影片
更多
2017-01-06
1208 浏览
葵芳真係發展得好快，完全唔係我以前同同學放學去行街買平野個樣，新都會真係同油尖旺大商場差唔多。一般商場大舖基本上個度都有齊，咁當然野食都...要返咁上下價錢。不過今次朋友就帶左我去食呢間抵食雞煲，距離地鐵站都係7分鐘度。大家樂上一層就係，好當眼! 黃金時段都係$148加一... 真係旺區做唔到! 雞煲都分4種味，咸菜同醉雞真係好想試... 不過兩個人食唔曬廢事蹝野。所有野都係自助.. 不論斟水定拎熱食，連雞湯都係自己拎。好彩自助d人都唔會搞到好污漕周圍都係! 幾Surprise都有幾多款麵食，連印尼撈麵同福字米粉都有!第一次食試招牌野就冇錯。叫左秘製極品雞煲，雞好大件同入味，呢種醬油色澤就係雞煲fans最鍾意架喇! 煮煮下會留意到有香葉一齊煲，唔係淨係落人工調味料。淨係食雞會太dry，食左10分鐘左右已經忍唔住要開始打邊爐。又雞煲又打邊爐太多野，照舊淨係重點推介3樣:1. 是日海鮮: 今日係蜆，洗得乾淨冇沙，同埋唔係渣野，煲左一陣都冇縮到細細粒。每次份量唔多，所以可以試下一碟先。因為我覺得海鮮新唔新鮮呢樣野真係撞彩，試過打邊爐叫左蜆，縮到影都冇埋，個湯搵唔到，雖然唔使另外加錢，但叫得多
大家樂上一層就係，好當眼! 黃金時段都係$148加一... 真係旺區做唔到! 雞煲都分4種味，咸菜同醉雞真係好想試... 不過兩個人食唔曬廢事蹝野。
所有野都係自助.. 不論斟水定拎熱食，連雞湯都係自己拎。好彩自助d人都唔會搞到好污漕周圍都係! 幾Surprise都有幾多款麵食，連印尼撈麵同福字米粉都有!
第一次食試招牌野就冇錯。叫左秘製極品雞煲，雞好大件同入味，呢種醬油色澤就係雞煲fans最鍾意架喇! 煮煮下會留意到有香葉一齊煲，唔係淨係落人工調味料。
淨係食雞會太dry，食左10分鐘左右已經忍唔住要開始打邊爐。又雞煲又打邊爐太多野，照舊淨係重點推介3樣:
1. 是日海鮮: 今日係蜆，洗得乾淨冇沙，同埋唔係渣野，煲左一陣都冇縮到細細粒。每次份量唔多，所以可以試下一碟先。因為我覺得海鮮新唔新鮮呢樣野真係撞彩，試過打邊爐叫左蜆，縮到影都冇埋，個湯搵唔到，雖然唔使另外加錢，但叫得多又會好曬。
2. 雞翼尖: 個樣係就係冇咩特別... 但基於俾左錢就試下ge前題下，夾左一隻試。雞肉好入味，好似落重豉油醃會好咸咁，其實都唔係。個樣似炸到燶燶地，但d肉都冇過火，都仲係嫩ge，真係唔好睇佢其貌不揚。
3. 墨魚丸: 我都估唔到會推介呢樣。以為佢同一般墨魚丸一樣，但係咬落去會見到粒粒墨魚，而且膠味唔重。
估唔到呢個價可以食到雞煲打邊爐，通常呢個價淨係勉強可以食任食打邊爐，但呢度仲有甜品汽水任食任飲，真係值得一試!
P.S 入門口已經見到好多口味ge雪糕: 朱古力、芝麻、芒果、紅豆... 同朋友都唔想曬野，食得太飽食唔落雪糕，就諗住走啦，點知個staff好nice咁話「既然包埋點解唔要呀? 拎走都好呀ma!」所以帶走兩杯雪糕，真係又食又拎!
张贴
