影片
更多
2021-08-02
87 浏览
今晚和家人黎食校長燒肉，遠遠已經見到有堆人在門口等著，原來係等夠鐘入場，好彩我哋有訂位，平日夜晚7:15時段，兩小時任飲任食，包燒肉、火鍋同刺身三大選擇，每人只係$218 ！一張枱有齊燒爐和電磁爐，想食火鍋自己出去攞個兜加湯就可以烚吓烚吓啦！不過我今晚主力為燒肉以來，所以玩左兩下就主攻燒肉！正當我忙於將啲肉喺個火爐上返來返去嘅時候，店員突然遞上一盤出煙嘅海鮮拼盤，嘩！仲要係免費每枱都有，太驚喜了！呢個海鮮拼盤包括大虎蝦、蠔、扇貝和安格斯牛（我估咋）！隻蝦真係超大隻，但要小心不要燒得太乾，扇貝都OK，如果大隻啲會更加開心！蠔都唔錯，好有蠔味，嗰幾塊牛就真係好食啦！當然除咗呢個拼盤，出邊仲有勁多的燒肉配料可選，例如一口牛柳、牛仔骨、豚肉、五花腩、雞翼、羊架、菠蘿、叉燒、雞扒、雞軟骨等，基本上唔會試得哂，整體質素都ok.雖然想主攻燒肉，但見到咁多美食都忍唔住試吓其他款式，我諗應該無人可以一餐試哂所有食物，實在眼闊肚窄呢！其中蒸點心、茶碗煮、炸雞件、雞肉串等都好食既。最後當然係留肚食甜品，原本見到個雪櫃有獨立包裝嘅凍西瓜、菠蘿和蜜瓜，點知到我想食甜品嘅時候已經冇晒，好彩都仲搶到支韓國雪條，再過
一張枱有齊燒爐和電磁爐，想食火鍋自己出去攞個兜加湯就可以烚吓烚吓啦！不過我今晚主力為燒肉以來，所以玩左兩下就主攻燒肉！
正當我忙於將啲肉喺個火爐上返來返去嘅時候，店員突然遞上一盤出煙嘅海鮮拼盤，嘩！仲要係免費每枱都有，太驚喜了！呢個海鮮拼盤包括大虎蝦、蠔、扇貝和安格斯牛（我估咋）！隻蝦真係超大隻，但要小心不要燒得太乾，扇貝都OK，如果大隻啲會更加開心！蠔都唔錯，好有蠔味，嗰幾塊牛就真係好食啦！
當然除咗呢個拼盤，出邊仲有勁多的燒肉配料可選，例如一口牛柳、牛仔骨、豚肉、五花腩、雞翼、羊架、菠蘿、叉燒、雞扒、雞軟骨等，基本上唔會試得哂，整體質素都ok.
雖然想主攻燒肉，但見到咁多美食都忍唔住試吓其他款式，我諗應該無人可以一餐試哂所有食物，實在眼闊肚窄呢！其中蒸點心、茶碗煮、炸雞件、雞肉串等都好食既。
最後當然係留肚食甜品，原本見到個雪櫃有獨立包裝嘅凍西瓜、菠蘿和蜜瓜，點知到我想食甜品嘅時候已經冇晒，好彩都仲搶到支韓國雪條，再過多兩個字已經變晒雀巢雪糕杯。不過仲有部雪糕機可以自己玩，蜜瓜和士多啤梨味自己接大大杯都得，味道都OK呀！
另外想讚下呢度嘅飲品選擇，竟然特登有一個corner係擺一啲唔凍嘅飲品，非常貼心！另外亦都有熱茶和花茶比喜歡熱飲嘅朋友，至於劈酒嘅朋友亦都有啤酒和清酒可選擇，喜歡健康嘅朋友亦都可以揀自家製花茶（凍嘅），真係照顧到不同人嘅需要，值得一讚！
张贴
