極品煮意 鷄煲.烤魚.火煱 (已結業)

我平時很喜歡去葵芳行街shopping ，因為商店繁多，價錢大眾化 ！ 晚上， 我朋友介紹我去「極品煮意 鷄煲.烤魚.火煱 」。它是位於 葵芳盛芳街40號寬德大廈2樓。原來位置都算十分方便，在葵芳地鐵站D出口， 步行幾分鐘就到。地方很容易找到，有一個大大廣告牌， 見到直上二樓便可，大家可以一試 !多種自選煲類給客人選擇👇 經店員推介， 我選了招牌雞煲《秘制極品雞煲》， 不吃辣嘅朋友可以自由選擇辣嘅程度 ，我叫了雞煲走辣！雞件炒得好香， 加上生蒜、洋蔥 和芹菜等配料，當雞煲滾起時，香味四散 ！ 雞件好嫩滑，用了特製醬汁，真是極品雞煲 ，值得一讚！打邊爐有我喜歡飲嘅黑樂，我飲了三罐黑樂 ，好涼快！其實，我食完個雞煲已經飽了一半， 所以其他食物只可以叫小一點。美國肥牛都不錯， 半肥瘦，油脂分佈平均， 我煮到半生熟配湯汁，十分美味。鯇魚骨腩，鮮甜可口，肉質爽脆，十分肥美！各色各樣嘅食物給客人任意選擇。自助bar 還有多種丸類 👇而我最喜歡墨汁丸， 好juicy ! 味道好好 ！ 自助bar 還有小食，實在太豐富了 ！小食有滷水雞腳、手拍青瓜、麻辣雜菜丸...等小食餐廳提供各式各樣汽水給客人撰擇

難得放假，想同朋友好好食餐勁嘅！黎到葵芳哩度，真係想食咩有咩，揀左食任食雞煲放題。雖說係一間雞煲放題，餐廳入面一啲都唔焗促，座位亦坐得好舒服！話明雞煲放題，當然要揀佢招牌嘅製極品雞煲，我地揀左小辣。2個人黎食，真係量好多呀！佢嘅辣係麻辣嗰種，每舊雞都煮到好入味，用心製作呀！等緊雞煲同時，現場仲有好多款熟食，黎到哩度，真係5會怕餓親！炸物好味，特別係薯角，炸得好脆滷水雞腳嘅汁都好獨特，值得一試！青瓜選材新鮮，微辣，雞腳都幾辣，好香口！火鍋配料好多呀，每款揀一粒都會食到飽其實所以精選自己鐘意食嘅哩度嘅丸都好好味，墨丸真係特別好食！同出邊食嘅好5同！哩度仲有黑墨丸,咬落好juicy,好有墨魚味！哩度嘅菜都好新鮮，仲有唔少火煱必備嘅東菇，蘿蔔，豆腐，粉絲等等仲有4種5同口味嘅雪糕！不過略嫌唔夠硬哩度只不過係其中一個飲品櫃，哩度總共應該有成5個唔同款式嘅飲品櫃，汽水，薑茶，果汁，啤酒都有！

見到甘多好評同友人黎試下. 估唔到星期六晚上甘爆場. 三人安排坐卡位都算舒適 ~ 但我地個位又俾個櫃頂住出入勁麻煩. 人手又唔夠, 碗仔餐具全部都無, 要自己去櫃度攞😒等左成三四個字湯底先上, 職員仲要準時兩個鐘熄爐趕客👎🏻👎🏻差到爆.仲即時收起我地未食過生既食物, 將佢收返入廚房, 好懷疑餐廳會將食物重新放入凍櫃再用😱😱熟食區個個架都吉既. 一出食物就俾人搶晒, 都係得 d 雞亦春卷炸魚皮都要搶一餐, 唔係掛😳雞煲湯太清淡無乜味, 但都幾多料. 肥牛超肥囉👎🏻👎🏻 怕怕. 是日海鮮蜆細細粒都幾新鮮, 但只黎過一碟幾粒, 之後不停入單都無再黎過, 問職員係咪漏單定沽清, 佢當聽唔到唔理就行開😳落單紙見有花膠掦完俾職員, 女職員怒視呼喝凍櫃有花膠自取唔駛寫單. 態度差到離晒譜😒😒菜又唔新鮮. 丸類係幾多選擇既. 今餐都係食丸食飽. 埋單百七多一位, 甘既質素甘既環境甘既服務, 試一次夠晒數👋🏻👋🏻

平時成日都聼人講雞煲好吃，但自己就未試過，今日同個朋友經過葵芳見到有間食雞煲，openrice D comment 都幾好，一於去試下。 呢度雞煲好似都有五六款選擇，我同朋友都未食過鷄煲，唔知邊個好吃，於是就叫左第一個秘製鷄煲走辣。喺等雞煲嘅時間可以去食住啲熟食先，嗰日啲熟食呢就包括有炸雞翼，炸春捲，仲有其他青瓜之類。樣樣都整得唔錯。 另外，呢間鷄煲亦提供飲品任飲，可以自己去雪櫃度攞。真係有好多款嘢飲，你講得出同講唔出都有。除左最普通ge可樂，雪碧，jolie sandy,啤酒，仲有各款lotte的飲品。我朋友擇左香蕉味lotte奶，而我因為怕熱氣，所以就揀咗低糖夏枯草嚟飲，真係唔係好甜， 平時最怕呢啲涼茶落咗好多糖漿，但係呢度就唔算甜。 等左五分鐘左右個雞煲嚟啦，個雞煲好足料， 有好多嚿雞件，啲雞好嫩滑。除咗雞之外仲有洋蔥，索咗啲秘製漿汁好好食，呢度仲有白飯任裝，我覺得個雞煲用來送白飯食就最正呀！ 食完個雞煲之後就可以加湯落去個煲度打邊爐, 打邊爐嘅配料都有好多, 基本肥牛，丸，菜類都有，竟然連花膠同蜆都有。 我最鍾意食蟹籽丸，有蟹籽丸任攞真係好開心 。 最後就係食甜品喇，每人包1杯

假期行過見到上去試下，上到去勁奇怪，點解咁少人食？？同老公好喜歡火鍋，食過唔少火鍋店，呢間係我地試過最最最差的火鍋店，先勿論食物如何，「感覺服務態度係：預咗唔會有返頭客」！一間冇乜人客我火鍋店，在差唔多限時完結前30分鐘提你就黎夠鐘，叫你唔好再拎咁多野食，雪糕只係限取每人一杯！真係笑死人，牛記雪糕杯值幾錢？火都黎，食物方面：只講其中一樣已經夠差：超級垃圾肥牛又韌又勁肥！第一次食火鍋係只係叫咗一碟就停手！以同樣價錢，好似150左右，去果間大「窩」口 食好過十萬倍！！食過好質素的真係頂唔順呢d質素！

今日因為要去葵芳同姊妹行街買衫所以就嚟咗葵芳廣場喇~血拼之後，晏晝食嘅小食已經完全消化晒，朋友就話好肚餓所以不如就去附近一間任食雞煲火鍋醫下個肚先！說實在我真係唔知原來葵坊廣場附近有一間咁樣嘅飲食餐廳，望一望餐牌其實真係好抵如果係九點半之前結帳佢只係收$148加一，既然一場黎到就梗係要試吓啦～一上到去嘅時候因為時間尚早人唔係好多，坐低左店員就叫我地揀左火鍋底，鍋底可以淨係叫湯底或者係魚鍋，又或者係雞煲，鍾意食雞嘅我哋當然係揀咗特製雞煲啦！可以等待雞煲上場嘅時候，佢哋亦都有一啲小食例如係炸雞翼啊薯角涼拌青瓜糖水等等一邊等一邊可以以住個肚! 而且飲品方面佢哋亦都有10幾款嘅選擇算係我食任食餐廳當中選擇都算都幾多既餐廳! 過多一陣雞煲終於黎到啦! 賣相好靚雞件亦都好多! 雞肉好滑身而且好入味! 食咗嘅時候你會感覺到舌頭有種麻麻嘅感覺，唔食得辣嘅我竟然又覺得好刺激!!食完雞煲之後就可以放湯再繼續打邊爐啦, 之後你就需要填寫一張叫肥牛啦海鮮嘅數量你一張呢係比較主要嘅火鍋配料落單只其餘嘅丸呀菜都可以自己拎～佢竟然仲有羊肉片提供呢一個真係幾驚喜!看出去食物區就會見到其他配料，邊爐配料好多大概有80幾

天氣突然變凍，就梗係要把握時機，打邊爐啦但貪心嘅我，當然唔只想打邊爐咁簡單，最好就加多個雞煲 落order叫咗個雞煲之後，就梗係衝出去睇下有咩熟食同嘢飲嘢飲櫃就已經有成四個咁多，仲有新鮮豆漿畀你自己添 而熟食大約有八款，REFILL得好快 試左餃子， 粒粒飽滿，入面仲有少許肉汁雞煲上嚟啦，只要三至五分鐘，等雞肉完全熱透就開餐醬汁惹味，仲有配菜爆香後既香味，而最重要係無偏咸過濃而且雞件份量都好多 ，絕對可以食到半飽，再出去大戰火鍋配料丸類、肉類同埋蔬菜，款式相當之豐富，相比其他火鍋餐廳真係多 咩都兩粒，要少少咁丸質素唔差，爽彈而蔬菜顏色翠綠，一兜兜咁拎都好方便仲有海鮮、肥牛、豬腩片、羊肉片同魚肉你可以點選 當中首推羊肉，羊肉味道很濃! 真係估佢唔到，因為對任食既肉類一向期望都唔會太高，所以食到咁重肉味果下，真心有驚喜每樣食少少都差唔多飽曬，係呢個時候，你千祈唔好唔記得每人仲有一杯雪糕食埋呢杯雪糕，就真係可以好滿足地離開啦總結:價錢抵玩抵食，勝在多配料亦有一定質素

同朋友行街行到累，朋友介紹去打邊爐坐下。一入到去就見到有幾種小食可以食住頂下肚先薯餅就正正常常，雞翼岩岩炸出黎，熱辣辣好好食叫左個醉雞做湯底，有成半隻雞而且塊塊都好大好多肉，有好濃既酒香味令到成個湯底都好香蜆、蝦、鯪魚球同魚片都係任叫既海鮮蜆同蝦本身都好甜，加埋醉雞湯底既酒香味真係好正任叫既肉類仲有牛肉、羊肉同豬肉片。出面仲有好多唔同類型既火鍋配料可以拎，有台灣豆腐、芝士響玲同麻吉燒等等好鐘意個咖哩丸一咬落去就有咖哩汁包出黎，而且內餡既肉碎又惹味食埋個營多就飽哂甜品有涼粉同啫喱。

今晚去左食雞煲+打邊爐。這店要上一層樓梯，沿途清楚標示時段同價錢，好清楚。餐廳都幾大，半自助型式，有d簡單的例如魚蛋/墨丸/牛柏葉/腸仔/響鈴之類就自己夾，肥牛之類就寫ticktick紙落單，個人覺得選擇都好多！不過唔記得影野食櫃肚餓得濟可以食住d熟食sin, 都唔太差~除左雞煲仲有其他選擇，不過我就係想食雞煲，所以都唔記得左其他選擇係咩雞煲份量兩人食都算多，d配料好足！雞煲好惹味，我同老公係咁食係咁食，一路話好味. 好味！順帶一提，一開始時係kum住蓋，煮一陣，店員會自己埋黎幫你搞，唔洗心急自己兜架我自己就最鐘意d配菜：洋蔥. 芫茜. 芹菜. 之類之類野飲就都好多好多選擇，同埋d野飲櫃周圍都有，總有一個o係左緊~有不同總類既汽水. 豆漿. 果汁之類之類。食完雞煲就加湯打邊爐！自助混醬~野食選擇多，新鮮，有少量海鮮送！好味，服務好，抵食，必再幫襯

今日食左個靚雞煲。好多種雞煲食，揀左醉雞煲。上菜已經聞到醉雞陣味，今晚真係不醉無歸。雞肉入曬酒味，成個煲都好香醉雞味，好很幸福呀。雞肉夠滑，皮又夠彈牙，好雞！食雞煲之前，仲有一啲前菜可以無限添加。有手拍青瓜，青瓜索曬酸辣汁，好多汁。滷汁雞腳應該整左好耐，入曬味，雞腳軟曬，口感軟又夠膠質，好味。食完雞煲，梗係無限添加美國肥牛。肥牛同醉雞煲既湯底一齊食，夹得幾好，停唔到口。任食兩個鐘，梗係要係咁食！出邊仲有好多丸同火鍋配料食，食到真係超級滿足。食到一個鐘已經好飽，太多野食。下次再黎試其他未食過既配料！

@極品煮意 鷄煲.烤魚.火煱葵芳 盛芳街40號寬德大廈2樓去完葵芳shopping,買青春便服準備去短遊，陽光與海灘，雖然在廣告內有很多小食店已吃到半飽，不過身邊同行者是傳統人，要有米飯之類落肚，那就來個打邊爐，我吃蔬菜丸類也夠了一。混醬區任食打邊爐，先剔選酸菜烤魚鍋走酸，尾魚2個人吃不完，比我手臂更長。魚肉很嫩。海鮮及較上乘的肉類可另外錢點。海鮮蜆細但鮮甜，蝦就是1人1隻奉送的。另點了很多魚實行來一個雜魚邊爐。牛豬肉片，按人頭份量就不浪費。雪櫃中丸類菜等都是自助，不用剔紙等廚房上。有小見日式台式類別。更有熟食區，可以先夾些小食邊食邊滾。當日有炸魚皮，雞翼等不停供應。冷藏櫃中好多罐裝飲品，都是任飲。更有雀巢雪糕杯，口味有數款。看到自家整的中式糖水，真材實料好多豆，添上碗降降7點45分前結帳每位$163，提早食有優惠。

朋友係葵坊返工，極力推薦這間可以選雞煲和烤魚的放題。講左咁多次我都聽到煩 XD 今日就同佢一齊來試下啦!我地七點半就到左，唔算很滿馬上就有位坐，坐多半個幾鐘已經FULL晒，出面有好幾組人係度等緊有雞煲、烤魚和火鍋選擇，口味都幾多，烤魚較為少見，我地就點了骨比較大條的鉗魚加酸菜落左最重要的order後，我們就隨便出去拿飲品、火鍋料和小食熟食小食只有幾款，炸全雞翼、菜肉餃、小炒的麻辣雜菜丸、拍青瓜、鳳爪、涼拌木耳等等種類不多但絕對夠食，別忘記吃烤魚還可以任加一堆配料去煮個人推薦必食菜肉餃，手工製作，皮薄，薄到內裡的餡料都若隱若現咁，非常好食配料櫃好有驚喜，唔係一般的平價食材，鵝腸、吊筒仔、鮮魷、豬肚等等都任你拎雖然冇問到，但我覺得這家的丸類同出面好唔同，我食左一粒叫"玉米上貢"的丸，咬落去可以用爽黎形容，超有口感而且仲有好特別的丸，比如外面係魚蛋中間係包住芋頭的丸主角烤酸菜鉗魚，二人份量來說真係好大份....本來擔心烤魚盤會唔會太淺，食完之後會唔會落唔到配料續攤，結果係完全冇呢個問題 XD 魚係事先煎香的，所以好快就滾起熟透可以開餐，肉質鮮嫩配上酸辣的湯汁很可口湯汁咁多最後當然要落個米粉吸

話說今日同男朋友友行完葵廣好肚餓，佢突然想食雞煲，所以就openrice下呢區邊間雞煲出名d! 最後揀左呢間極品煮意，都幾易搵，係運動場隔離我地食優惠時段， 加埋一total $326, 抵呀！可以揀其中一款，有雞煲有烤魚，連少有嘅川芎白芷魚頭湯都有！！真係好想試！！但男友想食雞煲就試下啦！揀好湯底後，店員叫我地填埋呢張，原來d係要落order， 其他可以係出面自己夾出面擺滿各種丸類、麵類、蔬菜同肉呀！ 個人覺得呢種設計都幾好，鐘意食幾多就夾幾多，唔洗晒！惜食 其中芝士雙響丸值得一讚呀！ 雙響丸係唔洗點任何醬就好好食! 有點粟米味，但唔會太甜，加埋芝士原來好夾！重頭戲黎啦！！招牌秘制雞煲我揀小辣，未食已經聞到幾香！ 食落麻麻地辣辣地又唔會太嗆，雞帶點甜味。店員話如果覺得唔夠辣，可以自己添d新鮮辣椒，我加左1湯匙，岩岩好！！真係愈食愈惹味呀每個飲品櫃放嘅飲品都唔一樣!! 好多選擇呀！ 我試左mango juice~ 好味！ 仲有新鮮嘅豆漿同低糖夏枯草雪櫃入面有唔同味嘅啫喱，試左黑加倫子味，食唔到魚膠粉味，又幾濃味喎熟食有6款，滷水雞腳好入味最後食左香芋西米露，香芋好淋，好有椰香，我食左

打邊爐的生料好吃，熟食亦好吃，雞煲可以再添 ...... 媽呀！只得兩小時我究竟吃甚麼才好！？ 葵芳的葵涌廣場是出名的「平民天堂」，買的吃的都應有盡有，然而平霸並非葵涌廣場的專利，因為我發現在葵芳盛芳街那邊有一間號稱是〘任飲任食食到飽 2 小時〙的食肆存在。食肆的營業時間是由 下午四時 至 凌晨二時，當中分別設有 五 個時段，全部以入座起計 2 小時，分別是 [ 輕鬆 $ 100 時段 ]，即是在 晚上六時半 前 結賬離場便可以計這個每位的價錢、其次是 [ 優惠時段 $ 138 / $ 148 ]，即是在 晚上七時四十五分 前 結賬離場的每位價錢 ( 前價是逢 星期一至四、後價是 星期五、六日、公眾假期 及 假期前夕 )、再來是 [ 繁忙時段 $ 148 / $ 158 ]，即是在 晚上七時四十五分 後 結賬離場的每位價錢 ( 前價是 逢星期一至四、後價是 星期五、六日、公眾假期 及 假期前夕 )、之後是 [ 宵夜時段 $ 138 / $ 148 ]，即是在 晚上九時半 後 入座的每位價錢 ( 前價是逢 星期一至四、後價是 星期五、六日、公眾假期 及 假期前夕 )、最後是 [ 貓頭鷹

其實坊間都有不少任食打邊爐 但就比較小係自助形式 對小妹而言 相比起寫紙仔 我更喜歡自助形式 一來可以見到邊樣新鮮,邊樣想食 二來又可以行下幫助消化 變相食更多份量既食物最近同小胖男友係葵涌廣場shopping完後就去左附件既一間雞煲,烤魚,火鍋專門店呢間極品煮意地方好大 似足平日日式放題 一上到去就見到好多個大大小小既凍櫃整體黎講 食物方面都幾多款同新鮮蔬菜類方面亦有驚喜 平日打邊爐好小見到既菜類呢度都有供應 而且一早已經一籃籃裝好晒任拎 非常方便衛生飲品方面非常多款淨係放野飲既雪櫃已經有好幾個 仲要全部唔同款另外亦有一d炸雞翼,韓式豬肉餃,糖水等熟食同甜品供應由於我同小胖男友都唔係愛魚之人 所以果日我地就揀左麻辣雞煲勁大煲!!非常足料! 雞肉嫩滑 仲可以無限添食架!由於食物不斷都有refill 所以我地分開左幾次拎野 唔怕浪費之餘 亦確保新鮮為確保衛生 肉類同海鮮就需要寫紙仔落單估唔到任食既肥牛質素都唔差 除左肥牛仲有黑豚片同羊肉片 仲有是日海鮮任食當中個豚肉片最有驚喜 爽脆嫩滑食到飽一飽仲有一人一杯雪糕 咁既價錢 真係抵