東海堂 (已結業)

29-8-2009(Sat)o係屋企見有好多餅劵,就同男友揀東海堂o黎用.去到,我問收銀一張咭可以換幾多件西餅?佢答一張咭可當$72.00用,我睇到咭背面印住可換$64.00o既西餅,就再問佢,佢答因為加o左價.啊,唔該晒呢位收銀,真係好老實咁話我知,唔呃我$8.00.咁我o地就揀o左$15.00動物系列o既1.小豬男友急不及待地要試呢個,我先食隻’豬耳’.係好甜o既朱古力,整個由豐富o既mousse包住少少o既蛋糕同生果.mousse夠企身但仍滑,淡淡o既士多啤梨味唔太甜,唔錯.2.小狗呢個係我同男友食o左四件後.我食唔落但佢想試時,我只食少少mousse,開個睇個樣我覺得係蛋黃味,但食落原來係芒果味,芒果味亦係淡淡的,呢個奶味重啲.留翻半件畀爸爸食,但佢唔食,於是我o係30-8-2009(Sun)食埋佢.唔知係咪雪凍o左o既關係,芒果味比29-8-09食更淡,唔覺有芒果味.3.12.00o既極上咖啡咖啡mousse唔甜但濃,濃到有少少苦味,蛋糕算軟.4.$12.00o既黑芝麻武士呢個又係留畀爸爸,但佢又係唔食,同樣o係30-8-2009(Sun)食.頂上面o既mousse味道淡淡;

E家咁興北海道牛奶,佢又用黎整芝士蛋糕喎,最緊見到用左Oreo餅底,才增加吸引之處。原來一小件都要$20!!!原個$128,以為用信用卡,平D啦,哼!原來原價係$148,折左仲貴過現金價!咁細個,如果係$148,唔服既,買M記魔鬼蛋糕好過!我D為食人,買來慶祝阿哥生日,無計啦!芝士的確好滑!好香!最唔鍾意佢面頭o個朕白朱古力,但係原啖食(朱古力片/忌廉/芝士/餅底),那朱古力片會發揮其,脆口的「功能」texture唔錯!再細分,齋食忌廉層,Oh!No!普通肥忌廉!仲以為佢會做出天使蛋糕的soft cream添!撇走撇走!Oreo餅底,不負我所望,脆口!整體上大家都覺得....漏,但我這甜品皇后,覺得幾好食吖!又唔算太甜喎!可以一試!

東海堂---系列~綠茶紅豆の丘+黑芝麻武士+極上咖啡日期：2009-05-31在"東海堂"(荃灣綠楊坊分店)買了新推出的"系列糕點"，有"綠茶紅豆の丘"，"黑芝麻武士"和"極上咖啡"(共$27)。1.綠茶紅豆の丘---頂層是紅豆羊羹和紅豆忌廉。底層是綠茶海綿蛋糕和雲呢拿綠茶忌廉。兩旁是甜忌廉和杏仁碎。紅豆羊羹主要由紅豆、*寒天，水和糖等材料製成。紅豆羊羹其實很像紅豆糕，豆味較淡。海綿蛋糕柔軟，綠茶味淡。整體甜味輕怡。 *寒天，即大菜，由紅褐藻類提煉而成，被視為魚膠的代替品。2.黑芝麻武士---頂層是原味布甸。中層是黑芝麻慕思和黑芝麻糕。底層是朱古力海綿蛋糕。兩旁是甜忌廉和杏仁碎。慕思幼滑，黑芝麻味較淡。黑芝麻糕彈牙，黑芝麻味算濃。海綿蛋糕柔軟，朱古力味淡。整體甜味輕怡。3.極上咖啡---由咖啡海綿蛋糕、牛奶咖啡忌廉和咖啡啫喱組成，兩旁是甜忌廉和杏仁碎。海綿蛋糕柔軟，整體咖啡味較淡，甜味適中。

東海堂---系列~"鰻魚燒餅包"2009-05-24 在"東海堂"(荃灣綠楊坊分店)買了最近推出的"鰻魚燒餅包"($7)。在家用小焗爐翻熱吃。(以200C焗3分鐘)。お好み焼き，中文稱為"御好燒"或"日式燒餅"。"お好み焼き"分別有"関西風"和"広島風"2大風格。"東海堂"這個"鰻魚燒餅包"是參考"お好み焼き"來製作的。鰻魚燒餅包---配料有蒲燒鰻魚粒和大根漬(醃蘿蔔)，配上日式照燒汁。官方圖片與實物相差很遠，外觀沒半點像"お好み焼き"。麵包鬆軟。蒲燒鰻魚份量較少，日式照燒汁味道香甜，鹹味適中。大根漬爽脆，酸味醒胃。

東海堂---北海道牛乳芝士漢堡日期：2009-05-24 今晚在"東海堂"(荃灣綠楊坊分店)買了3月推出的"北海道牛乳芝士漢堡"($6.5)。在家用小焗爐翻熱吃。(以200C焗3分鐘)。北海道牛乳芝士漢堡---加入北海道3.6牛乳(乳脂含量3.6%)製成的麵包，夾著忌廉芝士(Cream Cheese)。麵包鬆軟，奶味不算濃。忌廉芝士芝味較淡。有點失望。

見最近d forum講緊2款cake,一個係美心天使蛋糕,一個係東海堂流心芒果蛋糕mother's day就決定o左試下呢個流心芒果蛋糕早o左一日去東海堂訂,點知佢話流心芒果蛋糕full booking,得其他cake可以訂叫我正日o黎碰下運氣,睇下有冇我就咁買於是o個日首先去kwai fong店,佢話sold out wor之後就唯有睇下美心、聖安娜etc.最後都冇個o岩心水><最後決定去tw碰下運氣去到見到勁多人,不過都冇流心芒果蛋糕><問o左都話未有,最後返轉頭見到有一個,即刻buy o左 好開心用hang send card仲有8折,即係$118到o左夜晚食o既時候,可能希望太大,反而冇驚喜個cake主要都係mango mousse,得好少海綿蛋糕不過幾滑o既,不過就唔係好香overall ok o既不過試一次都無妨,下次會試其他cake

今晚在"東海堂"(荃灣綠楊坊分店)買了最近推出的"蒲燒鰻魚粽"($45~約220克)。真空包裝的粽子以精美的桃紅色保冷袋盛載。在家依指示將粽子隔水蒸20分鐘。蒲燒鰻魚粽---根據成份資料，糯米主要由瑤柱湯、日本料理酒、日本醬油、味醂和燒汁等材料調味，當中混入了素翅。餡料有蒲燒鰻魚、豬肉、假蟹柳、魚蛋和瑤柱。糯米口感黏糯帶點煙韌，醬油味和瑤柱味濃郁，味道微甜。鰻魚嫩滑，燒汁香甜。豬肉是瘦肉，比較嚡口，肉夠入味，味道鹹香。美中不足是瑤柱絲只得很少。

今次家兄牛一，我決定買個蛋糕贈興開頭諗住買美心天使蛋糕(因為食過starbucks好好食)，但生日蛋糕白雪雪好似唔係咁好其實第n 次食呢一款蛋糕之前同事、屋企人、朋友生日，都係貪圖呢粒豆可愛造型買呢款未試之前以為成個朱古力一定好甜，食落幾好，唔會太甜太漏有機會試埋豆阿媽芒果蛋糕臨時臨急先決定買，好在先打電話落舖hold 起~值得推薦

之前已經食過幾次呢個藍莓cake($15﹐忘記名字了﹐好似叫藍莓芝士條/餅之類..)第一次食係媽咪介紹的﹐話味道唔錯﹐唔太甜. 果陣仲試埋芒果同士多啤梨果隻﹐發現都係藍莓隻味最0岩!好耐無食過﹐今日因為未夠鐘lunch k又肚餓既關係同男友留買左一舊share食唔錯﹐仲維持到水準﹐唔太甜﹐好食! 但芝士味好像較以前淡了... 但味道都係幾好的 ^ ^ 男友唔太好甜食﹐所以唔太欣賞 ﹕(

點講呢,唔係話特別好食,但係又唔係難食,但係得閒食下既話都會有d新鮮感.又唔係太貴,又唔係太平.真係好average囉.

(11/11/07)有天見到食評友,讚東海堂tiramisu杯,今晚買來作晚餐。中間的酒浸咖啡蛋糕層,係幾好架!但Mascopone Cheese太多呢...攪到好似食泡咁。再買左件,榛子朱古力芝士條狀蛋糕,好好味噃!面層的榛子醬&下層的朱古力mousse很濃味。主要想講,東海堂o既西餅,我放棄了很耐喇,因為佢既mousse真係太多cream,太泡泡喇!今次的CAKE,可再比機會佢啦.....

向地球之友以優惠價購買一盒八個,共四種味道o既迷你冰燒月餅,15/9/2007(Sat)晏晝攞張月餅券o黎換領.好奇下,打開盒蓋睇睇,有外表奶白色o既抺茶紅豆,米黃色o栗子,粉紅色o既草莓同朱古力色o既綠豆蛋黃.四個雕花都唔同,同埋幾靚,我最鍾意唔係寫XX月餅或XX種類o既中文字o係面.1. 16/9/2007 Sun 才6:10pm,離食晚飯重有段時間,於是食隻迷你月餅先,揀o左抺茶紅豆,由包裝袋開出o黎,顏色又唔同o左喎,變o左淺啡色.切開一半睇,深綠色o既抺茶包住唔大粒o既紅豆蓉,面o既餅皮有成7mm厚,底就冇咁厚,係咪怕唔夠皮壓去個模o度穿o左?食落,抺茶味好濃,令到本身應該幾夠味o既紅豆變淡o左,不過紅豆都夠淋.而餅皮……..唉,係成個月餅o既最差o既一環,好重麵粉味,好漏,味道亦唔係好.我一向都覺得抺茶配紅豆係好夾o既,但呢隻就被抺茶搶晒紅豆味同咁差o既皮,簡直係拖垮o左.味: 3 2.草莓19-9-2007 Wed朝早忍唔住,攞出o黎食,未食前嗅吓,有淡淡o既士多啤梨香味.諗住食半件先,於是切開,顏色幾靚,粉紅色餅皮包住深棗紅色o既餡,咬落去,食到有士多啤梨核,亦有士

香橙曲奇包, 麵包上蓋上一層甜甜的皮, 質感又濕又黏, 包餡係一團類似custard (吉士) 的東西, 有橙味的, 本以為會有一粒粒曲奇碎, 但原來沒有, 整體味道都偏甜, 麻麻地, 唔啱我口味, 唔會再食!輕芝士包, 麵包上面有幾條好像芝士的東西, 但冇芝士味的, 包餡係一團cream cheese (我見麵包牌既介紹係咁寫), 味道比真正原味既cream cheese略淡, 帶點甜甜的, 比起delifrance 同panash 既cream cheese 包相差好遠, 佢地既cream cheese 味道很香, 很芝士的, 但東海堂呢個就麻麻, 係未因為叫”輕芝士包”, 所以連味道都要輕點呢?

食評是給葵芳地鐵站分店的。今晚放工後好想吃甜,都係情緒問題啦....美心蛋糕似乎唔太對胃口,改去東海堂睇睇,今晚少有地人少少,店員小姐都幾好招呼,望到芒果卷相當對辦,一定要揀!!芒果卷:芒果新鮮甜美,切得幾厚身,大人話好甜好甜!食左中間有mousse部份,頗有芒果香味,最意外係蛋糕好鬆軟好香bor,有進步!!芝麻奶露:我係被最頂個雪人朱古力牌吸引到!!大人話面頭芝麻mousse好香芝麻味,而中間個片朱古力蛋糕同芒果卷個蛋糕都係同樣鬆軟,朱古力味又係夠濃。藍莓雲石芝士蛋糕:藍莓醬味道有d似黑加倫子味,一粒粒莓子淋淋地,唔酸。中間芝士好軟身但勁芝,真係意料之外!只係餅底頗淋,未夠脆身。芝士蛋糕有隻船形紙托,不過設計唔係太好,一不留神會似我一樣,成件餅向後跌落地>_<太耐無食東海堂,今次呢三件餅竟然俾到驚喜我,估佢唔到!

麥方包一袋8片,$9.50~~味道OK啦,但唔覺有什麼特別好,但比較美心貴$1.50.