桂花小幸 (將軍澳廣場)

营业中

休息中

雖然疫症橫行，有排都無得去台灣旅行， 不過食下台灣嘢都唔錯，好耐之前食過呢間桂花小幸， 水準都ok，唔知隔咗咁耐有冇變呢。先叫咗一個三杯雞套餐定食，有齊蔬菜、 原盅燉湯、煲仔三杯雞同滷肉飯， 賣相都幾豐富。三杯雞味道香濃，好啱送飯，魯肉肥而不膩，味道唔錯。我幾欣賞呢個燉湯，係一個素湯嚟嘅，入面都有唔少材料，例如腰果、蟲草花、 蘿蔔等，飲落相當滋潤清甜。另外仲嗌咗個桂花雞翼，雞翼炸得好香脆，配埋甜甜地嘅桂花蜜，味道好清新， 食落都幾夾。麻辣牛肚好入味， 但係唔會太辣，反而偏麻。食完辣野當然要飲杯嘢，呢個仙氣火龍果茶賣相好吸睛，粉紅色好啱女仔，飲落都幾清新。