校長燒肉日韓料理 (大埔廣場)

营业中

休息中

超多野食，200蚊鬆的超抵，座位寬落，地方大，走動流暢，食物種類繁多，係香港真係物超所值，唔食真係走寶，衛生條件又好。而且交通方便。要求唔係太高，我認為食得。過

今日去大埔探朋友，咁朋友已經預咗book咗呢一間校長燒肉， 其實呢間嘢，我都想試好耐，因為之前行過荃灣佢都排曬長龍，咁今日見咁啱朋友亦都想試，咁就試下， 其實出面都有個iron Man畀人打卡， 我覺得幾得意大家可以打下卡， 入到去入面都幾寬敞， 而且座位間隔都有空間， 所以如果燒嘢食啲油煙都可以散得快啲。咁其實呢間嘢嘅食物數量都幾多下， 咁我就略略介紹返我覺得好食果啲畀大家參詳下。 如果介紹曬每一個嘅話真係下至四、五千字都講唔完。一上枱店員就攞住大蝦、生蠔 、牛肉同埋扇貝畀我哋去燒， 其實佢啲嘢我覺得都幾新鮮尤其是我最鍾意隻大蝦，好有鮮蝦嘅味道， 而牛我估應該可能係和牛亦都幾juicy。亦都有魚生提供但每人每次只限攞三款， 咁有三文魚、吞拿魚、八爪魚、帶子同甜蝦， 咁我覺得帶子就係我重點推介之一。 而出面亦都有好多壽司，不過我見到大多數三文魚壽司多D。丸類For火鍋嘅有牛丸、芝心丸、貢丸、陳皮魚蛋等，而陳皮魚蛋我覺得係必食之，一因為坊間好少陳皮魚蛋食啦已經。 熱湯嘅話佢就有日式清湯、壽喜燒湯同日式豬骨湯，自己個人口味就鍾意日式豬骨湯去打邊爐。肉類有一口牛、牛肉片、黑椒牛扒 、牛五花、

「燒肉×火鍋Crossover雙重放題」晚市分咗3個價錢，A係最平，星期六日都係$138@1位。如果想食埋刺身就可以選擇B，$168@1位。如果選擇A / B都要7點前離座。C嘅彈性就最大，$238@1位。而我地就選擇咗B，包埋刺身，五點入座，食120分鐘。安排入座後見到一張枱有一個燒肉鐵板，同一個電磁爐。食物、飲品基本上都係自助，一開始食物區係好多人，有食自助餐嘅氣氛。我地首先拎咗燒肉嘅食材，再去開個火鍋。火鍋湯底有幾款，我地斟咗豬骨湯，味道清清地，用來煮下蔬菜、菇類，平衡返燒肉嘅油膩感。飲品方面，店家有自家製冷泡花茶，茶香芬芳味道濃郁，解膩。刺身大約有7款選擇。其中阿根廷紅蝦大大隻肉厚，口感彈牙，encore好多次！

今日同朋友喺大埔食飯 朋友突然之間想食燒肉 另一位朋友就介紹咗呢間校長燒肉 聲稱平靚正 主打性價比高 咁我哋就決定入去試下啦入到去環境都幾舒服 座位都好闊落飲品配菜應有盡有 而且肉類嘅選擇都非常之多元化 值得一讚我自己就比較鍾意食海鮮 所以就攞咗啲蝦 蠔等等嘅食物 全部都好新鮮 食落有淡淡嘅海水味熟食方面 牛肉豬肉雞肉等等都非常之鮮味 絕對冇雪藏味甜品亦都有好多嘢揀 我就試咗呢個朱古力蛋糕 朱古力粉嘅味道竟然冇掩蓋咗蛋糕嘅香味 正呀

今日難得大家都抽到時間, 帶佢地黎試下呢間燒肉放題。我地全家都係食肉獸黎, 呢到岩晒我地!!😍呢到野食多到數唔晒, 所以等我介紹下屋企人既最愛~冷盤, 大蝦 蟹腳 刺生D蝦真係好大隻!!🤤🤤蟹腳其實唔算好大, 不過以量取勝! 絕對係源源不絕地供應!!刺身我都係最愛三文魚, 不過佢地D蝦都好大隻呀!! 好甜好新鮮呀~~總共有8-10款, 實有樣岩你!!😬😬飲品實不相暪, 全家都係酒鬼, 呢到有成櫃既啤酒!!  唔岩飲既仲有梅酒同清酒~😍基本沙律, 炸物, 日式前菜呢到全部都有。咁當然重點係燒肉啦, 記得要試下雞軟骨呀, 燒既真係好好食, 諗起都想再食🤤🤤食飽飽仲有甜品, 小點心, 雪糕雪條~ 又幾十款, 真係揀死人~

呢個燒肉都開左半年, 都未有機會試, 襯今日唔駛排隊就黎試試!!!🤤門口有超級大個IRONMAN!! 😍😍其實唔只一個, 每個都非常大!!😱樓梯沿路上都好多裝飾, 鍾意既話大家都可以打下卡~~😍餐廳裡面好寬敞, 都幾多檯, 唔會太逼~ 以放題黎計, 呢到真係好~多野食呀~ 🤤🤤🤤等我黎數數, 由前菜, 沙律, 刺生, 壽司呢重前菜😍到炒小菜, 炸物, 點心 呢種熟食, 當然唔少得燒肉啦❤️❤️❤️呢到有成3大個櫃檯放野食, 旁邊仲有超多菜!!  燒又得邊爐都可以!!🤤🤤連野飲都有超多款, 同老豆黎啤啤佢都幾爽, 另外仲有好多茶, 幾十種茶葉俾你揀, 我細佬即場玩左個估茶仔, 大家我閒都可以試下XD😊

近期食過款式總類算多既燒肉放題店其實佢有幾間分店，分別係元朗，荃灣而我就嚟到大埔鋪面唔算細，但係都全場爆滿講緊嘅時間係六點未夠星期六日價錢HKD238 + 10%兩小時任食除咗燒肉其實仲可以打邊爐熟食同刺身(油甘魚，帶子，赤蝦，三文魚，吞拿魚等等)既款式都唔算少仲有中式點心同中湯甜品都係我見過算多(放題黎講)一坐低，職員會先上一盤海鮮同少量牛肉海鮮質素正常，但牛肉就未解好凍出面燒肉類醃得唔錯，幾入味打邊爐款式，基本上都滿足到你另外幾欣賞佢哋飲品有自家製嘅冷泡茶而且種類都幾多啱晒唔鍾意飲甜野嘅人

**校長燒肉日韓料理-大埔店**上次經過見到個門面幾得體,吸引左我同老公想食於是就訂枱平日既19:30,入座都算順利,獲得安排一張4人枱但燒爐底好頂腳,我腳唔係特別長,都坐得有點辛苦坐低好快就有店員送上一份出煙的料理.見到環境好企理乾淨,都抱好大期望..可惜過於著重於門面上食物同員工質素真係有待改進首先熱食區部分,好似酒店自助餐咁用個熱盤擺放食物咁自然地就諗住真係heat住d食物啦,點知原來一切都係裝飾根本都唔熱既...咁轉戰去壽司果邊啦唔算吸引 不過都想試下既,壽司飯好濕,刺身好啞色 唔吸引我食咁就不如算啦,可能燒肉部分做得好好啦的確擺放得好整齊,不過d肉醃到欠哂原色.d羊架條骨好似甩左餃咁...奉送既果一碟海鮮更加係唔新鮮，燒完之後唔敢食我而且燒左勁耐都唔熟，因為店員三番四次黎熄細我個爐，其實我個爐燒咗咁耐都未試過出煙，其實我只係想燒熟我d食物,真係有咁難咩？再者 服務更是奇怪 負責我台的職員 有一隻有食物既碟擺係一隻吉碟上面 可能佢另外一隻手有嘢拎緊唔方便 但係我覺得如果佢有意收碟 佢可以友善提出要求我遞一遞下面嗰隻吉碟俾佢 而唔係夾硬sir 走我隻食物碟黎收野黎到換牛油紙嘅部份

120分鐘放題 $218/位星期一至五晚市 7:15-9:15pm 入座見到校長燒肉個名以為主打韓燒，點知原來超多野食，仲要樣樣嘅質素都唔差架😋全場配料、冷盤、甜品同飲品都係自助形式🍽冷盤竟然有凍海鮮，有長腳蟹、青口等，都幾驚喜🦀 刺身同壽司亦都好新鮮，紅蝦差唔多有手板咁長🦐 最搞笑係熟食有點心，蝦餃估唔到又幾好味，為左留肚唯有下次先試埋其他熟食🤣除左韓燒，仲有迷你火鍋俾每枱滾下滾下，一次過滿足兩個願望🤤 配料多到數唔晒，單係肉類都有成廿幾款，絕對滿足到我呢啲食肉獸🥩 最好味係牛肋心眼條，有少少脂肪，燒香好有肉味👍🏻 其他自家調味配料，例如土匪雞翼、麻辣雞腎都好惹味💁🏻‍♀️唔好以為食韓燒啲飲品黎黎去去都係果幾樣，呢度嘅飲品多到唔識揀😩 大大個飲品櫃自己攞，隔離有清酒、梅酒🍶 最特別係有出面少見嘅自製花茶，廿款花茶任你調製自己口味🍵 唔想自己沖嘅仲可以揀預先沖好嘅冷泡茶，今次試左白桃烏龍同錫蘭荔枝茶，兩款都好解膩，啱哂配燒肉🤭雖然已經食到八分飽，但點都要試埋甜品區😙 除咗大路嘅杯裝雪糕同雪條，仲有雪到冰凍嘅水果，即刻諗起番學果陣小賣部啲菠蘿冰🤣🧊雪糕機最啱小朋友自製雪糕，今晚有蜜糖牛奶同

晚上訂咗枱去大埔嘅校長燒肉食，得知生日月份有優惠！人頭有88折！呢間餐廳都出名，所以無時無刻都好多人。今次揀咗黃金時段去，好多新鮮野食，每枱都送一盤海鮮同極上牛肉比我哋燒，好新鮮！刺身丶壽司丶熟食丶甜品同飲品都任食，好多款選擇！飲品仲有清酒啤酒任飲！最意外有蒸魚同咸蛋黃蝦食！呢兩樣嘢食都好好味！見到一定要拎嚟食！好新鮮好入味！燒烤個part，出面好多肉類揀，牛小排同羊肉都好出色！呢晚真係好滿足，好多種類，唔同飲品食物任我揀

明明90分鐘放題 大埔店50分鐘時已經要人買單 70分鐘熄我地爐 80分鐘收餐具 從未見過一間餐廳咁 安心出行紀錄12:10入座 13:36被趕走 雖然都食飽 店大欺客不可接受

睇社交平台見到個video介紹都幾吸引，好有特色，創新同埋多元化，半自助餐打邊爐加燒肉放題，乜都有得食咁。係就係好平字，不過係俾啲好劣嘅食材。最奇怪嘅係個韓燒爐要加牛油紙喺底，搞到啲油癡晒落啲食物度，油琳琳！只可以講一分錢一分貨😒

今日同朋友去咗聚會 佢話想食燒肉放題 於是就揀咗呢間大埔都幾出名嘅校長燒肉 夜晚嚟到已經超級多人 好在有book位 如果要嚟食嘅朋友就記住早啲book位啦餐廳入面全場爆滿 不過卡位都幾闊落 坐得夠舒服 會有每人一份質素好啲嘅燒海鮮同牛肉 包括有牛油廣島蠔 大虎蝦 扇貝等等全部食物飲品都係自取先攞咗啲熟食 都有唔少嘅選擇仲有好多炸物嘢食添 有燒雞串菠蘿咕嚕肉 同幾款唔同既點心 冷盤仲有好多款嘅沙律同泡菜可以任拎你到今日嘅主菜啦 全部肉類都係任食 Refill速度都幾快 個人最喜歡食土匪雞翼同辣味豬大腸 兩樣都醃得好惹味 最後就梗係甜品啦芝士蛋糕味道唔錯 不過記住早啲拎

相信大埔人都好留意依間店，校長燒肉門口裝修別具特色，喺未開張嘅時候已經吸引好多人見到。仲有鐵甲奇俠睇門口簡直是無敵🤪 吸引咗好多人嚟打卡。多人到一定要book咗先，walkin基本上係冇可能，有三個價錢，食刺身同唔食刺身都有分兩個價錢！！所以對於唔食刺身嘅朋友，又可以平啲咁食到放題😄我揀咗平日嘅5:30去食，$158，依個價錢真係冇得輸，雖然係平日但係依然滿場！😌環境整潔乾淨，食物種類繁多，地方唔細令我諗起以前返深圳食自助餐嘅感覺。😂飲品方面有冷櫃，同埋沒有雪藏的，檸檬茶，可樂，仲有自家製的冷萃茶，我自己都飲咗兩樽😌養生嘅大家，仲可以有玫瑰花茶菊花茶等等自助形式。壽司刺身方面同酒店嘅感覺好似，壽司日式前菜可以自己夾。刺身方面如果你係揀咗刺身嘅套餐就可以食用，有張貼紙俾你，即叫即切非常新鮮！！燒烤方面種類非常之多，而且係醃製好的，全部都好好食，雖然多人但係見到佢不停refill👍海鮮方面只要like 社交平台就會有得送海鮮，我哋見到隔離枱有，問吓店員先知道，大家去記得問吓。😍長腳蟹都有得供應，多肉。燒烤方面佢會有將牛油紙係底，店員都好勤力幫你更換，咁樣就可以防止燒燶。仲有打邊爐可以食，但

燒肉款式種類多，調味適中(唔會太咸)，再加火煱已經好滿足。反而D日本壽司，刺身，蟹腳，凍青口，凍蝦D質素就差D，熱食就普普通通，無特別驚喜，但係個甜品蜜瓜軟雪糕就絶對值得一讚。