極品煮意 鷄煲.烤魚.火煱 (已結業)

為了吃火煱，可以去到幾盡？由於工作繁忙，忙得下午簡單吃點麵包之後，便繼續工作。經過一天的辛勞後，終於等到收工，是時侯去吃餐飽，慰勞一下。這次去到葵芳，一走出港鐡站，便見到兩大商場，一邊是由新鴻基地產興建的新都會廣場，是區內較高檔的商場；另一邊是由南豐集團興建的葵涌廣場，雖然商場檔次不高，但卻是葵芳區內，甚至已經成為香港的著名商場﹗雖然兩個商場都有不少食肆，但要吃火煱，就可能要行遠一點，穿過葵涌廣場，去到盛芳街一帶。這裡是葵坊的舊區，隱藏了不少性價比高的食肆。這次來到極品煮意，是一家任飲任食的火煱店，正確一點來說，應該是可以一煱兩吃。由於實在太肚餓，所以先點了一個雲吞雞煲然後再去食物櫃走個圈，挑選喜歡吃的東西。教人驚喜的是，原來場內還提供了熟食，如炸薯餅、海帶伴涼菜、蔬菜等，而且仲有湯和糖水。對於極度肚餓的我來說，簡宜有如沙漠中的綠州﹗也是由於太肚餓的關係，所以一口氣點了多款肉片，包括肥牛、豬腩片、羊肉片、魚片、魚滑等等‥‥飲品方面，可以留意一下一款 Cream Soda Zero，好飲得來又0卡路里，感覺不錯﹗ 在瘋狂的吃吃吃，終於吃飽了，又是滿足的一餐﹗ 

早2日去左食呢間雞煲，係樓上鋪，7點鬆d已經好多人，呢度冇豪華嘅裝潢，但係一啲都唔迫，一路行入去見到其實佢有好多唔同既選擇食物係櫃到，有寫明係乜嘢嘅食物，分類得好簡單程式都幾整齊！坐低之後就揀咗個蟲草花椰子雞煲，因為呢個我哋都未試過，而且又好似好滋補！等候嘅時間我哋就出咗去攞嘢食，佢凍食同係熟食分開擺，仲有湯飲添！熱食就有炸雞髀同滷水雞翼，仲有炸魚皮同雜菜丸，每樣都拎咗啲返去試吓！食落都好夠味，最好食係豬扒同雞翼，好香口！好快就上咗個雞煲，味道清甜得黎又有滋陰功效，好岩夏天！啲雞件索晒啲未，雞肉夠嫩滑，湯底仲有其他配菜好似有蟲草花同粟米咁，令到湯底更清甜，呢個咁特別既湯底都係第一次試到！雖然雞件份量唔多，但2個人都好夠食！送左2隻海蝦比我地，好鮮甜！出去拎咗啲嘢飲，淨係飲品櫃都好似有四個，總之平時飲到既都有，櫃子放滿了各式飲品，從熟悉的可樂、啤酒，到韓國檸檬茶，中國烏龍茶，應有盡有，樣樣齊！真係幾好，鐘意飲咩都有！我哋就出去攞咗啲鵝腸同肉片同埋啲丸類，好就好在只係鍾意食咩都可以自己又任攞！d人都守規矩唔會拎太多，連即食麵，烏冬，粉絲都丫！但係我哋奇怪點解會冇肥牛，打邊爐點可以少得肥牛，

去到葵芳一間雞煲烤魚火鍋專門店，當然要試吓佢嘅放題任食啦，呢一間叫做「極品煮意鷄煲烤魚火鍋」喺葵芳區比較有名的，經過我朋友介紹兩個人就上去試吓。上到去坐低，店員向我哋介紹有幾款火鍋、雞煲同埋烤魚選擇，選擇完之後，我哋就出去睇下有乜嘢火鍋配料同埋小食飲品可以食住等。近門口位置有差不多10款開胃小食，以自助形式供應，每一款食物我哋都攞咗少少，包括有「滷水雞腳」、「炸雞翼」、「炸魚皮」、「手拍青瓜」等等。估唔到「滷水雞腳」滷得好林，雞腳非常入味，一次過食咗五隻。雞煲就係「秘製極品雞煲」，雞煲亦都有辣度選擇，我哋唔係太食得辣，所以叫咗唔辣，一邊煲一邊聞到好香嘅雞煲味道，而且雞件非常多，驟眼睇都睇到有一隻雞嘅份量，雞煲肉質滑嫩，而且好入味，大多數都係肉多過骨頭，食完之後可以加湯打邊爐。配料方面，除咗有兩張點菜紙之外，出面亦都有自助形式嘅火鍋配料比客人任食，而且擺放得好整齊，分類擺放好。海鮮更可以以優惠價錢追加，另外「美國肥牛」、「五花豬腩片」、「蒙古羊肉片」、「鯇魚片」、「鯇魚骨腩」同埋「手打鯪魚滑」都係任食，真係值回票價。每一款食物都好新鮮，而我最欣賞就係「蒙古羊肉片」同埋「鯇魚骨腩」。羊肉好

今次去到「葵芳極品煮意鷄煲烤魚火鍋」，嘅首先嚟到一定要食佢呢度嘅雞煲，呢度嘅雞煲很特別，他們用了特別嘅醬汁整成「惹味雞煲」，半隻份量同一隻份量都很足夠，配料很足，雞肉很嫩滑， 有少辣至中辣到大辣不等，醬汁很特別很惹味，每件雞食落口都唔會覺得「鞋十十」，反而啖啖肉，再加埋佢洋蔥同青椒好新鮮好鮮甜，客人嚟到呢間舖頭一定要食呢到既雞煲，的確很惹味一流。呢度還有很多配料任君選擇， 食完雞煲當然要食香港人至愛嘅打邊爐， 配料多不勝數，有。新鮮嘅「肥牛」，「墨魚丸」，「牛丸」，「牛柏葉」，「芝士腸」，新鮮嫩滑嘅「雞肉」，「粟米」，「娃娃菜」，「唐生菜」，「菜心」等等，很多選擇。呢度還有多種新鮮「特級肥牛」任君選擇。我最欣賞係肥牛， 餐廳選用牛頸脊，牛頸脊灼到6，7成熟，食落口相當肥美，一啲都唔會覺得韌，所以是餐廳必叫的食物。還有「手打墨魚丸」， 墨魚丸相當新鮮，食落去好鮮甜，淡淡墨魚味，正。「手打牛丸」好有牛味，而且好大粒， 大大粒牛丸灼完之後，放落口相當有牛味，值得一試。 「新鮮牛柏葉」一啲都唔會覺得韌，食落好鮮甜，好爽脆。最特別嘅係他們有自助餐式嘅美食，很多選擇。包括有「花生雞腳」，「椒鹽豬扒

 呢一間係我食過又抵又好食的雞煲。由於我食唔到辣的關係，叫左一個唔辣的雞煲，但都比我想像中濃味，個汁超好食！ 個到的雞又好滑。餐廳都仲熟食區，有雞腳有好多其他的熟食，趁個煲滾就可以去食下醫下肚，質素都唔差嫁！仲有湯添。食完個雞煲，到打邊爐的時間了，牛，豬同魚係任叫的，其他的野食都有凍肉櫃夾，種類好多，無聊肉還是蔬菜都好新鮮，價錢唔貴！性價比超高！所有牛、豬和魚都需要另外填點單紙並交比職員的，好似會新鮮過擺係凍肉店自己夾。不過每一份肉都係得2塊，所以如果同行有好多人的話就可以一次過叫多幾份。出到去都有好多種類的食物可以打邊爐，有菜、有丸、有豆類的野。餐廳有好多飲品，種類都好多。值得再來食多一次!!!

葵涌廣場一向都是女人的天堂，我每個月總會跟好友去血拼一番! 只是每次為了血拼，便要犧牲晚飯時間，因為血拼過後，多數餐能都收了，只能吃小食。為了跟好友既可血拼又可以坐定定吃一餐，終於讓我找到在葵涌廣場天橋可直達的一間餐廳。極品煮意是任食火鍋，最適合火鍋精，最令人驚喜是這間店有宵夜時段，10點半後入座，每位100大元，真的好抵啊!座位也算不錯，舒服的椅子呢!我們點了蟲草花椰子雞煲，好足料!有蟲草呢，有雞，有粟米等配料待滾起時，出面有少量熟食提供，可以暫時用來醫肚放題來說，飲品選擇多好重要呢! 這裡的飲品選擇多，想飲幾多都可以有別於一般放題，這裡有些食物是自己去取的，想吃多少便取多少，其實我比較喜歡這種模式，因為可減少「等食物」的時間，要知道放題是分秘必爭的，另外也不怕出現「漏單」的激心情況食材選擇也很多，說得出的都幾乎有當然少不得牛肉片及豬肉片，這些是落單送上的，但一樣是任食，以這樣的價錢，豬肉牛肉片的質素也是不過不失呢!全晚最驚喜是麵食類，居然有福麵、福米，還有印尼撈麵! 我也忍不住要點一個來吃!雖然平時都會間中吃印尼撈麵，但在火鍋放題來說，真的沒有試過呢!  所以覺得很特別，一定要試試

同朋友去左葵芳打邊爐地點同地鐵站距離需步行約十分鐘都幾方便 附近有冒險樂園tim 😎我玩完先同朋友會合食飯一去到人流都多坐位空間舒服 打邊爐太逼唔好的野飲自取 都多選擇有好多款配料 同食材選擇 好少店鋪有咁多最特別就係有印尼撈麵 正呀仲有出前一丁 都幾重本🙈等唔切打邊爐 仲有少量熟食可以選擇都幾好食 有開胃菜 / 主食椰子雞煲湯底 一睇賣相都知新鮮好味價錢又唔貴半隻雞 份量足料隨意自己走左去夾少少野食我朋友夾得比較多 我選擇普通常見既食材😋😋整體值得去試下 有印尼撈麵呢樣我最喜歡

早幾日收工 俾朋友叫左去葵芳食雞煲本身好攰諗住唔去架啦 點知有驚喜價錢唔貴但又好好食 本身諗試下食辣既 不過朋友食唔到辣 所以食左個唔辣 秘制極品雞煲 d雞好入味 食完d雞就梗係打個靚邊爐啦.係邊爐方面肉類方面係任叫既 牛 豬 羊 魚 應有盡有 另外菜類丸類就係自助式咁攞 仲有好多麵款米線烏冬真係幾大食都冇問題👍🏼.除左呢d之外 佢地仲有d小食 甜品提供俾食客 有雞翼 雞腳 青瓜 春卷 西米露等等最後就梗係有雪糕啦 一人一杯另外仲有啫喱 涼粉 自製涼茶揀不過我d朋友已經飽到食唔落啦😂

今日同朋友去左葵芳行街，無意中見到我同朋友都鍾意既雞煲，所以諗都唔諗就入左去食。入到餐廳入面，發覺呢度冇其他火鍋餐廳咁多油煙，環境都幾好，餐廳安排左一個卡位俾我地，都幾闊，空間感幾好。當然我地點左我地最鍾意食既雞煲，落左單之後，好快就已經送上雞煲，效率十分高，對於我呢D一見到食物就流口水既人黎講，簡直係天堂，雞煲上枱之後，好快就食得，一食落口，雞味已經滲晒出黎，香氣四溢，所以我地都停唔到口。食晒D雞之後，我地咁大食，當然唔夠喉喇，呢度同其他地方一樣，可以叫唔同既配料，所以我地叫左肥牛、菜等等。至於海鮮方面，我地叫左很多串蝦，放係火鍋入面好快就熟，蝦肉肉質彈牙，超正。至於熟食方面，都幾有驚喜，我地叫左雞翼同薯餅，兩者送上枱的時候，都是新鮮滾熱辣，味道適中，不會太咸，真係超級驚喜。總括而言，呢次既雞煲真係食得高，適合岩岩行完街血拼一輪之後的朋友，有機會可以黎試下。

係附近行完街，夜晚就帶埋屋企人一齊黎食雞煲，因為係openrice見環境都坐得舒適。因為同行家人唔食辣，所以點左個唔辣嘅雞煲，雞嘅份量都ok，唔會太少。今次係我第一次食唔辣既雞煲，估唔到都咁好味，冇左辣味反而好夠雞味同埋洋蔥、香料味更出！餐廳送咗海蝦比每一位客人，一望落去已經覺得好新鮮，食落去好鮮甜呀，所以我地加錢再點。呢度仲有好多任點嘅配料，亦有20幾款係要額外加錢。除左配料之外，仲有熟食提供。我最鐘意就係燒雞翼同埋辣椒雞腳，超正！熟食keep到啲溫度，味道都唔錯，雞腳有麻辣嘅感覺。飲品、醬料都係自助架！

去葵芳通常都會去葵涌廣場或者隔離個商場食嘢，經朋友介紹下先發覺原來葵芳仲有其他好嘢食！其中一間就係極品煮意，佢嘅賣點就係雞煲火鍋放題，$150都唔洗！放題依個價錢係香港來講算係好抵架啦~飲品、火鍋配料、熟食種類眾多~ 特別火鍋配料除咗蔬菜類同丸類之外，仲有海鮮可以選擇！當中有魷魚、硯。特別硯肉新鮮肥美，而且係冇沙及大舊肉。如果覺得食火鍋好油膩嘅話，出面有好多蔬菜比大家選擇，簡直係好貼心可以清一清油膩感~除此之外，當然係唔少得肉啦~ 有美國安格斯肥牛、羊肉片、魚片、魚滑、豚肉片等等..... 本人特別推介美國安格斯肥牛，因為脂肪比例平均，而且牛肉味極重，鍾意食牛肉就啱晒啦!!!!!係時候要講下主角啦！就係秘製極品雞煲！餐廳選用秘製配料，令到啲雞肉好入味之外，而且好嫩滑肥美。味道方面，醬汁唔會太過鹹，調味唔錯，仲好濃郁添!! 同朋友行完街喺度食嘢唔錯~ 嗰度有卡位方便一家大細或者一大班朋友喺度食。總括嚟講依間餐廳既雞煲好味之外，配料選擇多，而且價錢亦都唔貴。所以大家下次都可以係呢一間試吓!

平日行完葵涌廣場都會係葵涌廣場食嘢但係今日朋友話想去個有得坐嘅地方食下野 傾下計 坐耐啲所以我哋就去咗食雞煲見到價錢合理所以就試一試.入到去見到地方面積都頗大有好多飲品櫃十分多選擇而且亦都有熟食嘅部份淨係雞煲味道都已經有五款口味選擇我地揀左秘制極品雞煲雞煲未到我哋就先夾左熟食試一試有炸雞翼 滷水雞腳 麻辣雜菜丸 炸春卷等等如果冇晒會有另一款其他嘅食物上.有炸雞翼（雞全翼）外貌十分吸引有啲制醬汁醃過再加大蔥所以一食就覺得肉好滑而且煮得好入味我都有再夾食多兩隻.食雞煲打邊爐梗係容易口渴但係呢一間比較多飲品選擇我亦都最有興趣係飲品方面有啲特別嘅飲品例如荔枝芬達同奇異果+CMILKIS 忌廉溝鮮奶系列都有分唔同嘅味道除咗完美之外仲有桃味同橙味 十分特別仲有自製低糖健康五花茶亦都有一個甜品嘅區域有涼粉可以下火 Jelly 同雀巢雪糕.雞煲食完之後梗係打邊爐啦任飲任食有美國肥牛 美國安格斯肥牛 五花豬肉腩 特級豬梅肉片 蒙古羊肉片鯇魚片 鯇魚骨腩 手打鯪魚滑各式各樣牛肉 豬肉 羊肉 魚肉 任揀任添我特別喜歡食魚 肉質新鮮可口 所以不停再叫其他配料方面亦都有海鮮例如 蜆 魷魚 蝦丸類 菇類 蔬菜瓜類

葵芳廣場人人識，盡時無數既小食小食同小食，正餐都有粉麵個d。係暑假尾升，我地要賀一賀佢，食雞煲。環境都唔錯，有car位望下街景，唔會好大味。依到有小食area，有辣既同滷水雞腳，仲有麻辣丸豆，等等。滷水雞腳好濃味同好林，丸就辣既，食少少。仲有炸物，仲有仲有糖水，好充料唔係得糖既水！低糖綠豆海帶微甜，算多豆呀。醬油個d選擇唔到，基本款，我地都覺得煲已經夠味，唔落汁醬都可以嫁啦。飲品櫃有啤酒 汽水 韓國飲品都有，有啫哩同涼粉甜品。我地擇左砂煲雲吞雞煲，材料份量足同帶香既，有層油可以整走佢既。仲送兩隻蝦呀。雞肉雖然煲咗一下，但仲係好滑，好香雞味。大家要快啲食，因為好怕佢會老呀！老左就浪費左佢既鮮！湯帶濃雞清湯，所以食落好香雞味。仲有兩大個大凍櫃係火鍋食品，麵食 丸類 菜籃 雞牛件 菇類豬紅都盡有，以價錢嚟講都幾豐富選擇。水魷魚 台灣西貢豆腐同普通豆腐都有。仲有魚腐 魚皮餃就肉少，但皮都好夠味。仲有蜆都係任食，無沙又叻喎，一口肉甜甜地！白魚蛋彈牙帶咸，墨魚丸實在d！豬肉骨餃子好細加菜包住，無咁硬身，更好，最多口味的一款！金菇 炸響鈴都細細地，脆口！爽木耳 粟米 蕃茄做加味湯底一流。包心芝士丸同

Walked into this place at 8:30pm on August 7 2017 We were a party of 7 and all guys. We ordered 2 of their famous Chicken hotpot and added a crab for each hotpot. While we waited, there are also hot dishes for you to snackon first. The soup was really good along with the chicken wings. There are tons of drinks for you to get. Soda, Juice, Beerand more was all offered with NO EXTRA charge. Once we were finished with the chicken hotpot you get to addwater and get more stuff to hotpot. There was to

無飯屋企既我，今次去到葵芳搵好嘢食。又真係俾我搵到喎！依間任飲任食價錢真係好合理，而且食物水準唔算差，快d跟我睇下啦。一開始你要揀烤魚定雞煲，食完可以打邊爐咁食其他嘢。有好多食物揀架！但某D食物要加錢，除非你好想食，如果唔係d任食既已經好足夠。其他生既食物係出面攞。放得好一目了然，又好乾靜，真係睇到都好安心。有出前一丁啊！未有得食主餐之前可以出去攞熟食，所以唔使白等！d 熟食係熱既，樣樣都唔差，真係要忍下口，唔係打邊爐時就食唔落啦。推介下，依個丸好好味好彈牙！炸雞翼好搶手，每次一出就好快俾人攞晒。不過唔使怕，依間嘢refill食物既速道好快，實會攞得到！飲品都好多選擇，而且係免費既！要讚下第一張圖o個個五花茶，佢好貼心咁分咗大樽同細樽。人數少既就唔怕飲唔晒啦！好啦，係時候睇係主菜。我哋要咗烤魚，係酸菜烤魚，條魚好大，兩個人食會好飽。新鮮又滑又入味。食完烤魚點都要試下其他。蝦係送既，好新鮮，肉質唔梅既。隔離既魚片就麻麻，因為太多骨啦。美國安格斯肥牛都好靚，一d都唔鞋十十架。不過羊肉就普通。蜆我食咗好多。好清甜。但有時會有沙，而且d肉好迷你。最後來張大環境，好大好乾淨舒服架。