，款式多質素亦👍唔錯，我特別😍中意油甘魚🐟同埋帶子刺身😋。另外赤貝鮮甜爽口，最正係有🏯日本🗾空運✈️吞拿魚🐟！呢度🔥火炙壽司🍣款式都唔少，其中鹽燒🔥三文魚腩🐟壽司，鹽燒🔥左口魚🐟邊壽司都係我心水之選🤤。亦有唔同嘅🤩創作壽司🍣，其中黑松露🍄鮮帶子壽司🍣、芒果🥭魚籽🌺花之戀，香蔥拖羅🐟魚生薈同埋芝士🧀鰻魚玉子燒就最得我😍歡心喇！海膽手卷😍細細件，海膽🤤都幾清甜🥰。黃金焗開邊蝦🍤芝士🧀味香濃，蒲燒鰻魚鬆化甜美，所以我哋都 encore 咗唔少😂。薑蔥爆🔥鱔球鱔球好有驚喜🤩，味道香濃得來啲🤤鱔肉又好鮮甜肥美😋，值得 encore！甜品除咗多款雪條之外都仲有好多🤩唔同嘅選擇，有大福🏯、布甸🍮、乳酪🤤同埋豆腐花🥰，呢餐真係好👍滿足！

每次想食放題，第一時間就會諗起大喜屋，喜歡這裏食物新鮮，選擇多所以今日就嚟到銅鑼灣食餐午市放題！這裏環境很大，大部份都是卡位座位所以坐得好舒服😌坐低之後用QR code落單快捷方便沒有漏單情況👍場外邊亦擺放多款海鮮、熱盆、沙律、熱湯、飲品和甜品等給客人選擇😍刺身方面我們點了三文魚、牡丹蝦、北寄貝、帶子和螺肉，刺身色澤新鮮，三文魚厚切肥美，帶子好清甜，螺肉爽口，牡丹蝦好美味！燒羊架羊肉味香濃咬落啖啖肉又多汁，燒得好香口！海膽手卷海膽好幼滑，細細件一啖一口😋 燒魚乾魚乾燒得好香脆，甜甜地，一條接一條食唔停口！比目魚西京燒魚皮邊微脆，肉質鮮嫩幼滑！芝士燒蝦蝦肉爽，加入芝士味道香噴噴。