桂花小幸 (將軍澳廣場)

营业中

休息中

心血來潮想食台灣野，下午茶就決定喺依度食啦，依間野真係好有台灣風味，無論係裝修擺設定係菜單上面嘅食物，都有台灣嘅感覺！我好欣賞呢度嘅鹽酥雞扒，因為佢真係做到外脆內軟，金黃色嘅鹽酥雞扒真係令人好有食慾，配上雞肉飯，真係絕配呀，今次加咗個配菜，因為想試吓佢嘅滷水蛋，唔錯㗎！雞肉飯嘅份量都幾多，無論係雞肉定係米飯，都係高質素又抵食，雞肉好滑，而且好香，上面有少少醬汁，撈飯食，真係越食越上癮啊！佢嘅鹽酥雞扒，肥膏真係唔多，罪惡咁都冇咁大，好厚肉，而且肉質juicy！我係同朋友兩個人黎食嘅，朋友嗌左個麻辣紅燒牛肉麵，我試咗少少，紅燒肉好香，佢嘅肥肉就係佢嘅精粹，紅燒肉真係充分吸收到湯嘅精華，湯底係小辣，呢個辣到我滿意，好開胃！我哋每人嗌左一杯特飲，我個杯係芝士奶蓋抹茶，抹茶味好香，不過我最鍾意都係佢嘅芝士奶蓋，好高質素，朋友嗰杯係仙草凍奶茶，朋友話，仙草嘅份量都幾多，而且奶茶做到茶香奶滑，大大杯幾抵呀！

又想念去台灣掃街食野的日子，去唔到台灣唯有食返d 台灣美食補數。今次來到桂花小幸， 比佢牆壁吸引了，呢到裝飾得都唔錯，係到食野影相都好靚。我們在下午茶時段來食，叫左兩份下午茶餐， 包括拉絲芝士蛋餅肉鬆+地瓜薯條+桂圓杞子菊花茶， 另一份係蕃茄雞翼麵（加錢配特濃蕃茄湯）+蜂蜜綠茶配咖啡水晶+手拍小黃瓜。 小食方面我叫左我最愛的椒鹽花枝丸，台灣烤香腸和麻辣牛肚，小食味道好出色，慢慢嘆住野飲食一流。我見到人地d特飲好似幾好飲，我仲買定兩杯拎走比家人飲。一杯係脆脆阿華田加珍珠，另一杯係芝士奶蓋白桃烏龍茶加珍珠。好耐冇食台灣野食， 係呢到食完好似行左一轉士林夜市咁， 回憶返哂來， 味道正宗，下次會再來食過。

去完初為人母既朋友屋企探佢，之後就同左佢落樓食d野先返屋企~~~我地去左樓下商場既台式餐店落腳：）坐低個時大概兩點半，剛好係下午茶時段，人流亦都愈黎愈多，食到中段已經坐滿人，有其他食客需要排隊等侯~~餐單上既食物選擇都唔少，我呢日就要左個“芝士肉鬆蛋餅配地瓜條”HKd$40既茶餐，跟餐加HKd$8要左碗紫菜魚丸湯:）朋友因為未食晏話好肚餓，所以就要左一份“酥炸排骨滷肉飯”HKd$59，再要左一份“滷水拼盤”HKd$63同我share ~~等左無耐，我地既食物都黎齊：蛋餅同地瓜條都熱辣辣架！！！蛋餅因為加左芝士，趁熱食仲有拉絲效果添xpp朋友既酥炸排骨滷肉飯都好似好正咁！！！份量都唔少，有一大塊炸排骨~~朋友話呢度既滷肉肉燥都俾得好足，夠晒送飯！！跟餐追加同單點既紫菜魚丸湯同滷水拼盤都唔錯~~本身以為魚丸係魚蛋，食落先知原來係我中意既花枝墨魚丸♥♥♥而滷水拼盤入面既食材都滷得好入味，當中既腱心牛肉仲好嫩腍添！！食得台菜又點少得台式飲呢xppp呢日我飲既水果茶都好岩我口味，清香之餘又解渴，仲好大杯添

前幾日屋企電視壞了，剛好在將軍澳廣場行街，就順道看看大型電器店，最後都未選到心頭好😞 不過就食到一間好食的台式餐廳😚當天七點半來到，已經有十幾人在門外排隊，一邊是等買外賣，一邊是等待進店用餐，真是很受歡迎～——————————🔹地獄三盛牛肉麵 $73這個牛肉麵是地獄口味，不知道是否真的那麼辣，三盛分別有牛腩、牛丸和腱心牛肉，份量真的很足☺️未食已經聞到陣陣辣椒味～ 果然牛肉湯底配上辣椒味，很惹味！牛腩滷得很軟，台灣麵煮得剛好，軟軟的，可以吸收湯底的精華👍🏼好食😋-🔸煲仔紅燒肉定食+原盅燉湯 $88這個定食和燉湯，真的可以兩個人share！紅燒肉是半肥瘦，滷到很深色，還有豆腐乾和雞蛋，所以食起來不會很單調😍 旁邊還有台式酸菜，酸酸甜甜，配飯一流！燉湯是無花果雪梨排骨湯，味道偏甜，有滋陰潤肺的功效，飲完都覺得變健康☺️-🔹麻辣豬肚 $38麻辣豬肚份量很多，味道夠麻夠辣，食多幾條會感覺到嘴唇會麻😂 喜歡食辣的朋友，可以叫叫這個。-🔸黑糖珍珠鮮奶 $29這個黑糖珍珠鮮奶，味道與其他台式飲料店有點分別，因為珍珠有很濃郁的黑糖香氣，還帶點焦糖味，混合鮮奶一起喝，很香～甜度夠👍🏼-🔹芝士奶蓋阿里山金萱

放假去左幫舊同學搬家，佢搬入將軍澳，攪左成日，係時候食晚飯，佢請我去附近的將軍澳廣場食台灣嘢，去到桂花小幸門口已有不少人等位，我們以自助式取票等位，店員叫號碼安排入座後，客人要到收銀處落單付款，食物會由店員送上。酥炸排骨雞肉飯，排骨炸到金黃色，十分酥脆不油膩，雞肉飯夠份量，雞肉飯加入葱花、炸過的蔥頭和醬汁，伴匀食十分美味！紅燒滷水雞翼麵，雞翼滷得入味。肉質滑嫩，湯底有得揀，牛肉湯或清雞湯，有辣有唔辣，我揀左清雞湯，配彈牙的台灣麵，味道不錯。加滷水蛋，蛋香入味。台灣烤香腸味道帶甜味。滷水豬手夠入味，豬手皮有口感，滿口都是骨膠原。芝士奶蓋阿華田，阿華田味濃，芝士奶蓋滑溜，味道甜中帶少許鹹味，比普通阿華田好公飲好多。日式紅豆抹茶，紅豆林甜，抹茶味香。

今日夜晚岀開將軍澳廣場，諗住睇下附近有咩食，發現到呢間台灣野，人頭湧湧，就排隊試下。個陣夜晚八點都等左三個字先入得。我哋叫左個蕃茄湯豬手麵，豬手滷得好入味，好淋，滿滿骨膠原，好正，加埋個蕃茄湯原來咁夾，係用新鮮蕃茄整成！另外再要左個三杯雞既煲仔飯set,有菜有湯，好抵食。雞件份量好多，我地飯都食唔哂。之後再叫左兩個小食，一碟牛肚，夠爽口，同桂花雞翼。原來呢隻係炸雞翼沾上桂花醬，酸酸清清地，口感特別！仲叫左火龍果茶，夠哂健康！價錢真係好經濟實惠！

去左將軍澳廣場行街，睇下figure 公仔，又買到戰利品。✌️✌️呢個商場都幾多野食，有間叫桂花小幸既餐廳出面好多人聚集，原來喺食台灣嘢，見甘多人等位同外賣，價錢又唔貴，一於試下。店主充滿台灣嘅休閑嘅感覺，餐廳內佈置好書卷風味加文青感覺。入座後要自行到櫃臺落單同比款，之後就可以返埋位傾住計影下相等食。我鐘意餐廳有啲好有意思嘅句子令人深思，最鐘意嘅一句係命運就像自己的掌紋，雖然彎彎曲曲，卻永遠掌在自己手中。三盛牛肉麵，好辣呀，食得辣既朋友可以挑戰下。麵入面有三款牛，牛腩、牛展同牛肋條。全部燜得好入味，好腍。酥排骨魯肉飯，肉燥半肥瘦，啖啖油香入味。排骨脆口juicy, 點埋個醬簡直無敵。另外仲叫左啲小食，樣樣都好呀。啲度飲品超多選擇，咩都想試，個杯仲好靚添。

是日午餐:-蟲草花杞子豬肚雞湯飯-酥炸排骨(雞肉飯)-蘿蔔牛肉湯-紫菜魚丸湯 -黃金麥茶-梅子綠茶-蟲草花杞子豬肚雞湯飯+蘿蔔牛肉湯+梅子綠茶梅子綠茶好似酸梅湯, 凍凍地酸酸地好解膩與其話係"蘿蔔牛肉湯"不如話係一碟有汁蘿蔔牛肉,  蘿蔔入味但有渣, 可能因為唔當造...牛肉係軟淑的!蟲草花杞子豬肚雞湯+飯: 白飯無咩好講, 蟲草花好足; 杞子有幾粒; 豬肚切到幼, 所以食落唔韌,而係爽口; 湯面有油,所以食到最尾成個湯都係暖暖地-酥炸排骨(雞肉飯)+紫菜魚丸湯+黃金麥茶麥茶係甘甘地雞肉飯面有炸乾蔥, 配雞肉食好香口, 一啖雞一啖飯基本上都夠排骨可以點沙律醬, 香脆既, 但都係正常既炸排骨味; 另外配菜仲有青瓜, 但唔係醃的酸青瓜一團紫菜, 魚丸都叫彈牙總結: 食落好足料!所以食物夾落都好好食

🐷🐷🐷🐷▪️麻辣牛肚 ($42) 餐跟兩款小食 ($15)桂花小幸既前菜真係好高質🙋🏻‍♀️ 黑醋茄子份量大大份，酸酸甜甜十分醒胃， 就咁樣沾醬黎都未食最好食，應該要將茄子撕成一條條咁食更重口味！手拍青瓜我諗大家都唔陌生，係必備既前菜，凍冰冰食更爽口。而麻辣牛肚cp值極高，酸辣惹味，份量仲一啲都唔孤寒，撈飯食一流！〰️〰️〰️〰️〰️〰️〰️5/5🐷〰️〰️〰️〰️〰️〰️〰️▪️蟲草花杞子豬肚雞湯飯 ($73)平時食野一啲都唔養生既我，同親媽咪食飯都會叫一道聽個名好似好健康嘅食物。今次媽咪睇準佢又有蟲草又有杞子，就叫左依個湯飯。果然無令我媽咪失望！用料十足，味道都唔淡，融合咗咁多種食材嘅精華，飲完個人慶慶地好舒服🥰〰️〰️〰️〰️〰️〰️〰️5/5🐷〰️〰️〰️〰️〰️〰️〰️▪️煲仔紅燒肉定食 ($73)紅燒肉煮得幾入味，但質地上無我想像中淋，搬肥瘦嘅口感食落富有層次。相信好多人食多兩舊紅燒肉就會濟左，呢個餐好細心嘅地方係佢仲附帶一碟酸菜，醒下胃之後又可以再食😛〰️〰️〰️〰️〰️〰️〰️3/5🐷〰️〰️〰️〰️〰️〰️〰️▪️黑糖珍珠鮮奶，芝士奶蓋白桃烏龍($29,$29)我媽媽話次次黎都一定要叫黑糖珍珠鮮奶，咁我相信依款飲品真係好難整得唔好飲🤣 但我自己就覺得芝士奶蓋

偶爾也會過來這邊吃飯，整體份量大份，味道帶台灣的地道，台式茶飲款式多。而且價錢划算，沒有加一服務費，都是以自助形式下單。餐廳無論外賣或堂食，均很受食客歡迎，常常都要排隊等候。地獄三盛牛肉麵材料：腱心牛肉、牛腩、牛丸、蘿蔔，材料大件、豐富。牛腩炆得入味，肉質厚件；牛腱是肌肉位置，筋多且肉質結實。湯底：地獄麻辣牛肉湯，棕楬色、香辣濃醇的。地獄辣度是特辣程度，對於嗜辣者來說特別過癮。湯頭應該加入大量辣椒、辣椒醬、香葱、滷包等熬製，出色是沒有牛肉膻味。麵底：台灣麵蕃茄花枝丸麵材料：花枝丸大大粒，口感彈牙有嚼勁，還吃到花枝小粒呢。湯底：特濃蕃茄湯，濃郁酸甜，還有些蕃茄切成小塊。麵底：台灣麵另外，還加配些前菜，上湯浸白菜仔、滷水豆腐、涼拌貓耳朵，都是些開胃細小碟，跟朋友分享，份量剛好。當然不少得台式飲品。脆脆柯華田冰凍的柯華田底，上面有忌廉及脆脆，帶點麥芽香。不過，柯華田味道淡了點。

今日再次去呢度食滷肉飯，水準依然好高!炸排骨滷肉飯排骨炸到好酥脆而且仲保留有肉汁，炸粉亦都唔厚所以食落口感味道都一流! 重點就係滷肉飯，滷肉肥瘦都有但又唔會油膩，配埋炸排骨一齊食超正!酸菜紅燒肉麵見到出咗呢個酸菜紅燒肉當然要試下，紅燒肉層次一流，肥同瘦既比例適中而且炆到好淋唔痴牙，加上大量既酸菜食落好開胃又唔會滯。三杯雞用煲仔上，雞肉鮮嫩而且醬汁完全覆蓋每塊雞，香料味道濃郁但又唔咸，送飯真係一流!另外叫左兩杯飲品，分別係黑糖珍珠奶茶同珍珠可可。兩杯都一樣好飲而個人比較鍾意珍珠奶茶，因為個茶底好濃而且飲落黑糖既味道好夾奶茶!

今晚太夜收工費事返屋企食，就同同事一齊食完晚飯先至返屋企，見呢間台灣食店開左好耐都未試過，現在又冇得去旅行，就一於入去試吓已解相思之苦，店內嘅環境都幾寬敞舒適，即刻睇吓餐牌都幾多唔同款式嘅食物，我哋叫左幾款美食和兩款特飲來品嚐一吓鹽酥雞排滷肉飯：雞排外脆，鹹度剛剛好，好惹味，滷肉好入味，撈飯一流另外跟餐加15蚊要左兩個小食，滷水豆腐和涼拌黑醋茄子滷水豆腐：普普通通，好處一啖一粒涼拌黑醋茄子：茄子軟滑，酸酸尾尾，食完胃囗大開三盛紅燒牛肉麵：腱心牛肉炆得好腍滑，牛腩一層筋膜 一層肉，一咬即開，牛丸咬落爽囗味濃，台灣麵入囗煙煙韌韌，紅燒牛肉湯底好香濃牛肉味，飲完唔囗乾椒鹽花枝丸：大大粒香脆爽囗彈牙台灣烤香腸：台灣香腸真係特別美味可囗夏日水漾鮮果茶：有藍莓、火龍果、士多啤梨、青檸、檸檬和西柚呢幾樣鮮果，好香茶味，入口味道似百香果蜂蜜檸檬蘆薈：甜甜地，好多蘆薈粒增加囗感以後返工或收工都可以來呢度醫肚

屋企人好鍾意食台式紅燒牛肉麵， 今天下午去了將軍澳廣場嘅 [桂花小幸]。 有台灣麵，台式飲品， 最好不過！餐廳細細不過都幾多嘢食， 隔離同店獨立仲有外帶手調飲品。安排座位後自己到收銀處落單， 接著會有店員送到。腱心牛肉麵（紅燒湯）$51紅燒牛展，入味又夠腍， 紅燒湯底带少少甜， 味道唔錯。 用上粗麵特別有風味！芝士奶蓋桂花烏龍茶杯裝真係好巨型， 對我嚟講 太大杯。桂花烏龍茶味清香， 芝士奶蓋唔算好稠。酥炸排骨（雞肉飯） $59今次特別唔試佢嘅滷肉飯， 改為雞肉飯冇咁油膩。 雞肉上有炸香嘅紅蔥。 酥炸排骨，肉質唔錯，又唔會好乾同好硬， 外皮炸得酥脆， 香口惹味～ 這個套餐組合份量足非常飽肚！魔力水晶可可$28凍朱古力加上好像蒟蒻定魔芋， 朱古力味唔算太濃，而且好像混入少少咖啡味。 所有飲品甜度都可以自選。養生清燉牛腩麵（養生湯） $59牛腩入味，不過都有啲肥。 反而欣賞佢嘅湯底，带少少藥材味道。 份量很大。牛肉濃湯水餃$28（4隻）水餃皮比較腍，不過配牛肉濃湯味道唔錯。台式熱奶茶奶味偏濃， 茶味濃一点就更好。

朋友帶我去咗呢間台灣餐廳 其實我好鍾意食台灣野哈哈 幾期待我點了一碗地獄三盛牛肉麵同一杯芝士奶蓋鐵觀音 有芝士奶蓋點可以唔叫！我哋仲點了一碟台灣烤香腸～ 牛肉麵十分大碗 很飽足嘻嘻 三盛是腱心牛肉 牛腩與牛丸 湯底另外加了蘿蔔辣椒與特製橙色的辣醬 味道幾特別 唔係好辣嗰種 但係又刺激到味蕾 麵的質感略嫌少少粉感 另外 台灣腸很香 size亦切得比平時在其他台灣餐廳吃的大 幾多汁 很好食 不過腸中的肥肉都唔少 自己有少少怕肥不過肥還肥 好食還好食呀 唔怕肥的話便可以盡情食芝士奶蓋鐵觀音亦不錯 幾大杯 芝士分量足夠 茶並不會很甜 喜歡幾鍾意呢間餐廳！有機會會再來呀

晏晝過嚟將軍澳呢邊食嘢，呢邊商場好多，咁啱行到嚟將軍澳廣場，見到呢間台灣野好似唔錯，文清風格嘅裝修，啱晒我呢啲年輕人。不得不讚餐廳嘅環境好好，佈置方面都幾用心。而我哋係下午茶時段用餐，所以價錢相對上比較低，選擇都好豐富。《桂花雞翼》$26炸得好脆口，入面嘅雞肉都好嫩滑，仲可以沾桂花汁，味道更加特別。《夜市香腸》$26香腸多汁，而且外皮脆脆地，好味！《鹽酥雞扒雞肉飯》$59鹽酥雞扒份量好多，外層酥脆，皮唔算好厚，雞肉亦都幾滑，不錯。而雞肉飯就正正常常，雞肉表面嘅汁可以多番啲就更好。《103腱心牛肉麵》$59牛腱有四大片，好軟淋，膠質豐富，好好味！麵條偏幼，軟硬適中。湯底方面都唔錯，紅燒味道突出，嫌略偏甜。《芝士奶蓋阿華田》$25奶蓋味道濃郁，稠度一般。整體唔算好甜，都唔錯。《仙氣火龍果》$25走咗甜，但依然保留到火龍果香，仲食到粒粒火龍果籽👍🏻 總括來講，呢間台式食店質素唔錯，午餐下午茶都幾抵食，下次經過有機會再幫襯。