極品煮意 鷄煲.烤魚.火煱 (已結業)

星期日打算早啲開飯，早啲食完返屋企休息！😌上次喺葵涌廣場購物完，發現左呢一間雞煲烤魚火鍋店，俾佢廣告牌吸引住！見佢寫住：6:30前離座每位$100！😱見咁抵食，今次即刻來試一試！🤗😋我同男朋友兩個都好鍾意食烤魚！平時喺荃灣兩大出名嘅烤魚店食烤魚，平均消費都要＄300左右落樓！今次任飲任食當然要食烤魚煲啦！同男朋友仔都唔食得辣，所以叫咗個走辣烤魚煲，落單待應姐姐好好，問我地想食咩魚，有三種魚可以選擇：脘魚，魽魚，仲有一種我唔記咗，最後我當然揀魽魚，因為比較少骨，肉質比較嫰滑好味！😋魽魚煲一上台，嘩！😛唔估到呢個價可以食到全條上嘅魚煲！心唸抵到爛🤗😍😎，淨係食一條烤魚我哋都已經返本！仲要可以任飲任食！男朋友仔咁不得不説！今次肥仔了！酸菜魚煲湯底夠晒味！魚夠鮮，夠滑！不錯！本身魚煲已經好多配料：有酸菜、豆腐卜、芽菜、娃娃菜、枝竹等等，講真食完條魚都已經飽左一半！跟住睇埋佢任任食嘅火鍋配料，包羅萬有，仲勁過一般火鍋放題！基本上你講得出都有講！有啲仲係你諗唔到添，有埋福麵，印尼撈麵，又係熟食，小食，糖水同雪糕任君選擇！👍🏻👍🏻其中每人仲有兩隻鮮蝦送，蝦係新鮮，味道鮮甜！我地兩個人食到唔捨得走，原

早排有親戚推介呢間 有雞煲 有火鍋 有烤魚既餐廳，所以一早預約左呢個晚上放工之後就同屋企人約埋一齊去。去到葵芳站穿過葵廣，行多幾分鍾就到，唔算難搵不過就要上二樓，黎到果陣七點正，唔需要等位就入得了。坐底之後發現有3張點菜紙，一張係選煲類，要選雞煲，魚鍋或者湯鍋，由於只有兩個人，所以只可以選一個鍋，我地決定試下秘制極品雞煲，放棄烤魚。但等個煲黎果陣Keep住聞到隔離枱烤魚既香味，但無辦法，要亡個人先可以選擇兩個鍋。另外就仲有一張係需加錢點既菜單，同埋另一張可以任點任食的例如肥牛豬腩片等等。(題外話: 上到去唔知點解收唔到data，好彩果到有Wifi)點完基本野之後，出面見到有熟食同埋自己夾既生食物，每樣都拎左小小，有炸雞翼、雞腳、炸魚皮花生，同幾款湯品。之後生既食物就基本既都有齊，有種去左小型超級市場既感覺，全部任夾任拎，至於飲品就有四個櫃，各式各樣既飲品任拎，又有我至愛既忌廉鮮奶同錫蘭紅茶。返到位之後，雞煲已經黎左，開左火一陣已經聞到香噴噴小辣既味道，試左一啖覺得好香口，原來秘制極品係小辣再加鹵水汁味，香料味都幾足，食下食下有種開始麻既感覺幾正，好快就送上一份蝦，極度推介個蝦，大隻得黎

10點15分食11點半就趕人走 收走枱面既食物 仲話掛住打機唔食野 話下次食野唔好掛住玩電話 入場時話食2個鐘 場內並不是爆場都趕人走 佢還有宵夜時段的 不是夠鐘收而趕人走下次不會再來

本身帶住冇咩期望既心態黎食，點知有意外驚喜。價錢平得黎又好食，而且都好多野食，地方又大間好坐一黎到，服務員好細心咁介紹俾我地聽野食野飲都係任食，除左海鮮要另外加錢之外，雞煲既雞唔夠都可以再加不過其實個份量都好多，食極都仲有，兩個人岩岩好唔洗加。一開蓋就聞到好香既麻辣味正！雞肉好滑嫩，啖啖肉，我地要左小辣，岩岩好，夠麻唔會太辣，like肥牛啦，羊肉啦。。打邊爐必備，另外仲送左每人一隻海蝦。中意食海鮮既我地加左錢食桶蠔同脆肉皖，桶蠔超大隻，好肥美，而且係勁鮮甜，煮熟左都冇縮水，值得加錢order。脆肉皖不過不失。係等野食熟既時候去拎左啲熱食食住先，有好多選擇，而且野飲種類超多！仲有甜品，好似食緊放題咁😂雞翼同木耳都唔錯。咁既價錢竟然有靚鵝腸真是意想不到。當然唔少得丸and丸sssss佢地丸既種類真係多到我大開眼界😂😂😂好多都未聽過，有個叫芝士雙響丸好食到要encore。好正一定要試！呢兩樣都係任食，右邊是花膠。最後用兩個雪糕做結尾。我地都超滿意個晚餐，性價比超高！而且服務態度又好。一定有下次

朋友話想同我食晚飯，放完工唔想周圍走去咗公司附近嘅極品煮義食火任食，價錢唔貴，人均消費都係百幾蚊。估唔到佢價錢唔貴，但係飲品種類比起大部份嘅火鍋放題店或者普通嘅日式放題點都要多好多。淨係飲品櫃都有四個，基本上每個櫃嘅嘢飲都唔同。仲有啲自助前菜，手拍青瓜，海帶香辣有爽口，味道入味。最特別係雞腳煲到好林好入味，有少少藥材香味好容易就食晒啲皮。我哋就選擇左秘製麻辣雞煲小辣，裏面有好多雞，係一隻雞左右。店員提返我哋如果覺得唔夠就可以加，不過兩個人食一隻雞，一定夠啦⋯ 都幾多香料嘅，聞落都好香，不過食落就唔算好入味啦，普普通通。每人送一隻海中蝦，鮮甜爽口。有好多蜆肉不過就細細粒冇咩肉地。鯪魚球就真係好正，調味做得唔錯，而且口感彈牙。牛肉，豬肉，羊肉都係任叫嘅，質素平平勝在可以無限任加！牛柏葉好爽口，滑牛肉好快就熟，質感唔錯，同肥牛差唔多嘅質素，麻吉燒同埋芝心丸呢啲就係比較得意。仲有豬紅，非常有彈性，另外芋絲同埋金菇都係打邊爐必食。嘢飲我哋都飲咗好多，最後食甜品有雀巢杯裝，每人一杯，食到飽飽兩小時離座。

原本去食隱世拉面 但去到我地就話湯已賣哂（大約八點幾 😭）咁就唯有去附近搵下食啦 之後見到呢間野 個日又咁凍 咁就上開飯睇下 見咁多正評就黎試下啦 我地有一半人唔食辣 所以叫左BB 辣 雞係鞋架 唔多 都可接受既辣 個汁都普通 但任食算係咁 都算幾多選擇 仲另外有熱食 如餃子 咖哩角同春卷 冷盤都有 如醃青瓜 另外佢地都幾自助 湯自己加 丸同菜個d自己攞 但肥牛 同豬肉片個d 就要寫紙 但寫1份得幾4片左右 要等好耐先黎 野飲有好多選擇下 最後埋單 每人唔駛兩百 平食既好選擇 👍🏻

又到月尾糧尾既時間，但朋友係要見既，唯有食平小小。仼食仼飲食到飽仼食2小時，分不同時段不同收費。最扺又平既一定係平日6點半無結帳離坐。成日一位一百元，但因為要反工所以唯有選另一時段:星期一至四0745前結帳離坐。成人138。另要加一但不收醬料費用。有三款鍋可以選雞煲，烤魚同火鍋三款雞煲有五款:極品雞煲，咸菜豬肚，雲吞雞，醉雞，棷子雞。魚煱有五款:醉菜，麻辣，老干媽，野菌，川芎白芷天麻魚頭。還有，肉骨茶，四川麻辣和皮蛋。因朋友海鮮敏感，最後叫左雞煲，原來雞都可以仼加添。有多款飲品自己選擇，有汽水，啤酒，韓國飲品，涼茶。真係只飲野都飽。有自助熱食，可以係湯底未黎前先食小小野打下㡳，有炸雞 ，硽靑瓜，餃子，海帶絲。㴝得打邊爐一定有配料，有各款九類，菇菌，豆品類 ，蔬菜類，粉麵等。基本所以都有。除自助配料外有一張紙可以仼食到飽，另一張要加錢。仼食的有有海鮮，花膠，肥牛，豬腩肉，鯇魚骨腩，羊肉。真係眼花，咁多選擇。甜品方面，有涼粉，啫喱，雪糕就一人只可拎一杯，仲有二款熱辣辣中式糖水紅豆沙和椰汁西米露好綿，甜剛剛好，暖住咁反屋企。下次再來食烤魚鍋。

位置喺葵芳如果行去葵芳廣場後邊行連住天橋，大概三分鐘，會見到呢間正記。見天氣凍凍地，雞煲連任食火煱最吸引，一個價錢食到飽飽。上到去見到大大個廣告牌有不同時段收費，如果晚市7:45pm前埋單，就平10蚊，不過我地今日趕唔切。門口有幾組人等緊，因為大家都無訂枱，等咗3個字有卡位座。入到去叫咗個少辣雞煲，當然都有烤魚食。火煱配料可以出去出面自助雪櫃任拎或是枱面有紙筆可以自己order入單。除咗野食，飲品啤酒都任飲任食2小時！味道ok,會再來呀一定！

雖然今年的天氣算不上寒冷, 但對於長期手腳冰冷的我, 什麼時候吃暖身暖胃的食品也很適合, 最好就是吃時又暖, 吃後都暖, 哈! 在朋友介紹下, 來到一間有齊烤魚、雞煲和火鍋三大暖身食品供應的放題店, 真係好介紹, 看來我會有一個暖笠笠的晚上。餐店位於大廈的2樓, 沿樓梯走到上樓, 地方不算很大, 近窗設有一排四人卡座, 中間位置有多張四至六人枱, 亦有大長枱, 最岩大夥兒圍埋一齊“烚下烚下”。內裏還設有自助熟食區、醬料區、火鍋配料區、飲品區、甜品區等, 的確非常豐富, 看來今晚必拱腹離開。客人可任飲任食2小時, 不同時段有不同收費, 睇落都複習, 要找最經濟實惠時段就要細心看清楚啦! 而我們就揀了優惠時段, 星期一至四7:45pm前結帳離座, 成人$138, 另加一服務, 而煱底醬料不另收費, 雖不是最經濟實惠時段, 但都好抵喎!******************************在未下單前, 先走到外面視察一下。嘩! 單單飲品已令人眼花撩亂, 共有四個大飲品凍櫃, 還有熱茶熱水 供應, 選擇非常多。自助形式, 客人可走到各大雪櫃中任取, 有各式汽水、韓式飲品、凍茶、啤酒 等等

兩星期前，第一次食呢間雞煲+任食火煱，覺得都ok, 埋單後收到張'每人減$10既coupon (1個月內有效+只可晚上9:30入場才可用)。尋晚行開葵芳就諗住用埋張coupon食多次，晚上1000入場，食物正常，同上次差唔多。但當埋單時，收銀阿姐態度堅令人生氣，亦令我決定以後不會再來。當我地拎張coupon到cashier埋單，收銀阿姐話唔用得，要一入場既時候講明要用coupon先用得。我知道coupon通常都好多限制，所以我即刻翻轉張coupon指住第一點寫明'付款前出示' 喎，佢呆左又話，打左單轉唔到，我話埋單前拎左張coupon出黎架啦，但侍應冇攞，就咁嗌要埋單。收銀阿姐堅持唔俾用，最過份既係佢最後話，'咁你地兩個比少$20囉，我自己攞$20出黎填數。' 當然我地話唔駛，照比原價。收銀阿姐先笑住猛咁話，coupon留番下次用，下次用。張coupon仲有兩星期就过期，下次用？？！！點解客人跟足條款用coupon,但好似好錯咁呢。埋單兩位$348, 每人減$10其实好少，講真前一個/後一個時段都可減到呢$10啦。俾coupon客人係想客人再次光顧，但如果極品雞煲餐廳真的不想客人用co

今日同朋友行完葵涌廣場當然就想找野食啦，經過見到有花市諗住食完飯就去，點知行到中間見到有間雞煲任食而且又吾貴，結帳後都係百六左右都抵食，我就同朋友決定試下先！～入到去見到都差不多爆晒，我地入到去不久待應就黎到問雞煲要咩辣，我地叫左小辣而雞煲大約等左10分鐘就黎到啦！～食落雞都多肉又硬身幾嫩吾錯，辣度又剛好配菜吾少，但冇咩香茜就有點失望，但都吾理開始係度食食食！～飲品方面都比心目中多，茶，汽水，啤酒之類一定有…仲有道地系列添！～朋友之後就去左拿小食，海帶，雞腳之類都係以辣為主，個辣度吾錯喎，味道同雞煲係有吾同，而且拿菜，丸之類都吾少，面都係4-5款添…之後我地食完雞煲就開始打邊爐了。這裡任食都有海鮮，牛肉和羊肉之類，海鮮都新鮮而吾梅身，羊好味過牛肉都食左吾少，但湯開始少，就叫左待應比水，點知待應話這裡的係雞湯，日日都有煲，怪不知味道保持到而吾覺淡味。我地之後都食左幾輪出去拿野食，菜有2款選擇，瓜都新鮮乾淨…腸仔丸之類都正常選擇吾少，我地仲拿了鵝腸，牛柏葉之類加多個出前一丁仔面其實都已經好飽！～點知朋友話原來出面仲有雪糕和糖水添（蕃薯和紅豆沙）…食落蕃薯十分好味又夠辣，原來佢將薑切細粒，怪

最近呢幾日阿媽成日嘈住話冬天緊係要打邊爐啦，但係我阿媽都唔算太新潮既人，所以唔知依家後生仔唔興剩打邊爐，食雞煲邊爐先係皇道。餐廳位置幾近地鐵站同葵涌廣場，所以同呀媽去完食雞煲仲可以行下街買野一舉兩得。因為阿媽第一次食雞煲，所以我地叫左個極品雞煲(少辣)，廢事一陣叫得太辣食唔到哂錢。因為雞煲要煮成15分鐘先OK，所以店員都叫我地拎野飲或者食熟食慢慢等主角。熟食方面有雞腳呀，薯角呀，咖哩角呀，雞翼等等 有小食起碼可以醫下肚餓先。之後飲品都幾多選擇有啤酒有韓國芒果汁等等 隔左一陣，雞煲終於到啦！雖然我地叫左唔辣但係雞煲味道都好濃郁，岩哂鍾意重口味既我雞肉都幾嫩口，好快就比我同阿媽食哂啦！之後就出去前面兩個冰櫃拎菜呀肉呀黎打邊爐。價錢我同阿媽兩個食左＄２６０蚊　呢個價錢算係幾抵！比起旺角平Ｄ！下次可以再黎ＥＮＣＯＲＥ！

我都有幾年冇出過荃灣, 因為今日要拎部手機出去整, 先甘岩出一出荃灣附近, 見都係要等, 就叫埋女友一齊去行下街, 行到大約6-7點左右, 又拎完手機, 就順手去埋食飯, 行過見到間食雞煲 , 價錢唔貴又任食, 諗都唔諗就入左去幫襯價錢 $148+10%服務費/1個人,   抵!!!住底冇幾耐就叫齊主料(雞+湯底), 準備開餐啦, 我就第一時間去睇下有咩野食同有咩野飲先佢連飲品櫃都有幾個, 個個櫃都有唔同飲品, 可見得服務質素唔錯飲品, 配料, 後加湯底, 面食同菜都係自助任食任加冇幾耐, 個煲就上枱, 不過上枱之後都要等一陣, 等佢完全出煙先可以食既, 比D耐性等下啦.......]等既同時就去拎野飲, 估唔到佢有呢隻最新既柚子蜜飲秘製極品雞煲哇, 一開就聞到香噴噴既雞煲味, 色香味齊全, 色: 醬油顏色非常適中, 唔似加太多既人工調味香: 香噴噴既雞肉味, 亦聞到少許其他花淑八角味味: 入口雞肉嫩滑肉都吸收哂醬汁既精華, 真係鮮味十足黑毛豬豚肉片估唔到呢到都可以食到D較高級既食材, 以為148既價錢食既質素唔會甘高黎既份量雖然唔多, 但係可以重覆叫的, 豬肉入口亦爽口, 唔會太肥膩

葵芳真係發展得好快，完全唔係我以前同同學放學去行街買平野個樣，新都會真係同油尖旺大商場差唔多。一般商場大舖基本上個度都有齊，咁當然野食都...要返咁上下價錢。不過今次朋友就帶左我去食呢間抵食雞煲，距離地鐵站都係7分鐘度。大家樂上一層就係，好當眼! 黃金時段都係$148加一... 真係旺區做唔到! 雞煲都分4種味，咸菜同醉雞真係好想試... 不過兩個人食唔曬廢事蹝野。所有野都係自助.. 不論斟水定拎熱食，連雞湯都係自己拎。好彩自助d人都唔會搞到好污漕周圍都係! 幾Surprise都有幾多款麵食，連印尼撈麵同福字米粉都有!第一次食試招牌野就冇錯。叫左秘製極品雞煲，雞好大件同入味，呢種醬油色澤就係雞煲fans最鍾意架喇! 煮煮下會留意到有香葉一齊煲，唔係淨係落人工調味料。淨係食雞會太dry，食左10分鐘左右已經忍唔住要開始打邊爐。又雞煲又打邊爐太多野，照舊淨係重點推介3樣:1. 是日海鮮: 今日係蜆，洗得乾淨冇沙，同埋唔係渣野，煲左一陣都冇縮到細細粒。每次份量唔多，所以可以試下一碟先。因為我覺得海鮮新唔新鮮呢樣野真係撞彩，試過打邊爐叫左蜆，縮到影都冇埋，個湯搵唔到，雖然唔使另外加錢，但叫得多

2016年的最後一天，覺得兩口子要盡興的吃一餐，選擇了吃到飽的雞煲!因為是大時大節，所以任飲任食時間只有兩小時（其實已經非常足夠），餐廳沒有大過「催促」，而且店員服務很貼心，主動協助「炒雞」和加湯。食店除了正宗雞煲外，還有魚鍋、湯鍋；自助任夾的食物種類很多，為免浪費肥牛、海鮮可以填紙點；另外還有熟食和簡單的甜品（啫喱、雪糕、糖水）可選。至於「任飲」的汽水有超多選擇，韓式的汽水、台式的果汁、基本的汽水啤酒，一應俱全！極品煮意分時段收費，大時大節每人才百多元的價錢很合理任吃的火鍋食物隨便任夾，丸類、瓜菜類一應俱全想食豪Ｄ，可以加單選擇加錢的火鍋料至於唔想食雞煲，可以點魚的煱或湯鍋因為肥牛、海鮮等食材易變，也避免浪費，所以需要落單點菜選了秘制極品雞煲（走辣），賣相很不錯，雞肉很嫩滑等雞煲煮好前，可以吃點餐前熟食，例如青瓜、春卷、雞翼最喜歡眼花暸亂的飲料櫃，幾十款飲品，樣樣都想試肥牛很肥。。。喜歡吃「肥」的朋友一定大愛海鮮、花膠都是免費任吃，節日還送上大蝦兩隻其實吃完雞煲已經半飽，再吃點火鍋食物已經很滿足因為除夕怕人多，所以吃提早晚餐，總結了２０１６年！