校長燒肉日韓料理 (大埔廣場)

营业中

休息中

🚶🏻位置：同大埔鐵路站唔太近，但隔離就係巴士總站，都方便。環境：一入到去已經見到兩個1:1嘅Iron Man！探熱就要舉起隻手就要同Iron Man high five🖐🏻 好啱帶小朋友去👶🏻上一層嘅環境好令我驚喜，成個感覺就係翻新左嘅街市。同平時放題餐廳唔同，有個T字型嘢食區俾我哋拎嘢食，入邊唔止有燒肉，仲有蔬菜區、魚生區、酒樓區、花茶區。燒肉推薦韓式味道同黑椒！一口牛都幾正。燒肉有兩大區可以揀，牛同豬分開擺，選擇好多呀。魚生區有三文魚、吞拿魚等等揀，仲有得食壽司🍣為確保食物質素，每人每次只可以拎3️⃣份，每份3️⃣塊。留意番如果想食魚生🍣佢就要一開始落單嘅時候㨂定個plan!酒樓區唔止有燒賣，仲有小籠包、叉燒包等等，而且仲係用竹籠裝住，真係超有創意啊😍😍😍花茶區選擇多到以為自己去緊花茶放題🌿🤤🤤每一隻茶嘅功效都有寫明，不過就唔建議選擇三類或以上嘅花茶啦😛😛——————————👭🏻人數：2💵金額：$158/人 （加一）⏱到達時間：星期四5pm 如果想食足120分鐘，就一定要5點鐘準時到～⏳等候時間：0mins——————————

今日同朋友平日專乘黎大埔食呢個「校長燒肉日韓料理」3小時晚市燒烤放題🥢，大埔分店做緊優惠，都只係$218/位。非常超值，咁等我地試試質素吧。👏🏻👏🏻👏🏻今日星期一都人頭湧湧，好多人黎食。一入到去，職員已好快遞上一盤海鮮（廣島蠔、大虎蝦同扇貝）同極上牛肉，極有效率，同埋都係每枱free 一碟既，非常窩心。裡面分左好多吾同區域，有刺身魚生壽司區、炸物區、小菜區、中式點心區、冷盤區、火鍋配料區、韓燒區、甜品區、飲品區......真係好多款選擇，而且都係任飲任食！飲品區方面🥤，好特別既係佢地有自家制泡茶飲，有好多吾同種類既茶飲選擇🍵，食燒肉再配茶飲去減低油膩感，咁就可以食更多啦。至於服務方面，店員都好主動咁換燒烤紙同收拾枱面，服務都不錯👍🏻。整體來講，cp 值非常高，選擇種類繁多，完全係物超所值！

這天一行四人一同吃晚飯，但由於大家口味不同，不易找到一間餐廳能夠照顧所有口味，於是我們到達位於大埔廣場的校長燒肉日韓料理，他家的放題食物選擇豐富，能各取所需。我們選擇在黃金時段入座，雖然是平日的晚間，但人數很多，未夠鐘已大排長龍，建議可以考慮稍微遲五至十分鐘入座，雖然或者在時間上有點蝕底，但能夠避過排隊的人龍，或許可以提升用餐心情。入座後，可以先到自助選餐區揀選喜愛的食物。用餐區條理分明，把各類食品區分清楚。除了已經烹調好的食物，還有擺放燒烤用和火鍋用的食材，這些也可以按食客喜好自行取用再帶回座位烹調。此外亦有調味料區。我很喜歡飲品區，一來有沒冰過的飲品，二來還有一個有點規模的花茶區，食客可以按其功效自行條配花茶，瘋狂飲食同事不忘補身。當然不能缺少的是甜品區。這個軟雪糕機很有趣，見到小朋友也可以穩定地擠出一杯軟雪糕，很吸引呢。這讓我先從生冷食物開始。刺身區有師傅切出魚生，每次取用數量有限，這相信能減少浪費。我取了赤蝦、三文魚，配合壽司醬油食用，味道鮮甜，肉質嫩滑。我取了一些壽司，例如沙律腐皮船、香芒炸蝦紙米卷和花之戀。沙律腐皮船上邊的沙律醬，令味道更加強烈。香芒鮮蝦卷加入生菜等配料，除

之前食過元朗的校長燒肉覺得好抵食，所以知道大埔有分店後都想來試試！這裡的裝修和元朗店很相似，Ironman 和攀石牆應該是「地標」吧!晚餐時段實在坐無虛席，我哋食呢轉由7:15開始，登記好要等夠鐘，讓上一時段清場後才可進場，大家都幾乎一鍋蜂去搶食！食物款式實在太多，簡單可以分前菜、日式、熟食、燒肉、火鍋、甜品和飲品等區域。前菜就係沙律區和凍盤，有青口、凍蝦和螺做代表！日式區有刺身和壽司，刺身要排隊限取，三文魚、吞拿魚、帶子、油甘魚、牡丹蝦等，壽司都有好幾款！熟食區都有分小食和小菜，小食大部份係炸物，炸雞塊、薯條和小丸子之類，我都好鍾意食呀！另外都有好幾款中式小菜，估唔到有豉椒炒蜆，超正！而且仲有蒸櫃的大量點心，仲有温泉蛋呢！燒肉區就一兜兜分好晒，要幾多夾幾多，豬牛羊雞樣樣齊，仲有唔同味道醃料、或者唔同部機，選擇都幾多。火鍋區就係打邊爐食物，以菜類和丸類為主，當然有啲食物燒又得火鍋又得，悉隨尊便。甜品區當然也是重點！有不同糕點、糖水和至愛的雪糕！仲有多款韓式雪條、杯裝雪糕和自己唧嘅軟雪糕添！飲品本身就冇乜期待，通常放題都係飲嗰啲，不過呢度竟然有自家製涼茶，有心思喎！同元朗店一樣，仲有大量

今晚和家人黎食校長燒肉，遠遠已經見到有堆人在門口等著，原來係等夠鐘入場，好彩我哋有訂位，平日夜晚7:15時段，兩小時任飲任食，包燒肉、火鍋同刺身三大選擇，每人只係$218 ！一張枱有齊燒爐和電磁爐，想食火鍋自己出去攞個兜加湯就可以烚吓烚吓啦！不過我今晚主力為燒肉以來，所以玩左兩下就主攻燒肉！正當我忙於將啲肉喺個火爐上返來返去嘅時候，店員突然遞上一盤出煙嘅海鮮拼盤，嘩！仲要係免費每枱都有，太驚喜了！呢個海鮮拼盤包括大虎蝦、蠔、扇貝和安格斯牛（我估咋）！隻蝦真係超大隻，但要小心不要燒得太乾，扇貝都OK，如果大隻啲會更加開心！蠔都唔錯，好有蠔味，嗰幾塊牛就真係好食啦！當然除咗呢個拼盤，出邊仲有勁多的燒肉配料可選，例如一口牛柳、牛仔骨、豚肉、五花腩、雞翼、羊架、菠蘿、叉燒、雞扒、雞軟骨等，基本上唔會試得哂，整體質素都ok.雖然想主攻燒肉，但見到咁多美食都忍唔住試吓其他款式，我諗應該無人可以一餐試哂所有食物，實在眼闊肚窄呢！其中蒸點心、茶碗煮、炸雞件、雞肉串等都好食既。最後當然係留肚食甜品，原本見到個雪櫃有獨立包裝嘅凍西瓜、菠蘿和蜜瓜，點知到我想食甜品嘅時候已經冇晒，好彩都仲搶到支韓國雪條，再過

校長燒肉日韓料理 我之前都喺元朗分店和荃灣分店食過一次呢間放題令我最深刻嘅係 除左燒肉放題之外 仲可以打邊爐 又有刺身食 嚟呢到食一餐一次過滿足哂多個願望而且食物及飲品款式超多 仲有酒精類飲品選擇添🍻。今日我17:00入座 120分鐘放題(包刺身)$168 另收加一服務費我揀左食刺身價錢 所以入座前店員給予我刺身通行證貼紙 方便等陣出去拎刺身時俾店員睇🍣如果吾食刺身嘅朋友價錢相對會平返少少😎。生肉區:食物款式多到我已經數吾到 有幾多款🐷🐮🐔畫面超震撼⚡而且每種肉類都有幾款味道🤤有韓式辣味、有原味、有咖哩味😉。飲品區:除左紙包飲品🧃、罐裝飲品、酒精類飲品🍻、樽裝冷泡茶之外... 如果吾想飲凍野嘅朋友 紙包飲品有吾凍嘅選擇 仲有花茶專區 可以自己慢慢揀選最喜好嘅味道 自己泡茶🫖。冷盤區:我喺冷盤區發現重大 竟然有蟹腳🦀藍青口🦪平時呢d食物都係去酒店自助餐先會有 一般嘅放題有得食 我都喺第一次遇見 冇諗過今晚食一餐$200都吾洗嘅放題會有得食😚。刺身、壽司區:呢區喺最受歡迎 長期都大排長龍 不過留意返 客人每次只可取3款刺身 每款3片 切勿浪費🤩。總括而言 校長燒肉日韓料理 店鋪格局大 座位

校長燒肉最近經常約朋友到大埔區聚會，今次揀左校長烤肉日韓料理。好耐之前黎過一次，但人流比之前更多。食物除了牛肉+海鮮拼盤外，其他都是自取，款式包羅萬有，有刺身、熟食、生肉、甜品等，而且有沖茶區域，可沖自己喜愛的花茶。先烤最先上枱的牛肉和海鮮，牛肉肉味夠濃，大蝦新鮮，肉質爽彈。壽司、刺身味道也不錯，個人最喜歡他們的刺身蝦，一人每次只可取一隻，但入口相當鮮甜肥美。另一個驚喜是他們的炸物，香芋卷外脆內軟，椰汁炸球，口感有d似煎堆，但內裡有滿滿的椰汁，但味道相當出色。另一重點當然是燒菠蘿，烤過後更為滋味。烤肉當然少不了飲一杯啤酒，重可以一些炒蜆、螺肉。最後不能少了甜品環節，甜品主角相然是它...榴連雪條。

難得入大埔搵朋友食飯🥱朋友建議夜晚食呢間校長燒肉我地簡左120分鐘放題晚上7:15-9:15呢個時間段（每位💰218）話說我地6點50分已經係門口排隊未到7點門口已經好多人搞到我未入去已經好大期待哇 入到去發現野食種類真係好多搞到我選擇困難症又發作炸物選擇多樣，不過我怕熱氣我就試左小丸子同薯條食落都熱辣辣，酥脆不錯不錯壽司🍣都好多選擇本身對呢d類似放題形式既壽司無乜期望點知 呢間舖d壽司好食過放題質素真係唔差好推介食豬五花加埋生菜，落小小鹽同黑胡椒就咁簡單調味都好好味甜品方面都好多選擇超鐘意食佢個奶凍唔會好甜，而且份量啱啱好個人認為呢間舖性價比好高同埋好多貼心位 好似我地女仔有時唔鐘意飲凍野佢會出面都會提供d唔凍既飲品比我地選擇店員都好主動成日行過來收碟同更換燒烤紙成晚我地都好少出聲搵人鋪頭仲有得打邊爐但今次由於我一開始食太多🍣食到最後我地都淨係食左韓燒希望下次來可以試下個邊爐

校長燒肉啱啱起大埔開嘅時候就已經超多人去食，到而家一樣咁受歡迎，今次放工就去試下係咪真係咁正！唔同時間入座唔同價錢～個人認為五點至七點呢個時段入座會更抵食刺身、壽司收工咁肚餓入到去就嗱嗱臨夾返啲可以即刻食嘅嘢，三文魚控第一時間拎番幾件三文魚刺身同壽司啦！竟然仲有芒果炸蝦米紙卷！壽司款式都算多而且幾吸引，真係會忍唔到手攞多幾件🤤火鍋方面，有三個湯底可以揀，而且個鍋係鴛鴦鍋，啱晒啲有選擇困難症嘅朋友仔🤣燒烤方面，肉類、菜類、丸類各種可以火鍋或者燒烤嘅食材有4-50個選擇， 個人最鐘意雞排同魚柳，醃得好入味而且肉質食落都唔錯甜品方面，除左雪糕、雪條之外，仲有泡芙、啫喱，甜品質素中等～飲品方面，佢哋嘅飲品選擇超多，呢一樣嘢都係我好欣賞，唔少放題韓燒都係得幾款飲品，就算選擇多啲嗰啲全部都係汽水，但呢道唔單止有汽水有茶仲有低卡嘅選擇同酒類飲品～個人認為價錢都幾抵，見到唔少學生哥放學都會去食返餐🤪平平哋食返一餐放題都算唔錯嘅選擇～另外自己都覺得員工服務態度好好，枱上面有空碟佢哋都會即刻嚟收，咁就唔會阻住張枱又可以去拎嘢食，出黎食飯，嘢食好食固然重要，但如果服務態度都好成件事真係會開心啲☺️

勁肚餓要揾放題食！今日行左一日山，體力透支要大大食野！一嚟到，太多野食，有d無從下手！三文魚刺身勁肥美，可以食多幾回合！勁厚身！阿根廷紅蝦大大隻，蝦肉都爽口，唔錯！希靈魚爽爽口聲，好有口感！除此之外仲有帶子、吞拿魚、螺片等等。雖然每日行攞三樣嘢，但係每一樣嘅魚生都係3塊起，只係紅蝦一隻可一次一隻。之後有蒸魚、炒蜆、炒東風螺，同埋韭菜炒魷魚。蒸魚係原條分件，揀左條無乜魚骨嘅位置。拎咗之後要快啲食，如果唔係凍咗就冇咁好食。佢魚肉比較厚實，蒸魚豉油啱啱好。另外炒蜆分量好多，不停加，小辣無沙！韭菜炒魷魚必食！好好味，魷魚炒到好有咬感但唔係硬瓜瓜！韭菜好香口！凍海鮮有蟹腳、青口、蝦同沙律多元化！成個小酒店自助餐咁，蟹腳狂食甜肉！壽司種類有好多，花枝戀、腐皮壽司、油甘魚壽司、鰻魚壽司等。一開始仲有米紙卷，但之後就比人拎哂fill唔切？不過食其他都食幾round，腐皮壽司都有兩款，有蟹子沙律個個最好味！我既自助調配茶類係檸檬、金鐘、黑杞子、玫瑰同埋綠茶。另外仲有唔同嘅汽水、紙包飲品、啤酒同埋自家製茶。特別推薦錫蘭荔枝茶。飲落去有一陣荔枝味，但就比較濃，怕今晚訓唔著，哈哈！送左個海鮮盤，大虎蝦！同紅蝦

*校長燒肉*可以一次過滿足我兩個願望🤩。咩願望？米係燒肉X火鍋一齊黎😬。食物款式好鬼死多😍真係每樣一件都填滿我肚子🤣。基本打邊爐配料樣樣齊👏。刺身壽司又點少得😛。火鍋湯底自己揀。餐廳人比較多。拎嗰陣小心丫🥰。酒樓點心有。食物真係包羅萬有😬😬。甜品都幾吸引🤤。大家記得留肚丫☺️。養生嘅朋友可以試下花茶。有二十幾款甘多。好Surprise 🥳。刺身有大大隻赤蝦。鮮甜彈牙。回本必食😎。雞腎味道好好。我地食咗好多轉😝。

今晚與家人在「校長燒肉日韓料理」日韓烤肉韓燒+火煱、放題自助晚餐。⁠來到大門口到樓梯間都是打卡位，攀石牆宜看不宜攀爬，到達二樓才是餐廳。⁠120分鐘放題 $218一位，有足夠時間享用韓燒，7:15這場全廳全部滿座，⁠場面很熱鬧，大家都很守規則，員工人手充足，經常幫忙回收枱面不需要物品。⁠安座後，我先巡場用眼睛滿足視覺享受，擺設得漂亮的食物，未吃先開心！很窩心的自配自冲花茶，多款式、令我一時間眼花瞭亂，最終選擇大麥冬配茉莉花，清香怡神！⁠家人愛凍飲！⁠多款餐前小食：我推介香芋地瓜丸與娘惹山藥卷，香脆可口不油膩！一籠一隻蝦餃皇，味道不錯，嫌略餃皮較厚。⁠⁠我們選擇韓燒，獲贈送海鮮拼盤：肥牛、牛油蠔仔、大蝦、扇貝，出場的舖排很吸睛。⁠豬、牛、羊肉片，薄片快熟容易燒烤，是我們愛的韓燒肉類。⁠⁠放題自助餐不可錯過甜品，甜又滑溜的朱古力、草莓慕絲蛋糕是挺好。⁠芒果布甸、椰漿水晶仙草很滿足我的口感！⁠冰封鮮果要預時間解解凍，否則咬不下！家人多喜吃日式刺生，我喜歡熟食，各適其適，皆大歡喜。

今晚同朋友去食燒肉放題，揀左大埔這間出名抵食的餐廳，二百蚊有找就可以任飲任食韓燒，食物款式有過百款，所以每日都大排長龍。先食刺身，每人每次取一份，全部都有兩片，切得都唔算薄，三文魚比較鮮，吞拿魚就純肉無油脂。沙律菜爽脆，有些粟米、雜果等，可自行選擇加沙律醬與否。燒肉款式很多，每款都有幾種味，我自己就比較喜歡孜然味，因為其他醃肉味都帶點甜，反而孜然味就可以食到材料原汁原味。雞翼自己一開二，比較易燒，牛柳粒夠腍，三文魚鮫超肥美。一次性供應的海鮮及牛肉，大蝦至正，肉質結實彈牙。另外還有炸物多款，全部都新鮮熱辣，很脆口。熱薰都有炒牛肉、炒菜，食些蔬菜平衡一下，減輕罪惡感，而且全部味道不錯，好夠鑊氣。最後食返杯奶凍，牛乳味濃香。啤酒汽水任飲。

殊不知校長燒肉在大埔也插了旗，就去一探究竟。食店坐落在大埔中心地帶，地點可達度算挺高，附近就是大型購物廣場，很是便利。這家燒肉放題就是比較玩味，先是門口的ironman 來到不妨打打卡！可以燒的食品種類不少，有肉類也有海鮮，還有土匪，當然不能錯過！識燒一定要燒菠蘿！燒完的菠蘿甜度上升，暖暖嫩嫩，吃多少肉也不怕膩了！燒肉需時，當然要去吃些前菜了！刺身壽司都有，三文魚厚厚一片，油脂calling 。還有不同款的沙律，清新一下口腔。還有小朋友最愛的炸物，薯條和麥樂雞很吸引！牛五花和豬五花，吃的時候用沙律菜包着風味更佳喔！跟朋友來，燒燒又吃喝又一晚上。

這間位於大埔的校長燒肉，晚市分兩段時間，我們就食5-7點，每位全包$185，非常抵食，所以早段都已全場爆滿，幸好一早訂位。任飲啤酒汽水、清酒等，款式很多。套餐可揀包刺身或不包，刺身有三文魚、吞拿魚、牡丹蝦等等，樣樣都有，味道尚可，魚油較少，不過都鮮味。沙律有幾款，最正蘋果沙律，爽口脆口。小食大部份都是炸物，新鮮熱辣，薯餅超脆。熟食都有十款八款，主要都是炒菜、炒牛肉及炒麵等，炒麵很爽口。另外還有點心，不過不太吸引。燒肉款式超多，豬牛雞魚樣樣齊，每款還有咖喱、辣味及孜然味等等，味道不錯，而且不會過咸，三文魚最好味，勁多魚油。每枱還送上大蝦、牛肉、扇貝仔及蠔，最鮮一定是大蝦，足一隻手掌大小，鮮甜爽彈。牛肉就有咬口。甜品有奶凍及自助雪糕機。