桂花小幸 (將軍澳廣場)

营业中

休息中

晏晝過嚟將軍澳呢邊食嘢，呢邊商場好多，咁啱行到嚟將軍澳廣場，見到呢間台灣野好似唔錯，文清風格嘅裝修，啱晒我呢啲年輕人。不得不讚餐廳嘅環境好好，佈置方面都幾用心。而我哋係下午茶時段用餐，所以價錢相對上比較低，選擇都好豐富。《桂花雞翼》$26炸得好脆口，入面嘅雞肉都好嫩滑，仲可以沾桂花汁，味道更加特別。《夜市香腸》$26香腸多汁，而且外皮脆脆地，好味！《鹽酥雞扒雞肉飯》$59鹽酥雞扒份量好多，外層酥脆，皮唔算好厚，雞肉亦都幾滑，不錯。而雞肉飯就正正常常，雞肉表面嘅汁可以多番啲就更好。《103腱心牛肉麵》$59牛腱有四大片，好軟淋，膠質豐富，好好味！麵條偏幼，軟硬適中。湯底方面都唔錯，紅燒味道突出，嫌略偏甜。《芝士奶蓋阿華田》$25奶蓋味道濃郁，稠度一般。整體唔算好甜，都唔錯。《仙氣火龍果》$25走咗甜，但依然保留到火龍果香，仲食到粒粒火龍果籽👍🏻 總括來講，呢間台式食店質素唔錯，午餐下午茶都幾抵食，下次經過有機會再幫襯。

第二次再幫襯呢間台灣餐廳，因為對佢既牛肉麵依然念念不忘，朋友們點左麻辣三盛牛肉麵同埋三盛紅燒牛肉麵，我今次就試下滷水牛肚麵同樣紅燒牛肉湯底配台灣麵，個人非常喜歡台灣麵既質感，粗粗地又彈牙，比較有嚼勁，連埋湯底一啖食超好味，湯底微辣且香濃，夠惹味，牛肚份量超級多，好似食極都仲有，小食有煎餃，台灣腸同湯餃，好中意佢煎餃沾喼汁，酸酸地好好味，餃子好足餡料，台灣腸切片上醃料足夠所以夠曬味，火龍果茶好特別，清新醒胃的感覺，推介！

過了很多天也沒有出post了，因為要準備一個group project🤦🏻‍♂️現在完成了，當然要食餐勁🤤這次帶媽媽到一間台灣餐廳食晚飯，因為她也有很多年沒有去台灣旅行，和我一樣，經常懷念當地食物的味道😂🤤-今次光顧的餐廳主打台灣地道美食，從早餐到晚餐，食物和飲品，種類都非常多，都不知道選那一種來吃😂之後我們點了幾樣食物和飲品，除了味道不錯之外，份量也很多，最後媽媽吃完都非常滿足🥰-1️⃣三盛紅燒牛肉麵（腱心牛肉、牛腩、牛丸） $69這個牛肉麵的湯底很清甜，配上滑嫩的腱心牛肉、肥瘦比例剛剛好的牛腩、彈牙的牛丸和蘿蔔來吃，味道不錯😋-2️⃣酥炸排骨雞肉飯配上湯浸時菜及原忠燉湯 $76這個套餐組合以$76的價錢來說，有湯有飯有菜有肉，本人覺得是非常超值👍🏻排骨炸成金黃色，外皮脆，排骨軟腍，很好吃😋雞肉絲上面鋪了一層炸蒜，攪拌整碗飯後，味道非常香🤤時菜為娃娃菜，一大碗，很健康👍🏻燉湯味道濃，而且很足料，有淮山、桂圓和豬展😋-3️⃣古早味滷水拼盤 $63這個拼盤有腱心牛肉、牛肚、雞翼和蛋，每樣滷得很入味，不會太鹹😋-4️⃣凍黑糖珍珠奶茶 $29這杯奶茶攪勻底下的黑糖後，不會太甜，珍珠很軟，整體不錯😋-5️⃣熱香芋奶

今日同朋友一齊嚟到呢間台灣小店 平時已經超級鍾意食台灣嘢 所以好開心呢度嘢食真係有好多選擇 淨係嘢飲都已經有兩版我哋叫咗三碗牛肉麵一碟台灣腸 一碟煎餃同一碗湯餃 一杯芝士奶蓋鐵觀音 一杯芝士奶蓋玫瑰茶 一杯仙氣火龍果茶 火龍果茶真係好靚我覺得呢度啲嘢全部都大大份 真材實料 好滿足 見到碗面嘅時候真係好驚訝 完全諗唔到咁大碗 牛肉麵湯底幾特別 辣得嚟有啲酸酸地 同其他台灣面唔太一樣 啲牛肉大大個 台灣腸好多汁很野味嘢飲都好值得讚賞 我飲既芝士奶蓋 原先以為會好甜但係唔會 完全冇heavy的感覺環境舒適枱也大大的 不會很迫 店員也nice整體上體驗不錯😋

台式雞肉飯定食雞肉好嫩好易入口 放面既乾洋蔥加埋秘製既醬油 撈埋落飯好香 送飯一流 同餐既紫菜花枝丸湯清清地 都唔錯 花枝丸彈牙 時菜係蒜蓉小白菜 涼菜有釀茄子 青瓜同雲耳 三款都超香超開胃，尤其係釀茄子 面頭既麻香汁超夾茄子既味道 食完一隻會覺得好唔夠 依個定食真心唔錯台式蛋餅+地瓜薯條蛋餅有入面有芝士同肉鬆 外皮雖然唔係酥脆 但好香口 同台灣食嘅味道有啲似 而且佢份量足 地瓜薯條有番薯嘅清甜 麻辣紅油水餃食落唔會好辣 少少麻 個醬同水餃好夾 餃子啲料都好足煎餃子配桂花雞翼煎餃子煎得好香脆 一咬落去好多肉汁 而桂花雞翼炸得鬆脆香口 點埋啲桂花醬黎食好清香 每樣兩件有啲唔夠喉芝士奶蓋桂花烏龍茶佢係原個茶包沖 味濃 且清香芝士奶蓋阿華田普通阿華田飲得多 加左奶蓋原來別有風味 甜度適中 勁濃郁

實在困得係屋企太耐啦，今日捉埋屋企人一齊出街食餐飯，嚟咗我哋最鍾意食嘅桂花小幸，餐廳衛生做到足，入餐廳要探熱，又有消毒酒精消毒，食得好放心😚 我哋今餐叫咗好多樣嘢，買單先至係二百幾蚊，超抵食！仲要免+1👍🏻塔香三杯雞定食必食推介❤️三杯雞外脆內軟，肉質鮮嫩，整得好入味，碗飯上邊仲有雞絲陪着食，材料超豐富！重點有椰子雞湯送🤩湯超清甜，出街都飲到家的味道蕃茄花枝丸米線湯底又好濃香嘅蕃茄味，而且花枝丸好彈牙，味道好match😚桂花雞翼離桂花一定要食桂花雞翼，雞肉好多汁，外面炸到脆卜卜～牛肉水餃好正啊！啱晒我依個水餃控，皮薄餡靚😛仲叫咗兩杯鐵觀音珍珠奶茶飲完到而家仲回味緊，用真茶包沖成，好清香嘅鐵觀音味，味道一啲都唔假唔死甜，諗返起又再想飲🤣😘

近近地又黎桂花小幸食晚飯～煲仔紅燒肉定食配酸菜上湯浸時菜紅燒肉肥瘦分明，煲仔上熱辣辣又夠哂香，咬落去油脂四溢，d肉唔會死實實，擺入口同d飯撈埋一齊食原汁原味冇得彈。有菜伴食感覺更健康。滷水蛋牛腩滷肉飯滷肉飯一如既往咸香俱備，肥肉比例恰當，融入白飯十分滋味！牛腩炆得軟稔冇痴牙，份量足夠唔會食兩啖飯就有冇哂肉食。牛肉湯水餃牛肉湯底好味到可以就咁筆黎飲，水餃皮煙韌有彈性，牛肉餡juicy帶肉香又唔會得陣栗粉味，小食黎講必點！夏日水漾鮮果茶，十勝紅豆奶茶最喜歡呢度既飲品，鮮果茶大杯得黎又足料解渴，喜愛清新既朋友必點。喜歡較甜及濃味既可以叫十勝紅豆奶茶，紅豆綿密同奶茶有意想不到咁夾既地方，值得一試！

今日同商業拍檔Crystal傾野大家都係將軍澳，就呢間啦都冇錯呢位靚女好鍾意食肉操飯，我話呢間野都幾好食，仲有書睇，好適合文清。睇得我食評多，都係果句睇相就知好唔好食，重點價格唔貴，都好適合學生哥。我今次冇食肉操飯，轉左試吓紅燒肉，都唔錯啊，可以試吓。我反而覺得個紫菜肉丸湯又平又好食，side order來講可以叫.應該冇錯如果唔忙，可以喺度磨下，當然如果佢客到排緊隊大家要識做。我嗰日去冇乜人食完野仲坐多陣，呢樣我幾喜歡，最怕嗰啲係好食呀，但係成日想講你走店舖比我感覺好好，未食過嘅值得一試！

行過將軍澳一定要試吓依間台灣嘢食，呢一句係我朋友講既，我起初都諗有咩台灣嘢食咁特別一定要食呢，估唔到餐牌上嘅選擇真係令到我陶醉曬，下午茶嘅選擇同埋價錢都好引人入勝！入面嘅裝修擺設都好友台灣嘅味道，價錢真係好平，$2x已經有一個下午茶餐，我同朋友兩個人揀咗唔同嘅嘢，我就要咗個炸雞扒配牛肉湯米線，仲加咗個滷水豆腐小食，特飲就要左一杯黑糖珍珠鮮奶，因為好耐未飲過珍珠鮮奶啦，今次就試吓呢一間好唔好飲啊，我朋友就要左一個蛋餅配蕃薯條，台灣嘅蛋餅真係好好味㗎，朋友話依間嘅蛋餅都好好味，值得一試！初頭以為份量會好少，但係估唔到份量都幾多，米線嘅份量真係一碗正常份量，炸雞扒真係外脆內軟，熱辣辣上菜，滷水豆腐嘅汁好好味，唔會太咸，而且佢嘅豆腐好容易入口，我好滿意！佢嘅黑糖珍珠鮮奶真係好好飲啊，黑糖嘅味道好香，珍珠好有咬口，係我鍾意嘅味道！朋友嘅蛋餅真係冇介紹錯啊，又係熱辣辣上菜，有煙韌嘅感覺，我好鍾意蛋餅嘅皮，真係超級好食，蕃薯條外脆內軟，好似真係好有咬口，好有口感！雖然兩個餐已經好夠食，但係因為依度嘅台灣嘢食真係好吸引，所以我哋兩個就決定嗌多一個餐，要咗佢個芝士醬酥炸排骨吐司，仲有兩隻桂花雞翼，呢個餐

Li間喺將軍澳廣場嘅台灣菜由開張到而家都保持勁好味嘅水準, 疫情期間入座前都有量體溫食得安心, 有個更貼心嘅little touch就係店家無安排搭枱👍🏻, 而餐廳本身地方都幾大所以空氣流通唔焗促. >麻辣三寶台灣麵 (HKD69)揀左大辣湯底, 辣度夠之餘, 湯底一樣咁甜, 唔會一味辣到蓋哂原來味道. 牛丸, 豬肚, 水餃鋪滿麵面, 台灣麵口感勁正, 同埋真係足料好大碗抵食. 附送青瓜小碟爽口開胃. 加8蚊仲有3大件厚切茄子🍆醬汁入味每次都要食derrr.>鹽酥雞扒滷肉飯+原盅燉湯 (HKD76) 晚市嘅原盅燉湯定食套餐非常豐富*抵食*. 原個小燉盅湯係椰子燉雞紅蘿蔔湯, 揭開熱辣辣出緊煙ga, 幾塊椰子🥥肉, 雞肉, 紅蘿蔔幾乎塞滿哂個燉盅, 湯嘅味道清甜濃郁唔肥膩👍🏻. 一大塊現炸鹽酥雞扒外皮超脆雞肉厚而嫩, 肉燥蓋滿飯面啲汁多到碗底都有, 所以啖啖都食到肉燥, 附送上湯浸白菜仔夠哂均衡.>麻辣牛肚 (HKD42)開心share推介嘅小食, 份量一啲都唔細嘅麻辣牛肚, 爽口唔韌又入味👍🏻.>蜂蜜檸檬蘆薈 (HKD24)特飲跟餐平好多!!! 甜度適中

呢排出街食飯好似選擇越嚟越少，又擔心人多細菌多， 唯有自己做好啲防護措施保持衛生。不過飯始終都要食嘅，見呢一間桂花小幸望落都算衛生，而且食物都唔少選擇，於是決定就呢度解決晚飯，同朋友各自嗌咗碗麵。我叫嘅係鹽酥雞排麵， 分量都幾豐富，大大碟鹽酥雞扒炸得脆卜卜，加埋 湯麵味道好香，麵質彈牙， 唔錯。而朋友就叫咗個地獄三盛牛肉麵， 有牛肉、牛丸、牛展， 加埋香濃嘅特級辣椒醬，望落都覺得火辣辣。偷偷地試咗佢舊牛展， 都幾入味，香料味好濃，但唔會太鹹。我哋亦叫咗四隻麻辣紅油水餃， 隻隻水餃都好飽滿，滿滿都係菜同肉。食咗咁多辣嘢點都要飲啲嘢解下辣啦，分別叫咗黑糖珍珠鮮奶同日式紅豆抹茶， 我呢杯黑糖珍珠鮮奶，黑糖味好香，但唔會太甜，味道幾好， 而朋友話佢杯抹茶嘅茶味都好香，紅豆夠軟熟。 價錢嚟講都唔算貴，兩個人食咗咁多嘢都幾開心。

最近多左係將軍澳工作,今日趁住早左小小完成晒手頭上既野就去食個靚既tea time,但眼見4點幾其實又有少少肚餓,就順勢不如食埋晚餐一次過.內裏裝修好有文青風,以木系家俱同暖色為主.選擇都好多元化,全台式系列慢慢研究左一陣見到新出有個煲仔紅燒肉定食配上湯浸時菜就揀左黎試試.除左紅燒肉仲有滷豆腐,滷蛋及少少配菜.紅燒肉滷得入味,以滷水汁煮有別傳統做法,雖然風味唔同但入口依然惹味.紅燒肉一層肥一層瘦,質感軟腍又不缺嚼勁.滷豆腐好入味,唔內外不一,同樣帶濃香既滷水味.醬汁帶微甜,滷香味送飯一流.底下芽菜吸晒滷汁既精華,質感爽口.桂圓紅棗茶,女生滋補養生之選,落足紅棗片入口滿滿棗甜又唔會酸,份量大大杯而且以外賣杯裝,飲唔晒拎走都可以.

雖然疫症橫行，有排都無得去台灣旅行， 不過食下台灣嘢都唔錯，好耐之前食過呢間桂花小幸， 水準都ok，唔知隔咗咁耐有冇變呢。先叫咗一個三杯雞套餐定食，有齊蔬菜、 原盅燉湯、煲仔三杯雞同滷肉飯， 賣相都幾豐富。三杯雞味道香濃，好啱送飯，魯肉肥而不膩，味道唔錯。我幾欣賞呢個燉湯，係一個素湯嚟嘅，入面都有唔少材料，例如腰果、蟲草花、 蘿蔔等，飲落相當滋潤清甜。另外仲嗌咗個桂花雞翼，雞翼炸得好香脆，配埋甜甜地嘅桂花蜜，味道好清新， 食落都幾夾。麻辣牛肚好入味， 但係唔會太辣，反而偏麻。食完辣野當然要飲杯嘢，呢個仙氣火龍果茶賣相好吸睛，粉紅色好啱女仔，飲落都幾清新。

原本應該喺台灣旅行，但因為肺炎關係唯有取消計劃留喺香港😢朋友知道左話請我食台灣菜安撫下我個胃🤣🤣原本想叫燉湯套餐可惜今日賣晒😂滷水蛋牛腩滷肉飯:滷肉粒份量足，白飯粒粒分明。牛腩肥瘦比例好好，食落唔會因為太瘦而乾爭爭，唔單止有油香仲好嫩滑👍🏻👍🏻特濃蕃茄雞排麵:蕃茄湯好濃，雞扒炸到外脆內暖😋台南手工餡餅:熱辣辣上枱，皮唔會太厚有少少脆，一咬落啲餡係勁juicy，要小心有肉汁噴出嚟唔好燙傷嘴🤣鹽酥花枝丸:炸漿超薄但表皮炸到好脆好香口，仲有粒粒花枝肉喺裏面增加口感❤❤呢個係我食過最好食嘅花枝丸👍🏻芝士奶蓋阿里山金萱&芝士奶蓋桂花烏龍茶:芝士奶蓋唔算好濃，淡淡嘅奶香配上唔太甜嘅茶底可以解一解膩😊

今晚放工再次和友人來到將軍澳廣場的台式小店-桂花小幸，上次吃過後大家都非常喜歡，無論食物質素和環境都非常滿意，食物選擇亦多，決定再來encore 。人流仍然非常多，坐到滿滿地，首先到店門口取票等叫號碼，店員安排好位置後記下枱號，到櫃檯點選食物，之後靜心等候，店員送餐速度亦非常快。必吃推介：台式雞肉飯定食配涼菜丶蔥油時菜及紫菜魚丸湯，價錢$63，非常抵吃，這個是我最喜歡的，涼菜是涼伴茄子、青瓜和木耳，茄子醬汁酸甜酸甜的，很合胃口，紫菜湯內有彈牙魚丸，雞肉飯份量十足，非常好味。必吃推介：煲仔．紅燒肉定食配上湯浸時菜及白飯，價錢$73，這個定食是煲仔上的，紅燒肉肉質味美，不油不膩，配上入味的豆腐粒和滷水蛋，大推。再來是椒鹽花枝丸，這個炸得金黃香口，花枝丸彈牙爽口，也是必吃的。有三粒和五粒供選擇。古早味滷水雞翼也非常出奇，滷水味濃厚，雞翼迷至愛。仲有，叫了一客兩件的台南手工餡餅，這個非常有驚喜，手工餡餅表面煎得金黃，內有豬味等配料，熱辣辣的，好味非常，如是台北糊椒餅迷，這個是必吃。