極品煮意 鷄煲.烤魚.火煱 (已結業)

與朋友去完冒險樂園玩後，我們去了附近的極品煮意雞煲烤魚火煱吃雞煲火鍋。對於任食朋友絕無抵抗力，吃完之後又可以繼續逛葵涌廣場。我與朋友都想滋潤點，所以雞煲選了#蟲草花 #椰子 #雞 煲。其實在端上桌時，就有股超濃的香氣，而這香氣當然就是來自蟲草花椰子雞煲，其湯當火鍋湯底更是美味。雞肉肉質滑嫩又有濃郁的椰子香氣，吃起來相當的多汁又鮮甜。除了選用滑溜的雞隻之外，湯鍋還搭配了顏色繽紛的蔬菜，像是蘿蔔，粟米，蟲草花，椰子等。在吃完鮮滑的雞肉之後，可以請店員倒入火鍋湯底涮火鍋。滾煮的這個時候當然要去小食吧夾點小食過一過口癮，我偏愛炸得香酥的雞翼，所以自己夾了兩隻來吃。這裡的小食部份都與雞相關，是因為這裡是雞煲煮門店嗎? 朋友也愛香口小食，不過是炸魚皮和花生，吃到有點膩時夾點爽脆青瓜消膩最好。然後我們再加入一些自己夾的蔬菜，蜆肉和丸類等一同熬煮至滾沸，將原本剩餘稀釋了的蟲草花椰子雞煲湯底再提味，那就可以享受美味的火鍋湯底，滋養極了。火鍋不少得牛肉作配料，當然我們先來一盤。雖然牛肉不是最上乘，但是以任食來說已很不錯，牛肉不乾柴且帶肥油。我覺得這裡的魚類火鍋配料很不錯，粉嫩的鯇魚片鮮美無比，只要輕涮一會

同妹妹今日血拼左成日，晚餐要食飽D， 回復體力~~去到位於地鐵站一出步行約7至8分鐘的極品煮意火鍋放題店~入到去先點湯底再點肉類，落好單後就要出動去夾野食啦~~食物分2個大雪櫃，蔬菜類，麵類，丸類，內臟類應有盡有，好似去了台灣食到飽的火鍋店咁呀~!!飲品類都分幾個雪櫃，連酒都有提供!!!熟食類有4款，可以當開胃菜食少少~~調味料要自己拎，有我最鍾意既蒜蓉及指天椒~門口位置有茶水供應，茶包都分3種，好貼心啊湯底入面既豬肚同雞都好多，味道剛好唔會太咸~~牛肉既脂肪比例都好好，唔會只得肥膏~可惜海鮮唔係任食，計人頭每人一隻蝦，非常新鮮!!甜品方面有啫喱，雀巢杯裝雪糕(每人限定一杯)，另有中式糖水，選擇都好多~~~

今日同朋友喺葵芳行完街，夜晚就食我哋最鍾意嘅雞煲！位於盛芳街嘅極品煮意距離葵涌廣場好近，行完街過嚟食晚餐非常方便。醬料區在等雞煲上桌嘅時候，我哋拎左唔少熟食醫肚。有雞翼、滷水雞腳、麻辣雜菜丸、炸春卷。另有涼拌海帶絲、手帕青瓜，真係未開始打邊爐已經飽左，哈哈！要試當然試招牌，秘製極品雞煲！（BB辣）話咁快雞煲就上桌，份量都幾多，兩個人食非常充裕。味道好濃郁，惹味到極！咁多種火鍋配料之中，個人最推介蜆！唔算肥美，但勝在夠鮮甜！飲品選擇多，挑了一些較特別的來嘗嘗，全部都好飲。最後當然要食甜品，我揀左涼粉，朋友食西米露，唔太甜，不錯不錯！呢度嘅餐具洗得唔太乾淨，但都理解，唯有自己用熱水沖一沖。以呢個價錢$148（星期一至四，7:45後結帳）來說，其實真係值回票價，食物種類多到你食唔晒，打邊爐前仲有雞煲食，總體來說值得推薦！

之前經過葵芳，見道極品主義大大個招牌，已經好想試，今日終於約到朋友來啦！要上兩層樓梯，我哋被安排坐卡位，有一大排玻璃可以望到街景，氣氛唔錯。朋友對烤魚冇乜興趣，於是我哋就選擇食雞煲。「秘製極品雞煲」（BB辣）話咁快雞煲就上桌啦，配料極多，香氣四溢！調味唔錯，非常濃郁，不過雞肉略嫌鞋咗少少。值得一提嘅係雞肉可以無限添加，真係聞所未聞啊！之後加湯打邊爐，火鍋配料超多選擇！除咗大路嘢之外，較特別嘅有：韓國年糕、香甜芋之果、台灣咖喱丸、日式脆軟骨餃子、吊筒仔、鵝腸、蜆、韓式豬肉餃子，以及生雞蛋！綠色紙都係任點任食嘅，不過由於食物實在太多選擇，所以每樣叫咗一碟就飽啦，都冇再追加。最後仲有雀巢雪糕食，口味包括：雲呢拿、紅豆、芒果、芝麻、朱古力，任君選擇。百零蚊食到雞煲同任食火鍋，呢個價錢去邊度搵！當然用料並非最上乘，但以選擇多同服務態度取勝，難怪每晚都坐無虛席啦！

同朋友去荃灣試吓雞煲火鍋任食，＄158一位就可以任食雞煲同埋火鍋配料，而且係任飲，好抵食呀，我哋即刻衝上去試吓。入到去原來除咗雞煲火鍋任食之外，仲有唔同嘅餐前小菜同埋食物可以任客人拿取，最緊要有我最鍾意嘅四季豆，味道吵到好香，而且食落去好爽口，我至愛啊。另外其他小食都好好食，包括有雞全翼、炸魚皮、炸薯餅、滷水雞腳同埋炒蜆等等，都炒得好香好好食。雞煲我哋叫咗小辣，味道有點麻辣嘅感覺，嘴唇有點痹痹地，但係非常滋味，雞嘅肉質好滑，點埋啲混醬一齊嚟食，好滋味呀。食完雞煲之後我哋再叫咗啲火鍋配料，分別有我至愛嘅美國肥牛同埋鯪魚滑，美國肥牛好大片，而且見到肥牛嘅條紋非常平均，食落去半肥瘦，容易咬口，而且放入鍋入面1分鐘左右就食得，之後我哋再encore咗幾碟，正！除此之外，我哋仲叫咗雲吞、金菇、蔬菜同埋羊肉片等等，而且仲可以自己出去任攞火鍋配料食物，火鍋配料食物每一樣都好新鮮，食完都覺得值回票價啊。飲品方面除咗汽水、啤酒之外，有我朋友最鍾意嘅自家製洛神花茶，火鍋必飲的涼茶，除咗可以清熱氣、解渴之外，原來仲可以養顏，難怪咁多女士們飲呢一隻飲品。最後我哋每人揀咗一款味道嘅雀巢雪糕，而且有好多唔同嘅味道

平時好少去到荃灣，見到有一間專食烤魚雞煲火鍋專門店餐廳，就同朋友兩個人去試吓，而且係一個價錢任食任飲的，唔使成日計住計住叫嘢食。逢星期五六日，九點半之後入座都係＄158一位，非常便宜呀。入到去環境都舒服，而且有好多卡位，另外位置都好寬闊，除咗雞煲之外，原來出面都有好多自助食物同埋飲品隨便拎，非常方便，自助食物包括「炸雞翼」、「滷水雞腳」、「炸薯餅」、「豉椒炒蜆」等等。另外仲有啲開胃前菜，分別係「涼拌海帶絲」同埋「手拍青瓜」。我最鍾意係「滷水雞腳」，煲得好「林」，而且好入味，正！之後我哋叫咗一個「秘製極品雞煲」，我哋叫咗最少辣。雞嘅份量都比較多，而且啲雞非常入味，仲有少少麻辣嘅感覺，好刺激啊。食完個雞煲，梗係要叫啲任點任食嘅食物再填下肚，任食嘅食物有多款選擇，不過如果想叫海鮮就要另外收費，價錢都非常抵，值得叫！套餐每人送一隻海中蝦，隻蝦仲識跳添，非常生猛，海中蝦放入鍋入面唔使幾分鐘就可以食得，肉質好爽，而且好有新鮮嘅海鮮味道，必食！之後當然唔少得叫我至愛嘅「美國肥牛」、「雲吞」、「金菇」、「羊肉片」、「手打鯪魚滑」、「鯇魚腩」等。我最鍾意佢嘅「羊肉片」，食落去唔騷，而且啲肉好軟林林，好正

今日同朋友去完葵涌廣場出血之後，搵個地方補充體力係地鐵站出左行過去唔需要十分鐘距離既樓上，會見到哩一間火鍋放題坐位唔會好逼，而且地方好大，一直行入去都仲有好多位點單既食物唔係好多，主要係肉類其他雜丸，內臟類食物，菜，麵類都要自己出去攞，選擇好多睇到眼都花啊調味料區選擇都好多，而且佢地既指天椒都真係幾辣，唔太食得辣既朋友就唔好落咁多啦火鍋未上前可以先食住4款小食頂下肚先覺得只食火鍋唔係好滿足既朋友，今次可以食飯啦而且哩度仲可以自己沖一壺茶~唔需要一杯一杯咁自己出去斟比較遜色就係哩度只有每人一隻海蝦，唔係任食肉類好肥美~不過每一盤既份量都唔多，可以 encore多幾次其實現場仲有雪糕架，不過每人只有一杯，走時攞走左食，一邊行一邊食，連相都唔記得影啊！！雪糕櫃係門口位，大家去食時記得要食埋雪糕啦～係雀巢嘅杯裝雪糕

踏入炎夏日子，而家放狗時間要等太陽伯伯收左工先，有時都要成七點先放到狗。放完狗返去清潔埋，再餵埋佢地食晚飯先，所以搞到成9點幾10點先輪到我地出去食飯。我地入座已經過左9:30了，宵夜時段只需$138，價錢認真吸引。先選擇煲類，再揀肉類放題。自選煲類選擇相當多，雞煲同魚煲都各有5款，但呢輪食得太多肉了，所以唔揀雞煲啦，最後我地揀左川芎白芷天麻魚頭湯鍋。Order完湯底，梗係爭取時間出去望下有咩食同有咩飲啦。除了汽水外，仲有冰紅茶、水蜜桃茶同埋冰糖雪梨茶都有。另一個櫃有韓迷最愛嘅忌廉溝鮮奶(多款口味)，仲有番石榴汁添另外，門口有幾款熟食可以選擇，有薯餅、麻辣什菜丸、滷水雞腳....好多選擇。火鍋配料都多到成櫃都係架，除了一般粟米、豆卜、魚旦、牛丸外，比較少有嘅午餐肉、苦瓜都有，而且最頂層仲有烏冬同出前一丁，全部都係任食架。返到位見order左嘅安格斯肥牛同特級豬梅肉片到了，賣相吸引。老婆大人就話我成日食肉叫我食多啲菜喎湯底來了，好香呀。係川芎白芷天麻魚頭湯。呢個湯營養價值相當高，專治痛症，而且益氣活血，而且佢無一般藥材湯咁重藥材味，我決定飲番碗先再打邊爐。先黎淥左啲蝦同蜆先，蝦唔算大隻，

極品煮意烤魚，雞褒，火鍋，此為放題，即是，任飲任食的專門店！👍在這裡，雞褒的都有好幾樣的，有秘製極品雞褒，咸菜猪肚，砂鍋云吞，滋補醉雞鋼的，那我們就選擇了此蟲草花椰子雞褒椰子味，香氣撲鼻的，雞肉也足份大大的呀！肉也嫩滑的，黄油雞皮還是挻香滑的！👍原褒內己有紅蘿蔔，元茜，玉米及蟲草花等，還可自助加上了豆腐，玉米等的好食材來樂享的呀！😁鯇魚骨腩，美國安格斯肥牛一見到那就是極為新鮮的鯇魚骨腩啦！👍👍👍份量像是欠了點嘀！😜可別忘了呀！還是可以繼續不斷地添加上的啊！😁😁😁只要大家能多多吃吃的，就可滿足夠的啊！👍👍👏魚肉鮮甜無比的，同也夠滑嫩的呀！👍👍👍美國安格斯肥牛及美國肥牛，那外表，我都是分不開的，咱們只管吃呀！😜入口感覺是嫩滑，有牛肉的香味，也是夠啦！😁鯇魚片，豆卜，面籐，木薯粉，鮮腐竹及魚皮年糕嚐到了魚骨腩後，也嚐嚐魚片的，同是鮮美味可口可呀！👍那些面筋，腐竹，木薯粉等都是我們的至愛美食的呀！👍😁😁木薯粉極之烟銀，爽滑滑的，一溜溜就進入口中的呀！好吃得不得了呀！😁😁😁芋頭，凉瓜，大白菜，南瓜，菜心苗等蔬菜及午餐肉等等⋯⋯其中，那芋頭是特如此的粉粉香香極啦！👍真不想再形容那Feel的啊！👏👏

喺荃灣廣場行完街，因為中午都冇食淨係掃咗少少街，所以都幾肚餓。呢個時候最抵食梗係去食啲任飲任食嘅餐廳啦。話明任飲，飲品都多種類。依家雞波梗係以多肉為主啦，大家都不相伯仲。今次個雞煲呢香味四溢，有哂芫茜依個拍擋，點會少味呢。雞肉呢件數都多，食落唔會太肥膩，去雞皮好易。果願意食雞皮嘅朋友都應該幾鍾意食，因為多沾滿汁同無乜濃。當然唔會每件雞都好滑，胸肉話滑都係呃人。飲品有少見既香蕉味wow，飲下。主要係韓國飲品同康師父。啤酒有4種，大陸到ice都有，仲有低糖五花茶，好齊全。調味料就係隔離！小食區都有8種野，包括魚皮，辣雞腳，滷水雞腳等。滷水雞腳好入味，正膠膠，花生煮到林哂。魚皮脆脆，轉頭點湯正。送蝦比我地，有無限拎既峴，用水浸住都無沙頭！仲有吊魚筒幾爽，其實真係好多野食，食唔哂！凍區仲有烏冬，公仔麵，不同既丸仔，金茄同菜咁，菜芯苖好。成個豆腐比我夾正，yeah，好食！我即刻放下雞煲wakakaka，入下豆腐味。仲有豆波 枝竹依d豆類品，特別係山根吸味之選！仲有木薯麵，健康下。魚蛋非常彈牙，燕麥貢丸好特別，其實冇乜特別但係感覺上健康啲。韓國年糕好食，但要快手不要痴底呀。講返個雞煲，蟲草都多，雞

昨晚和朋友宵夜，去了葵芳盛芳街40號寬德大廈2樓的極品煮意，這裡晚上10:30後入坐，成日每位$100食雞煲放題，真是好扺食。我們點了蟲草花椰子雞煲，另外還有肥牛，豚肉，魭魚片，丸類，疏菜外類，一些常有的火鍋配料外，最驚喜還福麵，福米，出前一丁及印尼撈麵，而且有極多款飲品選擇，有玉泉的忌廉牛奶等未開始食火鍋前，現成的煮食是最好的用來醫肚了。如果$100放題來說，這樣的肥牛質素算OK了吧還有大大隻海蝦最驚喜是有福麵，福米和印尼撈麵，都係正到一個點還有很多雪糕選擇，吃完火鍋，食返杯雪糕好消暑啊結總：10:30PM後，成人每位$100，實在勁抵食，適合夜收工，或食宵夜人士

我們深愛的管家仔因為步入老犬期，所以關節一直在退化，起身都非常吃力，很多時都需要我們扶牠一把，牠來能站立起來，加上氣管開始差，有收窄的情況，所以今天請美容師為牠剪掉流了12年的披毛，以減輕關節的負擔，及不用再被心口厚厚的毛擋著呼吸，說實在的，看見牠身體正處於衰退階段，我們都很痛心，我們在寵物店外偷看已剪掉毛的牠時，真的差點哭出來，原本帥氣的外表不見了，而且更清楚看見牠已彎曲的四肢，更加提醒我要加倍加倍的珍惜仍然能相處的日子，只要牠們活得快樂健康，作為媽媽的已經是最大的滿足了﹗管家仔第一次剪毛，一剪，就3個多小時，所以今晚我們又要做夜食一族，九點送牠回家，抺身後便要平衡一下自己的心情，所以駕車來到荃灣找雞煲吃，台頭正好看見極品煮意 鷄煲.烤魚.火煱的招牌，所以就上樓了﹗星期五六日及公眾假期9點半後入座每位只需$138，這個價錢好經濟，而且是任飲任食的，一於大吃一餐以排走不快的心情，最近都常食雞煲，所以既然有得選擇，當然試試烤魚煱，湯怪Nosir選了川芎白芷天麻魚頭湯煱，聽名稱就覺得很滋補了﹗擺放熟食的熱爐不算多，但食物會不斷轉款，不會重覆﹗自助火鍋材料應有盡有，大家想食甚麼或吃多少份量都

如果喜歡飲啤酒嘅話，你一定要去此間位於葵芳盛芳街㗎「極品煮意」任飲任食兩小時火鍋店。地點好方便，只要去到葵芳地鐵站經葵涌廣場2樓出口天橋直落，見到「松齡護老中心」，中心對面就係火鍋店。首先擇左個番茄蓉豬骨湯煱，每人送一隻海中蝦，番茄酸味味，豬骨件數多，大大嚿，煲過嘅豬骨，豬肉好腍，食落仍然保留鮮甜肉汁味！火鍋店內擺設幾個凍櫃，讓食客自行任取食物，食物款式應有盡有，有炸支竹、甜粟米、龍蝦丸、豬紅、白蘿蔔、云耳、雞髀菇、台灣百貢豆腐、炸魚蛋、冬菇、芝心丸、生根、雞蛋、年糕、紅腸、菜有生菜、翠玉瓜、勝瓜、涼瓜、蘆荀、芋頭、芽菜.......唔夠飽仲可以攞包麵，有烏冬、福字麵、出前一丁！實在太多，真係講唔晒，至於任點食物我只叫了一客肥牛、一客鯇魚骨腩，睇見一條長長嘅肥牛，睇見都流晒口水，魚腩肉好滑。甜品任食，有涼粉、啫喱，每人仲有一杯雪糕添！飽到行唔到，真係好抵食！

每位$148任飲任食兩小時响荃灣周圍都有，但係要等位等好耐，環境又嘈吵，真係冇癮！但係「極品煮意火煱店」就唔同，位於葵芳盛芳街，交通方便，搭地鐵去到葵芳站，經葵涌廣場二樓天橋就到。揾位易，環境唔迫，枱與枱之間唔會太近，唔怕說話被人聽到！店內飲品任取任飲，竟然有啤酒，真係好少有！自選火鍋，我點左蕃茄蓉豬骨湯，因為蕃茄可增加食慾，豬骨煲湯夠清甜。店內凍櫃有幾個，擺滿食物，起碼有二、三十款，有炸支竹、甜粟米、龍蝦丸、豬紅、白蘿蔔、云耳、雞髀菇、台灣百貢豆腐、炸魚蛋、炸魚片頭、白魚蛋、鮮冬菇、芝心丸、玉米貢丸、白蘿蔔、生根、雞蛋、年糕、紅布腸、廚師腸、土豆片，菜有幾款—翠玉瓜、勝瓜、涼瓜、蘆荀、芋頭、生菜、油麥菜、芽菜、日本烏冬、福字伊麵及米粉。打邊煱怎可沒有肥牛，我只係叫了一客肥牛及一客鯇魚骨腩，因為實在太飽！飯後甜品有涼粉、啫喱，係任食，最後各人還有一杯雪糕！$148好抵食👍

葵芳有間好親民嘅火鍋放題店，裝修係好典型嘅火鍋店，勝在座位好闊落，環境又靜，好岩一家大細黎食野。係半自助形式嘅放題，出面有d冷盆小食好似炸雞翼、滷水雞腳、刀拍青瓜同糖水可以自己拎。有菜類同丸類，望落最少都有30幾種選擇。 自選煲類有秘制極品雞煲、咸菜豬肚雞煲、蟲草花椰子雞煲等。另外仲有唔同嘅烤魚煱，總共有13種咁多！炸雞翼。雞全翼都幾香，上面有一啲懷鹽係上面，食落幾香草。鹹鹹地嘅鹽香味，雞翼有小小大隻，都幾難拆骨食曬佢。不過真係幾好食，唔會太油。秘制極品雞煲。中辣雞煲份量好多，二人份量最小都有半隻雞咁多。一打開蓋好大陣辣椒味傳黎，好香。雞肉索曬辣椒嘅味，加埋調味料真係食到停唔到口！食落唔算太辣，食得辣嘅一定要叫大辣。雞肉嘅味到唔係死辣，仲好鮮味，雞肉都好嫩。冬瓜、生根。雞煲嘅汁好好味，我地加左幾片冬瓜同生根落去。個小小汁唔夠淥熟冬瓜，我地係靠個底嘅熱力烤熟佢，所以冬瓜索曬啲汁嘅味，食落好夠味。生根有小小硬，都係沾滿曬汁。好左！食完個雞煲就可以加豬骨湯變火鍋啦，仲有除左出面嘅菜、丸類可以夾之外，仲有美國肥牛、五花豬腩片、羊肉、鯇魚等任叫！湯底都算濃，又有雞嘅辣同鮮味。吊筒仔。睇落細細隻，