桂花小幸 (將軍澳廣場)

营业中

休息中

將軍澳真係有好多嘢食，唔同嘅菜式餐廳都有，不過今日就選擇台式餐廳，呢度嘅選擇好多價錢有貼地，餐牌上都有幾頁紙選擇，就算係面飯都有唔同嘅配搭，繁忙時間雖然要等入坐，但係好快都已經有店員安排入坐，店員嘅服務態度都好好，值得一試啊！我嗌咗個特盛紅燒四寶麵，有蛋，花枝丸，牛腱，豬手，+$4轉番茄湯，佢麵嘅選擇可以揀米線或者台灣麵，而我當然就會選擇台灣麵試下啦，揀蕃茄湯係友人推薦嘅！我間四寶麵嘅原因係因為好多選擇都唔知揀邊個好，既然有四寶麵咩都有咁就當然要試吓啦！等候嘅時間唔耐，等候嘅時候我去咗自由吧倒水飲，自助式既！原來碗麵比我想像中大好多好多，呢個份量夠2個小女孩食啦，計返真係好抵食，蕃茄嘅湯真材實料，好足料成碗湯都好多蕃茄，而且唔酸，我真係飲埋啲湯㗎！佢嘅豬手大大嚿，有兩舊，骨膠原豐富啱晒女生食，牛腱厚切，有口感，花枝丸唔會太硬，我都幾滿意！小食方面就要左呢度嘅招牌雞翼，桂花雞翼，依個係炸雞翼，金黃色外脆內軟，肉質keep得夠juicy，好嫩滑，佢另外會有個桂花醬汁，配埋雞嘢食口感層次都會豐富！飲品我就要左杯大大杯嘅芝士奶蓋烏龍茶，呢度嘅芝士奶蓋真係一試難忘，好香滑嘅芝士味，配埋烏龍茶飲兩

平靚正台式店收工之後就同男朋友講我想食台灣野，所以佢作為24孝男友既責任，渣車同我去將軍澳食。平靚正，台式飲品又平，野食價錢合理之餘仲份量仲大大份。鹽酥炸雞肉燥飯+滷蛋佢自家制既肉燥醬汁相當濃郁，鹽酥炸雞扒夠大塊，就算炸完都好嫩。我就叫左四款小食當正餐。滷水雞翼肉嫩，滷水香味濃郁。椒鹽花枝丸～ 椒鹽味道，花枝丸煙韌彈口。大大粒。至少都要咬３啖先食完。紅油炒手８粒紅油，吾會太辣，仲有少少麻既味道，入面既料都幾爽。手工餡餅熱辣辣送到，層皮都脆，入面多料，爆晒汁。凍芝士奶蓋搽茶男朋友出奇地點呢款，真係估佢吾到。佢話又真係幾特別又幾出色。凍脆脆阿華田好懷念阿華田既味道，所以點呢個黎飲，過下引。

放工拎D消毒物品去將軍澳比阿妹，順便去佢話好好食的桂花小幸試試，是一間文青台式餐廳，主打台灣菜，裝潢設計好有台灣既休閒文化，室內佈置有文青感覺。先入座，再到收銀處下單比錢，再由侍應送餐。三盛紅燒牛肉麵：材料有腱心牛肉、牛腩、牛丸。湯底有4款選擇，我選了紅燒牛肉湯，湯底鮮甜，牛肉軟腍，牛丸彈牙。麵質爽彈。滷水豬手麵，選了清雞湯，豬手入味不油膩，骨膠原豐富。加配兩款小食，紫菜魚丸湯，魚丸彈牙，紫菜湯清甜。滷水蛋夠入味！古早味滷水雞翼：雞翼入味，口感嫩滑。台南手工餡餅：即叫即煎，兩面煎得香脆，餡料有肉汁。芝士奶蓋阿華田：甜度適中，阿華田味香濃，加上芝士奶蓋的鹹甜味，更加好飲。芝士奶蓋白桃烏龍茶：味道比較淡，不太甜。

桂花小幸由於疫情關係 最近都好少出街食但難得放假所以係屋企附近行吓行完商場就去醫下肚本身想去台灣旅行但係去唔到就食間台灣野補返數台式蛋餅好香口 而且又好濃蛋味台式烤腸食台灣野一定會點既永無冇叫人失望肉鬆吐司呢個真係好特別因為食土司多數都係甜既多但因為呢個配左肉鬆鹹鹹地反而幾有新鮮感原來肉鬆唔一定要餸粥鬆鬆脆脆好有層次桂花雞翼又係好特別雞翼食開都係鹹味但係加咗桂花 鹹中又帶甜值得一試蕃茄湯通粉蕃茄湯味濃度適中唔會太綢或者太稀而且夠晒迷你細細碗下午茶份量來講好好仲點咗個小食滷水豆腐啲豆腐好滑口配上滷水都好入味另外點左三杯餐飲黑糖珍珠鮮奶甜度適中 又夠香滑茉莉珍珠奶綠味道較為清淡解渴一流芝士奶蓋玄米茶玄米茶一向冇乜味但係加咗芝士奶蓋之後甜味反而帶出茶香而玄米本身嘅味道又可以沖淡少少甜味兩者溝埋一齊剛剛好整體來說 三人份量算幾抵食以下午茶份量來講非常適中又唔會到喉唔到肺而且店舖入邊嘅裝修好靚好有文青feel值得推介

將軍澳好多餐廳都食過，今次行遠少少到將軍澳廣場食台灣菜。餐廳不算大，設計挺文青感覺，壁畫，牆上有些勵志金石良言提醒。朋友有困難選擇困難症，餐牌食物都選擇多，面，飯，定食，健康湯都🈶。我地點了下面食物：三盛紅燒牛肉台灣面份量十足，小白菜，牛丸彈牙，肉香,牛肉口感佳多肉。鹵水豬手定食豬手有份，皮不會油膩，筋肉韌韌地，碗飯飯量十足上湯浸時菜,一小碗剛好，菜鮮湯清甜。煎手工餡餅(2件)一咬，爆汁，汁香肉香，表皮脆韌，滋味。

呢間台灣餐廳嘅裝修好文青，好舒服，而落單方式比較特別，揀好食咩之後出返收銀嗰度叫。⭐️椒鹽花枝丸 $26炸到金黃色，裡面有花枝粒粒。⭐️麻辣牛肉麵 HK$71配料都幾多，有牛腩，牛丸，麵條唔夠爽身，不過掛到湯，湯底叫咗中辣都唔算好辣，不過都夠濃郁。⭐️$15 追加2set小食叫左紫菜魚蛋湯、涼拌貓耳朵、滷水蛋、滷水豆腐。本身見到貓耳朵我本身以為係豬耳啲friend，原來係雲耳😂⭐️鹽酥雞排滷肉飯 $58雞排好大塊，唔會太乾，外層香脆，滷肉飯汁香濃，肉粒肥瘦適中，送飯一流。⭐️芝士奶蓋阿華田 $30我自己覺得比較甜，邪惡之選😜⭐️夏日水漾鮮果茶 $30生果都算幾多，杯野唔算好甜，幾清新。________________________食物：⭐️⭐️⭐️⭐️環境：⭐️⭐️⭐️⭐️⭐️服務：⭐️⭐️⭐️⭐️抵食：⭐️⭐️⭐️⭐️________________________

餐廳唔係好難搵~喺將軍澳廣場地下，環境都幾大 有幾個卡位!午市套餐嘅選擇都唔少，揀咗酥炸排骨嘅麻辣湯麵(小辣)，而前菜就係上湯浸時菜😋好鍾意呢一隻粗度嘅麵條，湯底亦好濃牛肉湯，可能因為叫咗小辣，所以對我來講麻辣味冇咁出，可以試吓中辣或者大辣🌶豬扒炸到好脆，配埋美乃滋醬正～再叫咗分別四隻麻辣紅油水餃同埋牛肉濃湯水餃~味道好似小籠包咁，啲肉汁🤤🤤紅油抄手味道好似豆瓣醬! 好適合啲唔係好食得辣嘅人😋午餐仲可以配台式奶茶，我加咗珍珠😚奶茶非常有台灣嘅感覺😝另一個餐叫咗紅燒腱心牛肉麵😄小菜係滷水豆腐一片片嘅牛肉嘅紋路好靚🤩

而家喺將軍澳食嘢真係好方便因為越來越多商舖開咗所以同時間都會有越來越多嘅菜式陸續咁樣呈現出嚟。作為台灣嘅忠實粉絲每次見到一有台式嘅店舖我都會忍唔住要試吓咁當然唔係間間都會做到好好但呢一間桂花小杏從價錢上同埋性價比都比到我一種好好嘅感覺。入面嘅環境非常舒適間隔都好闊落完全唔會有好迫嘅情況出現。咁今次就試咗個台式牛肉伴雞肉飯。 先講下牛肉，同加厚版嘅牛展感覺差唔多，但最明顯嘅分別就係同我哋平時食開嘅潮式牛腩或者清湯腩完全係兩回事因為台式嘅口味就係通常會用滷水令到牛肉入味而呢一種味道就會令到牛肉嘅鮮味更加突出。雞肉飯好清新，用嘅同珍珠咪一樣粒粒鮮明配合牛肉在路邊滷水汁一齊食真係好似返返去台灣咁樣反而我最鍾意就係小食，當然一定要叫台式腸，完完全全同台灣食到嘅味道一模一樣真係一模一樣！ 暫時未搵到有唔同嘅地方。 至於餡餅嘅感覺就似香港成日食到嘅生煎包，但最大唔同嘅地方就係麵粉嘅唔同，台灣注重煙銀度同埋注重個餡嘅味道，如果你平時食到嘅山尖包反而包嘅味有啲重。食兩個都已經有少少飽，咬落去同樣都會有鮮味嘅肉汁爆出黎！最後飲品當然唔少得瘋魔一時嘅黑糖珍珠鮮奶茶，黑糖珍珠煮到融為一體，奶茶味偏向奶味多少少

台式餐廳開得成行成市，而我覺得桂花小幸是味道不錯價錢又相宜的一家，但就因為這樣晚飯時段都多人要等位，不過等10分鐘左右都可以入座。自助叫餐，上餐也很快，店員都快手快腳，不錯！三盛牛肉麵(紅燒湯) $69幾款湯底可以揀，紅燒湯配牛肉麵最好了，這裡的紅燒湯味道偏甜不辣，三盛是腱心牛肉、牛腩、牛丸，好多肉！牛肉亦好軟稔，容易咬開麻辣蕃茄豬肚米線(麻辣小辣) $56麻辣蕃茄湯底是酸辣之選，要了小辣，蕃茄湯幾濃味而且食到一塊塊蓄茄，湯底偏甜而且好足料，豬肚絲都好多。麻辣醬好香，而且麻辣醬好貼心地分碟上，可按自己口味加入蕃茄湯中，先喝蕃茄湯，後加麻辣，就可以試兩個湯底！台南手工餡餅(2件) $28想不到手工餡餅好大件而且咬開會爆汁！上碟襯熱吃最好味桂花雞翼(3隻) $26桂花雞翼是店員推介的小食，炸得香脆再點分碟上的清甜桂花蜜，香口甜美，簡直是comfort food！貓耳朵 $8加了酸酸的開胃前菜，只要$8好抵食！一個人清哂！鐵觀音珍珠鮮奶茶 $23上層鮮奶下層鐵觀音好靚，鮮奶茶不會有奶精的味道，亦健康一些，微糖感覺清爽不會膩桂花烏龍茶 $15朋友說桂花烏龍微甜，幾香

今晚去將軍澳探朋友, 近近地係附近食埋飯先返屋企, 經過見到呢間餐廳門外有唔少人等位, 見價錢亦不貴, 就禁飛等位啦, 還好輪候時間都幾快。店員先安排入座, 揀好食咩就自行到cashier落單比錢, 返埋位等店員協助送餐。【椒鹽花枝丸】HK$26表面炸至金黃微脆, 花枝丸入面仲有魷魚粒, 幾爽【台式烤香腸】HK$28台式香腸切成薄片, 皮脆, 甜甜地 【三盛紅燒牛肉麵】HK$69湯底清甜甘香, 牛丸幾彈牙, 其中一粒好似比錯左豬肉丸, 牛腱很滑很林, 索左d湯汁, 牛腩更有肉香【蕃茄酥炸排骨米線】HK$63蕃茄湯底甜中帶微酸, 米線很滑, 索左個湯底, 食落幾開胃。炸排骨為吉列薄切豬扒, 炸皮薄而香脆, 點蛋黃醬食, 味道更加正! 另外加左HK$15 追加兩客小食, 同樣揀左紫菜魚蛋湯, 開邊魚蛋幾鮮甜, 個湯有大量紫菜, 啖啖濃郁紫菜味【黑糖珍珠鮮奶】HK$29香滑鮮奶加入左黑糖, 味道唔會太甜, 珍珠煙韌, 而且份量多, 啖啖都啜到珍珠晚市繁忙時段排隊落單時候較長, 要比少少耐性等待。餐廳全日冇加一, 份量都幾大碟, 抵食!

今日帶埋小朋友出去整野，醫肚就緊要以小朋友先。因為又有小朋友想飲杯珍珠鮮奶，我地今日去左將軍澳廣場既<桂花小幸＞，舖頭位置唔算易揾，都要兜下先搵到。 我哋到嘅時段算係下午茶 ，order 左多個小食有桂花雞翼 鹽酥花枝丸 古早味滷水拼盤，雞翼同花枝丸都係炸，香口好味，花枝丸仲係彈牙。古早味滷水拼盤就有滷水蛋，滷水雞翼，牛肚同牛展，牛肚爽反而覺得未夠入味。由於仲想食就再order 2份茶餐鹽酥雞扒滷肉飯＋酥排骨吐司連番薯薯條，今次看輕了份量，食到捧住個肚走，值得一提係魔力水晶可可，朱古力加咖啡水晶， 煙韌 有趙頭加埋凍朱古力，就有小小,可以咬既 mocha咁。

閒日冇煮晚餐，決定去區內既台式餐廳食個便飯先豐富d，叫左一個飯加個小食同飲品😋三併牛肉飯定食 （$76 ）正！乜都有：牛𦟌、牛腩、牛丸，😍最喜歡係牛腩，夠淋之餘仲一d都唔韌😋！配菜仲有幾條白菜～飯係用左珍珠米，好有咬感～尼個定食仲有上湯浸時菜！湯好清甜，菜都係！台南手工餡餅（$28）即叫即整，煎得好香，餡又夠 仲要咬落爆汁🤤如果個皮再脆d就perfect啦！仙氣火龍果茶（$25）茶味唔係好濃，飲落有淡淡既火龍果味～個人要了少甜，清清地幾適合飯口飲😃價錢合理又唔洗加一！係區內超值之選👍會多d去！

友人介紹話桂花小幸好食，就去試下，試完之後會翻食之選。鹽酥雞扒滷肉飯，滷肉好油潤軟熟撈飯食一流，雞扒厚肉嫩滑淡淡肉，個脆皮都正。三小碟，茄子有少少辣，好厚好冧好有汁，青瓜咁款就有少少酸爽口開胃，木耳少少酸辣，爽口好味。叫左熱奶茶，簡直系珍珠奶茶無左珍珠既味道，普通奶茶黎講距系幾奶下。紅燒腱心牛肉麵個湯有少少辣，其他水準正常。麻辣滷水牛肚麵，牛肚爽口，麻辣汁系精華。酥炸排骨麵，我個人覺得雞扒軟熟啲。

✨中女獨食難肥日誌 ✨桂花小幸 中女食將軍澳家住附近，經常經過這間文青風台式餐飲店，曾經試過外賣飲品不錯，今晚來試試晚餐！晚飯時段長長人龍..想不到幾受街坊歡迎？還好不用等太久就可以到店內就座😉餐牌選擇好多，而且小食加$8、$12就有..不覺意兩個人叫得有點多了，擺滿桌🙈士林胡椒豬肚湯飯 $62朋友之前吃過推介，果真不錯！胡椒的辛辣十分開胃，豬肚絲份量十足，咸酸菜令人食慾大增，還有娃娃菜及芹菜，濃味又好味，一口接一口，不要錯過！鹽酥雞排滷肉飯 $58鹽酥雞排都幾大塊，雞肉幾嫩不會鞋，滷肉飯不過不失牛肉濃湯水餃四隻 $28牛肉濃湯有驚喜！湯頭好濃味鮮甜的牛肉湯，$28四隻餃好抵食！台南手工餡餅兩件 $28手工餡餅亦十分出色，煎得熱辣香脆，咬開爆汁，菜肉料都幾香，推介！蘿蔔牛肉湯 $12牛肉湯仍然味濃，蘿蔔鮮甜而沒有渣，難得難得！涼拌貓耳朵 $12不像其他川味有紅油感覺太肥，醋酸調味，簡單美味芝士奶蓋鐵觀音 $26奶蓋香滑微甜不膩，順口桂花烏龍茶 $20朋友喜歡無糖茶，茶味濃整體抵食美味，會再來！📮地址: 將軍澳唐德街1號將軍澳廣場1樓133-135號舖 ☎電話: 31062238

位於將軍澳廣場嘅桂花小幸，環境唔錯，室內裝修有種文青嘅感覺，餐牌選擇豐富，價錢亦大眾化，所以好受歡迎，經常爆滿。今天下午時份來到，幾乎滿座，與爸爸兩人點撿了一個豬手滷肉飯定食，同幾款小食分享。原本定食係配白飯，加咗六蚊加了滷肉，定食還配娃娃菜，另加12蚊有埋黑醋茄子，十分豐富。黑醋茄子好霖好入味，酸甜開胃。小食叫了煎餃子、桂花雞翼、台灣手工餡餅及蕃茄湯餃子，正啊😋每樣都是20幾蚊，好抵食。蕃茄湯餃子好美味，湯底的番茄味好濃郁，連湯都飲曬。飲品則點了美人玫瑰茶同桂花生薑茶，這裡無加一，價錢超優惠，食得好飽。