校長燒肉日韓料理 (大埔廣場)

营业中

休息中

好痴線既放題店真係乜野都有而且水準幾好，200幾蚊性價比超高，燒肉，火鍋，刺身，壽司，甚至連中式點心都有，完全係應有盡有，平時出去只有一款，係呢到則可以全部一次過試曬，全自助式既放題，我好中意食佢即時咖哩雞軟骨，肥牛同牛柳粒都好好食，大多都係已經醃左有味，不過都仲有燒肉醬同大醬客人可以自己拎，大推冰凍刺身，大赤蝦真係好大隻，食識一定食蝦膏，藍青口我地都拎左一大碟食唔停，因為真係好鮮甜，三文魚同炸蝦卷全部都好好食，有師傅睇住好快趣就補貨，確保食物新鮮，冷盤中華海草同螺肉都係好好既前菜👍最後臨走仲有得同iron man影相添🤣

❤️由入門口至上去已經開始不停拍拍拍，影影影，因為好得意😎好似入咗童話世界，童真的我…你…妳….你…他….她…..他….無論大人細路見到，到一樣咁開心🥳未食見到已經在童話世界中的….飄過👍大到成間學校咁大….👍————————— 💚不知從何處開始食先啱？😂點解？😀因為食物多到唔知食邊樣先好？😁任飲任食：另每位奉送：和牛、元貝：大蝦🍤⋯⋯實在太多太多太多太多太多……嘢食😂😂🥃🍸🍹🧉🌰🍪🎂🍰🍧🍨🥧🧁🍡🍢🦪🍤🍙🥟🍱🍣🍛🍲🥘🫕🥫🍝🥟🥗🫔🌯🌮🧆🍟🍕🫓🥪🥙🍔🌭🦴🍖🍗🥩🥓🧇🥞🧈🥖🥨🧀🥚🍳🍞🥯🥐🍠🥔🥦🥬🍓🫐🍋🍊🍐🍉🍎🍏🍌每款食1/4件都無可能食得哂😂——————————💟喜歡吃又為食貓🐱的我，只係拿一些自己和朋友都喜歡吃的東西⋯⋯每件食物share一半食，否則一定飽到唔識行😂由於太多食物，所以只能吃了某些食物就略略細說😂⋯⋯因為唔想食唔到而浪費食物😂——————————⏩飲品：多款選擇….我就喜歡喝冷泡茶😊—————————-⏩食物：多到數唔晒，剩係講吓自己食咗D乜😂1️⃣和牛🐂：肉質唔錯、嫩滑2️⃣大蝦🍤：又爽又甜又大隻，長過隻👋手板😂3️⃣元貝：鮮甜肉嫩：4️⃣豚肉：我至愛又怎能不吃😂5️⃣金沙骨：食燒烤類食物，我一定

朋友生日有88折所以我們齊食日韓放題。有韓燒、火鍋、刺身、甜品。燒肉：雞、牛、豬、魚等⋯應有盡有。雞扒嫩滑，牛五花味香不會太肥，义燒美味，菠蘿味甜，餃子🥟都不錯👍👍火鍋：腸仔、丸類、菜類、菇類等⋯選擇多又新鮮。壽司：三文魚、蟹柳、蛋，見到壽司師傅即場製作，確保新鮮😘😘😘炸物：薯格、牛角包、薯餅⋯熱烘烘，很脆口。刺身：三文魚、吞拿魚、希靈魚、大大隻赤蝦，新鮮味甜，refill左幾轉😃😃超正。熟食：粉果、燒賣、溫泉蛋、蒸蛋、碗仔翅、炒蔬菜🥬。甜品：奶凍、豆腐花、雪糕。飲品：啤酒、罐裝汽水、紙包飲品、冷泡花茶，放滿幾個雪櫃。總結：食物擺放整齊又乾淨夠衛生，種類繁多，值得回頭。

身為大埔友 校長燒肉都算開左一排 次次經過都見有好多人排隊 但都未試過 所以今晚就決定同屋企人去試下 準時7:15入座 食兩個鐘食到9:15 都係$218一位***真心比想像中多野食 除左可以自己揀燒咩肉食之外 仲有好多熟食同壽司 基本上放題有嘅嘢佢都有 最令我驚喜係壽司 基本上出完一款俾人拎哂都會再refill其他款 有好多選擇唔會話食到好悶 仲有刺身可以叫 ***熟食方面有一d炸物 點心 蒸野等等 麥樂雞薯條最啱小朋友食 老人家就可以食叉燒包燒賣蝦餃 完全係可以滿足晒所有唔同年齡層嘅人 最後仲有甜品 雪糕奶凍 放題來講 選擇非常多 適合一家大細黎食

又想食放題，又怕回唔到本，咁就要lunch time時候黎校長放題啦！星期六日午時自助餐都係唔駛$200/位，加錢要埋刺身任食都好抵！除左可以燒野食，重可以打埋邊爐一般既雞牛豬菜菇，佢通通都有齊！重有甜品同雪糕機。飲品方面有啤酒，有幾款自己出既茶飲，最特別係有個花茶區，可以自助沖花茶飲刺身就有赤蝦，三文魚，螺肉，八爪魚片等，食幾轉都應該已經回左好多本到尾聲既時候，食物就冇再refill好多啦！自家飲品更加係飲晒就冇lu!不過食足2個鐘，咩都賺番晒啦！

食物種類繁多， 絕對可以滿足愛吃的。有燒烤有火鍋，有熟食有點心，又有壽司刺身炸物， 其實都抵食嘅 。至於美味同新鮮程度就一半一半 。壽司方面是新鮮的 ，滿意。奶茶布甸好味。 燒烤的蝦 有點不新鮮 牛肉也比較淡 烤生蠔 可以。中式點心可以。

午市學生去食燒肉放題加一都只係86！抵嘅 同埋壽司熟食甜品飲品都齊可以等肉熟嘅時候食雖然味道無話好正 都唔係特別新鮮但係勝在價錢！環境裝飾好得意 雖然地下有啲癡粒粒店員都OK 但係裝油紙嘅盤有啲唔係好衛生但係伏嘅係個個杏仁奶凍難吃到頭暈 大家唔好揀就得啦

今晚約左朋友食飯, 朋友提議去校長燒肉食放題, 餐廳分咗兩層, 底層攞位果到有勁大個iron man可以打卡😍🤳🏻!一入去已經超多人, 好多一家大細嚟食, 餐廳環境幾大, 出面有大大條食街, 有燒肉區🥩, 火鍋配料區, 熟食區, 點心區, 刺身壽司🍣, 沙律前菜🥗, 飯麵🍚🍜, 湯品糖水🍲雪糕甜品🍨🥧🧁🍮, 仲有好多凍熱飲品🍵, 啤酒汽水🍻🧃, 梅酒清酒🍶, 冷泡茶同十幾款養生茶可以任食任飲!燒肉區有齊哂牛🐂雞🐔豬🐷羊🐑, 扒size, 一口size, 雞翼雞軟骨, 仲有魚柳什至成條鯖魚🐟, 而且每款都有唔同口味, 原味, 叉燒汁, 咖哩汁, 蒜蓉汁連韓式都有!旁邊擺有其他配料例如香腸, 各式丸類, 餃類, 蔬菜類好似菇🍄, 瓜🥒, 菜🥬, 仲有小妹至愛嘅菠蘿🍍!!🌟冷泡茶刺身壽司亦有好多款可以選擇!!!除左e d仲有多款熟食好似點心, 炒硯, 碗仔翅, 薯蓉, 特色炸物好似炸香蕉, 蘋果春卷, 炸椰汁流心波波同炸山藥一開始店員亦會送上豪華拼盤入面有鮮蝦🦐, 帆立貝, 蠔同靚牛肉!

真係好耐無見過班舊同事，見近排疫情穩定點，就約出來見個面，食下飯。今晚去了大埔的人氣放題店大快朵頤。首先，價錢非常吸引，平日晚餐黃金時段$218就可以食足兩個鐘！已經包曬任食燒肉、火鍋、刺身、壽司、沙律、餐前小食、熱食、飲品、甜品及雪糕，真係應有盡有！如果大家夜收工，仲可以食佢個宵夜優惠，第二位半價！係半價！店內的環境都幾寬敞，而且無我最怕的滑溜溜地板，整體乾淨企理。驚肚餓未燒得切野食？呢到有大量的熟食，比大家邊食邊煮，食盡每分每秒！除了有一推炸薯條、鹽酥雞、章魚小丸子，仲有温和派的入口滑dudu的茶碗蒸同燙口小湯包。呢到仲有超驚喜的點心！粉果、鳳爪、叉燒包，啱曬我呢D放假起唔切身飲茶的懶鬼！不過，講到回本之選，一定係刺身區域！平時一般的放題店，都未必會見到吞拿魚的身影，不過呢到唔只有赤身，就連帶子、阿根廷紅蝦、榮螺、油甘魚都有，而且每樣食落都好新鮮，出名玻璃肚的同事食完都無事！如果刺身都唔夠喉，大家仲可以去隔離的壽司吧揀壽司。我自己就大推醬油三文魚漬，軟滑的三文魚，加埋香葱醬油，入口惹味。自助區的食材選擇好多，除咗可以食韓燒，大家仲可以用來打邊爐！點食由你話事！係每枱食客坐低，就會有

朋友生日又想座比耐久，所以朋友就訂了這裡之前上網看過評論，好壞參半環境很大，食物種類多，有韓燒，火鍋，壽司刺身，點心，熟食大量燒肉，丸類，蔬菜類火鍋湯底也有三款，壽喜燒、豬骨濃湯以及麻辣湯底飲品的種類也是非常多，所有啤酒汽水花茶任飲連最近大熱芫荽系列也有刺身也很不錯燒肉方面，個人首選肥牛，醬醃雞翼、雞腎，牛油粟米火鍋大多數都是食生菜、南瓜，減一下油膩感環境坐得舒適，油煙亦不大平價食物類種又夠多，味道不覺不失雪糕雪條，就連冰生果都有

好耐冇食燒肉了 校長燒肉真係好多選擇 食到人超滿足 ！ 同埋佢攞食物的位置都好闊落 選食物都行得開心 攞得滿足首先有炸物 壽司刺身等等做前菜 炸物都keep到暖暖地 係脆脆的 唔會話放左好耐跟著可以有熟食 好有驚喜 好多意想不到的選擇 例如茶碗蒸 南瓜湯 點心 等等 我試左茶碗蒸 都幾滑😚 當然啦 重點係燒肉 一開始員工會比一盤海鮮 有蝦有小扇貝蠔仔 我覺得蝦都ok 係彈牙的 燒完海鮮 當然要出去選下 有各色肉類 什至牛油粟米都有 ！ 不得不說 佢飲品甜品都超驚喜 可以自己沖花茶 仲有冰菠蘿 冰西瓜等等 真心有驚喜 最後都要講下員工服務 真係好好 佢會定期幫手收碗收碟 同埋換牛油紙！

5點零鐘，係大埔廣場地下見到大批人排隊，初時以為係mirror error黎左，望下發現原來人潮係排緊校長燒肉，我過去望下價錢，好平，5點入座有刺身都係$158，橫掂未諗到食咩，餐廳又開始叫飛，一於試下。店內裝修非常有趣，乜都有，座位闊落，眨眼間已爆場，出食物區行一圈，選擇眾多，應有盡有。除咗大量燒肉，仲有火鍋、熟食、湯、甜品。刺身畢竟係高價少少，所以先試，叫左吞拿魚、三文魚、螺片，非常新鮮，總共食左四轉。呢間燒肉比其他店舖出色在配料極多，燒肉時，我同朋友可以跟返自己口味加調味料，當中最推介大家食香草魚柳，冇估到平價但食到高質魚鮮，肉質彈牙，加埋蜜糖一流👍🏻重有鴨胸，好味到連食左幾舊。其實種類咁多，好難食得哂，食哂正餐，甜品竟然有驚喜俾到我，個朱古力蛋糕真係好好好食😭入面超足料，舖滿朱古力粒，味濃口感好，就算係好飽，我都停唔到連食四粒。總括而然，性價比高，每個類別都有非常多選擇，飲品方面，仲有酒，而且係好多款任你揀，包你食完飽足幾日😊

今日老公生日，佢話想近近地喺屋企附近慶祝，其實我屋企附近好多餐廳都試過，唯獨仲未試過校長燒肉，橫掂咁近地不如試吓啦！入到去燒肉店，俾佢嘅裝修吸引咗，店入邊分開好多個區域，係用學校嘅課室來劃分，創意無限！未食已經興奮！坐低一陣我哋就出去攞嘢食，真係大開眼界，佢哋嘅食物選擇實在太多，燒肉都有好多款，仲要係好好食添！除咗燒肉之外，仲有好多日本魚生刺身同壽司！另外熟食區亦都有唔少嘅食物選擇，每一款味道都唔錯！佢仲有好多好多甜品同飲品任君選擇。燒肉店來講佢都算係好多元化，下次唔知食乜好？唔使諗啦！一定係校長燒肉啦！

本人晚市進餐， 該職員長期黑面要求換牛油紙 唔該都唔會叫一聲執拾碗碟時都係黑面。d油會整到食客講句唔該真係咁難？？？我地係有比錢入黎唔係乞丐2百幾蚊都係想食餐好小小姐咁樣既態度仲點會有客人黎我記得當時進餐時間19：15分我明你地趕收工定點一夠鍾就叫住走 我明既咁樣真係夠鍾既但比d禮貌啦 唔好意思 你地夠鍾叫激員工都冇人理 再叫多次 該名員工黑面 一句唔該也冇換完張牛油紙 就走左去超黑面 我當時覺得我自己做錯咩舉手叫換牛油紙有錯嗎條路而經迫架啦行過收碟講聲會好少少囉呢間野食一次就算該名黑面員工 態度差 禮物欠佳

平日午餐抵食之選 真金白銀 並非廣告$88 任食 燒肉 壽司 甜品 飲品 加埋一每人都唔洗$100 加多$20 可以打埋邊爐 不過同朋友一心想食燒肉 就無加到 開頭同朋友都無任何期望 因為細個食開漢*苑 大量顏色醃肉但今次試個校長燒肉 實在令我哋喜出望外首先 環境十分寬闊 抽氣做得不錯食完之後都唔會成身臭崩崩自取食物方面 肉類擺放乾淨而且有位職員 企係到 隨時添加 所以唔使驚冇得食 而且客人都唔敢隨便亂夾另外仲包左壽司任食要求唔高 有三文魚 有蝦 等等更驚訝係有火炙系列 必試！！！不過就唔係高級食材 品質好好 熱食方面 有麥樂雞蒜蓉包炸薯餅 仲有中式小菜 例如炒菜 炒雜菇 豬紅同朋友都覺得好有心機 同 誠意飲品選擇勁多 除咗紙包飲品汽水 仲有一樽樽茶選擇