桂花小幸 (將軍澳廣場)

营业中

休息中

今日同朋友出街食飯，一於拉佢嚟呢間餐廳食啦，之前都食過，真係好高質！平靚正😆今次都冇令我失望，$200幾蚊已經食到好飽🤩叫咗一個紅燒牛筋三寶面裏面有牛腩、牛筋、牛肚，材料好豐富，而且牛肉炆得好林，好入味，配上紅燒湯底一流😛另外叫咗個麻辣牛肉雞翼麵麻辣對我來講有啲辣，但辣得夠過癮，食咗一啖就忍唔住繼續食，仲有個細黃瓜做配菜😚另外叫咗桂花雞翼係依度嘅招牌菜，雞翼好入味，肉質鮮嫩仲加配左兩款小食，一個係時菜，令一個係貓耳朵（雲耳），兩個都健康又好味😋仲有一定要叫番杯到嘅嘢飲🧃一定要叫鐵觀音珍珠鮮奶茶，係用真茶包沖成，茶味配上奶蓋嘅味道，兩者味道好夾❤️仲有仙氣草莓茶，好香嘅士多啤梨味🥰以後一定會繼續幫襯！

放咗工之後，突然間好想食滷肉飯，同同事好好relax下先。餐廳好有文青feel，有一黎小確幸感覺🥰晚餐好抵食，唔洗$100又有上湯浸時菜，又有原盅燉湯！<鹽酥雞排滷肉飯>次次去台灣都必食滷肉飯同鹽酥雞排，呢碗滷肉飯完全滿足到我嘅台灣思鄉病，滷肉半肥瘦，撈飯一流🥰雞排炸到好脆，雞肉又唔會太乾身👌🏻<酥炸排骨滷肉飯>炸排骨非常甘香，咬落juicy！平日好少有得飲湯，呢盅青粟米湯超甜🥰好幸福❣️ <台南手工餡餅>比想像中大件，外層煎到好香好脆，咬落啖啖都係肉同肉汁🤩正！ <仙氣火龍果茶>推介推介推介！消暑一流，每啖都有好清新嘅火龍果味，感覺好健康❣️杯上面寫住嘅字句，比到我一個好好嘅鼓勵🤩

大西北人難得出開將軍澳，緊係搵下有咩值得試吓嘅餐廳啦 聽聞將軍澳廣場呢間桂花小幸有好多好評，而個日中午去到又見無咩人排隊，所以就嚐吓鮮 就咁睇菜式同茶木差不多，唔知味道又點呢呢間餐廳係安排座位後自己去收銀處落單，跟著就會有店員上菜，你亦可以攞本menu返座位同朋友慢慢商量卡位旁邊有塊夾左好多明信片嘅裝飾板，真係有一種去左旅行嘅氣氛呀細睇每一張明信片都好有心思，值得慢慢欣賞 而午餐set都唔貴，主食＋小食＋飲品都係六十幾蚊，唔洗加一<紅燒滷水雞翼麵+滷水豆腐+熱檸檬水 $58>今次麵條就揀左台灣麵，湯底揀左紅燒牛肉湯，麵條粗幼度適中，食落去有彈性，充分吸收紅燒牛肉湯嘅味道，有少少牛肉香味，值得推介 滷水豆腐細細粒，有咬口，唔鬆散，亦滷得好入味 作為餐前小食唔錯。而滷水雞翼應該係BB雞，細細隻，味道醃得好夠滷水味，唔會太濃太淡，雖然肉質唔鞋，但稍為煮得太腍了 一咬落去D肉即刻甩出嚟，有點鬆散。Overall，想打卡同試吓台灣原味道嘅人都好岩嚟呢間桂花小幸，可以慢慢同朋友傾吓計，而一個午餐set價錢都唔貴，食物亦高質，係茶木以外一間性價比都好高嘅台灣餐廳

星期五晚市都多人等位 好彩等咗十五分鐘就入得！鐘意桂花小幸多選擇 有飯有麵仲有晚餐套餐！古早味滷水拼盤份量唔少 滷水都好入味唔會過鹹！所以食落就啱啱好！鹽酥豬扒配雞肉飯豬扒嘅外皮唔會過鹹 都做到外脆內軟 仲要係即炸熱辣辣！另外雞肉嘅份量亦都唔少 且雞肉嘅質地都唔會太鞋！蕃茄水餃麵首先係超濃味嘅蕃茄湯底！味道自然得來又唔會太甜太酸！水餃亦都大大粒再配上台灣麵 係勁飽肚！另外加咗兩款小食 上湯浸時菜同涼拌貓耳朵 都只係$15！飲品就叫咗遇見珍珠可可同珍珠奶茶！珍珠都夠煙韌！

將軍澳對我來講都算幾熟悉嘅，因為都有一班親朋戚有都係將軍澳度住啦，而我經常都會入將軍澳去探佢哋嘅，今日呢我又去將軍澳探我親戚啦，一場入到黎啦順便去搵好嘢食啦，行行吓就見到有間食台灣野，月眼見門口都幾多人等緊位，一於就食呢間啦⋯⋯我就叫左果麻辣紅燒腱心牛肉麵$63，為食嘅我架加$15叫左滷水蛋及滷水豆腐，而朋友就叫咗麻辣三寶米線套餐（牛丸、豬肚、水餃🥟）$69，朋友梗係唔執輸照跟我一樣那兩款小食啦，佢就叫左滷水蛋及上湯時菜，而香腸控嘅我架要叫碟台灣烤香腸$28來食下啦。首先講下我碗牛展炆得好冧及入味，而最好係麻辣醬係另上的，鐘意食幾辣就自已加幾多，而朋友碗麻辣三寶米線🍜都幾多水準，滷水蛋都好入味，但滷水豆腐比較淡及菜有啲老，最後架要叫杯台式特飲埋果靚尾啦，朋友就叫左黑白配珍珠豆乳，而我就叫左黑糖珍珠鮮奶啦

將軍澳廣場裝修之後，環境唔同晒，而且引進咗好多新嘅食肆，今次就試吓呢間台式料理，叫桂花小杏，下午二時，店內都好多人食下午茶，睇嚟都信得過我叫咗一個紅燒牛肉麵，另加滷水豆腐及涼拌貓耳朵。紅燒牛肉麵嘅牛肉份量多，牛肉夠晒入味，面積都夠彈牙，湯底也不會太鹹。兩款涼拌小吃，都非常適合夏天食，貓耳朵即係木耳，非常爽口，味道好。令一個套餐點左三杯雞定食，上菜時真係話一聲，因為好精緻，白飯一大碗配上滋味既三杯雞，雞肉嫩，呢個比較濃味，非常之好送飯。飲品方面呢度有好多台式特飲，我哋叫咗仙氣火龍果茶及紅豆豆漿，飲品嘅包裝紙杯都非常精緻，看出佢哋好用心，飲品味道也不錯，不會太甜，比較健康。

住係將軍澳嘅朋友都知將軍澳嘅商場裏面嘅餐廳大多數都係d連鎖快餐店 食得多都會令人厭倦嘅感覺 今日為大家介紹下一間價錢合理又好食嘅台灣麵店 宜間係一間可以令人放低生活壓力嘅休閒聚腳點 裏面嘅裝修都會令人有種簡單而舒適嘅感覺我今次嚟食就食左個紅燒牛肉麵加杯蜂蜜綠茶 唔好以為個牛肉麵淨係得個樣靚 佢嘅味道可以拍得台灣當地牛肉麵嘅味道 真係可以包你食過返尋味除左牛肉麵之外 佢地仲有好多唔同嘅小食同埋飯 麵等等 味道都唔錯 你地都可以試下！如果唔太肚餓又想飲下野嘅話可以係外面買杯野飲有好多唔同嘅選擇 價錢方面平嘅可能18蚊就有杯 貴少少嘅可能30幾蚊杯 因為疫情關係未必可以周圍去品嚐唔同嘅美食 如果想食正宗傳統嘅牛肉麵 不妨可以嚟呢間試吓😋

端午節朝早9點10分叫兩個餐，要等到9點27分先有，仲要比外賣送餐的打尖先攞唔理幾好食，無時間可以慢慢食的絕對不要去收銀又慢，睇住個阿姐落單用咗5分鐘去招呼一個客

準備好星三去aeon 掃貨前要醫肚仔，我多數會揀桂花小幸，我好鐘意食佢地的魯肉飯，勁香唔咸出面好難搵到好食的魯肉飯，一係唔肥，一係得個咸字😩但呢間真係有驚喜！佢仲有燉湯套餐，無味精，而家成日出街食埋啲味精野，有個足料燉湯飲下，都係$80一個餐，貓耳仔係另外加，但其實個餐真好夠食，一個女仔應該食唔哂，連我咁大食都飽😌😌😌好多人話坑口嗰間好食，我覺得呢個先係台灣的味道

假期出街食早餐真係辛苦，到處都要等位😂行过見到幸花小幸有人行出來我即刻沖入去坐低✌️酸菜肉絲米線炒蛋烤吐司🍞米線有好多不過酸菜得少少，炒蛋非常滑滷蛋（雞肉飯）紫菜魚丸湯✨好大碗飯，紫菜湯非常清新👍

晚市的桂花小幸長期排隊，任何時候去都要等位，看看價位就略知一二了，原來6-70的套餐已經很豐富，大胃王吃$88的套餐更是十分飽餐廳裝潢很時髦，像一家新式cafe，年輕人跟一家幾口都很多首先就是大胃王套餐$88燉湯三杯雞有蘿蔔雞清湯，三杯雞一大窩，一碟黃芽白跟一碗白飯清湯真的很清澈，帶些許蘿蔔的清香，三杯雞麻油味很濃，加上一碗白飯，黃芽白是菜，兩人吃完都飽了七成，份量很大！另外$69+4 紅燒牛筋三寶麵轉番茄湯牛筋有超多塊！而且一些爽一些稔，口感非常有特色。牛腩跟牛雜也是超多的份量，牛雜有至少10條，牛腩很大還有幾塊！加$4 轉了番茄湯足足多了4件番茄！湯底帶微酸，很開胃！小食我們點了4款，最好吃的是茄子，酸酸的很開胃；蘿蔔牛肉湯都很不錯，但很少人點，因為真的只有蘿蔔跟牛肉湯，沒有肉上湯浸白菜跟滷蛋都比較普通，不過也可以作為前菜開開胃仙氣火龍果茶有很多火龍果籽！超滑腸～黑糖形珠鮮奶的賣相很突出，有外面茶飲的ＦＥＥＬ！

終於可以係將軍澳搵到間性價比極高的餐廳，兩個人叫左咁多野先$240，仲要味道唔差，將軍澳人一定要試。提一提大家，如果想試，記住要早小小去到拎飛，因為都有唔小人等位。1.鮮茄牛筋牛腩麵鮮茄湯底好濃郁 (高譚仔幾個level)，而且仲會俾幾舊大大的蕃茄，麵底都係幾彈牙，牛筋牛腩炆得好林，都有小小牛味，鍾意食蕃茄嘅人必點!2.滷水豬手麵 (紅燒湯)估唔到豬手麵有幾款唔同的湯底揀，我最後揀左紅燒湯。紅燒湯辣辣地，但配埋個麵好惹味。而個滷水豬手都有4隻，份量唔小，豬手食落去有啖啖滷水味，$68黎講好抵食。3.古早味滷水拼盤滷水拼盤入面有4款唔同的小食，份量唔小！牛展同雞翼相當入味。4.芝士奶蓋白桃烏龍茶呢杯芝士奶蓋好巨型，而且只係$23，一定要試，因為平過大陸連鎖店好多! 芝士奶蓋望上去好多，烏龍茶係見到有成個茶包係入面，所以飲落去都有濃濃的芝士味同茶味，因為茶味比夠濃，可以同芝士中和返，所以飲落去都唔算好漏。5.芝士奶蓋抺茶芝士奶蓋抺茶唔係好常見，呢杯落足料，抺茶味濃帶有小小茶甘味，飲落去出奇地同芝士好夾，比白桃烏龍更好飲。

今晚去咗桂花小幸食飯。晚市套餐晚市套餐包燉湯及上湯煮菜。 看上去一整個十分豐富的。 是日燉湯是 赤小豆扁豆冬瓜薏仁燉排骨， 在這悶熱天氣， 能夠消暑去水清熱去濕，不錯不錯。滷水蛋牛腩滷肉飯83牛腩滷得鬆軟有嚼勁，咬下沒有渣。而且牛腩份量多，件件都有份量。 底下還配上芽菜爽口美味。 滷肉飯肉質鬆軟，油香豐富。三盛紅燒牛肉麵 69材料勁豐富，腱心牛肉，牛腩，牛丸， 一大碗的。牛展肉味濃，鹵得軟硬適中，牛丸彈牙爽口。麵條 煙韌 ，煮得軟硬適中，，湯頭呈棕色，配以多款藥材料燉，濃香美味。302 桂花雞翼 26蚊3隻雞翼即叫即炸，外皮香脆，肉嫩juicy。 配以桂花蜜同吃，味道super up381 現做煎餃子 28蚊4隻即叫即煎, 肉嫩多汁。另外仲叫咗兩杯台式飲品黑糖珍珠奶茶攪勻後有黑糖香， 珍珠有咬口， 而且份量也頗多，不錯。仙草凍鮮奶鮮奶夠厚滑， 仙草滑滑的，好味。

鹽酥雞排麵呢個係紅燒湯，湯底濃郁既牛骨味再加上彈牙既麵身已經相當開胃，配合埋新鮮即炸既鹽酥雞排好夾，雞排炸得好脆又唔會過咸!紅燒牛筋三寶麵呢個係新出既麵，第一眼見到牛筋數量好多而且食落煙韌又有咬口，唔會咬唔爛既。加上牛肚爽滑同埋一大舊牛腩，呢個麵其實都幾抵食。麻辣牛肚太鍾意食牛肚既關係所以再叫，份量超多而且麻辣味香濃，辣度適中，真係麻同辣既比例岩岩好。牛肚亦係爽口，鍾意牛肚一定要試。煎餃子基本上每次都嗌，因為皮薄而且多汁，餡料亦都好豐富。最後叫咗十勝紅豆奶茶，紅豆味道好濃而且已經煲到溶溶地，一飲就可以飲落肚唔會一粒粒，奶茶既茶底都好香，奶味突出。朋友既水水果茶都好大杯，水果多而且佢叫少甜，飲落岩岩好。

今日過嚟將軍澳呢頭上堂，喺呢頭食埋晚餐，行過見到呢間台灣嘢，屬於半自助，攞到位要自己出去落單買嘢食。佢呢度有個養生湯係職員極力推薦，所以就試下佢個三盛牛肉麵。湯底好香藥膳味，我自己覺得幾好飲，甘甘甜甜咁。而佢個麵係圓身嘅，都幾彈牙，唔錯。而佢啲牛肉都好入味，好香，幾腍。台式嘢不能少了鹽酥，所以嗌左個鹽酥雞排。但今次唔係滷肉飯，而係雞肉飯。雞胸食落好似健康啲，冇咁肥膩。而佢啲鹽酥雞都炸到脆卜卜，炸粉唔算太厚，啲雞都仲滑嘅，唔錯。另外仲叫左個炸花枝丸，粒粒都大大粒，實實淨咁，完全係台灣味道。然後仲有個招牌桂花炸雞翼，佢係炸雞翼再加桂花糖漿，甜甜的。飲品就叫左個仙氣草莓茶同芝士奶蓋桂花烏龍茶，前者係我想知道咩係仙氣，原來係清新得嚟唔會太甜。但後者味道就淡左小小，芝士同茶味都比較淡。