桂花小幸 (將軍澳廣場)

营业中

休息中

今日再次去呢度食滷肉飯，水準依然好高!炸排骨滷肉飯排骨炸到好酥脆而且仲保留有肉汁，炸粉亦都唔厚所以食落口感味道都一流! 重點就係滷肉飯，滷肉肥瘦都有但又唔會油膩，配埋炸排骨一齊食超正!酸菜紅燒肉麵見到出咗呢個酸菜紅燒肉當然要試下，紅燒肉層次一流，肥同瘦既比例適中而且炆到好淋唔痴牙，加上大量既酸菜食落好開胃又唔會滯。三杯雞用煲仔上，雞肉鮮嫩而且醬汁完全覆蓋每塊雞，香料味道濃郁但又唔咸，送飯真係一流!另外叫左兩杯飲品，分別係黑糖珍珠奶茶同珍珠可可。兩杯都一樣好飲而個人比較鍾意珍珠奶茶，因為個茶底好濃而且飲落黑糖既味道好夾奶茶!