柞木炭家

营业中

休息中

見佢主打炭燒好似好吸引，特登帶埋女朋友上黎試試叫左個韓牛雞肉套餐 $620有好幾款前菜，茄子同泡菜幾好食，泡菜係成壺咁上，食完可以自己添開爐有D失望，明明話係炭燒，點知原來只係GAS爐上面擺左幾粒炭，燒出黎一D炭香味都冇，而且個火唔夠大，明明係好薄嘅肉都要燒好耐先熟牛：有牛小排、牛舌同牛胸腹，全部質素都好一般，無乜牛味，多筋咬唔開豬：第一次見五花腩連皮上，平時嗰啲通常燒兩燒就就，有入口即溶嘅效果，但呢到連皮燒如果唔燒耐d個皮會好靭，燒得太耐d肉又太乾...好難控制個火喉同時間雞：正常肉質，醬汁調校得唔錯，幾入味食到一半先上返個生牛肉他他，又係有筋兼冇乜牛味總括來講，醬汁/醃製食品幾好食，但牛肉質素麻麻，又唔係真係炭爐，唔值呢個價錢

話說小弟今日午市去食柞木炭家，發生佐一樣對顧客黎講，絕對唔想發生嘅事，就係劏客。我叫佐一個汁燒LA 牛肉，個女服務員落單個陣無問過我地係咪要下午茶餐嘅SET，就直接叫佐個188蚊嘅單叫燒肉，我見到張單個陣已經即時叫個女服務員過黎，問佢點解188咁貴，佢就話我無同佢講要下午茶餐嘅Set，所以落佐原價，然後我再問佢，咁下午茶餐啲肉嘅份量同正價嘅份量有無分別，佢竟然答我話無分別，兩樣差唔多。我當時已經立即扯火，份量無分別仲要收多我五十蚊，仲要無哂啲配料，飯同餐飲。我就立即同佢講可唔可以改返張單轉做set，佢就話落佐無得改單，而且態度語氣極度不友善。生意唔係咁做，你地咁樣劏得客，實唔會有客返轉頭，希望下年仲會見到你地仲營業緊

太太與我18:30到，入座率約50%，所以不用等。一座下便放下前菜和綠茶，因怕太熱氣，所以自備五花茶。2人一起到此晚餐，點了3款菜，合共$785。炭燒只是輔助，主要不知石油氣或是煤氣，因煮食爐是不停開著的。說回食物，分別點了厚切韓牛肉眼、海膽韓牛牛小排、厚切濟洲黑毛豬梅肉。當中最美味的是厚韓牛肉眼，燒起來很香，味道濃郁，肉質鬆軟。而海膽韓牛牛小排味道相當鮮味，只得4小份，份量太少。厚切濟洲黑毛豬梅肉則較為普通，因小的到過韓國旅行3次，每次去也有吃1++韓牛和韓豬的，韓豬的味道與我們一般吃到的，多一份甜味，即使在香港買到的急凍的濟洲黑毛豬，也有韓國吃到的味道，雖然在柞木炭家也有一點韓國的味道，只是較淡，味道不似預期。總體而言，味道是可以的，價錢點為昂貴。

旺角TOP商場新開張，頂樓有間疑似真木炭燒烤店，一於入去試下可能新開張，星期六午市比較冷清，服務員反應麻麻，有時會叫都唔應午市套餐有分燒肉類同非燒肉（煮好比你）類，價錢午餐黎講唔算平，甘入得黎無理由唔叫燒肉，兩個人叫左兩個燒肉套餐：汁燒牛肋骨邊肉 - $128自選三項, 牛舌, 牛柳粒, 黑毛豬五花腩 - $138套餐系包埋前菜，都有好多碟，泡菜好大一盤，其中一個套餐仲包一個韓牛飯，飯上面有啲牛粒甘個爐裡面有個碳波甘既物體，估計系環保碳之類，唔系韓國日本個種真炭燒，可能始終室內鋪頭唔可以用真碳掛兩碟肉相繼上臺，睇落系唔錯的，但係燒好咬落去個下就出事汁燒牛肋骨邊肉，其實“邊肉”兩個字都知唔系咩好貨色，不過完全無想象過系可以咬唔開餐廳有提供一把較剪比人邊燒邊剪，塊牛系硬到可以差啲剪唔開牛柳粒一樣，放落口咬成分鐘都吞唔落，基本上同塑膠無分別我明白午市貨色同主餐牌有出入系好正常，但起碼都要食得落掛全餐既牛肉唯一食得落既就系個飯上面個幾粒牛，雖然無咩味，但起碼咬到其他牛舌同五花腩就算正常，唔算特別好食，不過起碼吞得落肚另外店員服務都唔系好得，漏左跟餐個野飲，催左幾次都無用，因為餐飲系要加錢的，最

呢間真值得推介燒肉用木炭所以味道都好有風味特別推介佢既牛肉 咩款都禁鮮甜肉味我叫既係一set套餐620未加一紫薯生米酒係另叫既但真好飲埋單833兩個人食其實有特所以唔洗再加置食Waiter 都係咁suggest服務唔錯👍🏻😊成個餐有：雪梨生牛肉他他（韓牛）韓牛牛小排厚切牛舌韓牛胸腹肉汁燒黑毛豬五花特級蔥燒雞胸特級無骨雞翼特級無骨雞鎚石頭韓牛飯是日甜品牛肉他他值得一試牛小排牛舌都高水準特別牛小排 燒一陣就得入口非常嫩間中一兩餐想食好d可以黎試下

話説旺角有嗰新地標，正正就係旺角中心對面，而且就係旺角地鐵站B1出口直通商場，商場好似叫T.O.P🤗🤗🤗🤗係一個全新既商場，裏面有好多打卡位置今日黎既目的就係去5/F食晏啦我地揀左哩間用炭火燒烤既韓國餐廳🇰🇷除左有韓燒的午餐定食，仲有好多其他午餐選擇，不過我地目標明確，今日係要黎食牛既！！我地四嗰人嗌左四嗰set😋😋😋見對面枱嗌左嗰燒汁牛肉蛋包飯好似勁吸引，即刻照跟🤫🤫🤫然係嗌左嗰白切肉套餐配紅豆飯，再嗌左兩嗰燒肉套餐，嗰燒肉套餐原來都好豐富，有一碗大醬湯，柞木牛肉飯，配牛舌，另一嗰餐就係素菜拌飯配韓牛牛柳粒三份🤩🤩🤩🤩🤩🤩🤩加埋啲前菜，黎到成枱都係餸🤫🤫🤫🤫🤫首先嚟咗個牛肉蛋包飯，淨係睇過金黃色嘅蛋包飯已經相當出色，啲蛋汁仲係溫蛋包飯上面，望到都已經好想食，配埋啲洋蔥炒過嘅牛肉，好送飯囉個白切肉套餐都相當足料，燒好咗嘅五花腩係厚切呀，食落一啲油膩既感覺都冇，佢配埋碗紅豆飯，都幾特別，不過我覺得啲飯淋身左少少🙌🙌🙌🙌至於兩款燒牛肉套餐啲牛好新鮮，反而嗰韓牛牛肉粒既牛味唔係好出，但係喺收貨既😋😋😋😋哩兩款燒肉配埋兩款拌飯，我幾鍾意食嗰個柞木牛肉飯，因為中間有嗰蛋黃俾你撈飯，相當juicy

新開商場，好多舖頭都裝修緊，行咗一個圈小朋友話想食呢間原來小朋友想食蛋包飯，大人就想食白切肉套餐，之後見人哋燒又話要燒，最後2大1小叫咗個韓式炒粉絲，仲有1個六選三嘅烤肉set(後尾我見到人哋個蛋包飯好大份)炒粉絲出晒煙…嗰一小兜芝士小朋友自己一個食哂前菜蓮藕甜甜地幾好味，泡菜唔錯，成棵要自己剪賣相好靚(仲有一籃蔬菜㗎，唔記得影，都好新鮮㗎)厚切牛脷食咗一半先記得影＂柞木韓牛飯＂係烤肉set跟埋嘅，好味原本面頭係半邊一堆蔥半邊一堆切成細粒嘅牛肉，中間有隻生蛋黃，撈埋一齊食正可能新開嘅關係，舖頭入面都唔算太大燒烤味

一直都好想食炭火燒肉，但香港食都真係偏貴。今日行過見到呢間竟然有lunch set，座位寬敞，裝飾舒適，最緊要係抽風好！ 枱面設計都幾特別，有個入枱既工具筒，而網燒底下仲有五粒炭球。不過有d失望係佢開gas。粒炭似係裝飾。Lunch set 好抵！138有三款肉仲有飯同前菜添！ 我地兩個人一人叫左一個烤肉set，見雞槌同雞翼比較普通，就二選一，寧願叫多份牛柳，其他就各一碟！野飲就唔叫啦，睇名估佢都係平時任食個堆梳打。叫完野食職員即係放到成枱都係前菜，仲有一大壺泡菜添...我諗兩個女仔淨係食呢堆都飽哂平時唔多中意食前菜既我地，見有咁多又唔想浪費，最後每樣都試左d。個醃蘿蔔夠哂酸夠哂開胃，而個蓮藕甜甜地好特別！（個泡菜多到我懷疑係好似飲茶記調味料咁長放係枱）個芽菜唔夠味，有d草青味🙈 三份肉每份都比想像中大碟，仲好有心幾放左幾款蔬菜係碟！個牛柳脂肪分佈好平均，食落好香牛油味仲唔un，食得出係靚料，呢個真係大大推介香草雞翼醃得好足，去埋骨大大減低燒既時間👍🏻兩個牛舌味道一樣，但個人黎講中意厚切多d，有咬口得黎又可以燒到外面微脆入面又juicy 而五花腩有豬味又唔太肥，但我就唔係咁中意d醃料，

當日一行三日食韓燒。之前見飲食雜誌推介，即管試試。價單都唔平，一碟都成百幾二百，但質素高，值呢個價錢。韓牛好正，牛肉味重，食落又唔油。配菜多，而且有成樽泡菜，要落手自己剪，好過癮，又一定夠食。餐廳裝修同餐具擺設都好靚同方便，值得再去一次!

其實，我係佢開既頭幾日已經去左食。依家先黎寫食評當日兩個人 無訂枱可能因為新開 等左20-30分鐘就有得食！坐低後 waiter就送上燒用既既圍裙 同一啲韓國餐廳都會提供既小食~我地叫左佢個雪場牛湯飯（名好似係甘）麻麻地牛肋條 都係正正常常反而 濟州黑毛豬扒 好好食三樣野夠兩人食（不過我朋友係比正常女仔細食）後來比錢先知原來係炑朳既高級版。係就係比平時燒耐啲 建議大家燒炭耐啲先燒肉 不過炭味好足！正！p.s. 我唔知點解得反呢張燒完既相

朋友之前來過，覺得食物質素不錯，推介我們來食......一行5人，被安排坐係卡位......卜位時都有點擔心會否太迫，原來卡位好闊的......入坐後，店員就會將前菜上枱.....友人最喜歡哩度既泡菜，一大個兜裝住一大棵泡菜，係一大棵呀......要自己剪架......友人話醃得好好味.....仲食了2兜........hehe.......另外，仲有粟米芝士....而醃蘿蔔幾爽脆，但酸咗啲....沙律同蔬菜籃都幾新鮮......仲有芽菜同蓮藕......店員見到我們食晒，都會主動問下要否再加啲前菜......服務幾細心........飲品就不過不失啦.......魔法梳打由藍變紫，幾特別....韓牛肋眼上蓋......有張紙仔教點煮......講真......真的幾好味，牛肉唔鞋，又有牛味.......推介！柞木雪濃湯飯......牛牛好滑....配菜有青瓜/冬菇/波菜/白蘿蔔/紅蘿蔔/芽菜........都幾豐富，味道亦不俗！燒肉併盤（$620套餐）.....哩個韓牛雞肉套餐都幾抵食.......有一碟咁靚既燒肉.....當中包括厚切牛舌/韓牛牛小排/汁燒黑毛豬五花腩/韓牛胸復肉.

全港首家柞木炭韓式燒烤進駐旺角🔥Hong Kong's 1st Charcoal Korean BBQ in Mong Kok香港の初めのくぬぎ炭で韓國の焼肉だ！相信大家都有留意最近旺角多了一個新的潮人集中地-T.O.P，雖然新商場裡面有很多商鋪還在裝修中，不過Åland旗艦店還有部分餐廳都已經正式開始試業啦。前幾天去了位於商場5樓的柞木炭家食韓燒，柞木炭家是香港第一間用柞木炭的燒烤餐廳，令一向都對炭燒bbq有偏愛的我格外興奮😆柞木炭家的環境比一般的韓燒餐廳高檔，空間亦相對寬敞舒適，不會有煙霧瀰漫的舞臺效果😂😂食物方面，餐廳和其他韓國餐廳一樣提供了不同款的自家醃製前菜，而最巴閉的是全港獨賣的「韓牛肋眼上蓋」，油花細膩，肉質鮮嫰，燒到大概5成熟入口即溶，牛迷值得一試。另外，點了柞木五花腩、牛舌三吃、雞肉拼盤和柞木韓牛石鍋飯，特別喜歡厚切牛舌，口感彈牙爽口，很滿足😋第一次食柞木炭家印象不錯，除了環境舒適，肉類的質素和份量也幾好，有機會會再來。

上週五與家人嘗試這個炭火韓烤肉，整體不錯，有別於以往一般的韓烤，餐後身上沒有燒烤味肉的質量肯定是上價，飲品首推Magic Soda唯服務員可嘗試主動向客人推介菜單的選擇。待秋天來了，會再試試戶外的位置用餐。

早前試咗呢間位於旺角嘅新開韓燒餐廳。餐廳主打食韓牛，不過唔食牛嘅朋友都唔洗擔心，因爲餐廳亦有提供其他肉類~我地兩個人order咗兩款韓牛(分別係厚切牛小排(原味)同韓牛肋眼上蓋)，同一碗水冷麵。餐廳提供多款韓式配菜，有腌蓮藕、大豆芽、泡菜、腌蘿蔔同沙律，每種配菜都好好味，有韓式傳統味道。至於主角韓牛亦同樣出色，油花分佈均匀，牛味濃，肉汁豐腴，肉質嫩滑，一d都唔韌。我個人比較鍾意厚切牛小排，因爲油花無咁多，所以食落唔會容易覺得膩。至於水冷麵嘅味道都唔錯，冷麵軟硬適中，食落清爽冰涼，配烤肉一齊食就最好不過~餐廳環境其實都幾寬敞，唔會有拘束嘅感覺，亦唔會因爲烤肉而覺得好熱。當日見到唔少三五知己一邊飲啤酒，一邊食烤肉，其實都真係幾爽架！

香港餐廳的糖商環境的確受到多方的限制，其中一項絕對就是炭燒牌，導致炭燒行列的餐廳買少見少，然而旺角最近有一間以燒柞木炭的高級韓燒餐廳，每枱都有著各自的炭爐，令燒出來的食物多添一重炭香。 這店位於旺角一幢翻新的商場內，除了室內之外，還設有露天戶外的座位，如果天氣好，涼風爽的秋夜，絕對會是一個相當美妙的地方。餐廳主打韓牛及和牛，輔以特殊的切割方法，加上精緻的擺盤，與以往熟識的韓燒店折然不同。 餐廳是以深木色為主調，更能感受到那種燒烤的感覺。尤以平常的韓國餐廳一樣，都會提供多款泡菜，先吃點打開胃口，正因燒烤食物都有點熱氣，絕對要來點飲品舒解一下口渴，友人的魔法梳打，真的很美，看著它由藍變紫，令人陶醉。 牛舌三吃集合了薄切、厚切及特長牛舌三款，由爽脆至軟腍也有，風味各異尤其喜歡厚切的口感，烤得微焦爽脆，下點檸汁及海鹽，份外鮮味。 韓牛肋眼上蓋是牛肋芯眼的四周位置，也是矜貴的部份，口感相當嫩滑，既有肥油，也有瘦肉的部，烤起來，油香四溢，相當Juicy。搭上芝麻葉、生菜及辣醬，別有一番風味。 雖然占苗很喜歡厚切的豬腩肉，但當初次來到，還是選上口感一流的厚切濟洲黑毛豬梅肉。皆因豬梅